حــشـود جـمــاهـيـريـه ضـخـمـه بـمـنـطـقـة شــمـبـات وبُـري ( صــور )

الآن احتشدت اعداد كبيره من المواطنين بمنطقتي شمبات وبري

استعداداً لجمعة اكتوبر وشهداء الانتفاضة الشعبية

يا محمد أحمد
الجنيات في الشوارع
وليداتك يابا وبنياتك
مطالع فجرك الضواي
قناديل ليلك الطوّل
مناديل تمسح من جبينك هم
مدامعك تستحيل من دمهم غنوات
(الصبيان الجروا
سابوا عروضهم همّلو
يا يمة..
ساعة الضرب يتحملو)
كيف نسيبهم يا محدحمد
لقمة للرباطة والهمباتة
وكيف نبضع بالملامح المارقة من تاريخنا
زي شمس الصباح
كيف نقيف يا محدحمد
ونتلفت نتضاري غادي
وكل روادي الدنيا تنضم
عن ولادنا البِفْتدونا
وعن شبابنا الفي الشوارع
بالأيادي وبالحناجر
والصدور العارية – يتحدوا الرصاص
وين حنهرب من عيونهم
وين نودي وجوهنا من تاريخنا وين؟؟
يا محداحمد
وينا – قول لي – ذاتا المعايش الهادّا حيلنا؟؟
في زماناً من مذلة ومن حزن
وينا حلاّلنا القبيل
عشّاية ضيوف الهجعة
عواجة دروب النجعة
ستارة المحتاج
ورجعة حُجا المفزوع
وينو العلاج القبُل مجاني
وينا أنوار المدارس
وينا في زمن العوارض ..
وينا صالات المعارض
وينا غِلاّت الصوامع
والمزارع
وينا طلات – المدن - ؟؟
وينا مليوناً مربع تحت شمس النهار؟؟
كل ميل إعدل الميل
إزح الوجعة غادي
إكف العين
وإنادي غناوي من كل الروادي
دقر يا عين
دقر يا عين
إلا – هداك حين
يا محداحمد
قبل تالانا ما تعقِب سنين
وإصر وشو الزمن
وتطول دقون حش الكِضِب سنوات
دحين أمرق..
واطرا أبواتك – القبيل – هزوا
جذوع النخل –
وكتين الزمان أكتوبر الأخضر
واطرا – ضراعك الأسمر
إبشِّر بى غصن.. كمان أخضر
أواخر مارس المنصور واتقدم
إقالد مجدو في أبريل
نعم بلحيل
نعم بلحيل
ربيعنا مرق
وتاني مرق
قبل يا محداحمد .. هادي الشعوب الحرة ما تربع
فهل نرجع ؟
وهل نركع؟
ندس الراية مقهورين
ونتربع على الوجعة؟؟
لا والله
وحاتك دا ماك إنت .. البترضى الذُّل
ولاك إنت البهون قدرك
ولا قدرك –
إِخيِّم هم
مدلهم
ظلم – كُضّبُم م وورم

رئيس هجاص
وفوق الوجع رقاص
إلعلع بالكلام الني
اغتغتوا بي كلام الحى
واحلف جملة الإيمان..
يميناً قبل ارقص أخليها
وراهو عصابتو تتمايل
وسط أحزانا طربانة
ومن التخمة ورمانة
أصابع بالدهب تلمع
في وجه الشعب متنيّة
وفي قلب الوجع تتمد
تقالع لقمة الشفع
كروش تتدلى ما بتشبع
دقوناً ست ضلالية
قروش مغسولة بدمك – سداح ومداح –
مكومة في بلاد برة
ديك بيوت
وديك بنوك
وديلاك فللاً رئاسية
وملك إيمان ولا إيمان
علاجاً خاص
حساباً خاص
سفراً خاص
زواجاً أخس
بُنود للصرف مفتوحة
ومافي حدود
ومافي وجود لآلامك
حساب من ديل – إعادل كم؟
أقولك يا محدحمد أنا
حساب من ديل إجيب :
حق الملاح
إيجار البيت
ورطل الزيت
طرقة الكسرة والكراس
قلم رصاص وكبريتة
شفت معاي..
كم هي بسيطة أحلامك؟
وكيف عيشتك بقت أحلام !!
نعم يا بوي
نعم يا خوي
هداك الحق و هادا الحال
إلا الحق بدور حوبة
وحوبتك يا محدحمد جات
وما بتنفات
دحين أمرق
(ومدو صباعك السبابي
قول للغافي يا زول هوي
وهوي يا غافي يا زول هوي)
عيالك برة في الشارع
ولاد وبنات
عيالك ماهم العادوك ولا الخانوك
العادوك والخانوك يا هم ديك
مساخر وأرصدة وسندات
قصور تتعالى في بحري
وما أدراك – ما أدراك – هل تدري ؟
رخيص دمك في عينيهم
ألا تبّت أياديهم
بشير ورحيم
نافع أو – علي عثمان
تعالت عنهم الأسماء
وجلت عن مآسيهم
سمعت – سمعتوا معاي في ذات يوم
هذا الدني المشؤوم
أظن في سنجة كان بنبح
وإلوي الكلمة في استخفاف
تطلع كما الغازات من البطن الكبارية
وماذا قال – ماذا قال –
قال السافل المأفون:
بإنو الشعب
أي والله هذا الشعب
هو – من قرر
قرار الرفع
رفع الدعم – عن قوتو!!
ومعنى القول –
حنعمل إيه
أنحن نعمل إيه
إذا الشعب ذات نفسو
قرر رفع الدعم عن نفسو –

