Post: #1
Title: فوا لهف قلبي على خالد عويس!
Author: Hussein Mallasi
Date: 09-29-2013, 09:02 AM
الأحوال (تبدو) هادئة اليوم فوا لهف قلبي على خالد عويس!
|
Post: #2
Title: Re: فوا لهف قلبي على خالد عويس!
Author: osman righeem
Date: 09-29-2013, 09:27 AM
Parent: #1
سلامة قلبك يا شقيق
خالد عويس اليوم عنده مفاجاة اكيد حتبسطك و اخرين
|
Post: #3
Title: Re: فوا لهف قلبي على خالد عويس!
Author: الرفاعي عبدالعاطي حجر
Date: 09-29-2013, 09:30 AM
Parent: #2
دا الهكر ام ملاسي ؟؟؟؟؟؟؟؟؟؟؟؟؟؟؟؟
................................................حجر.
|
Post: #4
Title: Re: فوا لهف قلبي على خالد عويس!
Author: محمد كابيلا
Date: 09-29-2013, 09:47 AM
Parent: #3
| Quote: طبعًا إنت فرحان إنو الأحوال هادِئة.. خليك شُجاع يا ملاسي.. خليك شُجاع زي عزام فرح.. أنا فرحان جِدًا لأسباب مَوْضوعِية شرحتها أكتر مِن مره (الجبهة الثورية..)، أها إنت سببك شنو؟ |
|
Post: #5
Title: Re: فوا لهف قلبي على خالد عويس!
Author: عوض محمد احمد
Date: 09-29-2013, 10:13 AM
Parent: #4
خالد عويس هو احد قادة الحملة الاعلامية للمظاهرات الحالية
و بالتالى ليس غريبا ان يصيغ ما ينشره بصورة لا تحبط الثوار و ربما النفخ في كل ما يرفع المعنويات
لا تعارض بين المهنية و بين ان يكون للصحفى موقف من قضايا بلاده (فهمت انك تلمح بالقدح في مهنية عويس)
فثورة سوريا يقودها اعلاميا صحافيون ناجحون مهنيا مثل فيصل القاسم و على فرزات (رسام الكاريكاتير) و اخرون
|
Post: #6
Title: Re: فوا لهف قلبي على خالد عويس!
Author: احمد الأمين على إدريس
Date: 09-29-2013, 11:18 AM
Parent: #5
الشهادة لله يا حسين انت راجل موضوعى وحقانى جداً وبتختها طاااخ كدا
لكن فى موضوع خالد عويس دا شايفك متحامل شوية على الراجل ..
|
Post: #7
Title: Re: فوا لهف قلبي على خالد عويس!
Author: خضر الطيب
Date: 09-29-2013, 11:31 AM
Parent: #6
| Quote: فوا لهف قلبي على خالد عويس! |
يجب ان تتلهف على روحك ايها البائس مناضل اللحظات الاخيره
لا انسى هجومك غير المبرر انت ومحمد حامد جمعه وعلاء الدين ارزاق
على الاعلامي القامه خالد عويس فى صفحته فى الفيس بوك
فانت وهؤلاء الامنجيه الجرذان لن تنالوا من خالد عويس
فخالد قلعه اعلاميه عصيه على صعود امثالكم
من المتسلقين والارزقيه
من صحفيي الانابيب
ايها الانبوب الذي يستخدم لاخراج السوائل
|
Post: #8
Title: Re: فوا لهف قلبي على خالد عويس!
Author: Hussein Mallasi
Date: 09-29-2013, 02:41 PM
Parent: #7
| Quote: خالد عويس اليوم عنده مفاجاة اكيد حتبسطك و اخرين |
ما تراهو كل يوم بيفاجئنا!
|
Post: #9
Title: Re: فوا لهف قلبي على خالد عويس!
