|
البشير .. او ... البصيرة م حمد !!
|
ضرب عرض الحائط بكل ما توصلت اليه البشرية من نظريات ومجهودات وقوات وعدة ومالية ووسائل واليات وتجارب وتطورات هايله فى مجال مكافحة التهريب .... وقال الحل لوقف التهريب ليس عبر اليات ووسايل مكافحة التهريب لكن بزيادة اسعار السلع المهربة لمنع التهريب .... فتلفت الحضور !
فابتدع بذلك طريقة حير بها كل الشرق من بعد ما حير الغرب .. ح نرصد هنا كمية افكار البصيرة مم حمد طول الخطاب او المؤتمر
ـــــــــــــــــــــــــــــــ وفات عليه هو اصصصلا التهريب بكافحوا لييه ؟
|
|
|
|
|
|
|
|
Re: البشير .. او ... البصيرة م حمد !! (Re: دينا خالد)
|
لمن زروا فى 70 % من الموازنة العامة للدولة بتمشى للاجهزة الامنية طوالى نجر لى حساب من راسو ... قال طلعوا 30 % دى بتمشى الولايات ! وكأن الولايات ما فيها اجهزة امنية !! قال بعدين فى 50 % بتمشى الحاجات الاساسية ! وكأن دى ما فيها اجهزة امنية !!! بعدين نسى ال 30 % الطلعها اول وقال ال 50 % التانية بتمشى لخدمات الدولة الباقية فاصبح الحساب من 130 % ,,,,, يااااادى البصيرة ممم حمد !
ـــــــــــــــــــــــــ وكأنو الموازنة مدسوسة او سرية !
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
وطلع اعتراف صحفى بانه ما كان بعرف الهوت دووق قبل ما يبقى رئيس !! مش العكس !! واول زول اتداخل اتضح انو برضو عرف الهوت دوق بعد ما بقى رئيس تحرير وبرضو هو ذى الرئيس كان بغالط انو لحم كلاب !
شوفو ليكم رؤساء !
ــــــــــــــــــــــــ انا محتارة لييه عزلوا الهوت دوق دا من دوووون اكل الله ....؟ حقو الزول يسوقهم المطعم الفتح جمبنا المنيو كلو ما تقدر تفك فيه اى شفرة ...
| |
|
|
|
|
|
|
Re: البشير .. او ... البصيرة م حمد !! (Re: أيمن محمود)
|
لما بعدد فى الرؤساء حلفاء امريكا قال وحسنى حسنى مبارك دا ما مشى ؟ الا هسه انتكست تانى لوووووب ... طلع الفى قلبو كلو
ولما سألو عن موقفه من مصر قال ما بندخل دا شان داخلى ....
نسى انه قال رايو وانتهى !
ــــــــــــــــــــــــ وبعد الاجابة الدبلوماسية الوصوه عليها اردف ما زلنا نحتفظ معهم بشعرة معاوية ! لووووووب يا البصيرة ...
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
وقال ليكم يا ايمن محمود اى زول شايف فساد يجى يبلغ !! هو ما سمع بالنقيب ابو زيد ولا شنو ! الرجل ال بلغ عن الفساد فى اجهزة الشرطة ! اين هو الان ؟
كمان الفساد بقى هوت دوق ؟ ما بتعرفوا .... وما شفتوا ؟
ـــــــــــــــــــــــــــــ قال واحد ساكن جمبنا عنده 5 عربات ... فعرفنا نحن المشاهدين سر ال 5 عربات !!
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
قال صفوف العيش والبنزين اختفت ! لكن ما قال لان الناس الكانت بتحتشد فى الصفوف بى الالاف للشراء اصبحت لاتقوى على الشراء او لانها هاجرت او لانها تاثرت باللجوء والنزوح او لانها راحت فى حق الله لحقت امات طه فى حروب ضروس من ما جات الانقاذ عيش شنو وبنزين شنو ... الصفوف تجى من وين يا هداك الله !
ــــــــــــــــــــــــــــــــ الحرب دى ما جات عليكم يا سيادة الرئيس ؟ الفساد دا خلى هناك ....
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
قال خلونا كدا ضد بس نحن مع المبادىء اكل العيش ملحوق ... ما بنسكت لو فى اى شبر فى ارض الاسلام محتلة لوووووووووووووب ..
لكن امريكا قالت لينا وقعوا على نيفاشا بنعفى عنكم الديون ... بنرفع اسمكم من قايمة الارهاب ! وقعنا ...
