طريقة عمل صديري واقي من الخرطوش يوجد فيديو

طريقة عمل صديري واقي من الخرطوش
تنبيه هام: الواقي ده يقدر يقلل من شدة الإصابة بالخرطوش ولكنه مبيديش حماية كاملة خاصة إذا كان الضرب من مسافة قريبة، بعد عدة تجارب عملناها لقينا انه يقدر يحميك من ضرب الخرطوش إذا كانت المسافة بينك وبين العدو ما تقلش عن 8 متر، كل ما كنت ابعد كل ما كان الصديري فعال وكل ما قربت من مصدر الضرب كل ما فعاليته قلت وده هيعرضك لخطر اصابة شديدة وممكن تكون مميتة
لعمل الصديري هتحتاج كانز حاجة ساقعة ، كل ما كان اكتر كل ما كان احسن، ممكن تطلبوا من اصحابكم ميرموش الكانز ويجمعوهالكم وممكن تتفقوا مع أي مطعم في الحي إنه يديكم الكانزات الفاضية وممكن تشتروها بالكيلو من بياعين خردة الألمونيوم والكيلو بيتباع بـ 10 جنيه
هتحتاج: قصافة، فتاحة علب، مقص قوي، صمغ المعادن ، حتة قمااش ، زرجينة كبس
شريط لاصق اسمه داكت تيب وده متوفر في السوق عند محلات مستلزمات التكيفات زي شارع نجيب الريحاني في وسط البلد
أول حاجة هنعملها هنقص القماشة على قد المساحة اللي عايزين نغطيها
هنشيل الغطا بتاع الكانز، ممكن تعمل ده بالقصافة بس إحنا لقينا إن الفتاحة لو استخدمتها بالمقلوب أسهل كتير عشان هتقدر تخلع الغطا كله
الخطوة التانية هي قص الكانز بالطول وقص القعر كمان عشان يكون عندنا شرايح الومنيوم نشتغل بيها بعد كدة
هنحتاج برضه نقص الجزء المنحني عشان نقدر نفردها بعد كدة
نحاول برضه نقص الأطراف المشرشرة
قعر الكانز هنقص الزيادات اللي فيه
وهنقص كل شريح نصين
دلوقتي هنرص الشرايح فوق بعض كل ما زودتم عدد طبقات الشرايح كل ما كان أفضل بكتير، ننصح آنك تستخدموا 6 طبقات على الأقل
دلوقتي هنخلط صمغ المعادن ونبدأ نلزق الطبقات في بعض
لازم تشتغلوا بسرعة لأن الصمغ بينشف بسرعة جداً

هناخد كل مجموعة شرايح ونلزقها في بعض
حاولوا تكتروا من الصغ بقدر الامكان لأن الصمغ نفسه لما بينشف بيتحول لمادة صلبة بتدي حماية أكبر
ركزوا على أطراف الشرايح عشان دي بتكون أضعف منطقة
بعد ما تلزقوا كل مجموعة شرايح في بعض لازم تتكبس لحد ما تنشف، احنا استخدمنا الزرجينة لكن لو مش متوفرة ممكن تحطوا الشرايح تحت كتب كبيرة أو أي حاجة تقيلة
بعد 10 دقايق هيكون الصمغ نشف وتقدروا تفكوا الزرجينة
زي ما انتم شايفين الطبقات لزقت كويس في بعض وبقت اكثر صلابة
دلوقتي هنرص الشرايح تاني على القماشة
وهنحط فوق كل مجموعة قعر

ملحوظة القعر بتاع الكانز أكثر صلابة من الشرايح بكتير، كل ما كترتم منها كل ما اتوفرت حماية أكبر

أهم حاجة تاخدوا بالكم ان يكون في فواصل عشان تقدر تتحرك بمرونة وانت لابسه

دلوقتي هنثبت القعور فوق الشرايح بالداكت تيب

بعد كدة هنثبت الشرايح فوق القماشة

وهنبتدي نلف الداكت تيب على المستطيل بتاعنا عشان نثبت كل حاجة في مكانها

كل ما لفيت الداكت تيب عدد مرات اكتر كل ما كان أفضل لأنه هيعمل طبقة حماية إضافية
دلوقتي بقى عندنا درع واقي
هنثبته على تي شيرت او فانلة عشان تقدر تلبسها تحت هدومك
تنفذوا الصديري تأمنوا الصدر والضهر والجناب


الواقي ده هيقلل من اصابتك لو اتضربت من على بعد 8 متر فأكتر، ولكنه مش هيوفر لك حماية كاملة وكل ما قربت من مصدر الضرب كل ما قلت كفاءة الواقي
وما تنسوش تحموا عنيكم ورأسكم ورقبتكم

شكرا يا دكتورة على الماده التثيقيفية
ولكن هؤلاء الفجرة يستخدمون مدافع دوشكا يعني الا تلبس حيطة اسمنتية بسمك كبير
من ويكيبيديا :
الدوشكا مدفع رشاش سوفييتي ثقيل مضاد للطائرات يطلق 12.7x108 ملم من الأعيرة النارية، ويمكن استخدامه ضد المشاة

اي معلومات للوقاية مفيدة للثوار في الميدان ،ولكن يجب الحذر دائماً لان جهاز امن النظام لا يستخدم الخرطوش ولا حتي الرصاص المطاطي وعلي القادة الميدانيين محولة قيادة الجماهير وتوعيتهم ما أمكن .
شكرا دكتورة
و النصر المؤزر لشعبي العملاق.

الاخ محمد
هذا القليل لا يشفي ايادينا المغلولة واكبادنا البتتمزق
النصر قريب
وعاش نضال الشعب السوداني

عاليا كما الشهداء والثوار

شكر د ماجدة

Quote: اي معلومات للوقاية مفيدة للثوار في الميدان ،ولكن يجب الحذر دائماً لان جهاز امن النظام لا يستخدم الخرطوش ولا حتي الرصاص المطاطي وعلي القادة الميدانيين محولة قيادة الجماهير وتوعيتهم ما أمكن . شكرا دكتورة و النصر المؤزر لشعبي العملاق.

الاخ مرتضي
شكراً ليك على اضافة هذه المعلومة
اولاد الحرام NO اولاد الشيطان هلاكم قرب