إظن إنه لم يبقى وقت للكلام –
هذا أوان الحوبة
وهذا وقت الحارة
والحارة نحن وليس هم من سيخوضها
بلعوا علي عثمان كلماته الدنيئة
واجعلوا نافع يلحس كوعيه معا و ليس كوعا واحدة.....أما بشير ورحيم فلا بأس أن يستمرا في الرقص والاستمتاع إلى حينٍ .. وهو حين قريب لو يعلمان ..
فعندما يصبح الصبح
سيعلمان أنه حتى الرقص له قواعد....ليس من بينها لبس الكاكي الذي تشرف من قبل برجال فتحوا أزراره للرصاص ولم يرقصوا به كالغواني.....
يا رجال ونساء السودان الشرفاء
انزلوا للشوارع بقوة
كونوا للشباب دروعاً
فلقد كانوا لنا شموساً ومشاعل
لم يحسبوا حساباً لأعمارهم الورود
فكيف نحجم نحن وقد اقتربنا
من الخمسين أو تجاوزناها
ولمن لا يزال يفكر أهدي هذا
السؤال البسيط:
من تختار ...؟؟
بشير ورحيم ، نافع أو علي عثمان
يرقصون فوق بؤسك وجراحك وفاقتك مرة كل أسبوع أو أسبوعين .. أم :
الشباب – الحر
الناضر
الباسل
الجميل

ملحق أول:
الدعوة للخروج تشمل الأجيال التي خرجت قبل ذلك أو حتى لم تخرج في أكتوبر ومارس وأبريل بما فيهم كل قيادات الأحزاب، بما في ذلك الصف الأول والثاني والثالث وكل الصفوف

خروج الجماهير أمام جامع بورتسودان الكبير تلبية لنداء جمعة الحرية.

المصدر: رصد

Quote: ملحق أول: الدعوة للخروج تشمل الأجيال التي خرجت قبل ذلك أو حتى لم تخرج في أكتوبر ومارس وأبريل بما فيهم كل قيادات الأحزاب، بما في ذلك الصف الأول والثاني والثالث وكل الصفوف

مرور مقدر دكتور الكارب

والمجد للالاف تهدر فى الشوارع كالسيول

والخزي والعار للقطاء الامن

خضرسلام عليكم وجمعة مباركة
للمصداقية، الصورة من مظاهرات الاسبوع الماضي، اما اليوم ففعلا توجد مظاهرات حاشدة في شمبات
تحياتي

مرحب اخ ابو العزائم

Quote: خروج الجماهير أمام جامع بورتسودان الكبير تلبية لنداء جمعة الحرية. المصدر: رصد

والتحيه خالصه لجماهير بورتسودان الاوفياء

واجعلوا نافع يلحس كوعيه معا و ليس كوعا واحدة.....أما بشير ورحيم فلا بأس أن يستمرا في الرقص والاستمتاع إلى حينٍ .. وهو حين قريب لو يعلمان ..
فعندما يصبح الصبح
سيعلمان أنه حتى الرقص له قواعد....ليس من بينها لبس الكاكي الذي تشرف من قبل برجال فتحوا أزراره للرصاص ولم يرقصوا به كالغواني.....

