|
Re: حملة نفير الجالية السودانية بسيدنى .. رغم الإفتراءات (الصور تتحدث) (Re: آدم جمال أحمد)
|
... ...ادم جمال ....ازيك .. ياخ و الله شفت البوست ده امبارح بالليل ... بعد ما كتبت لي مداخله في بوست بذات الموضوع ... المهم ياخي كتر خيرك ..وعشان ما نكتر البوستات بذات الموضوع الواحد ... ياخي انا حأوقف الكتابه في داك و حانقل مادتو هنا كمداخلات و الحمد لله هم مداخلتين او تلاته يعني ما كتار ... علي امل ان نتواصل مع الاصدقاء بسيدني في بوستك ده و نشوف لينا حل للمعمعه بتاعت العمل العام اللافين صينيه حولها دي ... .. .. ..دمت ... ..
| |
|
|
|
|
|
|
Re: حملة نفير الجالية السودانية بسيدنى .. رغم الإفتراءات (الصور تتحدث) (Re: Hololy)
|
.. .. .. كلاكيت مره تانيه ... . . .يا بكري ياخ البوست ده تفريعه من بوسب سابق ... و لو في طريقه ادماجو معاهو (مستقبلا لكن) يكون كتر الف خيرك ...وربنا يديك الفي مرادك و ينبّت ليك شعرك في القرعه المزينه دماغك دي و يعملو ليك شعر دماغ هندي...( اللهم لا تهنّدنا و لا تمحنا )...قبل ما تتسهِك من النقير العليها بــ الكي بوردات بتاعت العضاء دي ...و يلحق المخ ...و انت تلحق امات طه .... تشيل قرعتك و تعمل ليك سبحة بطيخ تلف بيها في شوارع نيويورك ...درويش ؟؟؟؟ . . و لانو تقديري هسع ان يكون منفصل عن ذاك ...لا لشي فقط للازمات البندخل فيها نحن السودانيين الاسترال او الاسترال السودانيين ... (ما عارف دي تجي كيف) .... لكن بالضروره هي جزء من ازمات و مشاكل المهاجر للذين وجدوا أنفسهم فيها مختارين كأخف الخيارات وطأة امامهم و كوصفه علاجيه سريعه و مريحه مقارنة باوضاعهم الكانو فيها ولم يختبروا ضغطها واعراضها الجانبيه عليهم قبل الولوج الي جخانينها ... و ذلك في اعتقادي لانه لم يكن هناك تخطيط مسبق لتلك المهاجر في مقابل تخطيط مسبق لسياسات قوي وايادي مجرمه منبتا و تكوينا بالداخل تضافرت معها جهود خارجيه كثيره لنجد انفسنا و وطننا فيما نحن عليه الان.... و هذا موضوع اخر قد نتعرض له في مكان اخر او يتعرض له متن البوست من سياقه العام في بعض جزيئياته .... لتشابك الاشياء بعضها البعض ؟؟؟؟؟؟؟!!!! .. ..شئ اخر يا بكري اب شعر و قبل الدلف لمتن البوست ... و رجاء .....رجاء ....رجاء ....رجاء ... حتي ينهزم الترجي و يتلاشي ... انو اي زول يتقدم ليك بطلب للحصول علي باصويرد وعضوية المنبر فلا تحرمه من هذا الشرف ... ايا كان و بشكل مطلق .... و اعتبر كلامي ده بمثابة واحده من التثنيتين المطلوبتين وفق قوانين المنبر ... ومن ثم اناشد الاعضاء الاخرين من سيدني ... ان يدعموا بتثنيه اخري ... كي تكتمل المتطلبات اللائحيه ... و اعطاء الفرصه للاصدقاء بسيدني من اعضاء منظمات مجتمع مدني او قيادات لهذه المنظمات او حتي لا هذا و لا ذاك بل فقط مهمومين بعمل تلك المنظمات...بمعني اخر توفير ارضيه لانتزاع فرصتهم التعبير عن رايهم و رؤاهم بالاصاله عن نفسهم و ليس بالوكاله ... طالما امكانية الاصاله متوفره بالحصول علي عضويه .... و الطلب ده انا بطلبوا منك يا بكري للمره الثانيه ... المره الاولي كانت في البوست الاول .... فشـــــنو ... خليك حنين معانا ياخ ؟؟؟؟!!!...و صدقني ما بتجيك عوجه !!!! و إن جاتك ... يا خي ارميها علي ....اصلو نحنا طالعين للربا و التلاف في الدنيا دي ... .. ..اها قصرت معاك؟؟؟ .. .. ..يقصر البورد .. .. ..بالضروره الاشاره الي ان ذلك لايعني الانغلاق في صدفة سيدني المهجر ...فكلنا في الهم شرق وغرب و شمال و جنوب وبامتداد سطح هذا الكون الذي تهجرنا اليه ...باستثناء الداخل مما يعني ان الباب يُدخل جمل كل الرؤي والاراء وعصافيرها الهاجرت الي مكان اخرغير سيدني .. .. .. .. .. .. .. ..نقطه ....فرح ابو روضه
..حول العمل العام ...سيدني ....استراليا
| |
|
|
|
|
|
|
Re: حملة نفير الجالية السودانية بسيدنى .. رغم الإفتراءات (الصور تتحدث) (Re: Hololy)
|
... ... بثت هذه الروح النابعه من عظم ونخاع و اصالة اولئك الفتيات و الفتيه الروح في قطاعات واسعه من عصافير المهاجر اصدقائهم وابناء (الوطن الام الحنينه) رغم كل شئ فكانت نفيرات او نفاير او نفرات -(اجمعوها براكم من غير مشاكل لو غلط!!؟) - المهاجر و نفير سيدني ليس استثناء. و هذا ما يهمني في هذا البوست و بالضروره يهم كل سودانييي المهجر ... بسيدني ... اولئك الذين تبرعوا من حر مالهم للحمله او من حتي كانت قلوبهم و قرائحهم تشرئب بنجاح الحمله و من فوق ذلك تهم الاصدقاء الكانو قائمين علي رأس الحمله و حشدوا الناس لها بالنقاش و التحفيز و تصعيد الفكره لتأخذ حيزها في صدرهم و قلوبهم .... من كل ذلك أأمل من الاصدقاء الذين نشطوا ابان الحمله ناس ادم جمال ...و مبارك احمد علي و ثابت و عامر و النيل و وليد الشويه و هشام وحسن سعد بالاضافه للاخوه في جمعية لاكمبا هاشم عبد الله و عثمان السر و سيف ..لانو ديل و قبل ما تبدأ الحمله الاخيره كان عندهم فنكشن في حديقة تمبي بمناسبة العيد امه جمع... و من داخل الفنكشن تمت المبادره بتقديم اسكتش مسرحي صغير عن السيل ...بين البنت الشقيه المسرحيه الجدعه كريمة اخونا عبد الخالق السر و اختنا مني و عثمان السر و بذكاء تناول الاسكتش الترادف في كلمتي سيل الانجليزيه و العربيه بايحاء للمشاهد او الحضور ان هناك سيل كبير (اوكازيون) في واحد من عدد من المحال التجاريه الكبيره ذائعة الصيت والاسم بسيدني و المحاوره و التسابق في معرفته بين مقدمي الاسكتش و الحضور واذ في نهاية الاسكتش يكتشف الحضور انه سيل الامطار المدمر بالسودان... و ختم الاسكتش بفتح باب التبرعات للحضور ... .. .. عرفت مؤخرا ان هذه التبرعات تم اعطاءها و بكل اريحيه للجنه التانيه ... .. مشاركة كل هؤلاء المذكورين اعلاه بالطبع لا يقف حائلا لمشاركة الاخرين ....واصراري لما كانت عليه هذا المقدمه رغم علم الكثير بها .. ورغم ان هناك بوست اخر يتناول نفس الموضوع إلا انني ارتأيت فتح هذا للبعد عن الاحتقان الذي شابه وليس للكثره او التعدد و تشتيت الكره بل بالعكس لــِ لم اللاعبين والكره داخل الملعب بالاضافه – و هو الاساس – ان العمل العام سيلاحقنا اينما حللنا في صحونا و منامنا ...في داخلنا و مهاجرينا ...لا لشئ غير ان الناس الافراد هم جزء من العام و يشكلونه ...و لن تكون نفير سيدني هي اخر هذه الاعمال كما لم تكن اولها ... فقبلا كانت هناك جمع تبرعات تحت مظلة بناء مستشفي اطفال بالخرطوم؟؟؟ ؟؟!!!.. و اتجمعت تحت هذه المظله مبالغ لكننا لم نري لا مستشفي ولا طحين و لا بطيخ...و هناك مشاكل المغفور له التجمع الوطني الديمقراطي طيب الله ثراه...و هنالك مجئ بعض المشؤلين لسيدني وارتباط ذلك بالانتخابات بالسودان و مايسمي بمؤتمرات الاعلاميين العاملين بالخارج و هناك ...و هناك... والكثير ...وكل ذلك كان مظلته العمل العام و منظمات المجتمع المدني .. و كلو يتناوله الناس كاشكال سلبيه و محبطه في مسارات العمل العام .. و سياتي مناقشتها في حينها وفي اطار مداولات البوست الاخر ( استراليا .... سيدني .... الملف ) ... ... فقد اود التركيزالان هنا علي موضوع نفير سيدني واشاراتي لغيرها لاندراجهم تحت نفس المظله – العمل العام – و الاخفاقات المصاحبه و اجترار سلبياتها لذلك فالامل معقود ان يسهم الجميع بسيدني محاوله الخروج الجاد من هذه الدوامه و الاخفاقات التي تصاحب العمل العام وعدم تكرارها في قادم العمل العام ...كي لايصاب في مقتل وكمان عشان نطلع من المربع الاول ده و نمشي لمربع تالي و يقيني ان ذلك ممكن لن يتأتي إلا بوضع اسس سليمه و مرنه جماعيا تقطع دابر الاخفاقات القديمه و المتكرره ...و تنقلنا لاخفاقات جديده و متجدده مع تجدد الحياه و مشاكلا ونقدر معالجتها بمرونه وبما يصب في الصالح العام ... لذلك اهيب بكل الاصدقاء من كان عضوا بالمنبر مع المناشده التي لن تُكل لمن لم يكن عضوا المبادره بتقديم طلب العضويه و تكملتة مع الاخ بكري ابو بكر...و بالتأكيد ان هذا يتقاطع و يضيف الي ثراء التجربه و المناقاشات حولها داخل منظمات المجتمع المدني السودانيه العامله في سيدني نفسها و جمعياتها العموميه سواء كانت منظمات اثنيه جبال النوبه...ليفربول...دارفور...لاكيمبا ...او جمعيات ثقافيه مدد ...مجموعة اللقاء الشهري الثقافيه .. ..الخ وللذين يرغبون في مراسلة مدير المنبر للحصول علي عضويه و باصويرد ... مع مناشده عاليه لكل ناس سيدني للمره الكم ما عارف مراسلته و طلب العضويه ... و يا بكري النبي فيك ...ما تقصر معاهم ... لانو دايرين نساهم في وضع اسس للعمل العام ده و دايرنو يكون دايما صحي وفي الهواء الطلق عشان نطلع من المحن دي ... الفينا مكفينا و زايد ياخي [email protected] واذكر الاصدقاء و بكري مره تانيه ...انو اي طلب يتقدم فها هي تثنيتي عليه ... (...حـلــــــــــــــولي ....اثني الطلب ) علي بيــــــاض
...Re: حول العمل العام ...سيدني ....استراليا
| |
|
|
|
|
|
|
|