فنان سودانى يصف الثوار بانهم ما سودانيين...يخس عليك يا خائن

ويااااااااااااله من سقوووووط؟!!!

تأكد عند موتك لن يتم تشييعك الى مثواك الأخير كما شيع السودانيون وردي .... الفن رسالة ومواقف يحفظها الشعب والتاريخ.

تحياتي سيد البيت.

ويااااااااااااله من سقوووووط؟!!!

تأكد عند موتك لن يتم تشييعك الى مثواك الأخير كما شيع السودانيون وردي .... الفن رسالة ومواقف يحفظها الشعب والتاريخ.

تحياتي سيد البيت.

المادح ده لسة حي؟

,

إسماعيل حسب الظروف
زي ما قال وردي.

على قول حميد الله يوسده الباردة
غناتن الورطانة او لوطانة
في الريد المقق
وصفاتن في جسد الحبيبة بهق بهق
الي المذبلة هم ونظاهم الذي يطبلون له

Quote: يخس عليك يا خائن

اسي انا جيت طاير قلت اشوف (الفنان ) ده منو ..
أجي ألقاهو شارلي شابلن ده ....!
تحياتي يا بكوووور

لايكـ @ مدحت عثمان!

سقوط ما بعده سقوط....الناس تقف امام الكاميرا وتنسى وقوفها أمام الله يوم الحشر.....كان من ألأجدى أن يصمت.

Quote: المادح ده لسة حي؟

يا حكومة
مادح شنو ده مصيبة فكاها فينا عبداللطيف ود خضر الحاوى (الله يغفر ليه كان بيطلع زكاته أغانى ملحنة ويقسمها الى أبناء السبيل)
هذا البتاع كان غلام راكب حمار جرابه من شوال يتجول به بين حى البوستة والعباسية والعرضة وحى العرب ينادى (المعاه قزاز) يجمع زجاجات البيرة والشيرى يمشى يغسلها ويبيعها للمصنع مرة تانية، قام ابن حلتنا المسيقار ود الحاوى أنزله من حمارة وأداه أغنية ( أدينى رضاك قدامى سفر) ده كان عام 1974. شاهدت هذا البتاع بعدها بعام فى حفلة فى حى العمدة يغنى ويكشكش بمفتاح العربية ويبشر بيه فى الناس. فسبحان الذى قال (لن تنالوا البر حتى تنفقوا مما تحبون) فاستجاب لأمره ود الحاوى وأنفق ألحانه (على من يسوى ولا يسوى) فرفع هذا البتاع من الحمار الى الكرولا فجاء اليوم بعد 39 عام ليشتم الشعب السودانى.

ههههه
يا كومريت قلت لي: المعاه قزاز
___
يا بشرى الفاضل، اسماعيل حسب التايِّم قوية وتستاهل أوسكار ؛)

يخس عليك وعلى فنك

هههههههههههه المع قزاز

اليس هو من قال فى ايام ثورة النحس الاولى :

( ثورة الانقاذ حبابك ونحمد الله اللينا جابك )

وقبض فى المقابل ارضا فى المنطقة الصناعية امدرمان وشيد عليهأ مصنعا ...

ماذا كنت تنتظر من مثل هذا الارزقى ان يقول ؟؟؟؟

حسبنا الله ونعم الوكيل من امثاله واشباه الرجال .

كان على من قال اسماعيل حسب الظروف أن يقول :
اسماعيل حسب التايم

هو ده فنان بالله؟

رجاءً تسحب فنان دي وخت ليهو اي حاجة

أراذل الناس يبيعون حتى الدماء


فليخرج الدعي من ذاكرتنا غير مأسوف عليه


أحمد الشايقي

مبدئيا هو مع خروج الناس للتظاهر بطريقة سليمة
يتحدث عن مندسيين ويقول انهم غير سودانيين وده بيتطابق مع ماقيل من قبل ان الحكومة دست وسط المتظاهرين/ت بعض الافراد من عرب النيجر.

