Post: #1
Title: عاااااااااااجل .... الخرطوم الآن ... صور
Author: Medhat Osman
Date: 10-02-2013, 06:55 PM
مظاهرة حاشدة انطلقت من بري ...
هتافات حدها السما.
|
Post: #2
Title: Re: عاااااااااااجل .... الخرطوم الآن ... صور
Author: محمد طه نوح
Date: 10-02-2013, 07:01 PM
Parent: #1
up
|
Post: #3
Title: Re: عاااااااااااجل .... الخرطوم الآن ... صور
Author: Nader Abu Kadouk
Date: 10-02-2013, 07:02 PM
Parent: #2
فووووووووووووووووووووووووووق....................
|
Post: #4
Title: Re: عاااااااااااجل .... الخرطوم الآن ... صور
Author: Medhat Osman
Date: 10-02-2013, 07:16 PM
Parent: #1
المتظاهرين في محاولات لكسر الطوق الأمني في اتجاه مستشفي رويال كير.
شهر عشرة حبابو عشرة.
http://youtube.com/watch?v=6OfQKe_a1hg
|
Post: #7
Title: Re: عاااااااااااجل .... الخرطوم الآن ... صور
Author: منتصر عبد الباسط
Date: 10-02-2013, 10:39 PM
Parent: #6
|
Post: #8
Title: Re: عاااااااااااجل .... الخرطوم الآن ... صور
Author: احمد الدسكو
Date: 10-02-2013, 10:39 PM
Parent: #6
مبروك ..
حتى النصر ..
|
Post: #9
Title: Re: عاااااااااااجل .... الخرطوم الآن ... صور
Author: Imad Khalifa
Date: 10-02-2013, 10:52 PM
Parent: #8
لا تراجع بل إقدام
التحية لأسود البراري وهم يضربون أروع الأمثال في الصمود والإستبسال.
ثورة حتى النصر
|
Post: #10
Title: Re: عاااااااااااجل .... الخرطوم الآن ... صور
Author: nour tawir
Date: 10-02-2013, 11:39 PM
Parent: #9
رسالة اسود البرارى أقوى رسالة وجهت للشعب منذ بدآية الثورة..
دا الكلام..
ولمن نقول أنه الشباب ما يستهان بيه....
وأنهم أمل السودان..
ما قلنا الكلام دا من فرآغ..
من مطالبهم...
1_اسقاط النظام
2-المحاسبة..
3-الآفراج عن جميع السجناء السياسيين...
4-أعادة بناء المؤسسات العسكرية والآمنية على أسس قومية...
5-بناء اقتصاد وطنى..
6-تجميد أرصدة الرئيس وزوجته وأهل بيته,...
7-أستقلال القضاء وحياديته..
8-بناء دولة ديمقراطية على اسا س الموآطنة..
الله يوفقهم يا رب...
|
Post: #11
Title: Re: عاااااااااااجل .... الخرطوم الآن ... صور
Author: Medhat Osman
Date: 10-03-2013, 06:42 AM
Parent: #10
شكرا لكم والتحية لأسود البراري .
|
Post: #14
Title: Re: عاااااااااااجل .... الخرطوم الآن ... صور
Author: السر البشير
Date: 10-03-2013, 02:12 PM
Parent: #1
فـــــــــوق ..
|
Post: #15
Title: Re: عاااااااااااجل .... الخرطوم الآن ... صور
Author: محمد حمزة الحسين
Date: 10-03-2013, 02:48 PM
Parent: #14
Quote: من مطالبهم...
