Post: #1
Title: يا سودانى الخارج لموا الفكة
Author: بكرى ابوبكر
Date: 10-02-2013, 04:06 PM
سلام و تحية
دى فكرة بسيطة لدعم الثورة و الثوار و اسر الشهداء لاسقاط نظام البشير ....الورونا علشان ينشالوا ممكن يعملوا شنو......
ببساطة ...يا اخوانا الحا يتظاهروا فى الايام القادمة ...من سدنى ...اتاوه...واشنطن....كالقرى....لندن....الخ .........كلفوا واحد يكون لايوق او محبوب او زول قلاع يلم الفكة الفى الجيوب (كوارة,ففتى سنت ,دولار ,استرلنى...الخ) لارسالها للثوار و المعتقلين واسرهم بالداخل ...
الثورة علشان تنجح لازم ندعمها ماليا ....و دولار مع خمسة دولار بعملوا مليون دولار ....ويا سودانى الخليج و المناطق الاخرى التى لا يمكنكم التظاهر ...حاولوا لقطوا من الناس فى لمات الكورة ,البكيات,الافراح..... ريال و درهم واحد من كل سودانى لدعم الثورة بنجح الثورة.......
ويا ناس واشنطن مثلا اعملوا لجنة تنسيق مركزية لاستقبال الدعم المالى القادم اليكم من جميع الولايات لارسالها للثوار و اسرهم بالسودان ......
ويا ناس اتاوه اعملوا لجنة تنسيق مركزية لاستقبال الدعم المالى القادم اليكم من جميع المحافظات لارسالها للثوار و الشهداء و اسرهم بالسودان .......
ويا ناس لندن مثلا اعملوا لجنة تنسيق مركزية لاستقبال الدعم المالى القادم اليكم من جميع المحافظات لارسالها للثوار و الشهداء و اسرهم بالسودان .......
ويا ناس كانبيرا اعملوا لجنة تنسيق مركزية لاستقبال الدعم المالى القادم اليكم من جميع المقاطعات لارسالها للثوار و الشهداء و اسرهم بالسودان .......
ويا ناس دبى ا اعملوا لجنة تنسيق مركزية لاستقبال الدعم المالى القادم اليكم من جميع الامارات لارسالها للثوار و الشهداء و اسرهم بالسودان .......
.....
.....
.....
وهكذا
قالوا فى الخارج فى 8 مليون سودانى .....لو كل زول اتبرع بدولار دى 8 مليون دولار ........ودايرين الحاجة دى تكون شهرية الى زوال البشير و عصابته
وشكرا
|
Post: #2
Title: Re: يا سودانى الخارج لموا الفكة
Author: بكرى ابوبكر
Date: 10-02-2013, 04:11 PM
Parent: #1
|
Post: #3
Title: Re: يا سودانى الخارج لموا الفكة
Author: أحمد الشايقي
Date: 10-02-2013, 04:14 PM
Parent: #1
شكرا يا باشمهندس
يدك معنا في مكتبة خاصة بالصور والفيديوهات الخاصة بالشهداء والاحداث
مع التحية
أحمد الشايقي
|
Post: #4
Title: Re: يا سودانى الخارج لموا الفكة
Author: راشد سيد أحمد الشيخ
Date: 10-02-2013, 04:17 PM
Parent: #1
يا باشمهندس
أثني الفكرة وبشدة
خطين إثنين لا ثالث لهما يشكلان محور واجباتنا في الخارج
الأعلام وكشف ما يدور في البلد بقصد دعم الثورا وجلب التضامن
وثانياً الدعم المادي لتمكين الثوار من توفير حاجيات النضال بكل أشكالها حتى إقامة الأود لمن يتركون وسائل عيشهم
من أجل الثورة
تقديري للمبادرة العظيمة
يلا إيدينا للبلد وتبرعي الشخصي سيصل حال تحديد الجهة المكلفة بالأمر
|
Post: #5
Title: Re: يا سودانى الخارج لموا الفكة
Author: Yousif A Abusinina
Date: 10-02-2013, 04:20 PM
Parent: #4
كلام زى الدهب
|
Post: #6
Title: Re: يا سودانى الخارج لموا الفكة
Author: بله محمد الفاضل
Date: 10-02-2013, 04:22 PM
Parent: #5
"إيدينا للبلد"
شكراً يا باش
|
Post: #8
Title: Re: يا سودانى الخارج لموا الفكة
Author: usama Babiker
Date: 10-02-2013, 04:25 PM
Parent: #6
نرجو من الجميع المساهمة بشراء كمامات واقية من البمبان .... وده طلب من شباب الثورة ..
