Post: #1
Title: والدة الشهيد علاء الدين الجاك ترثي فلذة كبدها
Author: عمر الفاروق عبد الله الشيخ
Date: 10-03-2013, 03:07 PM
والدة الشهيد علاء الدين الجاك : حبابو الحر ولدي ما احتار وقف بين بين اختار الشعب ابوه والشرفا والطيبين
October 3, 2013
والدة الشهيد ولاء الدين الجاك ترثيه
يا حلال العقد
هداي هوام الليل
لحاق الضعيف
الحملو هدا الحيل
فراج الكرب
زاد حملي أضحى تقيل
وضاق واسع الفضاء
كتر الأسي والويل
جود بالجود والطف
الدم دفر زي السيل
جناااااااي…
كت داخراهو للعوجة والزمان الشين
وكت راجياه سند لي وضي العين
رضعتو السماح الزين جنا الزينين
وسقيتو الحنين ولدي الشفوق وحنين
وريتو الصح بي وين
ووين الكضب والشين
حبابو الحر ولدي
ما احتار وقف بين بين
اختار الشعب ابوه
والشرفا والطيبين
وليييييدي….
ما سويت عوج وصدوك يا جنايا
وما اندسيت جريت اجابنت يا عشايا
وكت يوم شليق لقوك بعصايا
ولدا زين سمح ما احتجت لي وصايا
سرج خيلك مشيت للشمسو ضوايا
عافيالك جناي بلقاك في الجايا
حاكمنا…
الراعي الأمين بعرف هموم الناس
مليان بأساهم مو صنج عديم احساس
بحكم بالعدل مي قنبلة ورصاص
بعد السرقة ليش كتلت ولاد الناس
يا ريس البلد حاكمنا في الجرتوم
ما ضاق فقد الجنا وجعوا البيحمي النوم
ولا حرقة حشا الامات والمظلوم
لو كت بشر كت طلقتو حكما شوم
محتار الشعب فيك والحي والقيوم.
|
Post: #2
Title: Re: والدة الشهيد علاء الدين الجاك ترثي فلذة كبدها
Author: عمر الفاروق عبد الله الشيخ
Date: 10-03-2013, 03:24 PM
Parent: #1
التحية لخنساء السودان وهي تقدم ابنها قداءً للسودان
ودم ابنها ان شاء الله لان يضيع هدر
|
Post: #3
Title: Re: والدة الشهيد علاء الدين الجاك ترثي فلذة كبدها
Author: عمر الفاروق عبد الله الشيخ
Date: 10-03-2013, 04:48 PM
Parent: #2
| Quote: لو كت بشر كت طلقتو حكما شوم |
|
Post: #4
Title: Re: والدة الشهيد علاء الدين الجاك ترثي فلذة كبدها
Author: Nasr
Date: 10-03-2013, 04:52 PM
Parent: #2
الف رحمة ونور تتنزل علي الشهيد
المجد لأم الشهيد
أسمع حداها أيها القاتل السفاح
يا مشير يا حقير
| Quote: بعد السرقة ليش كتلت ولاد الناس |
شعب هؤلاء هم شهداءه
وهؤلاء هم نساءه ورجاله
لا يستطيع الأوغاد الحرامية حكمه
المجد لك أم الشهيد
والحرية للشعب آتية
والديمقراطية آتية
وسيسأل الأوغاد:
ليس بعد السرقة كتلتوا ولاد الناس
|
|