هو وصف بان اللى بيخربوا ديل غير سودانيين . هذا على حسب ما سمعته فى اللنك المرفق




الفنون تبقى فنون حين تنحاز بشكل واضح وجرىء للشارع

Quote: .يخس عليك يا خائن

اسماعيل حسب الدائم - سرحان عبد البصير ... ابسط مما تتصوروا فلا تؤاخذوه

اضان الفنانين طرشا او كما قال
قال فنان قال!!
بالجد جيت جارى اشوف الفنان الخائن ده
فحضرت ولم اجد فنان،،،

الضرب في الميت حراااااام ..

فأر العجين.... الإسم الرسمي

هذا ليس بفنان

وحتى الان لا يوجد فنان خائن

دا مرتزق
من جماعة دعوني أعيش

Quote: يخس عليك يا خائن

أديني رضاك قدامي(نا) ثورة ..
وموت شباب بالكوم

ده منو هو??

والله عمرك ماتبقي زول

Quote: فأر العجين.... الإسم الرسمي

ههههههههههههههههه
هذا هو الاسم الذى اطلقه عليه الراحل المقيم حينما سئل عنه

بئس الفن والفنانين حينما يكونون كذلك

هو وغيره من المذيعين سقطوا تماما خلال هذه المحنة
واتضحت عمالتهم للقتلة وسارقي قوت الشعب

الله ينتقم منهم

بالله عليك اسمع كلام وردي الفي بداية التسجيل عن ثوره اكتوبر, وحتعرف تماماً إنو ثوره سبتمبر اقوى منها فى كل النواحي.
إقتصادياً الوضع منهار وفات حد ايام اكتوبر بي مراحل كتيره, سياسياً وده الأهم إنو الشعب براه لا معارضه نافعه ولا جيش بقى حقو


كفايه إنو معانا الله وهو الأكبر.

الفن براءة منك



.

Quote: اسماعيل حسب التايم .

ما تفضل به هذا الفنان ليس جديدا على أدبيات من يتحدث فى مثل هذه الظروف من السودانيين تحديدا :
1- نميرى وأعلامه المطبل وصفوا من قاموا بعملية محمد نور سعد انهم مرتزقة وليسوا سودانيين.
2- عمر نور الدائم بعد الإنقلاب وصف على الحاج (المفاوض الإنقاذى ) وقتها مع الحركة الشعبية أنه غير سودانى (على الحاج سودانىمن قبيلة البرنو التى تتنشر فى اكثر من دولة افريقية رسم حدودها الإستعمار )
3- بشاشا الذى يهلل أصحاب الذاكرة المثقوبة بهذا المنبر بعودته وصف فى العام 2011 عبدالعزيز خالد انه من الجالية المغربية وغير سودانى رغم ان عبدالعزيز ضابط كبير جدا سابق فى الجيش وسودانى كامل الدسم .
الأمثلة كثيرة جدا فى أدبيات السياسة السودانية وهذا المنبر بالتحديد فيمن يصف سودانيا أنه غير سودانى ..
إسماعيل حسب الدايم تأريخيا من الفنانين الموالين للسلطة مثل حمد الريح وصلاح مصطفى وسيد خليفة وفرفور وعصام والكثير من الشعراء لذا ضرورى ان يتحدث بذات قاموس السلطة فى تسويف الأمور .
شتم شخص بمهنته (بيع قزااز على حمار ) أمر لايقل قبحا عن (شتم سودانى أنه غير سودانيا ) أكثر من 90 بالمئة من الفنانين السودانيين والشعراء يمارسون مهن شريفة مثل التى كان يمارسها إسماعيل حسب الدايم (بيع قزاز على حمار ) مثلا ود الرضى أكبر شعراء الحقيبة كان فترة ما يبيع قرع على ظهر حمار متجول وسيد عبدالعزيز الشاعر الأكبر فى حقيبة الفن فى فترة من حياته كان حلاق حمير (راجع شوقى بدرى )
الحاج سرور كان راعى غنم بامدرمان قبل تحوله ل(سايق فيات )..
أخطأ أسماعيل حسب الدايم وهو فنان صاحب صوت جميل جدا وحس راقى فى ا لتغنى وبصف ثوار لهم مطالب مشروعة أنهم غير سودانيين مستخدما قاموس يستعمله الكثير من السودانيين (حكومة -معارضة-ناشطى مجتمع مدنى -أعضاء بمنبر بكرى أبى بكر ) حين يعوزهم المنطق .
تحية لصاحب البوست بكرى