|
Post: #9
Title: Re: يا سودانى الخارج لموا الفكة
Author: Sameer Kuku
Date: 10-02-2013, 04:26 PM
Parent: #5
!Good thinking
|
Post: #7
Title: Re: يا سودانى الخارج لموا الفكة
Author: Hamad Hamad
Date: 10-02-2013, 04:24 PM
Parent: #1
حاااااااضرين يا هندسة..........أرقام الحسابات
|
Post: #10
Title: Re: يا سودانى الخارج لموا الفكة
Author: وضاحة
Date: 10-02-2013, 04:31 PM
Parent: #7
معاكم قلبا وقالباَ يا بكرى من الف دولار لى مائة الف دولار
بس وجهونا كيف ومع منو ؟؟؟
التحية للشعب السودانى الفضل
|
Post: #11
Title: Re: يا سودانى الخارج لموا الفكة
Author: مبارك محمد عثمان
Date: 10-02-2013, 04:37 PM
Parent: #10
هندسة
نسجل حضور
اسمى مكتوب
طيب
|
Post: #13
Title: Re: يا سودانى الخارج لموا الفكة
Author: الطيب رحمه قريمان
Date: 10-02-2013, 04:42 PM
Parent: #10
الفاضل المهندس بكرى
لك التحية الطيبة
الفكرة 100% و نحن على اتم الاستعداد ..
البارحة ناقشت احد النشطاء فى نفس الفكرة
و طلبت منه ان يناقشها مع من حوله و يعد الى لنبدأ ..
و هو عضو فى المنبر العام ..
و ها انت قد بادرت بصورة عملية ..
فنحن على اتم الاستعداد للعمل و التنسيق ... !!
|
Post: #12
Title: Re: يا سودانى الخارج لموا الفكة
Author: فقيرى جاويش طه
Date: 10-02-2013, 04:38 PM
Parent: #7
التجلة والتحية للشهداء الابرار ولاسرهم الكريمة الباسلة .
هم أكرم منا جميعا نحن فى المهجر ولابد من دعمهم سريعا هؤلاء الاماجد الصامدين كل سنوات القهر والاذلال والتجويع .
شكر سعادة الباشمهندس على المبادرة ودمت بخير .
وإنها لثورة حتى النصر
|
Post: #16
Title: Re: يا سودانى الخارج لموا الفكة
Author: Dr Mahdi Mohammed Kheir
Date: 10-02-2013, 04:56 PM
Parent: #14
|
Post: #15
Title: Re: يا سودانى الخارج لموا الفكة
Author: ست البنات
Date: 10-02-2013, 04:52 PM
Parent: #12
صباح الثورة علي الجميع,
والفكرة مباركة ,
ونحنا في مالبورن قررناها منذ الأسبوع الماضي ضمن فعاليات اللجنة المسيرة للمد الثوري .
والتعبئة مستمرة.
وهمتكم جميعا -
نطيب للعازة خاطر نقوّم لصغارها سام
شكرا بكري,
ست البنات..
|
Post: #17
Title: Re: يا سودانى الخارج لموا الفكة
Author: osama fadlalla
Date: 10-02-2013, 05:16 PM
Parent: #15
الاخ بكري
شكرا للمبادرة .. وهو اقل ما يجب.
الكلام بالطريقة الفوق دي ح يكون مشرور ونحن
اسياد التواكل ....
