هل تقبل التوبة من ابن خالي بعد تمزيقه لبطاقة انتسابه للمؤتمر الوطني ؟؟

الزول زول الله
لا اعرف له اهتمام بالشأن السياسي يوماً
غير انه امتلك بطاقة عضوية انتساب للمؤتمر الوطني حقيقة لاول مرة اشاهد واتيقن بأن لمنسوبي
المنظومة الفاسدة بطاقة ورقم عضوية
سالته كثيراً عن كيفية امتلاكه لهذه البطاقة
يفيد
لا رتباطه بصداقات وزملاء دراسة داخل هذه المنظومة
ولقناعاته الخاصة في شخص البشير كما طبع اهلنا البسطاء الطيبين
ومن تعبث بعقولهم الالة الاعلامية للمنظومة الفاسدة
احاوره لقناعتي الخاصة بانه ليس صاحب مصلحة في الدفاع عن هذا المنظومة كما غيره
مثله مثلنا
وعامة الشعب المتعب
تاكله سنيين الغربة واتعابها
وقساوة حياته
واهله من هناك تزيده عناء وضنك
كثيراً ما تجادلنا
وتخاصمنا
لحظة ما نصل لنقطة مسدودة
مرة من المرات على ما اذكر قال لي في حدة
(( ياخ انت اسمع فساد الانقاذ والبشير دا كلام بتقولوا ساكت الناس ديل صلحوا البلد والمعارضة عمرها ما حتخلي حد يخدم
قاعديين للتخريب وبس ))
لكن انا بقول ليك يا زول
على اليمين وقدام الرجال ديل يومي الاحس انو الناس ديل ما نافعيين وبقناعة على الطلاق امزق البطاقة دي قدامكم
حقيقة
نسيت هذا الحوار فمرت عليه اكثر من ثلاثة سنوات
من كم يوم ونحن نتابع الاحداث على القنوات الفضائية وما ينزل من فيديوهات عبر صفحات الفيس بوك والصحف
وبدون اي نقاش او كثير جدل
قام من رقدته اخرج عدد من البطاقات من بينها (( بطاقة انتسابه للمنظومة الفاسدة ))
قال لنا وهو ينظر للمشاهد المؤسفة التي واجه بها نظام البشير المحتجيين
على الطلاق يا جماعة
(( الناس ديل دا طرفي منهم ))
وسرعان ما تحولت البطاقة في يده الي قطع متناثرة
قلت له ساخرا~ً
ياخ ما كان تنتظر شوية احتمال الناس ديل ما يمشوا الان وممكن تحتاج للبطاقة دي في تمرير بعض الحاجات الخاصة
كما تفعل في حلك وترحالك
خاطبني بغير كبير انتباه
(( يا زول اضحك ما تشاء ولكن هذا اقل ما يمكن ان نقوم به وهو اضعف الايمان ))
السوال
اليس هذا الموقف جديراً بالاحترام ؟؟
او نستطيع ان نجد المبرر الكافي لمن يقول فات الاوان ؟؟
الاجابة على السوال مهم
فامثاله كثيرين ممن يحاولون القفز من على السفينة الغارقة خوفاً او طمعاً او صدقاً ورغبة اكيدة
في الطهارة من نجاسة عقود من تبعيئة هذا النظام الفاسد

مع التحيييييييييييييييييية

هذا النظام وعضويته قد فقدنا كل الثقة فيها فهي دوماً تتحرك حسب وبوصلت مصاحلها التي تقبل عليها بجشع كبير
فكيف نصدق إبن خالتك هذا وقد إتانا بعد زمناً موغل في الخضوع الطويل أهي خدعة تمثيل أو بوصلته قد اشارت الي نجم جديد

يشرطها 7 مرات مشبعات
ويحرقها في مبخر ويتبخر بيها

وباقية يبلو في في موية

يشرب نصها
والنص التاني يكبوا في ضهروا ويقول

احييييييي ساااائعة.... سااااائعة


بعد داك ينظر ثم يُفاد

بالمناسبة يا ابو روضة في الاف من عينة ودخالك ده ...لكن ياخوي ماحصل من النظام جعل الكيمان تتفرز الا المصلحجية ...

