اصل ان شاء الله الثامنة صباح الاحد 29 سبتمبر الحالي بالاماراتية مطار دبي لمهمة تشطيب عمل فني وعمل المكساج النهائي مع الزميلين اسامه علي واحمد الشفيع في طريقي للسودان ان شاء الله يوم 2الاربعاء اكتوبر ساكون مقيما بفندق Panorama Hotel Bur Dubai ان قررتم أن نلتقي وفق ظروف عملي للونسة والتلاقي فلكم ماتشاؤون اريد ايضا التلاقي بزملائي الموسيقيين حمزه سليمان شروق ابو الناس اسامه علي احمد الشفيع و بهاء الدين ومؤمن والموسيقيين في الجاليه بابوظبي ان امكن وغيرهم
Post: #2 Title: Re: ياناس الامارات سأكون معكم3 ايام في طريقي للسودان Author: معتصم محمد صالح Date: 09-01-2013, 02:17 PM Parent: #1
انعام لعلك والاهل طيبين ياريت والله لكن اظنكم يوم خمسة سبتمبر بينما انا بقوم من اميركا يوم 28 منه عموما المرة دي لازم نلاقيكم يابورداب السودان كل الود لك وللأسرة الكريمة
والله يا موصلي فعلا ما لقيت شي في الموضوع يهمني غير شروق وما ترصد.. الموضوع الاول انك ح تكون في الامارات بعد اسابيع اكيد ما حيهمني لانك ما جاي الرياض.. ملاقاة حمزة ووصفه بالموسيقي صحيحة،، ملاقاة شروق كبتكم البتحبوها برضو اسة انا بقبلا .. بس شروق ما موسيقية شروق كانت مشروع صناعة فنانة بلا موهبة والحمد لله لم تنجح.. ده بس كان تعليقي.. واجازة سعيدة يا موصلي
Post: #16 Title: Re: ياناس الامارات سأكون معكم3 ايام في طريقي للسودان Author: Yahia Abd El Kareem Date: 09-02-2013, 12:07 PM Parent: #15
الاخوة بورداب الامارت
نرحب بالاستاذ الموصلى بين اهله واصحابه
الاخ العمدة عثمان رغيم فى حال ترتيب اى لقاء فى ابوظبى يرجى التنسيق موبايلى 0557882174
أقدر ليك ده تماما استاذ الموصلي..وحقك في الاتنين الفوق ديل الما فهمتو موسيقية دي بس .. يعني ما اي مغني موسيقي؟ ولا شروق زولة موسيقية ؟ بس ده استغرابي واستعجابي اللحدي اسة ..
عارفينك مابتقصر ياحبوب أتاني مقترح من النادي السوداني ابوظبي لعمل حفل أو بالقليل محاضرة وقد اعتذرت عن الحفل لضيق الوقت على أن يكون السنة القادمة ان الله امد في العمر في جولة خليجية ولكنني وافقت على المحاضرة "الندوة" وهم قالوا بانهم جاهزين يوم 30 سبتمبر أحاول أن أجعل زميلي الفنان اسامة يتفادى هذا اليوم في مكساج أغنيتي الجديدة وربك يهون ياعثمان
الصديق عمر الفاروق كلمة "ميوزيشن" أو "موسيقي" تعنى كل الاوصاف مغني عازف مؤلف موسيقي فكل هؤلاء تجمعهم المهنة المهنة الموسيقية وكل واحد منهم يوصف بموسيقي تحياتي
الحبيب سيد أحمد شامي لم اصل الامارات "مطار دبي" بعد وساصل باذن الله يوم 29 سبتمبر الثامنة صباحا بالاماراتية واغادر باذن اللن الله يوم 2 اكتوبر للسودان بالاماراتية نفسها تحياتي
Quote: ماعارف مشكلة عمر الفاروق شنو ياخ الموصلي دا فاتح البوست دا لينا نفتح ليه نحتفي بيه ديل نحنا بعدين الموصلي لمن يجيكم سووا ليه إن شاء الله شعيرية بالبامية بعدين شروق دي مالها ودخلها بالبوست شنو
ولا يهمك يا صديقي Abdalaziz Hussain · برضو باذن الله عندما ازور ناس عمر الفاروق بالسعودية هو سيكون على رأس المستقبلين تسلم
شكرا يا أستاذ الموصلي أنا فهمت من البوست انك جيت الامارات ( دي قراية الإستعجال ) عشان كدا طالبتك بالتلفون .. لكن عموما اعتبرا إعتبار ما سيكون باذن الله .. تصل بالسلامة وفي إنتظارك وتشرفنا كتير .
Quote: شكرا يا أستاذ الموصلي أنا فهمت من البوست انك جيت الامارات ( دي قراية الإستعجال ) عشان كدا طالبتك بالتلفون .. لكن عموما اعتبرا إعتبار ما سيكون باذن الله .. تصل بالسلامة وفي إنتظارك وتشرفنا كتير .
