المكتول بيضحك في هبالة الكاتلو

المكتول بيضحك ... في هبالة الكاتلو
في قناصو .
في رصاصو ده القانصبو .. في يوم يأكلو
الخائن حيشنق روحو .. من حبل الخيانة الفاتلو
وكل نصاب حيمضغ .. حسكنيتو الشاتلو
كل نصاب حيمضغ .. حسكنيتو الشاتلو .
..
ع ع م

المكتول بيسخر .. من عبط قناصو
والقناص عواتو .. بيحشي في رصاصو
باكر يا الهبيل .
حتسفو بي حصحاصو
نحن احرار . وأنت الدم ممسح بيه يا مصاصو .

..
ع ع م

الشهداء الكرام
الشهداء الكرام ... أنتو العزاز أفضلنا
أحلامكم تظل ... في الهامة يا أجملنا
أرواحكم ترز .. كسرت كتاف الصنة
والدم ما بيروح .
قايدننا وحصلنا .
الدم ما بروح ... قايدننا وحصلنا
الدم ما بروح ... قايدننا وحصلنا
تب حصلنا

المكتول بيضحك ... في هبالة الكاتلو


...
نتابع

https://scontent-a-dfw.xx.fbcdn.net/hphotos-ash3/1240139_520920967993610_1079373194_n.jpg

والمسجون بيضحك ... في عبط سجانو
متعود زياتو وياهو خابزو وعاجنو .
كل وأحد بيعرف نوع عجينو الكاجنو
و السم أنتو يا الطابخنوا رأجيكم مكوم فوق طناجرو وطاجنو .

..
ع ع م

المكتول بيضحك ... في هبالة الكاتلو
في قناصو .
في رصاصو ده القانصبو .. في يوم يأكلو
الخائن حيشنق روحو .. من حبل الخيانة الفاتلو
وكل نصاب حيمضغ .. حسكنيتو الشاتلو
كل نصاب حيمضغ .. حسكنيتو الشاتلو .
..
ع ع م

ده شهيدنا مات حلمان
الجار مقالد الجار
سودان بيوتو كبار
الصحة والتعليم والنهضة والمعمار
لا زول يموت بي جوع .. لا يضرب بي نار
سودان جميل ورحيم
في الدنيا مالو مثيل
يصبح حقيقة منار
مكتول وهو بيحلم والدم يبق بق حار
مكتول وهو بيحلم والدم يبق بق حار

عثمان,,,,
المكتول وحي يرثي لميت كاتلو
في قناصو قانص ذاتو
في الرصاص ارصص والمرصص فاتو
شوف خاينك ممحن في القيامة الجاتو
في الحبل المدلدل فاتلو لي رفقاتو
يشنق نفسه بي حبلو العقد جنباتو
والمكتول اطير ذي طير اكوس جنات

دمك بيق بق ... كل ما يعلا الهتاف
جيت يا الهمام .. قاطع الحبل . جاري الجنازير والكتاف
زول عادي حلمان بي وطن
قناصو من حلمو بيخاف .
ياهو السبب .
ياهو العجب .
دمك يبق بق يا الهمام .. ديك حالة الناس الضعاف .

عثمان..
دمو المعطر بالسماح
مارق يبق ذي النشيد
قطع جنازير الغشيم
هز وعرض فوقنا الشهيد
كان ذيو ذي سمح الخلوق
حلمان بضي ووطن وعيد
ده سبب هدير كل الخلوق
الطيبة تحلم بالجديد

ألف شكر أخ عبدالعزيز

ألف شكر الأخ المهندس بابكر موسي
علي مرورك الكريم عبر الفيس بوك
كيف حالك وحال عموم أهلنا في مدينة أونتاريو
والبركة فيكم في جميع شهداء الوطن الحبيب .

المكتول ولدنا ... ونحن أهلو وصفو
مرقو الليلة ... لا بندسو لا بتخفوا
الكجر المرابط .. . مهما علينا أتلفوا
باكر تطلع الشمس .. الصباح ويعرفوا

..
ع ع م

المكتول جنانا وضوو سهل وصفو
مرق ذي الشمس كل الخلوق بتعرفو
جوه الجحرة راقدات الهوام اتخفو
الا السيل بشيل جحر الضباع واجرفو

الدفار مدجج ... وشبابنا كان متشمر
ما هماو جنون ... اللي كلاشو معمر
الحرية مطلبنا .. باكر حنبني نعمر
الكاتل ده شغلو .. وبرضو شغلو يدمر
..
عثمان