Author: محمد حيدر المشرف
Date: 09-29-2013, 03:01 PM
Parent: #1
خالد ملً السمع والأبصار .. وزول مكرب وراسخ وطنيا ومهنيا يا حسين .. وانت - لا تغضب يا زميل المنبر- زول ساي !!
|
Post: #10
Title: Re: فوا لهف قلبي على خالد عويس!
Author: Hussein Mallasi
Date: 09-29-2013, 03:05 PM
Parent: #9
سجم المهنية إن كان ما يفعله رسوخاً مهنياً.
|
Post: #11
Title: Re: فوا لهف قلبي على خالد عويس!
Author: عوض محمد احمد
Date: 09-29-2013, 03:21 PM
Parent: #10
| Quote: سجم المهنية إن كان ما يفعله رسوخاً مهنياً. |
و الا فما الذى يجبر قناة واسعة الانتشار و الامكانيات على تشغيله كل هذه السنين ان كانت مهنيته مخدوشة
|
Post: #12
Title: Re: فوا لهف قلبي على خالد عويس!
Author: Dania Elmaki
Date: 09-29-2013, 03:37 PM
Parent: #11
خالد زول بروفيشونال و هميم
خالد ولدي و اعقر عليه.
|
Post: #13
Title: يا لهف قلبي على خالد عويس!
Author: Hussein Mallasi
Date: 09-29-2013, 03:53 PM
Parent: #11
تماماً يا يروف مثل الذي أجبر البشير على (تشغييل) عبد الرحيم طوال هذه السنوات!
|
Post: #14
Title: Re: يا لهف قلبي على خالد عويس!
Author: عوض محمد احمد
Date: 09-29-2013, 04:13 PM
Parent: #13
| Quote: تماماً يا يروف مثل الذي أجبر البشير على (تشغييل) عبد الرحيم طوال هذه السنوات! |
معقولة يا حسين: :شن جاب لجاب
المقارنة غير منطقية
عبد الرحيم في شراكة مافيا مع البشير حين سرق معه السلطة بليل و لن يستطيع ازاحته الا بثمن باهظ
|
Post: #15
Title: Re: يا لهف قلبي على خالد عويس!
Author: عوض محمد احمد
Date: 09-29-2013, 04:13 PM
Parent: #13
| Quote: تماماً يا يروف مثل الذي أجبر البشير على (تشغييل) عبد الرحيم طوال هذه السنوات! |
معقولة يا حسين: :شن جاب لجاب
المقارنة غير منطقية
عبد الرحيم في شراكة مافيا مع البشير حين سرق معه السلطة بليل و لن يستطيع ازاحته الا بثمن باهظ
|
Post: #16
Title: Re: يا لهف قلبي على خالد عويس!
Author: عبدالمنعم الطيب حسن
Date: 09-29-2013, 04:27 PM
Parent: #15
هذا الرجل فقد البوصلة، واصبح يخرتو باخدرو،
ولما يتمادى في التيه، يقول انه مهكر،
نحن اليوم اشد سعادة لان الشعب السوداني لا يُقتل بنار المجرمون،ومن شايعهم...
المظاهرات التي خرج فيها كل السودان ادت رسالتها،
وانتهت من الانقاذ وللابد...
الشعب ينجز ثورته الان، وسيفاجي من يتجاوز كل واقع الساعة، ومازال يحلم-ولو سرا-
ببقاء الانقاذ...
صدقت يا دكتورمحمد
الزويل دا زويل الله ساهي، كلمة تودي، وكلمة كمان تجيبو...
|
Post: #18
Title: Re: يا لهف قلبي على خالد عويس!
Author: خضر الطيب
Date: 09-29-2013, 04:47 PM
Parent: #15
Quote: Quote: 6 من التعليقات
Esam Elamin · متابعة
الاخ ابوبكر ،امثال هذا اللحاسي خطر على الثورة ، فوجوده في منبركم اهانة لكل الشهداء .