قالوا لينا تسهلوا الانفصال ... رضينا ...
ــــــــــــــــــــــــــــــــ بعدين قال كل الرؤساء الافارقة كان بتلموا فينى قالوا لى كيف بتقدروا تخالفوا امريكا كدا ؟
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
ود الباوقة ! قال ليكم تعالوا ختوا قروشكم هنا دا فى البلد ما مستفيدين منكم اى حاجة ! قال ود الباوقة بدخل الدكان فى السعودية يشترى 10 متر عمة و5 متر جلابية و7 متر توب وضهب ! لوووووووب يا باوقة الراجل دا عينو حارة اعملوا حسابكم .... داير يفلس بيكم ! واعملوا بالوصية بالله تعالوا ختو قروشكم فى بنوك السودان ولما تكونوا دايرنها قال بيدوكم ليها فى يدكم تصرفوها بى سعر السوق ! رئيسنا زينة معترف بسعر السوق ... هههههههههههههه دا الرئيس كدا ولا بلاش يا باوقة وبرضو قال ليكم جبتوها ولا ما جبتوها ذى الجبتوها والمعاملة بالمثل !
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
رجل ساذج وكذاب ...زاغ من (الهوت دوغ) وعمل (تكس راجع ) ... وحاول استطعافنا بقصة عربيتو الوحلت واصبعو الانجرح ... وياالمصيرك تنجرح تررم تررا بالسلاح البيهو مرة جرحتنى ...
الاخ ماعارف فى الاقتصاد (التكتح ) واثبت بالبرهان لكل الشعب السودانى ان الانقاذ (معلمه الله ) ..وميتة الموت الواحد دا ... واكرام الميت دفنه ...وحدووه يااهلنا .....
سلام يادينا ....وقراءة ذكية للمؤتمر الونسة .....
| |
|
|
|
|
|
|
Re: البشير .. او ... البصيرة م حمد !! (Re: محمد عبدالرحمن)
|
يااااا محمد عبد الرحمن الريس قال ليكم بلا صراصر بلا تريقة معاكم انا كنت عايش فى ابو ظبى حتى اسألوا شمو دا كنا سوا ..... لما فاطمة خالد كانت بتشترى الدهب ,,, وداد كانت لسه فى غرب شندى ....
ـــــــــــــــــــــــــــــــ عمركم شفتو ليكم رئيس كان مغترب ؟؟ اها بختكم ما تقطعوا العشم عادى ممكن نصبح نلقى هبانى ولا ابو ساندرا ولا هجو رئيس ! لوووووب .
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
بكتبوا كلام من راسهم ويتمو موية ... مش كدا يا حسين ؟ قاصد حسين خوجلى ..... لووووووب
----------
مافي فرصة يكون قاصد ملاسي؟ :)
-------------
انت ما جلدوك ليه يا دينا لحدي اسي .. المافي شنو .. ما هدا كاشفة راسك المدوقس دا!
المساواة في الظلم عدل برضك
| |
|
|
|
|
|
|
Re: البشير .. او ... البصيرة م حمد !! (Re: فتح الرحمن حمودي)
|
قال اكبر مشكلة تواجه الدولة هي العنصرية والقبلية ...عايزين يكون الواحد لمن يسألوه جنسك شنو يقول: سوداني قبيلتك شنو :سوداني . كلام غريب و عجيب.. الريس ده ما عارف انو القبلية دي سياسة الدوله وان الحكومة بتسأل المواطن عن اسم قبيلتو و مطلوب يجاوب اجباري في عدة استمارات رسمية كطلب الوظيفة ،البطاقة وفتح البلاغ في الشرطة وو... لو مقتنع و مؤمن بكلامو دة. ومقولة يكفي الجنس سوداني .. مفروض يصدر توجيه فوري بحذف سؤال القبيلة عن الاستمارات..
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
الرئيس ارغى وازبد فى الاجابة على اسئلة ضياء بلال التى كانت تبدو وكانها اسئلة سخنة .... لما عايز يشير لى موقعى سلام الدوحة الاخيرين ما عرف اسمهم ... قال وقعنا مع الجماعة الكتلوهم فى دارفور ديل !!! ثم شكر الرئيس التشادى بالمفتشر كدا .. قال انه لعب دور كبير فى انهم يجونا ,,,
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
قال انا حليت مجلس الاقطان ورفدت مديرها مع انها قطاع خاص لما عملت كدا ولا حرف واحد فى القانون كان بسندنى (وراح رافع كتيب صغير كدا كان جنبو ) ..... على الاجراءات العملتها دى لكن عملتها .....
