بــي الـــــــــدولار

انت بتسرق بالدولار
حاجة عمولة
وحاجة شراكة
واصلو بلدنا حكمة ربك
من غير اسرار
مفتوحة شديد
والناس تتكلم عينك عينك
كلام ناساتنا كله جهار
وشعبنا عارف
مين الخانو
ومين النهبو
ومين الصار يتكلم بالدولار
بعد ما كان
بحلم بس بصورة
العملة الخضرا
الهي الدولار
غسيل اموال
وكيف السوق في لحظة انهار
ولما مرقنا
قالوا خراب
والسووهو في ده البلد الصامد من تقسيم
ومن افقار
ما هو خراب
ومن تجويع للشعب الصابر ما هو خراب
حقا فعلا انتو ك ل ا ب
نحن مرقنا
ولما مرقنا
\سال الدم الطاهر زي انهار
وانت بتهرب
وتسرق فينا بالدولار
وينو جنيهنا
الكان العزة ورمز كرامة
صار في ودار
ونحن مرقنا
لانو حقيقة دمنا حار
وبنريد البلد الفيها دفنا
كل احزاننا
عشان يوم باكر تنبت شتلة
بالافراح
والولد البار