رد · أعجبني · متابعة المنشور · منذ 4 ساعات
Haitham Tikka · الأكثر تعليقا · The Project Management Institute (PMI)
فعلا الراجل دا خطر على الثورة ..... وعلى نفسو... هاهاهاها ..... المفروض يمشي الخور
رد · أعجبني · متابعة المنشور · منذ 3 ساعات
Sadig Abdallah Mohd · Accts في Duc clinic
وهل تقارن عويس ببقايا البعثيين--- -من صلب شوقى وحسين -وخونة بيروت وذباب الموايد من الشرق والغرب
رد · أعجبني · متابعة المنشور · منذ حوالي ساعة
المكوّن الإضافي الاجتماعي لفيس بوك |
|
عملاً لي الله
|
Post: #19
Title: Re: يا لهف قلبي على خالد عويس!
Author: محمد حيدر المشرف
Date: 09-29-2013, 05:13 PM
Parent: #18
خضر سلامات ..
ياخي كلام صادق ده كلام مدان جدا .. وعويس ليس أفضل من ملاسي الا لأن خالد يسبق حسين بسنوات انسانية كتيره على كافة المستويات التي ليس من بينها هذا الذي ذكره صادق ..
في الواقع .. هذا هو المجال الوحيد الذي يتساوي فيه خالد عويس وملاسي كتفا بكتف ..
كلاهما ابنا لهذا الوطن المتعدد و .. الجميل
غادروا هذه المحطات آ ناس ..
غادروها في موعد أقصاه الآن ..
|
Post: #17
Title: Re: فوا لهف قلبي على خالد عويس!
Author: محمد حيدر المشرف
Date: 09-29-2013, 04:31 PM
Parent: #1
نعم خالد زول مكرب وطنيا ومهنيا .. و مِلْء السمع والبصر .. وانت - لا تغضب يا عزيزي - زول ساى ساكت !!
في الواقع أنت أشبه ما تكون بعميميدك غير الراتب في تلك الصحف الغبشانه ..
لا تغضب يا عزيزي .. ولكنها الحقيقه على اية حال !!
|
Post: #20
Title: Re: فوا لهف قلبي على خالد عويس!
Author: خضر الطيب
Date: 09-29-2013, 05:23 PM
Parent: #17
*أساطير صغيرة
الكائنات الانتقادية الخاملة
منصور الصُويّم
يحكى أنّ هذه الفئة من البشر لا يخلو منها مجتمع إنساني، وهي للأسف منتشرة انتشار النار في الهشيم في ثنايا المجتمع السوداني، وللتعريف التقريبي: هي تلك المجموعة من الناس التي توافقت بشكل (نفسي تآمري) على توجيه الانتقادات السلبية إلى كل شيء، مع ضخ قدر هائل من النصائح (الخاملة) التي تقود لا إلى أمام ولا إلى وراء؛ بل تظل قيمة تثبيطية وتعطيلية للآخرين ووضعهم في وضع المتعطل أو المعطل بالرغم من أنهم (الآخرين) في وضعية المنتج والفاعل بعكس مطلقي رشاشات الانتقاد المتصلة بلا توقف.
قال الراوي: وللتقريب أيضا أوضح نموذج لهذه الفئة الكلامية منتجة اللاجدوى؛ نجده متوافرا في المجتمعات الكروية، حيث (تطفح) هذه المجتمعات بهذه الشاكلة من البشر، الذين يبدون ميلا (عجيبا) للظهور بمظهر العارف و(اللعاب والكوتش) والمخطط أكثر من اللاعبين والمدربين والحكام وإدارات الأندية، حيث تجدهم دائما (مستثارين) وهم يطوون الصحيفة الرياضية ويشيرون بـ(أصبع الخبرة): لو كان وضع فلان مكان فلان، كان حدث وحدث وحدث. أو تجدهم ينبشون خطأ تكتيكيا للمدرب علان والنقص اللياقي للاعب فلان وهذا في كل الأحوال إن كان الفريق منتصرا (حالة الفرح) أو كان منهزما (حالة الحزن).
