Post: #1
Title: دم الشهيد بكام؟ ولا السؤال ممنوع يا ساهي يا لاهي
Author: عمر الفاروق عبد الله الشيخ
Date: 10-05-2013, 12:42 PM
Parent: #0
الشاعر ازهري محمد علي يواصل مرافعاته الشعرية ضد نظام القهر والتسلط وهذه المرافعات الشعرية من ازهري والقدال ومحجوب شريف بمثابة دعم معنوي كبير من اجل استمرارية الثورة رغم انف المشككين
ياصاحب المشروع
في قصرك العالي
الصوت هناك مسموع ؟
دم الشهيد بي كم؟
ولا السؤال ممنوع
دم الشهيد غالي
والانكسر في الروح
ما بجبرو الوالي
ارواح تزف ارواح
وبرضو اللسان مبلوع
راح الوطن باباح
جربنا لحس الكوع
جرب معانا وضوق
لومرة واحدة الجوع
من قبل ماانسميك
الريس المخلوع
بالواضح المكشوف
فتش معانا وشوف
وين اختفي الزراع
وين اترمت احزاب
مين عسكر الاطفال
واستخبر الطلاب
مين شرد العمال
من فوبية الاضراب
نحن اكتفينا خراب
نحن استوينا سنين
نحن انطفينا عقود
سنوات طوت سنوات
كانت وعود في وعود
قدمنا ليك فلاذت
ضحينا بالموجود
فوق الصبر صابرين
والصبر ليهو حدود
نحن بنكورك سير
وانت فطريق مسدود
لوشفتا عوج الضل
كان استقام العود
كان استراح الكل
والفي المنافي يعود
جرب معانا وشوف
خيبة رجا العشمان
والخاطر المكسوف
رعشة اصابع الام
في مدة المصروف
جرب معانا وشوف
ياساهي يالاهي
يااالامر الناهي
في قصرك الواهي
علمنابلاهي
قبال حروف النهي
الامر بالمعروف
|
Post: #2
Title: Re: دم الشهيد بكام؟ ولا السؤال ممنوع يا ساهي يا لاهي
Author: شهاب الفاتح عثمان
Date: 10-05-2013, 02:25 PM
Quote: دم الشهيد بي كم؟
ولا السؤال ممنوع
دم الشهيد غالي
والانكسر في الروح
ما بجبرو الوالي
ارواح تزف ارواح
وبرضو اللسان مبلوع
راح الوطن باباح |
|
|