قـصـيـدة الـبـيـتـزا،،، أشـعـار ود اـلـمدـير، وشـقـشـقـة الزرازـير ...

قصيدة البيتزا ...

هوت ضوق يخنقك يا عوير
الزول دا قال في العسكرية وصل مُشير !!!
هوت ضوق يخنقك يا عوير
الناس دي تنبح بالسنين
سيّر سيّر يا بشيّر
نحن معاك للتعمير
تجيب ليها هوت ضوق يا كبير !!!
إنجاز خطيّر،
والله إنجاز جد خطيّر
ورئيسنا زاتو رئيس خطيّر
ودكتورنا ود عبد الرسول
احسن وزير
البيتزا رقدا في البلد
والشعب مستمتع يقرطع في العصير
وبيُوتُن الشينات زمان ومكعكعات
سراميكا يلمع في الشمس
ومضروبة جيّر
وتلآجتو سِطاشر قدم،
الكان زمان حاضنلوا زيّر
الإسبِلت والكندشة لا زنقة لا حر
لا سمايم وزمهرير
بي بركة الحاكم الأمير
ما فينا تب زولاً فقير
خلُو اليرِك، لا تقولوا طِيّر
هوت ضوق عديّل !!!؟
الزول دا بالجد فيهو خيّر
هوت ضوق وبيتزا شِبِعنا تب
لا فينا زول دآير إعانة
لا فينا زول كايس نفيّر
لا فينا زول بايت القوا
لا فينا زول ماكِلّو صيّر
الناس كُرُوشا متندلة
إن كان كبيّر، وإن كان صغيّر
لا تمشوا قِدآم الإله
تقولوا جوعنا البشير
يا شيخ علي بيّك نِستجيّر
من المعارضة والنفير
ومِن البِبحبِتوا بي تِحِت
كايسين يقِلبُوُهُو المُشيّر
وسيّر، سيّر يا بشيّر
هسّع يكون فرحان
ينطِط ومُنتشي
صدّق كلآم ود المدير
ما قلت ليكم زول عويّر ...
والله صحي.
الزول دا بالجد
زول عوير...
.
.
.
ود المدير،
فاس الماوراها ناس...

ايوا بتاكلوا بيتزا، عايز تنكُر كمان ...

كـلـب سـاخـن ...

شفت يا ود المدير هنا معروف انو الهوت دوق ليست من المأكولات الصحية و الناس بتحاول تتجنبو و زولنا ده شايف انو المسألة تستاهل يشتمو بيهو شعب كامل
و زولنا الاخر برضو مرة ارجعو للعصيدة و مرة اكلناكم بيتزا لاول مرة

________________________
ليه بس ناس الانقاذ بشتمو الشعب بالاكل

كما تكونوا .. يولى عليكم!

Quote: كما تكونوا .. يولى عليكم!

الحمد لله الذي جعله والياً علينا وعليكم
بما كسبت عقولنا جميعا...

ود المدير والله اليومين دى بشوف رويحتك مكركره لكن حديثك
دا ما يبقى جخ وكلام داخل الجامع تقدر تمرق على السهله
دى القريمانه إلا ترقدك سلطه.

سلام يا ود المدير قلنا نشارك بفطور كارب بس جهز الكتشب .

أبشر بطول سلامة فها قد برز لتقريظكم
شاعرنا الفحل ود المدير




هيع

ادونا هوت دوقكم نضوق ونديكم
تضوقو تدونا

Quote: ليه بس ناس الانقاذ بشتمو الشعب بالاكل

محجوب يا هبيب،
غايتو عمّك البشير دا كان قاعد يجري محطتين ورا القطر
وحفيان وينبح، رغيفة، رغيفة، رغيفة، عشان كدا حكاية
الهوت ضوق دي شايفا إنجاز ضخم جداً، أما صاحبنا
الوزير دا فهو إمّعة ساكت.
والله صحي...

Quote: ود المدير والله اليومين دى بشوف رويحتك مكركره لكن حديثك دا ما يبقى جخ وكلام داخل الجامع تقدر تمرق على السهله دى القريمانه إلا ترقدك سلطه.

هههههههههههههههههه،

يا المنصور اخوي إياهو الجخ وحديث الجوامع زااااتو.
دايرين تمرقوني للقريمانة، وتقعدوا تاكلوا في الهوت ضوق
والبِتيخ السااااااااقط ؟؟؟،،،،، حلآة لِق لِق...

Hot dog! (Hot dog)
Hot dog!