قال الراوي: بيد أن النموذج الأخطر لهذه الكائنات الانتقادية الكلامية المجدبة؛ يتوافر بكثرة في المناسبات الاجتماعية (العادية) وفي المواصلات وأمكنة العمل؛ باختصار في كل مكان سوداني، وأنموذج ساطع وشائع (أيضا) هو أنموذج (الحفلة والمقابر)، حيث يأتي الكائن الانتقادي ويجد الشباب (الفاعلين) قد انتهوا من تجهيز الصيوان أو إعداد القبر، لكنه رغم ذلك ودون أدنى مراعاة للتعب الذي بذل يبدأ بتوجيه انتقاداته وتوجيهاته (الميتة) بإبدال وضع (الكوشة!) أو إعادة حفر (وداللحد) أو.. كل هذا وهو يقف بعيدا دون أي مشاركة في (الفعل) أو إنزال هذه الملاحظات – التي تخصه- إلى أرض التنفيذ.
قال الراوي: وهكذا يمكنك تتبع هذه الكائنات الخرافية في أي مكان ووسط أي شريحة مجتمعية، بين المثقفين تجدهم متحفزين حين يخرج أحدهم كتابا ما فينبرون لتبخيس الفكرة ووصمها بالضعف والنقص، وهذا بالطبع دون أي مبادرة إنتاجية حقيقية سباقة تنزل هذه الفكرة على أرض الواقع قبل الإنتاج الفعلي، ومن غير استناد على معايير نقدية حقيقية (فكرية) تضيء الفكرة وتفتح لها مدارك أخرى؛ لكن فقط الانتقاد والحط من قيمة الشيء والتكرم باقتراحات هزيلة بديلة تذهب مع ريح الكلام.
ختم الراوي؛ قال: وتجدهم هكذا في كل مكان ينتقدون وينتقدون وأبدا لا يفعلون.
استدرك الراوي؛ قال: بدلا عن الانتظار تقدم يا أيها الـ(كائن الانتقادي) ونفذ فكرتك قبل الآخرين.
*زاوية يومية بصحيفة (اليوم التالي) 
-----------------------
قطع شك يا ملاسي الكاتب دا بعرفك
واكيد بعرف واحد تاني داك متخصص فى محاولة الانتقاص من قامات ذي دكتور معز بخيت والموصلي
|
Post: #21
Title: Re: فوا لهف قلبي على خالد عويس!
Author: خضر الطيب
Date: 09-29-2013, 05:45 PM
Parent: #20
مرحب الاخ الدكتور المشرف
لك التحيه والتقدير
Quote: ضر سلامات ..
ياخي كلام صادق ده كلام مدان جدا .. وعويس ليس أفضل من ملاسي الا لأن خالد يسبق حسين بسنوات انسانية كتيره على كافة المستويات التي ليس من بينها هذا الذي ذكره صادق ..
في الواقع .. هذا هو المجال الوحيد الذي يتساوي فيه خالد عويس وملاسي كتفا بكتف ..
كلاهما ابنا لهذا الوطن المتعدد و .. الجميل
غادروا هذه المحطات آ ناس ..
غادروها في موعد أقصاه الآن .. |
ليس بالضروره ان اكون متفقاً تماماً بايرادي لهذه المداخلات , ولكن ما يقوم به هذا الملاسي يدفع الناس دفعاً للخروج عن طورهم
وهو يمتلك مهارات استفزازيه عاليه فى وقت يجب ان تتكاتف فيه الايادي لدعم هذه الثوره المباركه
ولكن هذا النشاذ ورغم ركوبه لموجة النضال لمدة 48 ساعه ولكنه مثل مريض الحمي تراه يهزئ تارة ويصمت تارة
فيجب ردع مثل هذا الشخص الموتور فهو خصماً على اي كيان او قضيه مهما كان نبلها
بالنسبة لي لا فرق بين صلاح غريبه وهذا الملاسي
|
Post: #23
Title: Re: فوا لهف قلبي على خالد عويس!