،لا يهمك صديقي طلحة انما الاعمال بالنيات ،تسلم
Post: #49 Title: Re: ياناس الامارات سأكون معكم3 ايام في طريقي للسودان Author: على اسماعيل Date: 09-06-2013, 08:49 AM Parent: #1
التحية والتقدير لصديقى القامة الموصلى .... وطبعا مرحب بيك والدار دارك ومن هسى منتظرين وخلينا نكمل الونسة البديناها قبل ال 8 سنوات واخوة كرام نتمنى تكرارها بحضورك ان شاء الله ....كل الود
وبالله يا محمد سيد احمد خلونا نستنفر العقد الفريد من بورداب الزمن الجميل لاعادة الزكريات الحلوة .... شلبى السموؤل الجريفاوى عباس الزنجى عبدالله بابكر د. عمر عبدالعزيز وكل من حضر واستقبل الموصلى قبل ال 8 سنين بالله كرروها وخلونا نعيد الزكريات الحلوة
Quote: التحية والتقدير لصديقى القامة الموصلى .... وطبعا مرحب بيك والدار دارك ومن هسى منتظرين وخلينا نكمل الونسة البديناها قبل ال 8 سنوات واخوة كرام نتمنى تكرارها بحضورك ان شاء الله ....كل الود
وبالله يا محمد سيد احمد خلونا نستنفر العقد الفريد من بورداب الزمن الجميل لاعادة الزكريات الحلوة .... شلبى السموؤل الجريفاوى عباس الزنجى عبدالله بابكر د. عمر عبدالعزيز وكل من حضر واستقبل الموصلى قبل ال 8 سنين بالله كرروها وخلونا نعيد الزكريات الحلوة
الصديق الحميم علي اسماعيل وهل مثل تلك الليلة البديعة تنمحي من الذاكرة؟؟؟؟ فقد كنتم نعم الزملاء والاخوات والاخوان طوقتموني والاستاذة رداء بالحب كله والكرم كله وكان بيننا حريث لم يكتمل حول الموسيقى السودانية سنكمله باذن الكريم هذه المرة تحياتي ومحبتي
Post: #56 Title: Re: ياناس الامارات سأكون معكم3 ايام في طريقي للسودان Author: عباس محمود Date: 09-08-2013, 10:17 AM Parent: #54
الأخ الأستاذ يوسف الموصلي
تصل بالسلامة بأذن الله والف مرحب بيك واتمني ان نلتقي بك .
برغم مشغوليات السفر الا لزم على ان اشكر هامات بلادى الاساتذة المحتفى بهم/
يوسف الموصلى والذى كما ذكر الاحباب موسوعة فى الفن (نتمنى ان يستفيد منه ابناء بلادى) تحدث كعادتة طويلا عن الفن منذ بداياته بالرق والكورس عام 1971 ومرورا بالتغيرات التى حدثت الى يومنا هذا فكانت اعظم محاضرة احضرها فى حياتى عن الفن وبالمناسبة وعدنى باهدائى اصداره الجديد عندما يكتمل ووجدت فيه نفسى عندما حدثنى عنه - وبدورى سألته عن اسم الموصلى ففاجأنى بان اسم الموصلى ليس بأسم العائلة ولكن الاسم الفنى كما جرت العادة والكثير الكثير مما دار هناك .
الاخت رجاء العباسى - ابهرتنا باريحتها المعهودة ووتحليلاتها للاعضاء وكم هم مختلفون تماما عن ما توحيه شخصياتهم فى البورد فكان حديثها حديث الصحفية المتمكنة ادبيا وثقافيا واكثر شى عجبنى كان المامها بكل كبيرة وصغيرة بالبورد واعضاءه فقالت العجب العجاب - فنتركها هى تحكى وسندفعها لذلك عندما ترجع لبيتها سودانيس اون لاين.
الكتيابى صديقى ابحر بناء كثيرا و اصبحنا لا نألف الامكنة الا بوجوده -
د.عمر عبد العزيز - صديق وفى لنا كسودانيين فيجب الاعداد لتكريمه وسنفكر فى الامر بعد الرجوع من السفر مع بورداب الامارات فى هذا الامر الهام واما عن ثقافتة السومانية فذاك امر آخر ادع الحديث له طالما هو عضوا نفتخر به بينناو لاهل المجال.
عجب الفيا ذاك الصديق البلديات الوفى لا استطيع ان اوفيه حقه ويا له من حقوق اتجاهنا وكان مصدر فخر واعجاب من صديقنا عبدالخالق ومنا له وهذا عمود ما اعمدة القانونيين الذين ندخرهم لبلادنا.
