Post: #1
Title: والليلة يا ريح الصلاح الهابا فيك راحه وجع
Author: عبد الحي علي موسى
Date: 09-25-2013, 11:16 AM
والليلة يا ريح الصلاح الهابا فيك راحه وجع
والليلة الشجر الكبار وحشاه ناقرو السوس بقع
والليلة حق الناس ببين والليلة بنشوف البدع
والليلة وين البرقى من تالاك يبين
والبرق من تالاك سنين
يبرق كذا سيوف الصحابه الساجدين
والعاديات المؤريات خرشه جنات فى الارض جات
والخلوق الضايقة لا قوها اجمعين
|
Post: #2
Title: Re: والليلة يا ريح الصلاح الهابا فيك راحه وجع
Author: عبد الحي علي موسى
Date: 09-25-2013, 11:39 AM
Parent: #1
عرب البوادى المن شرق والامه دى المصلوبه
فوق حبل الصبر لما اتمدت والكادحين
والصالحين والساجدين والعابدين والزاهدين
ونفضنا من زمن الجدود صقر السنين
وسرجنا خيل مسروجة من زمن الحسين
وعرضنا زين
وجمعنا غطا المشرقين والمغربين
واميرنا صاح الرايه وين
والجمع صاح الرايه وين
|
Post: #3
Title: Re: والليلة يا ريح الصلاح الهابا فيك راحه وجع
Author: Adel Mohammed Abdulrahman
Date: 09-25-2013, 04:16 PM
Parent: #2
جرعات إبن بلد صرف ميال لحياة الكادحين والبساطة
|
|