دييييل يا ابو روضه اسمهم الرجرجة والدهماء يركبون اقرب المراكب المعدية للخروج باقل خسائر فمثلم ركب بقناعة اصدقائة
خرج بقناعة اصدقائه ويبدو الراجل فى الفترة الاخيرة عصرتا عليهو شديد وصحبتك اثرت فيهو بنصحك فى الوضع الجديد ما تدهو بطاقة
تصدق يا فرح حتى الآن لم امتلك بطاقه ولا اعرف لونها الغريبه بحضر كل الفعاليات التى تهمنى وازود عن قناعة لما ارهـ
جيد ومقنع هذة حكومتنا نزود عنها بالغالى والرخيص ونعاااادى من يعاديها ونسعى لاصلاحهها من الداخل ولا احد يزاود علينا
متل ودخالتك دا النوع البي ياكلوا الذئب فى اول لفة قول ليهو اذهبوا فانتم الطلقاء مع التحيييييييييييييييييييييييييييييييييييييييييييييييييييييييييه
:
:
:
:
ولك منى التحيات لله الزاكيات

ابوروضة سلام يا حبيبنا اخبارك
عندي ليك فتوة الاخره لو ما تاب يعذب بنار جهنم لانو الانضمام لهذه الفئة يهتز لها عرش الرحمن

يحاكم في ميدان عام دا زول انتهازي لما شايف الثورة شرط ولو فشل الثورة يمشي يعمل ليه بدل فاقد

كان يمشي يشرط الباقة محل ما عملو ويقدم استقالو

سلام ابو روضة

نعم تقبل
ان التوبة تجب ما قبلها
بقً بقً زاتوا لو تاب بتقبل واليوم داك حالفة اضيح ليه عشرة تيران

اي زول إرتكب جرم لابد أن يحاسب عليه، كوز او غير كوز، غير كده ما بنحاسب الناس على جهلها!

لو ما متورط في سرقة ،تعذيب، او قتل يمكنك ان تقدم له الاقتراح التالي لقبول التوبة مه:ان يخبرنا بكل ما يعدف عن هذه الجماعة الضالة، ولو يعرف اي معلومات عن ضباط امن خصوصا الذين ييمارسون التعذيب
اي كوز تايب لابد ان يوكد تًوبته باعطاءنا كللل ما يعرف

حتى لا نظلم الكثيرين ممن دخلوا حزب المؤتمر الوطني لأسباب مقنعة لهم على أقل تقدير فلننظر للنصف الممتلئ من كوب قريب أبي روضة.
كثيرون من عضوية المؤتمر الوطني لا ينتمون له بقناعة ولقناعة ولكن ينتمون بإقناع من غير اقتناع. يدخلون من أجل مصلحة شخصية لا تضر طرفاً ثالثاً. لأداء عمل أو مهمة لأهلهم وذويهم خاصة في المناطق الريفية، عندما شعر السكان أن الإنتهازية الواعية ومتسلقي جبال النفاق حاولوا السيطرة على مقدرات مناطقهم بطريقة بهلوانية لا لسبب إلا لأنهم أعضاء في المؤتمر الوطني. طلبوا من أبنائهم من ذوي الضمائر الحية تولي المهمة بدلاً عن المنافقين الذي لا يرون مصلحة أبعد من ارنبة أنوفهم.
فهؤلاء المكلفون يختلفون عن محترفي البلطجة السياسية ويجب ألا نظلمهم بمقارنتهم ووضع في كفة واحدة مع ذوي الأغراض الشخصية.

تحياتي.