Quote: Abubakr Ahmed Abbas مداخلة هاشم بدر الدين أسوأ وأكثر قبحاً من موقف الفنان أسماعيل السياسي تجاه الإنتفاضة. بعدين، شنو فرق موقف وردي من موقف إسماعيل تجاه الإنقاذ؟! إتّا يا هاشم، شغلك كان شنو قبل ما تصبح من المشاهير؟ رد · أعجبني · متابعة المنشور · منذ ‏4‏ ساعات

Quote: بالله عليك اسمع كلام وردي الفي بداية التسجيل عن ثوره اكتوبر, وحتعرف تماماً إنو ثوره سبتمبر اقوى منها فى كل النواحي. إقتصادياً الوضع منهار وفات حد ايام اكتوبر بي مراحل كتيره, سياسياً وده الأهم إنو الشعب براه لا معارضه نافعه ولا جيش بقى حقو كفايه إنو معانا الله وهو الأكبر.

يــا جـمــاعـــة الراجـل عنه عمارة خايف عليها من المصادرة إذا تغيير النظام ..
عمارة في السوق الشعبي ام درمان .. أدوها ليه ناس المؤتمر الوطني عشان قال: دفاعنا الشعبي ـــ يا هو .. دي


قـــيـقم برضــو عـنده واحدة .. وكمان شـنان واللا اسمه مين كدا ما عارف كلهم أدوهم عمارات مبنية في الأسواق الشعبية ... على العموم نحن حنفتش الأسواق الشعبية كلها

يــا جـمــاعـــة الراجـل عنه عمارة خايف عليها من المصادرة إذا تغيير النظام ..
عمارة في السوق الشعبي ام درمان .. أدوها ليه ناس المؤتمر الوطني عشان قال: دفاعنا الشعبي ـــ يا هو .. دي


قــقـيـقم برضــو عـنده واحدة .. وكمان شـنان واللا اسمه مين كدا ما عارف كلهم أدوهم عمارات مبنية في الأسواق الشعبية ... على العموم نحن حنفتش الأسواق الشعبية كلها

...... هرعت داخلا لأري من هو هذا الفنان الذي خان شعبه وأنحاز للقتلة والسفاكيين?أتراه الأستاذ محمد الأمين أم أبو عركي البخيت?فدخلت فلم أجد فنانا- وإنما مغني هزيل من الدرجة الرابعة! كلمة فنان حمل مضمونا عميقالايمكن سبغه علي كل مغني أو حتي مطرب جيد! فمبالك بمغني مغمور - ضعيف الإمكانات متواضع القدرات لم يتمكن طيلة ما يربوا علي ا لثلاثين عاما- من تطوير نفسه أو تثقيف ذاته أو فهم رسالة الفن أو لإنحياز للجماهير! متي كان هذا ا لشخص صاحب موقف أو قضية حتي نندهش مما قاله? نقولها: مكانك الطبيعي مع القيقم وشنان وعبدالرحيم محمد حسين ونافع وكل الأبواق المشروخة الناعقة !!
...........