اقتراحي .. وكلنا يثق بك ..
فتح حساب paypal .. ووضع الايقونة في الصفحة
الرئسية وصفحة الفيس.
ومن ثم التنسيق لمعرفة الاحتياجات بالداخل
ده اقصر طريق ..والpaypal حساباتو واضحة وما ح تدخلك في مشكلة
ان شاء الله مايكون تقلنا عليك
|
Post: #21
Title: Re: يا سودانى الخارج لموا الفكة
Author: بكرى ابوبكر
Date: 10-02-2013, 05:42 PM
Parent: #17
شكرا ليكم جميعا و اسمحوا لى انطكم وادعم فكرة الحبيب اسامة و اتمنى ان يكون ناس و اشنطن مركز paypal
ويلا يا ناس واشنطن طورا الفكرة و اضعوها فى ارض الواقع.....يعنى افتحوا المواعين لاستلام الفكة من ناس الهامش عبر paypal
|
Post: #27
Title: Re: يا سودانى الخارج لموا الفكة
Author: BALLAH EL BAKRY
Date: 10-02-2013, 07:50 PM
Parent: #21
فكرة صائبة.
وليس ال (PAYPALL) وحده يمكن ايضا اضافة كروت الضمان (CREDIT CARDS)
كوسيلة للدفع وربما الويسترن يونيون (WESTERN UNION )
الموضوع دا لو اتعمل بطريقة علمية
بكون مردوده كبير ومؤثر
فليكن هو( نفير الوطن)
|
Post: #18
Title: Re: يا سودانى الخارج لموا الفكة
Author: Adil Isaac
Date: 10-02-2013, 05:17 PM
Parent: #15
Dear Bakri,
All we need is one Bank account preferably under your personal supervision or someone else you trust
This need to happen right NOW
|
Post: #19
Title: Re: يا سودانى الخارج لموا الفكة
Author: Raja
Date: 10-02-2013, 05:34 PM
Parent: #18
بكري يا حبيب... سلامات وإحترامات وشوق وافر
فكرة جميلة وعملية ومشاركة فعلية في الثورة ولدعم أهلنا الثوار في الداخل.
عن نفسي سأبدأ بمجموعة السودانيين الموجودين معي هنا. أضعف الإيمان سأنضم لكم مجموعة أمريكا.
و..
إحنا طلعنا ومافي رجوع.... ضد القهر وضد الجوع
رجا
|
Post: #20
Title: Re: يا سودانى الخارج لموا الفكة
Author: سامي بهاء الدين موسي
Date: 10-02-2013, 05:39 PM
Parent: #18
دا كلام سليم وخطوة عملية مطلوبة في هذه المرحلة .
جاهزين للتنيسق والعمل مع كل المجموعات .
ويا ريت يكون في تنسيق بين بورداب المغرب لجمع المبالغ للسهولة والسرعة .
المغفرة والرحمة للشهداء الابرار . وعاجل الشفاء للجرحي . والنصر لثورة الشعب السوداني الابي .
|
Post: #22
Title: Re: يا سودانى الخارج لموا الفكة
Author: Imad Khalifa
Date: 10-02-2013, 05:43 PM
Parent: #20
حاضرين يا هندسة.
|
Post: #23
Title: Re: يا سودانى الخارج لموا الفكة
Author: سامى عبد المطلب
Date: 10-02-2013, 05:55 PM
Parent: #18
لن تنجح ثورة يقوم بها البعض ، لكل منا دوره الذى يجب ان يقوم به
|
Post: #24
Title: Re: يا سودانى الخارج لموا الفكة
Author: Dr Mahdi Mohammed Kheir
Date: 10-02-2013, 06:10 PM
Parent: #23
|
Post: #25
Title: Re: يا سودانى الخارج لموا الفكة
Author: Muna Khugali
Date: 10-02-2013, 07:15 PM
Parent: #24
معكم في كل ما تقرروه..
