خبر في صحافة اليوم : البشير الي واشنطن قريبا

كما ورد في صحيفة اليوم التالي الصادرة اليوم

Quote: كما ورد في صحيفة اليوم التالي الصادرة اليوم

معناته في حاجة تاني ح تترفع يا ريس ..
عايزين يرفعو شنو المرة دي ..؟

..
يجدعو ليك الخبر للناس وينشغلو بيهو .. وهوووووووبا يرفعو .. ولما الناس تصحصح وتستوعب .. تاني يدوهم ليك خبر جديد
شفوت والله

والله يا تمبس كلامك صاح فكثيرا ما يمسكونا ضنب الككو لبعدنا عن التفكير فيما يريدون ان يفعلوا

العوض سلام

في حي جديد في الخرطوم اسمه واشنطن ولا شنو!!!!!

إن شاء الله تبقى زي زيارة نميري المشاها وما جا السودان تاني إلا وهو رئيس سابق

نميري دقس يا هاني لكن البشير ده معاه عبد الرحيم مظبط اموره ما تخاف عليه

هههههههههههه
ياربي سوبا بعد نقل السفارة الامريكية ليها سموها واشنطن ؟

وهل ثم هل !
وامريكا عصمت الفساح من قبل ؟
أمريكان باي

يا العوض
الخبر مافيهو سيرة واشنطون ؟
نيويورك بس .
زيارة واشنطون بتفرق كتير من نيويورك

جاءنا أن ود الباوقا أهدى أغنية (قلنا ما ممكن تسافر) للبشير

رفضاً منه ىالسفر إلى دول الكفر

الخبر مافيهو سيرة واشنطون ؟

شكرا ايمن محمود للتنبيه

يا عاصم يبدو ان الريس هذه المرة مسافر مسافر وما علي ود الباوقة الا مرافقته ان اراد

ناسف للخطأ يا اساسي .. اعلم انه لا يفوت علي سيادتكم ان السفر لامريكا فيه من الخطورة لرجل مطلوب دوليا من المخاطر ما يكفي

قد يكون في الامر تسوية ما يا عادل

الخطورة مش في نيويورك، أو واشنطون التي لم تذكر في الخبر.. الخطورة في كيفية الوصول إلى هناك.. يمكن إجبار الطائرة وهي في المحيط الأطلسي بالنزول في لاهاي.. إلا إذا كان هناك ضمان من كل الدول دائمة العضوية في مجلس الأمن.

دعوة بانكى مون دي ما بتدخلوا نيويورك لو ما ختم عليها أوباما

رسل جوازو السفارة الامريكية ولا لسا؟ بعدين أتخيل لى جواز البشير مختوم فيه ابليكيشن رسيفيد.....

Quote: يجدعو ليك الخبر للناس وينشغلو بيهو ..

فعلا الحركة دي بيسووها كتير ودائما بتجيب دخل حيث ان الشعب وعلى طول الخط عند حسن ظن النظام به في الانجرار للانشغال بقضايا المفروض انها ثانوية ... وين سفر الرئيس للغلاء والازمات الاقتصادية والسياسية والاجتماعية التي يرزح تحت وطاتها المواطن




التحية لكم الاخ تمبس ولصاحب البوست وللمتواجدين

الاخ مهدي صلاح ولك مني الف تحية
نعم الخوف من الهاء الناس بامر وفي الحقيقة يريدون امرا غيره

يا سيف اليزل اذا بان كي مون دعاه فتاكد ان امريكا موافقة

اعتقد اذا امريكا سمحت له واعطته تاشيرة الدخول فهناك خياران اما ان الامر تم في اطار تسوية ولن تكون هناك مشكلة..
او ان الامر مخاطرة ودفع به من بعض رجال حزبه فستكون لاهاي اول محطاته ..
ولا رائك شنو يا ياسر

الخبر لاأساس له من الصحة وهذه لاتحتاج إلى عميق تفكير يعني لو الخبر قال البشير إلى واشنطن كان ممكن الواحد يفكر في انو ممكن يكون صاح وممكن يكون غلط لانو اميركا دولة تستطيع ان تتخذ قراراتها منفرده وتتحمل نتائجها .. لكن الأمم المتحدة لاتستطيع استقبال مطلوب للمحكمة الجنائية الدولية دون تسليمه للمحكمة .. ودي اذا حصلت تعني يادنيا عليك السلام ..نكزة: عاموس لما التقت البشير في الخرطوم حتوه معاها قرض وقرب يكلفها منصبها وقامت تتعذر بان مهمتها بتتطلب انها تلاقيهو ناهيك عن ان يستقبله بان كي مون ووين في مقر الامم المتحدة دي دكسة كبيرة من ناس اليوم التالي لا ادري كيف فاتت على الاستاذ محمد الاسباط وهو صحافي مقتدر

ههههههههههههههههههههههه
اضحك الله سنك يا المسلمى بتلقوا النكات الحلوة دى وين
الله هونينى

المسلمى...

دا لعب بالاعصاب ليس ألا..
الآنقاذ دى خّلت الشعب السودانى(متركش) زى حلة الشوربا،،لا هو مغّطى ولا هو كآشف..
والريح تلعب بالغطى زى ما دآيرة..
دى حآلتنا مع الآنقاذ..
ونحنا كل مرة نشيل القفة..

سلام
العوض المسلمي
الظاهر ياعوض أخوي ناس الجريدة وصلتهم خبر رويتر دا وقامو حرفو .
علي أمانيهم

U.S. says Sudan's president applied for visa to attend U.N. General Assembly
September 16, 2013 09:36 PM
Reuters
WASHINGTON: Sudan's President Omar Hassan al-Bashir has applied for a U.S. visa to attend the opening of the United Nations General Assembly in New York, the State Department said on Monday, adding that he should not make the trip because he is accused of war crimes.

State Department spokeswoman Marie Harf said the United States had received Bashir's application to attend the U.N. meeting, but "we would condemn any effort by him to do so."

She declined to comment on whether the visa would be granted but said before Bashir goes to U.N. headquarters, he should present himself to the International Criminal Court in the Hague, which has indicted him.

http://www.dailystar.com.lb/News/Middle-East/...ep-16/231511-us-says-

شيخ العوض
امس بشاهد في بث مباشر لكلمة بان كي مون بعد تقديمه تقرير لمجلس الامن حول استخدام الكيماوي في سوريا، وبعد انتهاء كلمة بان كي مون تحدثت سامنثا باور مندوبة امريكا لدى مجلس الامن وتم سؤالها عن هل سيحضر بشار الاسد افتتاح الجمعية العامة؟ فقالت
(هذا الصباح سمعنا عن حضور الرئيس السوداني البشير المطلوب لدى محكمة الجنايات، انها لماساة وقمة السخرية، اعتقد ان عليه تسليم نفسه الى المحكمة بدلاً من هذه الرحلة)