دكتور بشرى الفاضل أستاذى الجليل كتب :
كان على من قال اسماعيل حسب الظروف أن يقول :
اسماعيل حسب التايم..
إنتهى الإقتباس :
بعد التحية والتقدير للأستاذ بشرى الفاضل
تغييرك إسم (الدائم ) إلى ( التايم ) يعيد لذهنى وذاكرة المتابعين للمثقفين والمشاهير السودانيين
النهج السالب الذى يمارسه الرسام المزعج حسن موسى حين يزعل من زول تحديدا تحويره إسم ( عبدالعاطى ) ل (عبدالعاطب ) حين زعل من عادل وإسم ال (خواض ) ل (الخوان ) حين زعل من أسامة وهذا نهج قبيح جدا يمارسه الكثير من المثقفين السودانيين.
بذات الدرجة حسين خوجلى فى (الوان ) قديما كان يفعل ذلك فى التهكم وتغيير أسماء الناس تحديدا سيد أحمد خليفة حين بدل (خليفة ) ل (فضيحة )
تحية لدكتور بشرى مجددا وقبحا لحسب الدايم وهو يصف سودانيين ثوار أنهم غير سودانيين .

Quote: Taj M Ibrahim · الاهلية الخيرية البعض يختلط عليه الأمر عندما تتعلق المسالة بمن ماهو السوداني وغير السوداني- وبما أن السودان بلد متعدد الأ ثنيات والجهات فبعض منا اقرب بسحنته لأهل ارتريا والبعض لتشاد ومصر واثيوبيا وكل من جاورنا- وباختصار شديد معظم سكان وسط وشمال السودان النيلي يلتبس عليهم الأمر فيصفون من أتوا من دارفور بأنهم تشاديون ويتناسون القبائل المتداخلة بين البلدين كزغاوة كوبي وتاما على سبيل المثال - ولاننسى الذين وفدوا الى السودان من يلدان أخرى واستقروا به كالبرقو كما هم معروفين في السودان وفي تشاد هم الوداي - مدينة ربك أول من سكتها هم البرقو او الوداي ومعناها بالعربي المرفعين لكثرتهم آنذاك في تلكم المنطقة لماذا لايتحدث البعض عن الرشايدة والذين لا يتزوجوا من السودانيين ولا يزوجوهم- لماذا؟ الذين وفدوا الى السودان واستقروا به صاروا جزءا اصيلا من مكونات النسيج اليموغرافي للبلاد وعلى الفنان اسماعيل أن لايلقي الكلام على عواهنه وأن يتحقق مما يقول- السودان مفردها اسود ويقابلها البيضان ومفردها ابيض - فمن هم أهل السودان اذا؟ السودان أم البيضان أم بين هذا وذاك؟

مداخلة رائعة
فتمعنوا فيها وكفى عنصرية
أسماعيل خانتة الكلمات فهو رجل بلاثقافة وبلاادراك ولاوعى

تذكرت عندما كتب احدهم على الحمامات التي شيدتها دكتورة زكية عوض ساتي (رحمها الله) في ميدان الاداب بجامعة الخرطوم وفي قلب السنتر لان المكان كان اصلح موقع لاى مخاطبة او ركن نقاش فكتب احدهم على جدران الحمامات
هذا زمان التغوط
وما تفوه به هذا الارزقى لا يعدو ان يكون نفس الفعل او ليس كل لص ارزقي مؤيد لنظام القتلة هذا ... فى عهدهم القبيح

ماذا كنتم تتوقعون من مثل هذا الارزقي ...
اسماعيل حسب الدائم ترك الغناء وتوجه نحو تحميس المجاهدين لأكثر من 15 سنة
احترف الاناشيد والاغاني الجهادية في منسقيات الدفاع الشعبي
وقبض ثمن عمالته واترزاقه فطبيعي أن يأتي موقفه المخزي هذا
متسقاً مع طريقه الذي اختاره لنفسه ... من زمان يخسي عليهو وعلى اشكاله يا بكري

يا جماعة إنتو زعلانين ليه؟

يعني القالو أكتر من القالتو "سماح أنور" في ثوار ميدان التحرير؟
بعد ما الثورة إكتملت، جات قالت: "كنت مخدوعة"

فـ خلّوهو ..... وأدوهو فرصة بعدين يجي يقول كان مخدوع.

للأسف اسماعيل اصبح يقتاد من موائد هؤلاء بمدح افضل خلق البشرية

بعد ان فقد بوصلته في الخارطة الفنية!!