Author: عبدالوهاب علي الحاج
Date: 09-29-2013, 06:00 PM
Parent: #21
|
Post: #22
Title: Re: فوا لهف قلبي على خالد عويس!
Author: Bashasha
Date: 09-29-2013, 05:52 PM
Parent: #20
| Quote: كلاهما ابنا لهذا الوطن المتعدد و .. الجميل |
محمد حيدر تحياتي،
بالنسبة لي موضوع "مواطنة" بقايا الترك النازي الوافد والغريب هذا، انتا بفوت عليك كيف هذا القمئ بدافع باسنانو عن النظام والدويلة الجعلت من امثالو مواطنيين من الدرجة "اللكس"، بينما غيرو من اهلنا في الجبال دعك من مواطنة، حق الحياة ذاتا محرومين منها بنص القران الحديث والقياس!
داير اعرف ليه حساسيتكم بتكون عالية للدرجة دي لما يجي الكلام عن حقيقة انتماء بقايا الغزاة هذا؟
ليه؟
هل شايفو رمش ولاعاف امتيازات الحظوة لامثالو الدافعين فاتورتا اطفال الكراكير في الجبال؟
لماذا الصمت علي ادمية امثال الحلو المهدرة في مقابل الشراسة في الدفاع عن سادن يدافع عن مصالحو بهذه الوقاحة ليه؟
ليه؟
|
Post: #24
Title: Re: فوا لهف قلبي على خالد عويس!
Author: محمد حيدر المشرف
Date: 09-29-2013, 06:11 PM
Parent: #22
بشاشا سلام ..
اولا أرجل راجل في السودان ما بقدر يهدر آدمية الحلو ..
الحلو شايل سلاحو وفي كامل حضورو الآدمي ..
بل بالعكس .. انا شخصيا بشوف انو الحلو هو القاعد يدافع عن آدميتي المهدره ..
وهذا هو ميثاق ما بيننا ..
ثانيا ..
ياخي لمتين نقعد في ده بقايا ترك وده وافد من غرب افريقيا وده حبشي طاير ليهو وده ود ريف ساي !!
لمتين آ بشاشا ؟!
هسع منو الوراك موقف ناس كتار عندهم ذات الخلفية بتاعت حسين من هذا النظام ؟!
كلو زول معلق من عرقوبو يا بشاشا ..
وكسبنا هنا او هناك يعود لذواتنا ليس الا ..
وهو ذاتو الا نعاين لى خلفيات الناس الاثنية والعرقية عشان نفسر حالة سياسية ؟!!
ما اهو داك أحمد هارون وكبر وجلال تاور كتفا لكتف مع غازي صلاح الدين مع نافع مع البشير ..
هذا التكييف خاطي جدا يا عزيز ..
خاطي جدا .. جدا
تحياتي ..
|
Post: #25
Title: Re: فوا لهف قلبي على خالد عويس!
Author: AMNA MUKHTAR
Date: 09-29-2013, 06:34 PM
Parent: #24
غايتو عملتها ظاااااااااهرة يا ملاصي ...
أنا ذاتي خجلت ليك ..تصدق ...:)
|
Post: #26
Title: Re: فوا لهف قلبي على خالد عويس!
Author: Bashasha
Date: 09-29-2013, 06:37 PM
Parent: #25
Quote: ياخي لمتين نقعد في ده بقايا ترك وده وافد من غرب افريقيا وده حبشي طاير ليهو وده ود ريف ساي !!
لمتين آ بشاشا ؟! |
محمد حيدر،
هذه مزايدة ليس الا من ليبرالية الاقلية المهيمنة، لانو ده فعلا واقع الحال الحيظل كده الي ان يجي اليوم البكونو فيهو امثال الحلو بشر اولا ثم مواطنين بذات الدرجة والقدر البستمتع بيهو هذا الوافد والاجنبي البدافع باسنانو عن دويلة صاغها اجداده بما يخدم مصالحم هم كغزاة، مستعمرين امبرياليين، وذلك بسفك دمائنا بالوكالة وسحل ادمية غير العرب حسب الوهم وهذه حقائق تاريخ.
