الانقاذ زي الجدري، بفوت بعد ما يشيل طيبين كتار

حكمة استلها الاستاذ محمود من عمق الارث الصوفي السوداني و هو يتحدث عن نظام مايو. فعلاً ذهب نظام مايو لكن قبل ذلك اخذ الاستاذ محمود و طبيبن كتار فى طريقه.

Quote: والدة الرئيس البشير حكت عن طفولة الرئيس قائلة بسودانية جميلة :" عمر كان طبعو كويس لكن مرة دقيتو دقة شديدة عشان نزل البحر وهو طفل والدنيا كانت دميرة وقلت لى امى يمة ولدى بغرق انا ماشة الحقو وطوالى جبتو وكان عندو "قنقر "معانا وقال لى يمة قنقرى وينو ؟ما اشتغلتا بيهو وشلتا القهوة من امى ..قام مسك يدى وقال لى تانى يمة قنقرى وينو ؟ شلتا القهو باليد التانية وبرضو ما رديت عليو ..قام مسك يدى التانية والقهوة اتكشحت ..بعد داك دفرتوا جوة الاوضة انا اضرب فيو وامى تضرب فيو امى كانت ماسكاهو قلتا ليها يمة ماتفكيو لو اتفكا بيعمل فينا مصيبة ..امى فكتو شال الحديدة ام راسين البكسرو بيها السكر زمان وضربنى فى عضم الشيطان وغاب سبعة يوم فى بيت جدو الا بعد داك خجل واعتزر.

هذا البغل الذى ضرب امه و هو فى ميع الصبا، سوف يسحق هذه البلاد سحقاً هو فى ارذل العمر.

مرت على هذا البوست فقط بعضعة أيام. لازال الجدري الانقاذي يأكل من اجساد الطيبين فى بلادي! يا لها من حسرة، لكن النصر آت.