|
Post: #26
Title: Re: يا سودانى الخارج لموا الفكة
Author: ناجي ميرغني
Date: 10-02-2013, 07:24 PM
Parent: #24
نثني وبشدة وبي شوية تنظيم بنمشي خطوة لي قدام
قول واحد
100 دولار لدعم الثوار واسر الشهداء ,,
|
Post: #28
Title: Re: يا سودانى الخارج لموا الفكة
Author: عبدالغفار محمد سعيد
Date: 10-02-2013, 08:01 PM
Parent: #26
سلام يا با شمهندس
زى ما قلت ليك فى الرسالة : دوائر تنسيق العمل السودانى المعارض بالخارج ، هى التصور المتفق عليه للدعم ، فى مختلف دول العالم بالنسبة للسودانيين
نحن فى المملكة المتحدة وايراندة بدينا فعلا والول نشاط لينا حيكون يوم السسبت القادم الموافق 05/10/2013
عنوان خيطى :
اول نشاط ثقافى لدوائر تنسيق العمل السودانى المعارض بالخارج -...لكة المتحده وايرلنده
|
Post: #29
Title: Re: يا سودانى الخارج لموا الفكة
Author: احمد ضحية
Date: 10-02-2013, 08:06 PM
Parent: #1
>
|
Post: #30
Title: Re: يا سودانى الخارج لموا الفكة
Author: الفاتح سليمان
Date: 10-02-2013, 08:29 PM
Parent: #29
ناس هولندا
السبت الجاي انشا الله
|
Post: #31
Title: Re: يا سودانى الخارج لموا الفكة
Author: حسن حماد محمد
Date: 10-02-2013, 09:18 PM
Parent: #1
وللأوطان فى دم كل حر يد سبقت ودين مستحق
وليكن شعارنا / دولار للثوار
على اتم استعداد يا ريس
الاخوة فى نيويورك نحن على استعداد للتنسيق
|
Post: #32
Title: Re: يا سودانى الخارج لموا الفكة
Author: Balla Musa
Date: 10-02-2013, 09:22 PM
Parent: #31
والله يا اخوانا عمل زي دا ما المفروض يكون معلن..
المفروض فلان يحدث فلان لعامل الثقة والفعالية..
فجمع القروش ساهل لكن التوصيل هناك هو المشكلة.
ياريت لو يكون هناك منبر مقفول للأعضاء الثقة ويتم فيه تدارس كل سبل الدعم.
|
Post: #33
Title: Re: يا سودانى الخارج لموا الفكة
Author: الصادق صديق سلمان
Date: 10-02-2013, 09:54 PM
Parent: #32
بالتأكيد حاضرين
يلا يا ناس السعودية يلا نبدأ
|
Post: #34
Title: Re: يا سودانى الخارج لموا الفكة
Author: سيف اليزل سعد عمر
Date: 10-02-2013, 09:58 PM
Parent: #33
الحركة المستقلة بالخارج
لقد خرج الآلاف من السودانيين للشوارع دفاعا عن حقوقهم
وقدم الشهداء أرواحهم بعد ان سالت دماءهم، لهم التجلة والمجد والخلود ونترحم على أرواحهم الذكية
وامتلأت السجون بالمئات من المعتقلين الشرفاء بعد ان سلبت حرياتهم
انهم يحتاجون لوقوفكم بجانبهم وهم يواجهون الاعتقال والتعذيب والرصاص والموت
هذه دعوة لكل عضوية الحركة المستقلة بالخارج لمواصلة عطائهم بالتبرع بالمال لدعم الثورة السودانية
والدعوة ايضا لكل سودانى يريد المشاركة فى دعم الثورة ماديا
تعلن اللجنة التنفيذية للحركة المستقلة بتخصيص 3000 دولار من ماليتها كبداية لهذا النفير
والثورة مستمرة
|
Post: #35
Title: Re: يا سودانى الخارج لموا الفكة
Author: جمال خضر
Date: 10-02-2013, 11:56 PM
Parent: #34
فكرة ممتازة وأتمنى لو صاحبها البحث عن قناة فضائية تستطيع إعطاء ساعة يومية أو حتى إسبوعية
تعمل على دعم الثورة فى الداخل إعلاميا وتنوير الرأى العام الداخلى والخارجى بمجريات الأحداث .
