(1)
ومظاهرات .. مظاهرات
اندلعى يا ذات العجاج
عالى الهتاف .. شاقى العنان
افتح ترابيس اعتقال
بوليسنا اب بومبان تعال
(دايرين دروس فى حب حكومتنا العروس)
اضربنا فى الراس والكراع
لعلع رصاص
اصقعنا بالخطب الرئاسية الكبار
اندلعى يا ذات العجاج .
(2)
خوفنا انشرخ
ضُرساً مسوس ينقلع
ومتى المسدس بنفعو ؟
لما الجماهير تندلع .
(3)
اتكلمى .. وتحركى
او ارفسيهم واصهلى .. وتصهللى
اخر الطريق راح توصلى
وتؤضى
قرب اذان الفجر يصدح بالخلاص
فــ تخلصى
من عبء رعبك
واركضى
نحو انتصار .
(4)
وضعوا اللجام شان يركبوك
يا مهرتى البرية .. يا بدر التمام
يا درس فى التاريخ سلام
يا ارم يا ذات العماد
نوارة النوار سلام
يا مهرة ضد هذا اللجام
برسيم بيرسم ليك طريق
نحو السحاب
اندلعى يا ذات العجاج .