المتملقون أشد اذاء من الانقاذيون.

للتاريخ صفحات لن تمحى...

ياعزيز افتقدناك في ليلة السيول والامطار بدنهاك ..

ده اصلو كان بقول المعاقزاز ما عارف منو القال ليهو صوتك سمح ياله بقي فنان.. ولي هسع ما فنان يطرب

كنا نسميه عتود الاذاعة اليس كذلك ...

فنان ما بحس بي معاناة شعبه ده ما فنان ...

Quote: اسماعيل حسب التايم

لوووووول

سأل الأخ المحترم ياسر طيفور (صاحب أخوى كيكى )
المادح ده لسة حي؟
إنتهى السؤال...
المديح مكون أساسى من مكونات الروح والوجدان الدينى الصوفى السودانى وهى اى المديح عنصر جذب وتوحيد بين مختلف السودانيين على مر العصور خلافا للسياسة والأحزاب التى هى عنصر تفريق وكره بين السودانيين.
إسماعيل حسب الدائم عبر المديح تحديدا جذب الكثير من السامعين فى قبائل وطبقات شتى بالسودان مثلما فعل ذلك كابلى وصلاح ود البادية و عبدالعزيز داؤود وصلاح محمد عيسى وصلاح مصطفى و اللمين عبدالغفار وغيرهم من الفنانيين الذين ولجوا باب المديح .
كذلك قرشى محمد حسن الباحث والمؤلف العميق فى المديح وأدب المدائح أعترف أن الغناء السودانى الحديث عبر إيقاعاته جذوره فى المديح النبوى السودانى تحديدا الإيقاعات وقد أكد وردى شخصيا ذلك (أستعار إيقاع الدقلاشى من اولاد حاج الماحي كما إستعار بعض الميلودى من ذكر الأحمدية فى ياجميلة ومستحيلة ) ..
أخطأ إسماعيل حسب الدايم كثيرا فى ذكره أن المتظاهرين غير سودانيين واكرر الكثير من السودانيين فى مختلف المواقع الحاكمة والمعارضة يصفون من يختلف معهم أنهم غير سودانيين
أخطـأ الكثيرون كذلك فى سلب الفن من إسماعيل حسب الدايم رغم أنه كان الفنان الابرز منتصف سبعين القرن الماضى وقد أحيأ بصوته الجميل جدا جد ا ( عبر البحة تحديدا ) اغنيات سودانية كثيرة إندثرت من قبل مثل :
1- رائعة العبادى (ياعزة الفراق بى طال ) علما ان حسب الدايم حين قابل لجنة النصوص والالحان كان من اعضاء اللجنة العبادى شخصيا وقد طلب منه اكثر من مرة ان يغنى تلك الأغنية الجميلة .
إسماعيل حسب الدايم ليس الوحيد ولن يكون الأخير من السودانيين من ينعت غيره أنه غير سودانيا وهذه عله سيئة جدا تكمن فى نفوس الكثير من يعتقد أنه السودانى الوحيد والاخرين مجرد غرباء فلاتة واتراك وحبش وهلمجرا
أكرر إدانتى لنهج إسماعيل حسب الدايم صاحب الصوت الجميل جدا فى (الغناء ) ثم (المديح ) وهما من عناصر توحيد الوجدان السودانى الممزق بفعل الساسة وتجار الحركات المعارضة ثم الموالية ثم المعارضة وهكذا دواليك .
اكرر التحية لأخى ياسر طيفور .

Quote: اسماعيل حسب الدائم ترك الغناء وتوجه نحو تحميس المجاهدين لأكثر من 15 سنة احترف الاناشيد والاغاني الجهادية في منسقيات الدفاع الشعبي وقبض ثمن عمالته واترزاقه فطبيعي أن يأتي موقفه المخزي هذا متسقاً مع طريقه الذي اختاره لنفسه ... من زمان يخسي عليهو وعلى اشكاله يا بكري

يخسي عليك يا إسماعيل حسب الدائم