|
Post: #38
Title: Re: يا سودانى الخارج لموا الفكة
Author: Mohamed Gadkarim
Date: 10-03-2013, 05:43 AM
Parent: #37
شكرا يا باشمهندس، فكرة جيدة و معقولة، و الإقتراحات سليمة و عملية و ضرورية في هذه المرحلة.
فى مدينتنا بدأ الحديث حول هذا الأمر و أهميته، وجاء ذكر إسم الأستاذة (أ) في Virginia للتنسيق .
الرحمة و المغفرة للشهداء، و عاجل الشفاء للجرحى.
ثورة ... ثورة، حتى النصر.
المجد للشعب السودانى.
|
Post: #39
Title: Re: يا سودانى الخارج لموا الفكة
Author: بكرى ابوبكر
Date: 10-03-2013, 05:57 AM
Parent: #38
|
Post: #40
Title: Re: يا سودانى الخارج لموا الفكة
Author: علاء الدين صالح
Date: 10-03-2013, 06:29 AM
Parent: #38
شكرا باشمهندس، فكرة ممتازة وعملية جداً و دا أقل من أضعف الإيمان في هذا الوقت الحاسم..
شخصياً جاهز ومستعد للدعم المادي المباشر، وبرضو على أتم الاستعداد للمساهمة الفاعلة في العديد من الأفكار التي يمكن أن تستقطب المزيد من الدعم المادي..
كنشر وإصدار أي أعمال أدبية إبداعية فردية يتبرع بها الأدباء من شباب الدوحة وتتم طباعتها وتوزيعها على أن يعود ريعها لصالح الثورة وأسر الشهداء..
الأفكار كتيرة وسبل الدعم ما أكثرها..
ويلا يا ناس الدوحة.
حرية سلام وعدالة والثورة خيار الشعب
|
Post: #41
Title: Re: يا سودانى الخارج لموا الفكة
Author: Elawad Eltayeb
Date: 10-03-2013, 08:48 AM
Parent: #40
فكرة سديدة، تشكر عليها.
ومن هنا أعلن تبرع مبدئي بألف ريال سعودي وجهاز جالاكسي اس 3 للثوار. مبدئياً.
وممكن نقتح باب التبرعات العينية خاصة بأجهزة الميديا والإتصال والتصوير والرفع.
ويا ريت لو نعمل سيرفر للثورة منه نوزع للقنوات الإعلامية بطريقة محترفة وبالترجمة والهاشتاق. بعد التأكد من المصدر. ويكون للموقع ختم معين مثل "سودانيزأونلاين". يكون نواة للقناة التلفزيونية حلم الثوار.
|
Post: #42
Title: Re: يا سودانى الخارج لموا الفكة
Author: نور الدين عثمان
Date: 10-03-2013, 09:05 AM
Parent: #41
فكرة جميلة ... واكيد مساهمة ضئيلة بحساب النا س الضحو بارواحهم فداءا لوطن الحرية والعدل ...
يحيا السودان وطنا للجميع يسع ... كيزان كو والف كو ..
شكرا باش مهندس بالله بس ارقام الحسابات ..