الصديق الغالى / خالد عويس هذا شى آخر ودوما اقول ان هذا الشاب ينطبق فيه المثل القائل ان الصمت احيانا ابلغ من الكلام - فى جعبته الكثير نتمنى ان تتاح لنا الفرص لاكتشاف المزيد عنه . اخى وصديقى محمد سيد احمد - هذا كبير العائلة البوردابية والمنسق العام موسوعة هو الاخر نسأل الله له التوفيق دائما والله يخليهو للاخت لبنى وبناتنا سارة وسماح .
اما الشعلة والمتقدة دوما شلبى عريس الموسم الله لا جاب يوم شكره هذا المبدع الوفى والذى انعمه الله وحباه بالاحترام واحترام الغير والتواضع ....الخ .
زميلنا وصديقنا ونسيبنا ابوحجل - انه الانسان الذى تتمنى ان تضمه لقائمة الاصدقاء المقربين و به اذدادوا بورداب الامارات بريقا .
العزيز الصديق ( المهروش من المدام ) الزنجى بيك - الانسان الهادى والذى فى صمته كلام صديق عزيز اخو اخوان . القوردابى - البوردابى الجديد والذى اضاف نكهة خاصة لبورداب الامارات - شعلة فى النشاط موثق الاحتفاء.
اصدقاء البورداب الاعزاء / صديقى عبدالخالق محجوب السمانى / مدير عام بنك المشرق النيل الازرق - وهو بالمناسبة اول من ادخل فكرة اندماج البنوك العربية بالسودانية فى السودان فله خالص الشكر والتقدير كان ضيف الشرف المشرف دائما حاور الموصلى والكتبابى عن الفرق بين غناء ام كلثوم وفيروز وكذلك عن الشعر والغناء السودانى وعدم انتشاره عربيا على اقل تقدير فكانت الاجابات مسهبة ولكن المتداخلين لم يتركوا الفرصة الكاملة للاستاذين من ولع المعرفة .
صديقى عبدالدين - البوردابى من المدرجات كان متألقا كعادته دائما وجسد لنا فكرة الاعداد والاخراج فى شكل ونسه مهضومة اكثر من الرسمية فله الشكر والتقدير وهذا الشخص الذى لعب دويتو مع الدكتورة اختنا زولة 123 فى احتفال الاحتفاء بصاحب الحوش بكرى وما زال منتظر الدخول لان فى جعبته الكثير ليقوله للبورداب . اخونا صديق عبد الدين التقينا به كثيرا فله الشكر والتقدير منا .
اخونا الحاضر الغائب - عباس له الشكر الجزيل ما كنا نتمنى له تعب السفر . الاخ الحاضر الغائب ايضا بداعى السفر الجريفاوى (اخو الاخوان وخال فاطمة ) نتمنى له رحلة سعيدة .
الاخت زولا البارعة ينطبق عليها ما انطبق على عزيزنا عباس .
عبدالله بابكر / حاولنا الاتصال به مرارا ولكن دون جدوى .و كذلك اخونا ابوتقى ولكن سيشارك فى الجايات كما وعد واكيد اكثر انشاء الله .
Post: #60 Title: Re: ياناس الامارات سأكون معكم3 ايام في طريقي للسودان Author: عبدالكريم أحمد الامين Date: 09-11-2013, 05:56 AM Parent: #59
## الفنان الموسيقار د. الموصلى .. ## سلام وترحيب بمقدمك .. ## وصدى الأمانى السُندسيه فى سبيعنات القرن الماضى عند تسجيلها بالإذاعه عندما كنت متعاوناً بالمكتبه يُدقدق الحواس بذلك اللحن الفريد الذى كان فى زمانه وحتى الآن قمة فى التفرد وتداخل فى الصولات لم تألفه الموسيقى السودانيه ,, أوحت لى فى ذلك الزمان أنك فى المكان الخطأ الذى لايعطى المُبدعيين حقهم ## (ودام الود بيننا) (ابو محمد فؤاد) - الماكيكى........
Quote: ## الفنان الموسيقار د. الموصلى .. ## سلام وترحيب بمقدمك .. ## وصدى الأمانى السُندسيه فى سبيعنات القرن الماضى عند تسجيلها بالإذاعه عندما كنت متعاوناً بالمكتبه يُدقدق الحواس بذلك اللحن الفريد الذى كان فى زمانه وحتى الآن قمة فى التفرد وتداخل فى الصولات لم تألفه الموسيقى السودانيه ,, أوحت لى فى ذلك الزمان أنك فى المكان الخطأ الذى لايعطى المُبدعيين حقهم ## (ودام الود بيننا) (ابو محمد فؤاد) - الماكيكى........
الحبيب عبد الكريم شكرا لهذا الندياح ولك خالص محبتي
Post: #62 Title: Re: ياناس الامارات سأكون معكم3 ايام في طريقي للسودان Author: الطيب عثمان يوسف Date: 09-12-2013, 05:56 AM Parent: #1