على الدارفوريون ... الانفصال

لو أن الانفصال سيوقف المآسي في دارفور ... واظنه سيفعل .. انفصلو
الكثير من ابناء دارفور لهم اليد الطولى فيما يحدث ... والمركز هو من يحركهم بالاساس !
صدقوني لا أحد يهتم بالموت عندكم ... قلة نادرة فقط من تهتم !
ما يحدث في رابعة هناك وغزة أهم كثيرا مما يحدث عندكم ... أنتم غرباء !
من العبث النظر للامور باعتبار ان السودان هو ما يجمعنا ... الحقيقة ربما لا توجد دولة الآن اسمها السودان
... عليكم باغتنام الفرصة واللحاق بالجنوب سريعاً !
لا تتأملوا زوال النظام ،،، القادم ايضاً لا يهتم!
مساحة دارفور لا تقل عن مساحة فرنسا على ما أعتقد ،،، ويا لها من خيرات!
القليل من النفط، القليل من الزراعة، القليل من الرعي والكثير من السلام ... نعمة كبيرة
قديما وحتى الآن ... السودان هو من يحتاج دارفور وليس العكس !

Quote: ... ... ...لو أن الانفصال سيوقف المآسي في دارفور ... واظنه سيفعل .. انفصلو الكثير من ابناء دارفور لهم اليد الطولى فيما يحدث ... والمركز هو من يحركهم بالاساس ! صدقوني لا أحد يهتم بالموت عندكم ... قلة نادرة فقط من تهتم ! ما يحدث في رابعة هناك وغزة أهم كثيرا مما يحدث عندكم ... أنتم غرباء ! من العبث النظر للامور باعتبار ان السودان هو ما يجمعنا ... الحقيقة ربما لا توجد دولة الآن اسمها السودان ... عليكم باغتنام الفرصة واللحاق بالجنوب سريعاً ! لا تتأملوا زوال النظام ،،، القادم ايضاً لا يهتم! مساحة دارفور لا تقل عن مساحة فرنسا على ما أعتقد ،،، ويا لها من خيرات! القليل من النفط، القليل من الزراعة، القليل من الرعي والكثير من السلام ... نعمة كبيرة قديما وحتى الآن ... السودان هو من يحتاج دارفور وليس العكس ! ...

..
..
..
... ايمن ....و هو كذلك يا عزيز ... مافي اي حاجه في الدنيا دي بتبرر للقتل ..قتل الابرياء من اطفال و نساء و اناس مدنيين.. وإلا لما كان اعتباره جريمه في كل دساتير هذه الدنيا من اقصاها الي اقصاها و منذ بدء الخليقه ...اللهم إلا في عرف و قوانين و دساتير عصابات المشروع الحضاري .....بل و تأتي اعترافات زعيمها (العصابه) لمزيد من اشعال النيران و مزيد من الحروب و مزيد من سفك الدماء .... انا ما عارف الزول ده بيضحك علي منو ؟؟؟ ...
...
..
..و مش هم براهم ... الشمال و الشرق .... الدور جايي عليهم ؟؟؟؟
..
..و خليهو يقعد هو و عصابتو دي في صقيعه القصر الجمهوري ...و والله العظيم .... ما يقدروا يطلعو حق فطورم ساي لو فكوهم مع خلق الله دي ...لانو ما عندهم اي شئ ...سيبك من مؤهلات عقل ما عندهم... هم قاعدين يعملو شنو اصلا .....ما قاعدين يعملو اي حاجه غير عملو ليهم شوية مباني كده و سموها بنوك و وزارات و قصر جمهوري و من داخلا بيصيغوا المؤامرات عشان ينهبوا خيرات البسطاء و الكادحين و خيرات اراضيهم ...في القبل الاربعه ....و دي ذاتا ما عملوها!!! لقوها جاهزه!!! .و دي ما مشكله ... اي قبله من القِبل دي تعمل ليها شوية مباني انشاء الله من الجالوص و تسميها زي ما تسميها ...و لو عملت معاها كعبه عشان يعبدوا ربهم فيها يكون ما بطال .... المشكله وين ؟؟؟ بس نطلع من الدمويه النحنا عايشين فيها دي ياخ؟؟؟
..
..عالم وهم ياخي
...
..
......