كبـّاشي الصـّـافي
(العوج راي والعديل راي)

Quote: اي زول إرتكب جرم لابد أن يحاسب عليه، كوز او غير كوز، غير كده ما بنحاسب الناس على جهلها!

Quote: عندما شعر السكان أن الإنتهازية الواعية ومتسلقي

غايتو يا

cantona_1

اخوي الانتهازية الواعية دي في شوفي زي مقال
دعوة الحزب الشيوعي الي نضال الوكالة لو كنت فاكروا
ولا ايه

Quote: اي زول إرتكب جرم لابد أن يحاسب عليه، كوز او غير كوز، غير كده ما بنحاسب الناس على جهلها!

والله يا ياسر طيفور لقيتك برضه رؤية عقلانية
وما فيها عسر كما رؤية الاغتسال والمسوح ثم ينظر ويفاد
غايتو العاقل في المؤتمرجية
عليكم باجتهاد ياسر طيفور
كأخر فرصة للنجاة من غضبة شعب

Quote: سلام ابو روضة نعم تقبل ان التوبة تجب ما قبلها بقً بقً زاتوا لو تاب بتقبل واليوم داك حالفة اضيح ليه عشرة تيران

يا وضاحة
والله لو على ناس بق بق من رائي
كل واحد فيهم يقطوا فيه كم سوط على ضهرو ويخلوه يواصل حياته لانو بعد فترة وجيزة حنلقاهو
بهتف للحكومة الانتجتا الجماهير
ولو جات سلطة عسكرية برضه حيهتف
يعني شعب كل حكومة
الكلام على الشجر الكبار
(( اليهم تاثير من قيادات واعضاء ليهم ثقل داخل هذه المنظومة ))
وتحييييييييييييييييييييييية

Quote: دييييل يا ابو روضه اسمهم الرجرجة والدهماء يركبون اقرب المراكب المعدية للخروج باقل خسائر فمثلم ركب بقناعة اصدقائة خرج بقناعة اصدقائه ويبدو الراجل فى الفترة الاخيرة عصرتا عليهو شديد وصحبتك اثرت فيهو بنصحك فى الوضع الجديد ما تدهو بطاقة تصدق يا فرح حتى الآن لم امتلك بطاقه ولا اعرف لونها الغريبه بحضر كل الفعاليات التى تهمنى وازود عن قناعة لما ارهـ جيد ومقنع هذة حكومتنا نزود عنها بالغالى والرخيص ونعاااادى من يعاديها ونسعى لاصلاحهها من الداخل ولا احد يزاود علينا متل ودخالتك دا النوع البي ياكلوا الذئب فى اول لفة قول ليهو اذهبوا فانتم الطلقاء مع التحيييييييييييييييييييييييييييييييييييييييييييييييييييييييييه : : : : ولك منى التحيات لله الزاكيات

