الحمدلله قريبي طلع نبي

عندي خالي زمان في بدايت السبعينات اتزوج بت عمه وجابها من شندي نيف كرت
ويوم اتشاكلو وهي رغم جمالها الصارخ زولة صعبة جدا رحمة الله عليها
ما بترضى الحقارة
الكلمة بالكلمة عندها كبير الله
اها يوم في عز الشكلة قال ليها
( غلطان انا العلمتك اكل السندويتشات)
وكأنه كان يتنبأ بان ياتي يوم
حكومة السودان
تقول لشعبها
( غلطانة انا العلمتكم اكل الكلاب سخنة)

انا متاكد انو عدد كبير من الشباب الكانو قاعدين ما عارفين الهوت دوق
ياخ الناس فس عرض حقنة ملاريا
تقول هوت دوغ
هل تم اختصار السودان في كافوري؟
همسة للرئيس

السودان كا ن 2 مليون كلم مربع
يكسن في 80% مزارعين ورعاة
ناس الخرطوم البتاكلو الهوت دوغ جزء يسير جدا جدا بمعدل 5% من سكان الخرطوم والب 95 بعضهم ياكل من فضلات المطاعم وعليك ان تقيس