1_اسقاط النظام |
هذة فقط تكفي لتحقيق البقية خليهم يشدوا حيلم
:
:
:
:
:
مع التحيات لله الزاكيات
|
Post: #16
Title: Re: عاااااااااااجل .... الخرطوم الآن ... صور
Author: Medhat Osman
Date: 10-04-2013, 03:57 AM
Parent: #15
|
Post: #18
Title: Re: عاااااااااااجل .... الخرطوم الآن ... صور
Author: mohamed karib
Date: 10-04-2013, 12:17 PM
Parent: #17
يا محمد أحمد
الجنيات في الشوارع
وليداتك يابا وبنياتك
مطالع فجرك الضواي
قناديل ليلك الطوّل
مناديل تمسح من جبينك هم
مدامعك تستحيل من دمهم غنوات
(الصبيان الجروا
سابوا عروضهم همّلو
يا يمة..
ساعة الضرب يتحملو)
كيف نسيبهم يا محدحمد
لقمة للرباطة والهمباتة
وكيف نبضع بالملامح المارقة من تاريخنا
زي شمس الصباح
كيف نقيف يا محدحمد
ونتلفت نتضاري غادي
وكل روادي الدنيا تنضم
عن ولادنا البِفْتدونا
وعن شبابنا الفي الشوارع
بالأيادي وبالحناجر
والصدور العارية – يتحدوا الرصاص
وين حنهرب من عيونهم
وين نودي وجوهنا من تاريخنا وين؟؟
يا محداحمد
وينا – قول لي – ذاتا المعايش الهادّا حيلنا؟؟
في زماناً من مذلة ومن حزن
وينا حلاّلنا القبيل
عشّاية ضيوف الهجعة
عواجة دروب النجعة
ستارة المحتاج
ورجعة حُجا المفزوع
وينو العلاج القبُل مجاني
وينا أنوار المدارس
وينا في زمن العوارض ..
وينا صالات المعارض
وينا غِلاّت الصوامع
والمزارع
وينا طلات – المدن - ؟؟
وينا مليوناً مربع تحت شمس النهار؟؟
كل ميل إعدل الميل
إزح الوجعة غادي
إكف العين
وإنادي غناوي من كل الروادي
دقر يا عين
دقر يا عين
إلا – هداك حين
يا محداحمد
قبل تالانا ما تعقِب سنين
وإصر وشو الزمن
وتطول دقون حش الكِضِب سنوات
دحين أمرق..
واطرا أبواتك – القبيل – هزوا
جذوع النخل –
وكتين الزمان أكتوبر الأخضر
واطرا – ضراعك الأسمر
إبشِّر بى غصن.. كمان أخضر
أواخر مارس المنصور واتقدم
إقالد مجدو في أبريل
نعم بلحيل
نعم بلحيل
ربيعنا مرق
وتاني مرق
قبل يا محداحمد .. هادي الشعوب الحرة ما تربع
فهل نرجع ؟
وهل نركع؟
ندس الراية مقهورين
ونتربع على الوجعة؟؟
لا والله
وحاتك دا ماك إنت .. البترضى الذُّل
ولاك إنت البهون قدرك
ولا قدرك –
إِخيِّم هم
مدلهم
ظلم – كُضّبُم م وورم
رئيس هجاص
وفوق الوجع رقاص
إلعلع بالكلام الني
اغتغتوا بي كلام الحى
واحلف جملة الإيمان..
يميناً قبل ارقص أخليها
وراهو عصابتو تتمايل
وسط أحزانا طربانة
ومن التخمة ورمانة
أصابع بالدهب تلمع
في وجه الشعب متنيّة
وفي قلب الوجع تتمد
تقالع لقمة الشفع
كروش تتدلى ما بتشبع
دقوناً ست ضلالية
قروش مغسولة بدمك – سداح ومداح –
مكومة في بلاد برة
ديك بيوت
وديك بنوك
وديلاك فللاً رئاسية
وملك إيمان ولا إيمان
علاجاً خاص
حساباً خاص
سفراً خاص
زواجاً أخس
بُنود للصرف مفتوحة
ومافي حدود
ومافي وجود لآلامك
حساب من ديل – إعادل كم؟
أقولك يا محدحمد أنا
حساب من ديل إجيب :
حق الملاح
إيجار البيت
ورطل الزيت
طرقة الكسرة والكراس
قلم رصاص وكبريتة
شفت معاي..