الحقيقة دائما مؤلمة .. كالكحول على الجرح
يؤلم نعم .. لكن يطهّره

السودان لم تعد دولة فهي قد تفككت و بقي الاسم في ردهات المنظومة العالمية التي لا تدري ماذا تفعل مع كل مأسي العالم الان و لكن الي ذلك الحين الذي ستعترف فيه المنظومة الدولية بوجود الخلل سيظل الدارفوريين قربانا لهذا الاسم

Quote: الحقيقة دائما مؤلمة .. كالكحول على الجرح يؤلم نعم .. لكن يطهّره

مئات الالاف يا محمد - ماتو- والملايين تم تشريدهم والمؤتمرات هي المؤتمرات
الجرح تعفن ويحتاج لعلاج جذري

Quote: بس نطلع من الدمويه النحنا عايشين فيها دي ياخ؟؟؟

حقيقة يا Hololy الانسان في دارفور يعاني كثيراً ،،، وأعني بالانسان: المواطن البسيط، وليس الزعامات؛
كبر، هلال، والعديد من الزعامات الوهمية يتاجرون بمعاناة الناس !
لو انقطع تدخل المركز في شؤون دارفور لحلت الكثير من النزاعات الوهمية والمفتعلة
لو حل الامن والسلام لما احتاجت دارفور لغير الرعي والزراعة

ايمن سلامات يا صاح
صدقني لو كل السياسات الفي السودان ياها زي
سياسات من 56 لحدود هسي دار فور ح تحصل
الجنوب و بعديها حيلحقها الشرق .


بداية السعي لفصل دار فور

السلام عليكم
لقد نجحت الانقاذ بجدارة فى تفتييت الوطن
حيث جعلت ابناءه ينادون ويدعون اهلهم بالانفصال
اما كان الاجدر بك ان تنادى بازالة الكابوس من ان تنادى بانفصال وتفتيت ما تبقى من البلاد
هل هو العجز ام اليأس ؟؟؟؟!!
صراحة لا ارى اى فرق بينك وبين حكومة السجم والرماد التى تسمى نفسها باللانقاذ ولا بينك وصاحب الانتباهة!
رحم الله القائد والزعيم خليل عندما سئل عن الانفصال فقال من ينفصل عن من باعتبار ان دارفور هى اصل السودان

نسال الله ان يحفظ ما تبقى من السودان واهله وان يزيل عنا هذا الكابوس الجاثم على صدر الوطن

اتوق الى ذلك اليوم الذى اسافر فيه من مطار نيالا او مطار الفاشر حاملا جواز سفر مكتوب عليه THE REPUBLIC OF DARFOURومتجها الى دول العالم الاخرى معتداً و مفتخراً بانتمائى الى هذه البلد العريقة صاحبة التاريخ التليد. اتوق الى التعريف بنا كشعب دارفور فى المحافل الدولية. اتمنى ان ياتى اليوم الذى يفوج فيه الحجيج من الشعب الدارفورى من مدن دارفور مباشرة الى جدة و بالعكس. اتمنى ان يجيئ اليوم الذى اصل فيه الى دولة السودان الجارة عبر مطارها الدولى مطار الخرطوم و اقدم جواز سفرى لموظف الجوازات و اسمع منه كلمات من المزاح ( شنو يا ناس دارفور خلاس بقيتو دولة و انفصلتو). و الاهم:- ان تكون لنا استقلاليتنا الاقتصادية : لنا تجارتنا ولنا جماركنا دون تحكم من مركز قابض , لنا اتفاقياتنا التجارية مع دول الجوار بما فيها دولة السودان بناء على الندية و السيادة الوطنية الكاملة. حينها ستكون العلاقات الاجتماعية بيننا و بين اخوتنا فى السودان افضل و فيها الاحترام المتبادل. وكل زول عزيز فى بلدو.