Hot dog, hot dog, hot diggety dog
Now we got ears, it's time for cheers

Hot dog, hot dog, the problem's solved
Hot dog, hot dog, hot diggety dog

Grab my boots and a sandwich
Let's start a parade
Get the coconut drum kit
For Daisy to play

Hot dog, hot dog, hot diggety dog
We're taking off, we're dancing now
Hot dog, leapfrog, and holy cow
Hot dog, hot dog, hot diggety dog

Hot dog, hot dog, hot diggety dog
It's a brand new day
Whatcha waiting for?
Get up, stretch out, stomp on the floor

Hot dog, hot dog, hot diggety dog
Hot dog, hot dog, hot diggety dog
We're splitting the scene
We're full of beans

So long for now from Mickey Mouse (That's me!)
And the Mickey Mouse Clubhouse

Quote: Now we got ears, it's time for cheers

Quote: Hot dog, hot dog, the problem's solved

سلام ودالمدير !!
البيتزا و أصبر !

Quote: سلام يا ود المدير قلنا نشارك بفطور كارب بس جهز الكتشب .

سلآمات يا نجاة.
مشكورة علي الفطور الكارب والكتشب جاهز.
بس ما تجيبي لينا السيد الرئيس، الزول دا
قالوا الهوت دوق دا ببلعو زي اللسبرو. تصدقي
الغليان دا ضارب أُمو في قنقرة، بالله زول يدُق
أُمو في قندول عيش ريف !!!؟؟؟.، ليهو الحق
يخلعو الهوت دوق. والله صحي...

Quote: ليه بس ناس الانقاذ بشتمو الشعب بالاكل

عندما سألكم الطيب صالح"
"من أين أتى هؤلاء؟)

لم يكن يجهل الإجابة .


تحياتي

Quote: ليه بس ناس الانقاذ بشتمو الشعب بالاكل

عندما سألكم الطيب صالح"
"من أين أتى هؤلاء؟)

لم يكن يجهل الإجابة .


تحياتي

Quote: صدّق كلآم ود المدير ما قلت ليكم زول عويّر ... والله صحي. الزول دا بالجد زول عوير... .

.............................................
التحية لك عزيزي ود المدير

Quote: أبشر بطول سلامة فها قد برز لتقريظكم شاعرنا الفحل ود المدير هيع

عاد باقيلك الكلآم دا يا بله بيبقى ؟؟؟،
بعد لبّنت بنديها الطير كيفِن ؟؟؟!!!.
الزول الجاب لنا الهوت ضوق دا، لوّمك بي
ما بنمرقوا من تِحِت إيدنا.

والله كلآمي شنو ليك ؟؟؟...

Quote: ادونا هوت دوقكم نضوق ونديكم تضوقو تدونا

هههههههههههههههههه،

يا عبد الحفيظ عليك الله اكشح لك فوقو
شوية بيتزا، عشان كمان نضوق طعما
فد خترة...

و الله يا معاوية هذه قصيدتي العصماء بخصوص الهوت دوق قبل 3 اسابيع و اتي عمر البشير ليشتم هذا الشعب المسكين الذي يستحق الشتم

Quote: المصانع محمية من فوق Easy Food Donkey meat Hot dog Made from dog Hot soup or Noodle Made from Kerry Beagle خليت اكلك السمح عصيدتك قراصتك مريستك باسم مصلح فول مسلح بقيت تأكل في اللغاويس ما بتفرز في المتاريس تخاف من المديدة تتشتم بالعصيدة و تموت بالسراطين من البوتاسيوم برميده و تقول "البديل منو"

و للمديوندير ايضا نصف ضحكة

الحمد لله الذي جعله والياً علينا وعليكم
بما كسبت عقولنا جميعا...
-----


ههههههههه :)


بل ول عليكم .. وكان امتحان لامثالنا
علينا بالصبر والصلاة






















---------


انتو (الكلتان) دا قايل كل الناسزيو!؟

حرم لمن كان هو واشكالو بجروا ورا المحلي او قطر كريمة ان (فكها .. فكها. .. فكها) او كما قال حميد عن شفع العرب الفقارى ...
وكتها نحنا في القيقر راكبين الميركري الما خمج
بتعرف الميركري يا عميرة الطيرة!؟
اسي دي خليك من زمان!!


والله (عوير) ذاتا شوية يا مدير
ما تجامل قريبك :)

Quote: عندما سألكم الطيب صالح" "من أين أتى هؤلاء؟) لم يكن يجهل الإجابة . تحياتي

حياك الغمام،
أخي الدرديري.

رحم الله الطيّب صالح،
فعلاً هاؤلاء الطغمة لا يمتون للسودان
وأهله بصلة...

Quote: .......................................... التحية لك عزيزي ود المدير

تسلم يا حامد الغبشاوي،
ولك مني عاطر التحايا.


مشكور علي الرفد...