غمة وتزول ان شاءالله

نتاج طبيعي ان تخرج الجماهير محتجة علي رفع الدعم عن سلعة ما


ومافعلت الانقاذ ذلك الا من اجل مستقبل واعد لاجيالنا القادمه


حفظ الله البلاد والعباد وحفظ قائد المسيرة وايده بنصر من عنده

اعتدنا ان تخرج علينا مثل هذه القرارات من غرف مظلمه
ليفاجا بها الجمهور
السيد الرئيس جلس وناقش وحلل وبرر مما اثار شهية بعض
التجار الجشعين قبل صدور القرار المعلن عنه سلفا

وهذة هي الشفافية التي دائما مايتحدث عنها البشير ويخاطب بها شعبه


يعني بالعربي الفصيح مافي زول بشيل اصبعو بطبظ بيهو عينو

دماء الشرفاء غمة.....

احلام الشعب بالخلاص غمة؟؟؟



ولكن كلكم متشابهون

فما قاله القذافي من انتم؟؟؟؟ وماقاله كل الطغاة من شتم وسب لشعوبهم
يحصدون نتائجه ولن يكون مصير القذافي ببعيد لكل الطغاة في سوداننا


فعلاً اليوم تتمايز الصفوف


وسيتحقق ما نحلم به من وطن الخير والحرية

كن ضميرك تكن الثورة

الجنيد ياخوي هديء من روعك

غمه من غمامه اي سحابه

ولا اتا مابتسمع غنا سوداني؟؟


بعدين ياخوي قذافي شنو العاز تقارنو بالبشير

القذافي رحمة الله عليهو كان مابعرف الضهر فيهو كم ركعه

نحمد الله ان ولي علينا رجل عابد يخاف الله في شعبه ويسبح بحمده

Quote: نحمد الله ان ولي علينا رجل عابد يخاف الله في شعبه ويسبح بحمده

الحمدلله الذي لا يحمد على مكروه سواه

الله لم يولي البشير علينا

البشير سرق السلطة ونهب مال الشعب

شرد الاخيار وافقر من بقى

وقتل من قاوم استبداده

الله عدل لا يولي ظالم علينا

الله سيساعد الاحرار للتخلص من قيود العبودية


الله بري مما فعل البشير وصحبه

الله سينصر (شعوب) السودان ضد الطاغية

الله سيخلصنا من الطاغية واعوانه ومطبليه


البشير والقذافي سواسيه في البطش والتربص بالشرفاء من شعوبهم

لن يكون مصير البشير اقل شأنا من مصير القذافي

بل ما لحق بالقذافي سيكون اهون اذا قورن بما سيلحق بهذا الطاغية


وسيحقق الله امال شعوب السودان فهو قادر على كل شئ

Quote: نتاج طبيعي ان تخرج الجماهير محتجة علي رفع الدعم عن سلعة ما

سلام يا عمر..
استفزني كلامك بأن الجماهير خرجت محتجة على رفع الدعم عن (سلعة ما)..
واليوم هاتفت والدي فأخبرني أن سعر صابونة الغسيل زاد من 2 ألف جنيه إلى 4 ألف جنيه..
وعلى ذلك قس..
الخبز اليوم 2 بي جنيه بعد أن كانت 4 حبات بجنيه..
وبرضو تقول لي سلعة ما..

من خصائل الكيزان أنهم مكابرون..
عارفين الغلط وين لكن ما بقدروا يعترفوا بيهو..

Quote: ومافعلت الانقاذ ذلك الا من اجل مستقبل واعد لاجيالنا القادمه

هذا الكلام لم يسبقك عليه احد الا الكذاب الاشر عمر البشير ..
ومع كل اجرامه محاكمته ستكون عادلة ..

قالها علانية انة سيستولي عليها
لتجنيب البلاد ويلات ماكان يعلم مداها الا الله

وقد كان


ومازال

مرحب اخ ايمن


شي طبيعي ترتفع الاسعار والسوق يشتعل والتجار
يخزنو السلع واصحاب المركبات العامه يزيدو في التعرفه
وضعاف النفوس يستغلون الظرف ويعم الهلع
والخوف وتخرج المظاهرات لكن سرعان ماينتهي كل ذلك ببعض المعالجات
والتدابير والتي اختطت لها الحكومه كما ذكر السيد الرئيس ليعم ويعود الهدوء
والامن والامان انشاءالله

عيب !!! اختشي !!! خلي عندك دم !!! ياخ اقول ليك شنو ؟

Quote: شي طبيعي ترتفع الاسعار والسوق يشتعل والتجار يخزنو السلع واصحاب المركبات العامه يزيدو في التعرفه وضعاف النفوس يستغلون الظرف ويعم الهلع والخوف وتخرج المظاهرات لكن سرعان ماينتهي كل ذلك ببعض المعالجات والتدابير والتي اختطت لها الحكومه كما ذكر السيد الرئيس ليعم ويعود الهدوء والامن والامان انشاءالله

ياخي انت لقطه ... لعناية صاحب الحوش ...

والله يا عمر لا أفقه شئ في السياسة اللعينة ولا أحب السياسة وألعابها المغلفة ، ولكن ما يجري في البلاد لا يسر العباد ، سنوات عجاف طوال والبلد من السئ لأسوأ في كل مناحي الحياة .