اما كلامك عن "ارجل" راجل مابقدر يهدر ادمية الحلو مع التجاوز عن نبرة الذكورية الفيهو هو الدليل الساطع علي صحة كلامنا كيف احنا في الشمال لانحس اطلاقا بالحاصل علي ايدينا لاهلنا في الجبال ودارفور والنيل الازرق وهمشكوريب، ولكن نتقطع حتة حتة لو فقط بالكلام اتهبش حق ملاسي حتي ولو كان مجرد رد فعل لبجاحة وقاحة وجلافة هذا ال.ك.لب المادي لسانو في وجه اطفالنا القدمو ارواحم رخيصة لازالة كل هذا!
كلام مؤسف ومخزي لما تقول الحلو ادميتو مامهدرة او كيف هو ملزم يدافع عن ادمية امثالي وامثالك المؤلهة مش فقط مصانة من اصحاب الحظوة بالميلاد!
مرة اخري ماعندي الشغلة بي خلفية اي سوداني طول ماهو موقفو من هذا النظام انحيازا لصفوف الثورة واضح وضوح الشمس!
فقط بنراجع خلفية الاذلام عندمايكونو بمثل هذه الوقاحة في تخندقم مع نظام القتلة لنعرف لماذا وماسر موقفم هذا.
واضح جدا هذا النكرة بدافع عن مصالحو هو الوفرا ليهو نظام الابارثيد، يسوي حوا الطقطاقة شبهكم او قرنق شبهكم وما شابه من استعلاء مقزز من وافد واجنبي!
|
Post: #27
Title: Re: فوا لهف قلبي على خالد عويس!
Author: محمد حيدر المشرف
Date: 09-29-2013, 06:48 PM
Parent: #26
حسنا ارجل راجل واكثرهن انوثة لا تستطيع اهدار آدمية الحلو ..
عل ذلك يخفف من غلو النبرة الذكورية في خطابي !!
شكرا على اية حال !!
|
Post: #28
Title: Re: فوا لهف قلبي على خالد عويس!
Author: HAIDER ALZAIN
Date: 09-29-2013, 06:50 PM
Parent: #26
| Quote: التجاوز عن نبرة الذكورية الفيهو |
ابببوووب يا التلب :)
الميزة الفيك يا بشاشا انك كان داير تنطح بتنطح .. بي قرنك بكراعك المهم تنطح ..
يازول جوبقها ويعني شنو .. المهم بشاشا جاء بشاشا جاء !! .. بشاشا فات .. بشاشا كسح 
|
Post: #29
Title: Re: فوا لهف قلبي على خالد عويس!
Author: HAIDER ALZAIN
Date: 09-29-2013, 06:57 PM
Parent: #28
| Quote: ليس بالضروره ان اكون متفقاً تماماً بايرادي لهذه المداخلات , ولكن ما يقوم به هذا الملاسي يدفع الناس دفعاً للخروج عن طورهم |
بتوردها لأنها بتشبهك وتشابه اساليبك وانت مطل بالشباك ..
ــ
|
Post: #30
Title: Re: فوا لهف قلبي على خالد عويس!
Author: Bashasha
Date: 09-29-2013, 08:37 PM
Parent: #29
Quote: حسنا ارجل راجل واكثرهن انوثة لا تستطيع اهدار آدمية الحلو ..
عل ذلك يخفف من غلو النبرة الذكورية في خطابي !! |
امنتو بامون!
عزيزي محمد حيدر،
والله كلا مك ده عيب!
ياخي امشي اليوتوب او شوف بعينك حياة اطفال الحلو، اخوات الحلو، اباؤو، امهاتو، عايشين كيف في الكراكير في بطون الجبال تحت سيل القنابل.
انا اسف اضطر اقول ليك امشي شوف، فهذا محرج ومؤلم!
معقولة انتا يامحمد ما حاسي انو امثال الحلو ادميتو مهدرة في مجتمعنا، معقولة؟
شفتا كيف انتا ما بتقبل باي مساس بي حقوق بقايا الترك هذا، مع انو نموذجو في وعي اهلنا المغيب انسان كامل لوما اله معبود، ولكن لاتحس بالحاصل لاهلنا في الجبال مجرد احساس!
هو واعي جدا لي وضعيتو الممتازة دي في مجتمعنا، ولذا هو بدافع عن هذا كلو بكل ما يملك!
وضعية امثال ملاسي في مجتمعنا سمة عامة بطول وعرض افريقيا السوداء حيث الاجانب من امثال ملاسي هم السادة في كينيا، في ملاوي، بركينو فاسو، النيجر او مالي، افريقيا الوسطي وختاما جنوب افريقيا!
اذن ظاهرة ملاسي ينبغي تناولا في السياق الكبير ده.
|
Post: #31
Title: Re: فوا لهف قلبي على خالد عويس!
Author: أيمن التوم حسن
Date: 09-29-2013, 08:46 PM
Parent: #30
المابتلحقو جـــدّعو
اين انت ايها القزم من القامه خالد عويس
ليل الارزقيه امثالك يوشك ان ينجلى ايها البائس
|
Post: #32
Title: Re: فوا لهف قلبي على خالد عويس!
Author: حافظ انقابو
Date: 09-29-2013, 08:52 PM
Parent: #30
أدين وأشجب وأستنكر الضرب غير القانوني .. كامل تعاطفي مع الزميل حسين
|
Post: #33
Title: Re: فوا لهف قلبي على خالد عويس!
Author: احمد الأمين على إدريس
Date: 09-29-2013, 09:01 PM
Parent: #29
على المستوى المهني لا يزال عويس مهنى جداً ومن اكفأ الكوادر الاعلامية السودانية
وعلى المستوى الشخصى واضح ومحدد ودقيق جداً فى موقفو من النظام
المداخلة اعلاه لاستعادة مجري البوست وليكن استفتاء على مهنية خالد عويس المشكوك فيها من قبل ملاسي
عارف البوست بوست ملاسى وايو حاجة لكن ملاسي عودنا انو مابكتب بوست فقط تاملاية كدا وبعدها يتفرغ
لتاملاية اخرى مثيرة للشغب (الجدل)
|
Post: #34
Title: Re: فوا لهف قلبي على خالد عويس!
Author: محمد حيدر المشرف
Date: 09-30-2013, 00:16 AM
Parent: #33
المجد القديم لآمون في قلب التأريخ يا بشاشا ..
اما هسع .. فكلامك كلو يستند على مقايسة حساسيتنا الشخصية ازاء العنصرية تجاه حسين والعنصرية تجاه الحلو ..
هذه المقايسة التي اتخذتني نموذجا لها غير صحيحة .. انتهى
اتفق معك ككلام عام ان حساسيتنا تجاه العنصرية ازاء شعوب الهامش السوداني يجب ان تكون عالية جدا ..
وارجو ان تتفق معي ان الحساسية تجاه اى كلام عنصري يجب ان تكون عالية ..
وجوهر الامر ان المبدأ لا يكون مبدأً أقل أو مبدأً أكثر ..
لا للعنصرية .. ضد العنصرية
الامر كده واضح ومرتب الآن ولنمضي للامام ..
|
Post: #35
Title: Re: فوا لهف قلبي على خالد عويس!
Author: Bashasha
Date: 09-30-2013, 04:12 AM
Parent: #34
Quote: وارجو ان تتفق معي ان الحساسية تجاه اى كلام عنصري يجب ان تكون عالية .. وجوهر الامر ان المبدأ لا يكون مبدأً أقل أو مبدأً أكثر ..