ـــــــــــــــــــــــــــــــ وقس على ذلك عزيزى المواطن .....!
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
دينا سلام وتحية
تعرفي البشير دة انا شاكي يكون حبوبة صلاح غريبة ونحن ما عارفين أنا بصراحة ما بقدر اسمع خطاباتو ومؤتمراتو نسبة لحالتي الصحية لكن لمان قريت البوست دة اتشككت انك بتهزري وانو البوست ما جاد مشيت حضرت كلامو
اتأكدت انو الواحد لمان ينقل كلام عن الزول دة لازم يلحقها بي حليفة والله قال كدة والله سمع أضاني
لأنو كلاموا ما بيتصدق انو يقولو رئيس جمهورية غايتو لوما حبوبة صلاح غريبة عندو علاقة بيها ولا أقول ليك يخلق من الشبه اربعين
| |
|
|
|
|
|
|
Re: البشير .. او ... البصيرة م حمد !! (Re: بشرى محمد حامد الفكي)
|
ووووووووووو عزيزنا بشاشا ملك النوبة العظيم ... مشتاقين الشوييية دى ؟ ياخ قبل يومين انا حلمت انى بتكلم معاك !!! انشالله طيب Quote: بطلي استلاب ذكوري!! |
ما دايرة اقول ليك زولتى اضكر منو عشان ما اكون وقعت فى الاستلاب الجد جد ....
عارف يا بشرى اقل ما يمكن ان يقال فى شان هذا الرجل انه انتييكه ...
اى حاجة قبيحة فى البلد دى هم يتحملوا وزرها بما فيه التخريب الذى لازم بعض الاحتجاجات ..... لو عملوه ناسكم تتحملوا ولو عملوه غيركم تتحملوه برضو فالسلمية تحتاج لوعى ... الوعى الذى لم توفروهو اهذه الاجيال طوال 25 عاما .... غياب الوعى عن هذه الاجيال هو مسئوليتكم الكاملة جيل تربى وسط العنف وترعرع فى الحروب .... انعدمت ثقافة السلام من قواميسه ..... لو ما شوية وعى استمدوه من الاجيال التى سبقتهم ... بس الله شاف ليكم !!
قال تخريب قال !!
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
Quote: لما بعدد فى الرؤساء حلفاء امريكا قال وحسنى حسنى مبارك دا ما مشى ؟ الا هسه انتكست تانى لوووووب ... طلع الفى قلبو كلو
ولما سألو عن موقفه من مصر قال ما بندخل دا شان داخلى ....
نسى انه قال رايو وانتهى !
|
حتى انت يادينا بقيتى تترجمى الكلام المدغمس
| |
|
|
|
|
|
|
Re: البشير .. او ... البصيرة م حمد !! (Re: بدر الدين الأمير)
|
Quote: قال انا حليت مجلس الاقطان ورفدت مديرها مع انها قطاع خاص لما عملت كدا ولا حرف واحد فى القانون كان بسندنى (وراح رافع كتيب صغير كدا كان جنبو ) ..... على الاجراءات العملتها دى لكن عملتها .....
|
يا دندون.. هو قال عمل كدة لأنو بعتبر نفسو وكيل كل المزارعين في السودان.. والمزارعون تضرروا من الجرارات الكسيحة والتقاوي الفاسدة والأسمدة الضعيفة.. بالله عابدين محمد علي عندو ضمير ويقدر يواجه أي مواطن سوداني في مكان عام؟ وابو لحية محننة بتاع التاكسي التعاوني.. خلقتو ساي ما مريحة.. ده منتهى الأنانية.. ده مش فساد.. ده بالضبط تدمير متعمد للاقتصاد..