محمد حمزة الحسن

وانا من هنا وعبر هذا البوست
بدعوك بمثل قولك بصدق الانتماء لهذه السلطة
بالرغم من انني لا اعرف لها رؤية فكرية تستند عليها منذ الطلاق بين القصر والمنشية الي يومنا هذا غير انها تتردي جلد الحرباء
للتاقلم مع كل الظروف وبكافة الوسائل الانتهازية المتشبسة بالسلطة حتى لو كان ذلك على حساب
وحدة وطن
على دماء ابناء وطن
على اكتفاف ملايين البوساء ومن اشقتهم سياسة هذا النظام المعتمدة على الجبايات وافقار المواطن السوداني
من هنا
ادعوك بصدق ان تقول كلمة حق في وجه سلطان جائر
ان ترفض قتل المتظاهرين السلميين
وسياسة اجهزة الدولة القمعية تجاه المحتجيين
منهج التعتيم الذي تمارسه سلطة الخرطوم تجاه ممارساتها ضد الشعب السوداني
طرد الفضائيات
وملاحقة الناشطيين
والاستفراد بانسان السودان ثم قتله وبهذه الطريقة المروعة
محمد الحسن
سفينة الخلاص ماضية لا يهد من عزيمة مسيرتها محمد الحسن او نفر من الناس
ولن يتوقف تهاديها وهي تختال لمعانقة فجر جديد
ولو تصور للبعض بان الامور قد هدأت
فحاصل الحاصيل يقول ليس هناك من ظرف واحد او سبب واحد يجعل الشعب السوداني مقنع لببقاء السلطة مزيد من الوقت
فقدت استنفدت الانقاذ كل وسائل بقائها
فدماء الشهداء لم تجف ولن تجف ما لم يجد كل من تسببب في هذا القتل المروع طريقه الي محكمة الشعب
والتدني في الخدمات العامة والفساد الذي ضرب عصب مرافق الدولة لا زال ماثلاً للعيان
وما خسر من راهن على مقدرة هذا الشعب في ازالة سلطة الديكتاتور والطغيان
فان قفزت من السفينة اليوم قبل الغد
لربما تجد في هذا الشعب الطيب من شيم العفو والتسامح ما يجعل المؤتمرجي يعض بنان الندم على اصطفافه الي جانب سلطة القتل
لاكثر من عقدين من الزمان
ولو رفضت هذا النداء
فلا مكان للخذلان امام معركة شعب ومستقبل وطن
والتحيات الزاكيات للدماء الطاهرة التي تسيل في مدن السودان المختلفة قبل ان تكون لشخصي
وهنا دا الدرب

Quote: بالمناسبة يا ابو روضة في الاف من عينة ودخالك ده ...لكن ياخوي ماحصل من النظام جعل الكيمان تتفرز الا المصلحجية ...

العزيز اسامة
نعم لفرز الكيمان
ما كدي الناس ديل تعالوا نقسمن لفئات
1- فئة القتلة والمجرمين ومن لهم سجلات حافلة بالفساد والمتورطين تورط مباشر في تدمير البلاد (( اسود ))
2- فئة الانتهازيين واصحاب المصالح الخاصة ودي بضم برضه الهتيفة والصفية وابواق النظام (( اصفر ))
3- فئة المستغفلين (( ودي بضم المغيبين والطيبين من ابناء الشعب السوداني ومن يؤدون هذا النظام لمجرد الخطاب الديني والقبلي الذي يسوقه النظام (( رمادي ))
الكيمان دي في تقديري بتوصلنا لالية للتعامل مع القافزين من السفينة الهالكة
ولك تحيييييييييييييية

Quote: يشرطها 7 مرات مشبعات ويحرقها في مبخر ويتبخر بيها وباقية يبلو في في موية يشرب نصها والنص التاني يكبوا في ضهروا ويقول احييييييي ساااائعة.... سااااائعة بعد داك ينظر ثم يُفاد

يا وليد ياخ بعيد عن صلة القرابة
مش شايف انك صعبتها على الراجل وشديد ولربما نحرم من ياتي بعده لو بنيئة صادقة ورغبة في الاعتسال من النجاسة
لو تعاملنا مع الشريحة دي على منوال
من مزق باطقة المؤتمر الوطني فهو امن
ومن اعادها عليهم في امن
ومن تبرأ من القتلة والمجرمين فهو امن
خاصة والزول زي ما قلت ليك
زول مصالح شخصية

((تخفيف جمارك او اعفاء شاشات تلاجات تلفزيونات
وما تيسر من تصاديق
ارض
كشكش
الي اخـــــــــــــــــــــــــــــــــــٍره
))

Quote: هذا النظام وعضويته قد فقدنا كل الثقة فيها فهي دوماً تتحرك حسب وبوصلت مصاحلها التي تقبل عليها بجشع كبير فكيف نصدق إبن خالتك هذا وقد إتانا بعد زمناً موغل في الخضوع الطويل أهي خدعة تمثيل أو بوصلته قد اشارت الي نجم جديد