لا للعنصرية .. ضد العنصرية |
ود المشرف سلام،
والله انا ما شايف في "عنصرية" في موقفنا ده.
انا بحاول اخاطبو بي لغتو هو كاحد اكبر اذلام نظام القتلة النازي الابارثيدي، الخاص بالعرب من امثال ملاسي، والببيد غير العرب الما بشبهو امثال ملاسي وعتباني والطيب مصطفي!
فاذا ديل عرب، فعليهم الرحيل فورا من حيث اتو او يحترمو ضيافة اهل بلاد السودان.
اما ان يكونو عرب ويحتلو بلدنا، ويبيدو اهلنا من غير العرب، فهذا قطعا مايرفضه اي انسان سوي!
لو ده حاصل فوين "العنصرية"؟
اما خطابنا ولغتنا بتقول كلنا سودانيين!
اي شعب واحد لاشعوب!
ثقافة واحدة لاثقافات!
تاريخ واحد ومصير واحد!
كده مابكون في تمييز اطلاقا!
شفتا الفرق!
البتكلمو عن شمال عربي في مقابل جنوب افريقي هم "العنصريين" بي فهمك حيث لانستخدم هذه المفردة امعانا في ايمانا المطلق كيف نحن فعلا كلنا جنس سوداني اي اسود واحد!
|
Post: #36
Title: Re: فوا لهف قلبي على خالد عويس!
Author: علاء سيداحمد
Date: 09-30-2013, 04:20 AM
Parent: #34
| Quote: تماماً يا يروف مثل الذي أجبر البشير على (تشغييل) عبد الرحيم طوال هذه السنوات! |
الزول دا فقد المنطق و قلب هووووووبا عدييييييييييييل ..
|
Post: #37
Title: Re: فوا لهف قلبي على خالد عويس!
Author: عمر عبد الله فضل المولى
Date: 09-30-2013, 09:08 AM
Parent: #36
البائس ملاسي تبا لك
|
Post: #38
Title: Re: فوا لهف قلبي على خالد عويس!
Author: HAIDER ALZAIN
Date: 09-30-2013, 09:17 AM
Parent: #37
أيــن هرب حسيـن ..؟!
|
Post: #39
Title: Re: فوا لهف قلبي على خالد عويس!
Author: معاوية المدير
Date: 09-30-2013, 09:23 AM
Parent: #38
| Quote: أيــن هرب حسيـن ..؟! |
في شنو يا جماعة ؟؟؟...
|
Post: #40
Title: Re: فوا لهف قلبي على خالد عويس!
Author: محمد هاشم ابوزيد
Date: 09-30-2013, 09:59 AM
Parent: #39
| Quote: وذلك بسفك دمائنا بالوكالة وسحل ادمية غير العرب حسب الوهم |
اذا قصد الكاتب بالمستعمر الاول (الاتراك)
فهنا يجب ان ترجع لخليفه تكوين جامعه الدول العربيه باب القوميه العربيه.
والا
يكون الكلام مجاني ساهي.
ثم الناس فش شنو وانتو فش شنو يا عالم
|
Post: #41
Title: Re: فوا لهف قلبي على خالد عويس!
Author: محمد هاشم ابوزيد
Date: 09-30-2013, 10:19 AM
Parent: #40
لا صوت يعلو فوق صوت الثوره هنا
|
Post: #42
Title: Re: فوا لهف قلبي على خالد عويس!
Author: Hatim Alhwary
Date: 09-30-2013, 11:01 AM
Parent: #41
| Quote: الأحوال (تبدو) هادئة اليوم فوا لهف قلبي على خالد عويس! |
ياتو احوال دي التي تبدو "هادئة"؟
أكثر من مائة شهيد لم تجف دمائهم و دموع امهاتهم حتى الان وتقول هادئة
فان كان هناك هدوء/برود...فهو برودك يا اخي الكريم
|
|