ـــــــــــــــــ لوووووب: حبل المشنقة ما بشفي مسغتي والله..
| |
|
|
|
|
|
|
Re: البشير .. او ... البصيرة م حمد !! (Re: أيمن دياب)
|
اذا حلمتى ببشاشا فقد مسك الشيطان يادولى وبعد دا تقولى بشاشا امير عديل كدا والله دا ماشاف الاميريه بى عينو ولابيعرف كوش دى زاتا شنو
بطلو كضب الواحد محتاج يخت جمبو ليمونه وهو بيقراء كتاباتكم الفارغه دى الداير تغيير يمرق الشارع ويواجه الرصاص
| |
|
|
|
|
|
|
Re: البشير .. او ... البصيرة م حمد !! (Re: Mudather Kunna)
|
Quote: وقال ليكم يا ايمن محمود اى زول شايف فساد يجى يبلغ !! هو ما سمع بالنقيب ابو زيد ولا شنو ! الرجل ال بلغ عن الفساد فى اجهزة الشرطة ! اين هو الان ؟ |
1) أوسكار ...... شكلك ح تاخدي 100 جائزة في البوست دا هههه. سلام دندون.
Quote: قال هو ماشى امريكا .. قبض ما بقدروا يقبضوا ! لكن فليق ومظاهرات ممكن .... اها يا ناس امريكا قالوا الوصية بالمهلة عايزين نفس الكميات دى ما يبقوا التلاتة واربعة حملة اللافتات ... |
أشتغلتينا بالبارد لاكن انا عافية منك لوووب .......
| |
|
|
|
|
|
|
Re: البشير .. او ... البصيرة م حمد !! (Re: محمد عبد الماجد الصايم)
|
ود الصايم تغيييب دهرا وتجى تضحك بى وشين ؟؟؟ اها مالك ... افصح !
مدثر كننه الدجال ويييين البوستات الضاربة ديك ههههههه انت لسه ماسكة لى ....
ايمن دياب لسه خارت ناس السعودية ولا جا منافس ؟؟
بدر يااا امير لكن شفت الدغمسة دى ؟ دغمسسسة بامتيااااز ....
اجمل حاجة سمعتها عن مؤتمر البصيرة ام حمد قالها متحدث فى تابين احد الشهداء قال لى ذى المسافر بى لورى ... تاشيرة جات التاشيرة ما جات التاشيرة جات التاشيرة ما جات .... لوووووووووووووب وقال الريس قال :: نحن فنادقنا فى نيو يورك حجزناها قال حجزنا الفنادق قال انت ماشى اجتماع ولا ماشى شهر عسسل !! هههههههههههههههههههه حلوة شديد عجبتنى ....
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
Quote: عمركم شفتو ليكم رئيس كان مغترب ؟؟ اها بختكم ما تقطعوا العشم عادى ممكن نصبح نلقى هبانى ولا ابو ساندرا ولا هجو رئيس ! لوووووب . |
يا دنيا سلام و جمعة مباركة كيفك و الاسرة
إذا انا المقصود مو هجو مختار من هســــع
انا متنازل لى ابوساندرا ، عامل الخبرة و كده
| |
|
|
|
|
|
|
Re: البشير .. او ... البصيرة م حمد !! (Re: دينا خالد)
|
يا دينا نحنا الويك إند بتاعنا جمعة وسبت
مع البلي بتاعنا والسكسي بلي لا بنقدر ندخل على |إنترنت ولا حاجة
واحتك هم كل واحد فيه شايل جهازه في يده وخاشي في النت
غير التعدي على حسابنا في الإسكايبي وإستخدامه من قبلهم إلى إستسلم كثير من ألأصدقاء
ورأوا أن لا داعي للدخول علي في الإسكايبي طاما الإجابة بابا إتصل عليه في جواله
نرجع لموضوع البصيرة أم حمد
واصلي في هذا الدسم
البصيرة أم حمد على الأقل قطعت ليها راس عجل ممكن الناس تاكل لحمه وتنسى الموضوع
لكن بصيرتنا البي بصاراتها دي بتقطع في رؤوس الناس أمام الأشهاد
والغريبة لما يعملوا لقاء مع أحد المسؤولين عبر الفيديو كونفرنس والقناة التلفزيونية جايبة صور حية للمظاهرات
والعاملين معاه لقاء ينكر الحاصل نار حطب
دا يقولوا عليه شنو !
| |
|
|
|
|
|
|
Re: البشير .. او ... البصيرة م حمد !! (Re: Asim Fageary)
|
قال شوفو الانظمة المشت مع امريكا حصل ليها شنو؟ شاة ايران راكب طيارتو لافي ..ما قدر ينزلها لانو ما في زول قبل .. إلا السادات ،بعد قالولو نزلها طيارتو دي ملااانة دهب.
ههه.. اشتغل المصريين بالبارد...الصدعونا ان استقبال شاة ايران كان فقط من اجل المبادي والوفاء للصداقة.
| |
|
|
|
|
|
|
|