اقترح لناس السعودية : الطيب قريمان يتولى الموضوع ..
|
Post: #43
Title: Re: يا سودانى الخارج لموا الفكة
Author: hafiz Issue
Date: 10-03-2013, 10:38 AM
Parent: #42
فكرة جيدة يا ريس بكري
عمليا بدأت بعض المناطق في التنفيذ (بدون تفاصيل)
شكرا والتحية والمجد والخلود لشهداء الثورة السودانية
|
Post: #44
Title: Re: يا سودانى الخارج لموا الفكة
Author: عصام مدنى
Date: 10-03-2013, 11:10 AM
Parent: #1
كخطوة عملية وقبل ان يرى البوست ده النور
قام شباب الحارة الرابعة امبدة بالواجب اللازم تجاه اسرة احد الابطال المعتقلييين
واسرهم تواجه مشاكل الايجارات وتفاصيل المعيشة اليومية
ولو كل مجموعة اهتمت باحدى الاسر المعروفة لها بنكوون حلينا مشكلة بطريقة مباشرة
|
Post: #45
Title: Re: يا سودانى الخارج لموا الفكة
Author: Asim Fageary
Date: 10-03-2013, 12:24 PM
Parent: #44
أرفعوا البوستات حتى تنزل بوستات الهكر للقاع
|
Post: #46
Title: Re: يا سودانى الخارج لموا الفكة
Author: محمد عبد الله الامين
Date: 10-03-2013, 12:41 PM
Parent: #45
حاضرييين يا هندسه ورهن الاشارة
يلا ياناس السعودية قولو عوووك
|
Post: #47
Title: Re: يا سودانى الخارج لموا الفكة
Author: ناصر المحسى
Date: 10-03-2013, 12:43 PM
Parent: #45
فوق
|
Post: #48
Title: Re: يا سودانى الخارج لموا الفكة
Author: فقيرى جاويش طه
Date: 10-03-2013, 06:56 PM
Parent: #47
UP
|
Post: #49
Title: Re: يا سودانى الخارج لموا الفكة
Author: Hafiz Bakhit
Date: 10-03-2013, 11:44 PM
Parent: #48
فكرة ممتازة ...عايزين رقم حساب ياشباب اي وسيلة تواصل...
|
Post: #50
Title: Re: يا سودانى الخارج لموا الفكة
Author: Bushra Elfadil
Date: 10-04-2013, 00:21 AM
Parent: #45
يا عاصم فقيري بمناسبة دخولك اسة يلا حركنا نحن هنا من جدة وبقية المدن نجمع ونرسل بسرعة
|
Post: #51
Title: Re: يا سودانى الخارج لموا الفكة
Author: فضيلي جماع
Date: 10-04-2013, 11:17 AM
Parent: #45
الأخ العزيز/ باشمهندس بكري
فكرة وجدت القبول من كل من تداخل هنا. لكن من الضروري الإنتباه إلى أن أي شأن مالي يحتاج إلى قنوات ضبط وتوزيع يقوم عليها أناس يتمتعون بالدراية الكاملة بمثل هذا الأمر. لن يضر أي شخص خارج حدود الوطن أن يتبرع بما هو أكثر من دولار لهذا الغرض النبيل. لكن ينبغي أن يكون هناك منسقون عن كل القارات يقومون بجمع المبالغ وإيداعها في حساب مصرفي ثم يكون هناك صندوق أو حساب مصرفي تصب فيه هذه المبالغ. تبقى النقطة الأخيرة وهي كيفية صرف هذه المبالغ (كم تستحق كل أسرة شهيد مثلا كتبرع رمزي نعلم انه لا يساوي قطرة واحدة افتدى بها الشهيد بلده وشعبه؟) والمعتقلون؟ ألا تستحق أسرهم دعما ماديا رمزيا؟ هناك من المعتقلين أمهات : أمل هباني والروبي..وهناك آباء تركوا أطفالهم دون عائل.
النقود ستتدفق .. الفكرة أكثر من رائعة. بل يجب تحديد القنوات (الحساب المصرفي الذي تودع فيه التبرعات) وتحديد أسماء أناس غاية في النشاط والإنضباط في كل بلد أو جالية ليقوموا بهذه المهمة النبيلة.
قف: إذا نجحت هذه الفكرة - ويمكنها أن تنجح - فإن ثورة سبتمبر السودانية تكون قد تمخضت عبقريتها عن وسيلة ناجعة من الوسائل المدنية لمقاومة أنظمة التسلط.
|
Post: #52
Title: Re: يا سودانى الخارج لموا الفكة
Author: Tragie Mustafa
Date: 10-04-2013, 03:04 PM
Parent: #51
1)الكلام ده مهم وضروري جدا.