يا عادل البراري
ايام الثورة المصرية وميدان التحرير
وترك الناس لمنازلهم فاضية وبلا اغلاق حتى اختفت كافة مظاهر السرقة وقلة نسبة الجرائم في تلك الايام
انا العايز اقوله
الثورة والتغيير مش من الممكن
ان تهذب الاخرين
السوال مفتوج شارع مع التحييييييييييييييييية

Quote: assan Ali Abugroon · الأكثر تعليقا · Omdurman لماذا لاتقبل يا أخي فرعون زات نفسه لو كان عملها قبل ما الروح تصل الحلقوم كان ربنا قبلها منو أصفحوا عنه ووروه الدرب عديل رد · أعجبني · متابعة المنشور · أمس في الساعة ‏05:23 مساءً‏ احمد سليمان · الأكثر تعليقا طالما لم يؤذِ انسان فان الله هو التواب الرحيم. ومتاخرة خير من ابدا. رد · أعجبني · متابعة المنشور · أمس في الساعة ‏02:44 مساءً‏ Alamin Ibrahim · الأكثر تعليقا · ‏محاسب‏ في ‏محاسب بالسعودية‏ نعم تقبل بعد ان يغتسل سبع مرات احداهن بالتراب ))): رد · أعجبني · متابعة المنشور · أمس في الساعة ‏11:31 صباحاً‏ د. مبارك محمد منصور · متابعة · ‏عميد كلية العلوم المالية والادارية ورئيس قسم الإقتصاد والعلوم الإدارية‏ في ‏‎AL-Madinah International University MEDIU‎‏ "إنما التوبة على الله للذين يعملون السوء بجهالة ثم يتوبون من قريب" يتوبون من قريب ... يتوبون من قريب .... يتوبون من قريب .... مش يتوبون من بعد 24 سنة -قول ليهوا أرجى الجاياك يابه رد · أعجبني · متابعة المنشور · أمس في الساعة ‏02:11 مساءً‏ Abdelazim Mekki · الأكثر تعليقا · TU Berlin في بداية الانقاذ معليش لكين من ينتمي للانقاذ بعد ذلك إما عديم ضمير ومنافق - يعني كوز - أو غبي بدرجه حمار ديراوي رد · أعجبني · متابعة المنشور · أمس في الساعة ‏12:52 مساءً‏

الناس المن نافذة الفيس مشاركاتم مكان تقدير واحترام
شكراً لكم
لكن في شوفكم الجماعة اياهم وبمختلف فئاتم ممكن نسميهم شنو
يعني زي ما ابريل اطلقت علي المايويين (( السدنة ))
والمصريين (( الفلول ))
انحنا كمان بعد ما نفرغ من اجماع في رؤية حولهم محتاجيين لينا
لمصطلح لانه حيكونوا موجوديين وشريحة من المجتمع فلازم من مصطلح يميزهم
من بقية شعبنا
ولكم تحيييييييييييييييييييييييييييييية

Quote: الثورة والتغيير مش من الممكن ان تهذب الاخرين ؟

سؤالك جميل وعريض
لكن :-
منو الأخرين ديل واي أخرين هم ؟
يبقى نحنا عاوزين قاموس إتجاهات إنتهازية
يبقى حال المعني مربوط بتعدد الواقع
كدي بيني وبنك لو صادفنا واحد قلبه إغلف غلفه كبيره تستدعي جراحه شن العمل نسويها ولا نخاف من شدة النتن ؟

Quote: سؤالك جميل وعريض لكن :- منو الأخرين ديل واي أخرين هم ؟ يبقى نحنا عاوزين قاموس إتجاهات إنتهازية يبقى حال المعني مربوط بتعدد الواقع كدي بيني وبنك لو صادفنا واحد قلبه إغلف غلفه كبيره تستدعي جراحه شن العمل نسويها ولا نخاف من شدة النتن ؟

وبدون بنج
وما تنسى الزيت الحار