ما بحلكم قتل الشباب سحل الشباب قتل النساء اعلنا بي كل الحناجر يا نحن ناخد تار شبابنا او نلحق بركب المجد ننعم بالخلود كذب وتدليس وافتراء لكن خلاص كال الصبر فات الحدود متدسي وين امرق وشوف مر الحقيقة ومنظر الدم في الشوارع من بطون مضمومة من جوع السنين وانت حال ما تجود عبت خزاين العصبة بي مال اليتامى وبي حليب اطفالنا وبي عرق عامل صلى فجره حاضرة الانجم شهود يا باشبزق يومك خلاص ساعة الخلاص جاتك سريع لملم عساكرك والجنود واكتلنا بي رصاصة من مالنا النهبتو بس وين حتمشي ليك في الدنيا الفزع والخوف وجهجهة الضمير وليك الاخر العذاب لما تحتار في الردود مقتولة ليه عشان سعادتك لسة ما شبعت عضاك من نوم الحرير حالف تموت للصغار وكل شاب يا فع غرير ما انت عدمان الضرير ما عرفت كيف بكون حرقة حشا الزول اللي عايش بالضمير بئس الضمير ياريس العصبة الضرير حتقول شنو لمن تخش حوة الحفير ويبد السؤال من الملاك وسؤال نكير
أحيييييييييي على وليدانتنا وبنياتنا وشبابنا.. أحى على من يقتلون بدم بارد لمجرد أنهم يطالبون بلقمة عيش كريمة بلا ذل!!!!! لن تضيع الدماء التى انسكبت فى دارفور وجنوب كردفان والنيل الازرق ومدنى وبورتسودان وعطبةر وكل شبر من الوطن.. لن تضيع دماء أبنائنا من جاءوا الى الخرطوم من كل مكان وقتلوا فيها بدم بارد.. الويل لكم قتلة وسفاحى الانقاذ.. والنصر قريب باذن الله
09-28-2013, 01:39 PM
د.محمد حسن
د.محمد حسن
تاريخ التسجيل: 09-06-2006
مجموع المشاركات: 15194
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة