Post: #1
Title: عبد التام ... خشمو ملان كلام !!!
Author: يحي قباني
Date: 09-18-2013, 07:59 PM
المثل ده بينطبق علي منو يا ربي في المنبر ده ؟
سرحت في الاسماء ...
و ما جبت اخر اللسته ...
بس لقيت انو الفضل بعد الله سبحانه و تعالي يرجع
الي منبر سودانيزاونلاين ...
فقد انجب المنبر ...
السياسيين ...
و المناضلين ...
و المعارضين ...
و المواليين ...
و الكتاب ...
و النقاد ...
و الروائيين ...
و المسلمين ...
و الكفار ...
و القلبو النظام ...
والقلبو الهوبه ...
و كلو بيتكلم ...
كلام في كلام في كلام ...
حاجة جميلة ...
باسوورد كما حبة ( الملين ) ...
كل من كان لديه (أمساك ) كلامي مزمن ...
( اتسهلت ) اموره بالباس وورد ...
يحيا عبد التام ...
و كلنا عبد التام ...
|
Post: #2
Title: Re: عبد التام ... خشمو ملان كلام !!!
Author: يحي قباني
Date: 09-18-2013, 08:51 PM
Parent: #1
رايت من يوافق علي مبدأ في بوست ...
و رأيته يناقض نفسه بنفسه في بوست آخر ...
|
Post: #3
Title: Re: عبد التام ... خشمو ملان كلام !!!
Author: يحي قباني
Date: 09-18-2013, 08:52 PM
Parent: #2
رأيت من يرد بناء علي آخر رد قرأه ...
و رأيت من يشوت مع الشائتين ...
|
Post: #4
Title: Re: عبد التام ... خشمو ملان كلام !!!
Author: يحي قباني
Date: 09-18-2013, 09:36 PM
Parent: #3
و توزعت الالقاب بالمجاني ...
زعيط ... بقدرة قادر بقي ( الزعيم ) زعيط
معيط ... بقي يرضو بقدرة قادر ( الرفيق ) معيط ...!!!
و نطاط الحيط ... ما اتغير شي ... ما اصلو نطاط حيط ... الجديد شنو .؟
|
Post: #5
Title: Re: عبد التام ... خشمو ملان كلام !!!
Author: يحي قباني
Date: 09-18-2013, 09:41 PM
Parent: #4
داير يكتب قصة ...
قلنا كويس ...
لا لا ... احسن يكتب رواية ... لقب ( روائي ) اجمل !!!
برضو قلنا كويس ...
الناس قالت و الله كتابتك جميلة ...
قال ليهم و هو انا بكتب ليكم ؟؟؟
انا بكتب لي روحي دي !!!
تكتب لي روحك كيف يعني ؟
عمرك شفت ليك زول رفعها ( كورنر )
و هو زاتو مشي دخّلها قون بالهِـــدْ
|
Post: #6
Title: Re: عبد التام ... خشمو ملان كلام !!!
Author: Ridhaa
Date: 09-18-2013, 09:54 PM
Parent: #5
سلام يايحي قباني
Quote:
عمرك شفت ليك زول رفعها ( كورنر )
و هو زاتو مشي دخّلها قون بالهِـــدْ
|
نعم دا المرحوم سعيد خيرالله ( سعيد بلبوط )في نادي الاخلاص ..... وكان بلعب حفيان .!!!!!
تحياتي لك ولضيوف البوست ......
|
Post: #7
Title: Re: عبد التام ... خشمو ملان كلام !!!
Author: يحي قباني
Date: 09-18-2013, 10:01 PM
Parent: #6
Quote: نعم دا المرحوم سعيد خيرالله ( سعيد بلبوط )في نادي الاخلاص ..... وكان بلعب حفيان .!!!!!
تحياتي لك ولضيوف البوست ...... |
سلامات يا حبيب ...
الكلام ده قالو احمد دوله قبال ده و احمد دوله هلالابي ...
و القصة مشكوك في امرها ...ههه
|
Post: #8
Title: Re: عبد التام ... خشمو ملان كلام !!!
Author: Nader Abu Kadouk
Date: 09-18-2013, 10:08 PM
Parent: #7
قباني يا جميل ازيك..............
صدقني الشغلانية شللية و علاقات شخصية اكتر منها موضوعية..................
دي قربة مقدودة يا حبيب..................
|
Post: #9
Title: Re: عبد التام ... خشمو ملان كلام !!!
Author: يحي قباني
Date: 09-18-2013, 10:10 PM
Parent: #8
| Quote: دي قربة مقدودة يا حبيب................. |
ما ننفخ يعني يا نادر ؟
|
|