وبشكر بكري ابوبكر خاصه انه تحمل مسؤلية الدعوة لانه مجرد الدعوة احيانا بتجيب الكفوة للزول.
فشكرا بكري انك قررت تحمل كل تبعات ما قد تجره لك مثل هذه الدعوه من ويلات.
2) الكلام الكتبه د.بله موسي مهم رغم اني لا اتفق مع جزء منه,بله اقر باهمية تامين من يستلموا في الداخل وهذا اتفق معه,
واختلف معه انه فكر ان يحصرها للاعضاء فقط بينما هنالك قراء فاعلين مليون مره اكثر من الاعضاء.
3)كلام فضيلي جماع مهم ايضا من حيث الشفافيه و الانضباط... الاهتمام بالفعلا اهلهم فقدوا اللقمه باعتقالهم
يعني يفترض الافقر فالافقر.
هنالك اناس ثقه تعاملنا معهم في توصيل الاموال لكل اسر المعتقلين في الماضي ولكن حقيقي لو كتبنا عنهم سيتم اعتقالهم ساحرص ان ابلغ بكري بهم في الخاص
خاصه انهم اعضاء معنا هنا.
التحيه لكل القابضين علي جمر القضايا.
نقطه آخيره
ثورتكم هذه يا سودانين بالمناسبه لا يدعمها سواكم لا عندنا السعوديه ولا الامارات كما دعموا المصرين عندنا ملاليمنا دي وبتنصرنا لو باصرناها فعلا.
ثانيا:تبرعات مثل التي ذكرها العوض الطيب مهمة جدا وهي الاجهزه الحديثه للتلفونات ودي بالمناسبه يمكنكم شراءها مستعمله يا ناس امريكا الشماليه بربع سعرها من خلال مواقع الانرتنت التي تبيع المستعمل بحاله جيده.
يعني ممكن بسعر (اي فون) جديد تجيب ثلاثه مستعملات.فكروا في الامر.
|
Post: #53
Title: Re: يا سودانى الخارج لموا الفكة
Author: وضاحة
Date: 10-04-2013, 06:05 PM
Parent: #45
وصلتوا لى شنو يا جماعة ؟؟
|
Post: #54
Title: Re: يا سودانى الخارج لموا الفكة
Author: ابراهيم ناصر
Date: 10-05-2013, 06:18 AM
Parent: #53
فوق
|
Post: #55
Title: Re: يا سودانى الخارج لموا الفكة
Author: عبدالرحمن الضريس
Date: 10-05-2013, 06:38 AM
Parent: #45
تحياتى عزيزنا بكرى وعبرك التحايا لكل الحضور
الفكرة رائعة جدا وحتى نكون عمليين نبدأ من وقفات السبت الخامس من اكتوبر فى كل مدينة وفى كل بلد
لجان لجمع التبرعات "لا يكلف الله نفسا الا وسعها .." " وخير الصدفة جهد المقل" .. اجمعوا ما تيسر ثم ننظر
كيف يصل الى مستحقيه.
|
Post: #56
Title: Re: يا سودانى الخارج لموا الفكة
Author: حسين عبد المجيد
Date: 10-05-2013, 09:02 AM
Parent: #55
up
|
Post: #57
Title: Re: يا سودانى الخارج لموا الفكة
Author: Elawad Eltayeb
Date: 10-05-2013, 10:26 PM
Parent: #56
متابعين باهتمام
وجاهزين يا شباب
وإلى الخطوات العملية
ولو في حساب في ال باي بال - كلمونا
|
Post: #58
Title: Re: يا سودانى الخارج لموا الفكة
Author: usama Babiker
Date: 10-06-2013, 03:11 PM
Parent: #57
فوووووووووووووووووق ياشباب الثورة محتاجة لي دعم لازم نتشمر لانجاز هذا العمل ...
|
|