المجد للالاف تهدر في الشوارع كالسيول ...يدك زاحفها قلاع الكبت والظلم الطويل

مرقنا مرقنا ضد الاكلو عرقنا

مرقنا مرقنا ضد القتلو ولدنا

احيييك يا خضر وانت في قلب الثورة

النظام مرتبك غاية الارتباك


انقلاب عربة تابعة لجهاز الأمن والمخابرات في شارع محمد نجيب بالخرطوم .. العربة كانت مسرعة وعلى متنها عددا من كلاب الأمن .. الحمد لله الذي أذهب عنا الأذى وعافانا..
#السودان #أبينا

يا صانع التأريخ
يا شعبي الذي قهر الظلام
المجد لك
يا صارم القسمات
يا حي الشعور
الخلد لك.

وثورة ثورة حتي النصر.

ست البنات.

Quote: النظام مرتبك غاية الارتباك انقلاب عربة تابعة لجهاز الأمن والمخابرات في شارع محمد نجيب بالخرطوم .. العربة كانت مسرعة وعلى متنها عددا من كلاب الأمن .. الحمد لله الذي أذهب عنا الأذى وعافانا.. #السودان #أبينا

مرحب اخونا عادل البراري

انقلبت العربه وقد توفى عدد من لقطاء الامن والبقيه فى حالة الخطر بالمستشفى

نسأل الله ان يلحقهم بجهنم وان لايشفى الجرحى منهم هؤلاء القتله الفاسدين

انـقـلاب سـيـاره للـقـطـاء الامـن بـشـارع مـحـمـد نـجـيب ( صـوره )

بُري الآن ومخاطبه فى ميدان الشهيد الدكتور صلاح سنهوري

ولقطاء الامن يتابعون

الاخ خضر لك التحية

شمبات الان:

مخاطبه من امام منزل الشهيد هــزاع عز الدين

مرحب الحبيب صلاح جادات

وينك يا اصلي

Quote: الاخ خضر لك التحية شمبات الان:

افتقدناك من الصباح وسدّينا خدمه مع المصادر

اتمناك بخير يا حبيب وواصل ............

الاخ حسين عبد المجيد

لك التحيه والتقدير

Quote: مرقنا مرقنا ضد الاكلو عرقنا مرقنا مرقنا ضد القتلو ولدنا احيييك يا خضر وانت في قلب الثورة

التحيه خالصه للقابضين على الجمر

التحيه لكل من قال لا فى وجه هذا القبح الانقاذي البغيض

التحيه لكنداكات السودان

والمجد والخلود لشهدائنا الابرار

وعاجل الشفاء لجرحانا

وكامل الحريه لمعتقلينا

والخزي والعار للقطاء امن النظام من القتله الفاسدين

والطبالين والارزقيه والضحكونجيه والرماديين

وجماعة التسطيح بالمنبر وشعبة المطاردات

قناصة النظام محترفي القتل فى وضع الارتكاز لاطلاق الرصاص على المحتجين السلميين

الا لعنة الله عليكم ايها الفاسدون يامن تحمون العنين الفاسد عمر البشير وزمرته

http://www.youtube.com/watch?feature=player_embeddedandv=KRVkRZOKYvw

يا شعبا تسامي

وحاة أمنا الخرطوم

أشيل شيلي وأموت واقف على حيلي

وأقول ليك يا أعز الناس

على الوعد القديم جايين

ما بين الثورة والسكين

ثوريين حتى الموت ثوريين

وأقول ليك يا صباح العين

بنادق وين بتمنعنا العديل والزين

قنابل وين بنادق وين









زعيمنا خضر الطيب ازيك

شكراً دكتور محمد الكارب يا سامي المكانه

Quote: يا صانع التأريخ يا شعبي الذي قهر الظلام المجد لك يا صارم القسمات يا حي الشعور الخلد لك. وثورة ثورة حتي النصر. ست البنات.

