صباح حزين.. نص لروح الشهيد صلاح السنهوري #

وبكيت عليك..
حرقة حشا..
يازول مشي..
و خلانا في وجع الفراق..
وبكيت عليك..
لا بيني بينك معرفه..
بس الصفة..
انك شهيد..
وااااا وجعتي..
كان ايه حصل..
شان نيلنا..
يصبح لونو دم..
والقلب يعصر في الالم..
دخل الحزن..
جوه العظم..
وبكيت عليك..
مالو البكا..
اصبح رفيق..
في كل صباح..
الحال يضيق..
شمس الفرح..
لابد تعود..
ارواحكم النور في الطريق..
وبكيت عليك..
لابيني بينك ذكريات..
لا كنت بعرف ليك اسم..
بس شفت ثغرك مبتسم..
بس بعد ايه..
وىبكيت عليك..
لا بيني بينك معرفة..
بس الصفة..
انك شهيد
وسوداني زي
وكمان ود فبايل
وزل نبيل
أخ دا ما صباح حزين !