المشير والمغتربين

(يصرفون فلوسهم في باب شريف)

قالها بتفكه في المؤتمر الصحفي مدللا علي عدم تاثير مداخيل المغتربين علي الاقتصاد السوداني....

هذا هو الافق الذي ينظر من خلاله قائد الأمة الي المغتربين .


متي ترحل

كلام مستفز جدا ... المغتربين يذوقوا الامرين والبشير معاين ليهم في اللقمة اللي في ايدهم البيطلع زيتم عشان يوفروها
ما كفاية انو بيهجّر الناس واضطر السوداني وبفضل حكومته يضطر يرضى بأي ظرف في دول الاغتراب عن العودة لجحيم السودان ، بيلاحقهم بكضياتو حتى في مهاجرهم

** ود الكامل ..
** سلام وصباحك خير..
## بما أنه ليس على المجنون حرج ,, فأعذره قياساً :- ليس على الاهبل والعوير والمُتخلف والبوهميان حرج كذلك...

تحية


التبسيط المخل للقضايا.....القفز فوق الحقائق....القاء القول علي عواهنه....مكره الفطير...نظره القصير...يتواصل هذا المشهد العبثي كل يوم في دولة المشروع البائر...ذاهب الان الي الامم المتحدة يا تري في سياق عنترياته التي لا تقتل ذبابة ليخاطب الامم المتحدة عن منجزاته الحضارية ونموذجه المتميز في التنمية (في التسلط وابادة البسطاء)

ارحل..

البشير كلما سنحت فرصة يمتن على السودانيين بالرفاهية التي ينعمون بها في عهده
حالتو مقسم السودان ومعيش الناس تحت وطاة ازمات وغلاء طحنت الناس طحن

اعتقد ان السيد الرئيس ادرك فداحه الوضع الاقتصادي لذلك خرج علي الشعب بهذا المؤتمر الغير مرتب وقال فيه اي كلام ده غير الاعاده والتكرار
بالنسبه للمغتربين وباب شريف
الم يخبره احد ان المغتربين لهم واجب شهري تجاه اهلهم ابالداخل والا لكان الوضع اكثر مأساويه

تحياتي عبدالحليم

لعقود من الزمن شايلين لما ضهرنا (دبر) لا كلينا ولا ملينا ولا اتمايلنا ولا اتململنا ولا عاندنا ولا اتخاذلنا لما غربتنا أصبحت هجرة ..
نسيتوا ولا نذكركم ...
لا ما في داعي نقلب المواجع ..
الفينا مكفينا ..

يا مثبت العقل والدين