الماجده ست البنات

التحيه خالصه لك ولكل الكنداكات

والمجد والخلود لشهدائنا الابرار

والخزي والعار للقتله من بني كوز

قاتلهم الله وفرّق شملهم

فيصل عظيم النوبه

عظيم تحياتي

Quote: وحاة أمنا الخرطوم أشيل شيلي وأموت واقف على حيلي وأقول ليك يا أعز الناس على الوعد القديم جايين ما بين الثورة والسكين ثوريين حتى الموت ثوريين وأقول ليك يا صباح العين بنادق وين بتمنعنا العديل والزين قنابل وين بنادق وين زعيمنا خضر الطيب ازيك

وعلى الوعد القديم جايين .. مابين الثوره والسكين

وقسماً قسماً لن يهنأ البشير ولا اي كوز بعد اليوم

فدماء ابناءنا غاليه ايها الساقطون

والحساب ولد

هذا المارد الذي كسر قمقمه لن تستطيع كل أسلحة الإجرام إعادته
ثورة حتى النصر
مشكور خضر

فيصل عظيم النوبه

عظيم تحياتي

Quote: وحاة أمنا الخرطوم أشيل شيلي وأموت واقف على حيلي وأقول ليك يا أعز الناس على الوعد القديم جايين ما بين الثورة والسكين ثوريين حتى الموت ثوريين وأقول ليك يا صباح العين بنادق وين بتمنعنا العديل والزين قنابل وين بنادق وين زعيمنا خضر الطيب ازيك

وعلى الوعد القديم جايين .. مابين الثوره والسكين

وقسماً قسماً لن يهنأ البشير ولا اي كوز بعد اليوم

فدماء ابناءنا غاليه ايها الساقطون

والحساب ولد

شكراً الماجده وضاحه بت القبائل

على الفيديو

.... ما لان فرسان لنا بل فر جمع الطاغية ...!!
... شمبات تحدث عن رجال كالاسود الضارية ....!!
... التحية وتعظيم سلام للشمباتة الفرسان .... !!
... النصر حليفكم ....!!

Quote: رد · أعجبني · منذ ‏6‏ ساعات Mukashfi K. Bashir هنالك قتلة وقتلى نطالب بالقصاص لهم هذه شمبات ... وغضبتها ... امشي العب بعيد وانت تضحك وتهاتر . إخسأ رد · أعجبني · منذ ‏2‏ ساعتين

مرحب اخونا المكاشفي خضر بشير

والتحيه خالصه لكل اهلنا الشمباته

وياريت بالمناسبه دي تحرك قصة الاراضي

وبالمناسبه وين اراضيك ؟

اتمناك بخير يا صديقي

مرحب اخونا محمد الفكي

Quote: خضرسلام عليكم وجمعة مباركة للمصداقية، الصورة من مظاهرات الاسبوع الماضي، اما اليوم ففعلا توجد مظاهرات حاشدة في شمبات تحياتي

ياتو صوره يا الحبيب ؟؟ الصور دي كلها حديثه يا اخوي

والواتسبات تتطاقش مافي شئ بخليني اجيب صور قديمه

وبعدين العبره بالحدث , اي زول عارف انو شمبات طلعت

والحمد لله لجان الاعلام منتشره فى كل مكان وعارفين يرسلو الصور وين

كن بخير

الحبيب صابر عابدين

لك التحيه والتقدير

Quote: .... ما لان فرسان لنا بل فر جمع الطاغية ...!! ... شمبات تحدث عن رجال كالاسود الضارية ....!! ... التحية وتعظيم سلام للشمباتة الفرسان .... !! ... النصر حليفكم ....!!

التحيه خالصه لكل الشرفاء والماجدات

التحيه لكل من دفعوا ارواحهم ثمناً للحرية من رجس الكيزان

التحية للقابعين والقابعات فى زنازين لقطاء امن النظام

والمجد للثورة والثوار

مرحب الاخ اسامه العوض

Quote: هذا المارد الذي كسر قمقمه لن تستطيع كل أسلحة الإجرام إعادته ثورة حتى النصر مشكور خضر

وهذا المارد لن يعود الى قمقمه الا بعد ان يذهب هذا النظام الفاسد الى مزبلة التاريخ غير ماسوفاً عليه

حيث لا تراجع بعد كل تلك الدماء التي سالت

لا للتخذيل

لا للتنكيل

نعم للثورة

والثورة مستمرة

مرحب اخ عمر الفاروق

Quote: لا للتخذيل لا للتنكيل نعم للثورة والثورة مستمرة

المخذلين هم اعوان النظام الفاسدين والارزقيه

من امثال وهبه والشفيع ورجاغ وابو الحصين بنقلا

وبعض الرماديين والضحكونجيه وجماعة شوفو صورتي كنت كدنداره كيف

هؤلاء قد تجاوزتهم ثورة الشعب التي دفع ثمنها ابناء وبنات السودان

ارواحهم الطاهره , فالثورة فعلٌ تراكمي لن يتوقف