سيد علاء السلام عليكم

عمر حسن احمدالبشير هو رئيسي ورئيسك

انت تراه مجرم اشر

وانا اري فيه مشروع خلاص هذه الامه التي
عانت ماعانت لتصل ماوصلت اليه اليوم

نعمه يجب ان نحمد الله عليها وندعو الله بعدم زوالها

شكرا اخي اسامه بابكر

طبعا انت لقطة دي نظام تريقه

ومن ثم تقوم بتنبيه سيد بكري بان يقوم ببتري
كما الجسم الغريب والغير مرغوب فيهو في هذا المكان

يعني لازم اعوم في عومك واكون علي رايك ومزاجك اشتم البشير واسب الانقاذ عشان
تهلل وتصفق لي؟؟

طيب انا بالنسبة لي شايف الانقاذ والبشير من
مكتسبات ومقدرات هذا الشعب و خط احمر

Quote: مرحب اخ ايمن شي طبيعي ترتفع الاسعار والسوق يشتعل والتجار يخزنو السلع واصحاب المركبات العامه يزيدو في التعرفه وضعاف النفوس يستغلون الظرف ويعم الهلع والخوف وتخرج المظاهرات لكن سرعان ماينتهي كل ذلك ببعض المعالجات والتدابير والتي اختطت لها الحكومه كما ذكر السيد الرئيس ليعم ويعود الهدوء والامن والامان انشاءالله

أنا على قناعة تامة بأن الدخول في سجال ونقاش مع كل من يؤيد المؤتمر الوطني
عبارة عن تحصيل حاصل.. فلن أستطيع إقناعك بأن موارد السودان منهوبة
لصالح فئة معينة.. وأنهم لا يعانون مثل باقي الشعب..
طيب يا شيخ عمر:
متين الشعب السوداني ده يعيش بكرامة ويتعلم ويتعالج وينسى مشاكل المعيشة..
حديث الرئيس عبارة عن اسطوانة ممجوجة ومكررة وما عاد كلامه يجد أي تصديق..
قروش الأقطان براها ممكن تحل ربع مشاكل السودان..
وقروش سودانير المنهوبة بتحل الربع التاني..
فهل يستطيع سيدك الرئيس اتخاذ قرار في موضوع واضح وضوح الشمس..

اشكرك سيد ايمن علي مداخلتك الراقيه
والتي تبعد عن السب والشتم لكل مؤيد لهذه الحكومه

اما فيما يخص المعاناة والكرامه

فقد ذقنا طعم الكرامه والعزه وذهاب بعضا من معاناتنا
بقيام ثورة الانقاذ

اخونا ولياب ذكر نقطه هامه جدا وهو انو لايعرف اساليب
ولوج وخروج دهاليز السياسه وانا احد هؤلاء اي من غير
المؤدلجين
نظرة بل لفته سغيرونه يتاكد لك مايقوم به هؤلاء الرجال
والذين في نظر الغير فئة من الحراميه والكيزان النصابين

والبعض يريدونها فوضي تاكل الاخضر واليابس كما يحدث في
بعض دول الجوار

فالرجل كان ومازال واضحاوضوح ابن البلدوالذي لاتحس في حديثه
خبث ولا رياء ومايقوله يفعله ومايوعد به ينجزه ومايحذر منه يقع

تحياتي عبد الوهاب

ياخي انت ذاتك في أعماق نفسك ما مقتنع بالكلام البتقول فيهو ده وفتحت البوست ده عشان تزداد في إيهام نفسك بالاقتناع، لأنو حالتك زي حالة زول الشمس طالعة قدامو وشايفها وبقول لا ما طلعت! ياخي ربع قرن والزول ده راكب في راس الشعب السوداني والنتيجة شنو؟ ربع قرن دي أنت عارف مهاتير محمد عمل في أقل منها عمل شنو، ماو عمل شنو وحتى المجرم ستالين عمل شنو من الإنجازات الصناعية والزراعية والصحية والتعليمية؟ خليك من من الإنجاز وبناء بلد، المصائب العملها الزول ده ياخي ما كفاية؟ مئات الآلاف الهلكوا في حرب الجنوب والغرب وجبال النوبة والنيل الأزرق دي ما كفاية؟ تدمير دين وأخلاق الشعب السوداني ونشر الفساد المالي دي كفاية؟ ما كفاية إنو جايب ليهو مجموعة من المجرمين مركبهم على رؤوس الشعب السوداني وما عاوز يغيرهم نفس الوجوه يكرر فيها ياخي دي القذافي ما عملها.

ياخي أنا وانت قاعدين بره السودان وشايفين كيف الناس بتخطط وتغير في بلادها كل يوم للأحسن ونحن نشوف بلدنا مش بتتقدم ولا واقفة في حتتها ياخي دي بتمشي كل يوم للوراء بسرعة رهيبة. أنا شخصيا خجلان لأنو ظروفي ما سمحت لي إنو أكون مع هؤلاء الشباب الشجعان الذين يواجهون الرصاص بصور عارية، وأنا ممتنع عن كتابة أي شئ تحريضي فأكون كمن يدعو لشئ ولايفعله، لكن ما كتبته أنت الصمت خير منه.

الغمة التي ستزول إنشاء الله طال الزمن أم قصر وتذهب إلى مزبلة التاريخ هي حكم عمر البشير وعلي عثمان محمد طه ونافع علي نافع.

Quote: بعدين ياخوي قذافي شنو العاز تقارنو بالبشير القذافي رحمة الله عليهو كان مابعرف الضهر فيهو كم ركعه نحمد الله ان ولي علينا رجل عابد يخاف الله في شعبه ويسبح بحمده

ههههههههههههههههههههه

ياخي لو دى العبادة والخوف من ربنا ..طيب إنشاء الله يحكمنا كافر عديييييل .

بعدين القذافي فعلا لا توجد مقارنة بينه وبين البشير : على الأقل القذافي ما كان مجوع شعبه .