كم هي بسيطة أحلامك؟
وكيف عيشتك بقت أحلام !!
نعم يا بوي
نعم يا خوي
هداك الحق و هادا الحال
إلا الحق بدور حوبة
وحوبتك يا محدحمد جات
وما بتنفات
دحين أمرق
(ومدو صباعك السبابي
قول للغافي يا زول هوي
وهوي يا غافي يا زول هوي)
عيالك برة في الشارع
ولاد وبنات
عيالك ماهم العادوك ولا الخانوك
العادوك والخانوك يا هم ديك
مساخر وأرصدة وسندات
قصور تتعالى في بحري
وما أدراك – ما أدراك – هل تدري ؟
رخيص دمك في عينيهم
ألا تبّت أياديهم
بشير ورحيم
نافع أو – علي عثمان
تعالت عنهم الأسماء
وجلت عن مآسيهم
سمعت – سمعتوا معاي في ذات يوم
هذا الدني المشؤوم
أظن في سنجة كان بنبح
وإلوي الكلمة في استخفاف
تطلع كما الغازات من البطن الكبارية
وماذا قال – ماذا قال –
قال السافل المأفون:
بإنو الشعب
أي والله هذا الشعب
هو – من قرر
قرار الرفع
رفع الدعم – عن قوتو!!
ومعنى القول –
حنعمل إيه
أنحن نعمل إيه
إذا الشعب ذات نفسو
قرر رفع الدعم عن نفسو –
إظن إنه لم يبقى وقت للكلام –
هذا أوان الحوبة
وهذا وقت الحارة
والحارة نحن وليس هم من سيخوضها
بلعوا علي عثمان كلماته الدنيئة
واجعلوا نافع يلحس كوعيه معا و ليس كوعا واحدة.....أما بشير ورحيم فلا بأس أن يستمرا في الرقص والاستمتاع إلى حينٍ .. وهو حين قريب لو يعلمان ..
فعندما يصبح الصبح
سيعلمان أنه حتى الرقص له قواعد....ليس من بينها لبس الكاكي الذي تشرف من قبل برجال فتحوا أزراره للرصاص ولم يرقصوا به كالغواني.....
يا رجال ونساء السودان الشرفاء
انزلوا للشوارع بقوة
كونوا للشباب دروعاً
فلقد كانوا لنا شموساً ومشاعل
لم يحسبوا حساباً لأعمارهم الورود
فكيف نحجم نحن وقد اقتربنا
من الخمسين أو تجاوزناها
ولمن لا يزال يفكر أهدي هذا
السؤال البسيط:
من تختار ...؟؟
بشير ورحيم ، نافع أو علي عثمان
يرقصون فوق بؤسك وجراحك وفاقتك مرة كل أسبوع أو أسبوعين .. أم :
الشباب – الحر
الناضر
الباسل
الجميل
ملحق أول:
الدعوة للخروج تشمل الأجيال التي خرجت قبل ذلك أو حتى لم تخرج في أكتوبر ومارس وأبريل بما فيهم كل قيادات الأحزاب، بما في ذلك الصف الأول والثاني والثالث وكل الصفوف
|
Post: #19
Title: Re: عاااااااااااجل .... الخرطوم الآن ... صور
Author: عادل البراري
Date: 10-04-2013, 12:54 PM
Parent: #18
|
Post: #20
Title: Re: عاااااااااااجل .... الخرطوم الآن ... صور
Author: Medhat Osman
Date: 10-04-2013, 01:45 PM
Parent: #19
مظاهرات حاشدة في أنحاء متفرقة من الخرطوم اليوم.
و تتوالي التظاهرات الي ان يتحقق الانتصار.
نواصل ...
|
Post: #22
Title: Re: عاااااااااااجل .... الخرطوم الآن ... صور
Author: Medhat Osman
Date: 10-05-2013, 10:25 AM
Parent: #21
|
|