Post: #1 Title: سيدي الرئيس يعلن عام 2014 نهاية الأزمات في السودان... Author: ود الباوقة Date: 09-15-2013, 04:44 PM Parent: #0
.
Post: #2 Title: Re: سيدي الرئيس يعلن عام 2014 نهاية الأزمات في السودان... Author: Deng Date: 09-15-2013, 04:45 PM Parent: #1
ود البلوقة أختشي.
Post: #29 Title: Re: سيدي الرئيس يعلن عام 2014 نهاية الأزمات في السودان... Author: ود الباوقة Date: 09-16-2013, 06:28 AM Parent: #2
Quote: ود البلوقة أختشي.
الزغلباني دينق
يا اخوي مسؤول من الخير
بنق بونق ضارب وين اليومين ديل ؟؟؟؟
Post: #3 Title: Re: سيدي الرئيس يعلن عام 2014 نهاية الأزمات في السودان... Author: ود الباوقة Date: 09-15-2013, 04:47 PM Parent: #1
جاء ذلك لدى لقائه بالاتحاد الوطني للشباب السوداني
Post: #4 Title: Re: سيدي الرئيس يعلن عام 2014 نهاية الأزمات في السودان... Author: ود الباوقة Date: 09-15-2013, 04:49 PM Parent: #3
سنورد اليكم تسجيلا كاملا للقاء المبارك باذن الله
Post: #5 Title: Re: سيدي الرئيس يعلن عام 2014 نهاية الأزمات في السودان... Author: محمد الرفاعى Date: 09-15-2013, 04:54 PM Parent: #3
Quote: سيدي الرئيس يعلن عام 2014 نهاية الأزمات في السودان...
تحضير و تخدير بمناسبة الإنتخابات القادمة
ولا شنو ؟؟؟
الأخ ود الباوقة كان سمعت كلام دينق ما بتجيك عوجة
الراجل ما قصر يوصى فيك بالسنين
Post: #6 Title: Re: سيدي الرئيس يعلن عام 2014 نهاية الأزمات في السودان... Author: محمد الرفاعى Date: 09-15-2013, 05:01 PM Parent: #5
Quote: سيدي الرئيس يعلن عام 2014 نهاية الأزمات في السودان...
سيدك الرئيس (الكلام ده) بيقول فيه من زمن البيان الأول فى 89
كفاكم وكفانا يا أخى
إختشوا
Post: #7 Title: Re: سيدي الرئيس يعلن عام 2014 نهاية الأزمات في السودان... Author: منتصر عبد الباسط Date: 09-15-2013, 05:16 PM Parent: #6
Quote: سيدي الرئيس يعلن عام 2014 نهاية الأزمات في السودان...
لو كنتَ صادقاَ وهذا لا نتصوره ولا نتوقعه ...أنه سيستقيل هو وحزبه عن السلطة
Post: #8 Title: Re: سيدي الرئيس يعلن عام 2014 نهاية الأزمات في السودان... Author: محمد الرفاعى Date: 09-15-2013, 05:34 PM Parent: #6
البيان رقم (1) بسم الله الرحمن الرحيم
أيها الشعب السوداني الكريم : إن قواتكم المسلحة المنتشرة في طول البلاد وعرضها ظلت تقدم النفس والنفيس حماية للتراب السوداني وصونا للعرض والكرامة وتترقب بكل أسى وحرقة
التدهور المريع الذي تعيشه البلاد في شتى أوجه الحياة وقد كان من ابرز صوره فشل الأحزاب السياسية بقيادة الأمة لتحقيق أدنى تطلعاتها في الأرض والعيش الكريم والاستقرار السياسي حيث عبرت على البلاد عدة حكومات خلال فترة وجيز ة وما يكاد وزراء الحكومة يؤدون القسم حتى تهتز وتسقط من شدة ضعفها وهكذا تعرضت البلاد لمسلسل من الهزات السياسية زلزل الاستقرار ######## هيبة الحكم والقانون والنظام .
أيها المواطنون الكرام :
لقد عايشنا في الفترة السابقة ديمقراطية مزيفة ومؤسسات دستورية فاشلة وإرادة المواطنين قد تم تزييفها بشعارات براقة مضللة وبشراء الذمم والتهريج السياسي ومؤسسات الحكم الرسمية لم تكن إلا مسرحا لإخراج قرارات السادة ومشهدا للصراعات والفوضى الحزبية وحتى مجلس رأس الدولة لم يكن إلا مسخا مشوها أما رئيس الوزراء قد أضاع وقت البلاد وبدد طاقاتها في كثرة الكلام والتردد في السياسات والتغلب في المواقف حتى فقد مصداقيته .
أيها المواطنون الشرفاء : إن الشعب مسنود بإنحياز قواته المسلحة قد أسس ديمقراطية بنضال ثورته في سبيل الوحدة والحرية ولكن العبث السياسي قد افشل التجربة الديمقراطية وأضاع الوحدة الوطنية بإثارة النعرات العنصرية والقبلية حتى حمل أبناء الوطن الواحد السلاح ضد إخوانهم في دارفور وجنوب كردفان علاوة على ما يجرى في الجنوب من مأساة وطنية وإنسانية .
مواطني الأوفياء : إن عداوات القائمين علي الأمر في البلاد في الفترة المنصرمة ضد القوات المسلحة جعلتهم يهملون عن قصد إعدادها لكي تقوم بواجبها في حماية البلاد ظلت قواتكم المسلحة تقدم أرتال من الشهداء كل يوم دون أن تجد من هؤلاء المسؤولين أدنى الاهتمام في الإحتياجات أو حتى الدعم المعنوي لتضحياتها مما أدى إلى فقدان العديد من المواقع والأرواح حتى أضحت البلاد عرضة للإختراقات والإنسلاب من أ طرافها العزيزة هذا في الوقت الذي نشهد فيه اهتماما ملحوظا بالمليشيات الحزبية .
أيها المواطنون الكرام : وكما فشلت حكومات الأحزاب السياسية في تجهيز القوات المسلحة لمواجهة التمرد فقد فشلت أيضا في تحقيق السلام الذي رفعته الأحزاب شعارا للكيد والكسب الحزبي الرخيص حتى أختلط حابل المخلصين بنابل المنافقين والخونة وكل ذلك يؤثر سلبا على قواتكم المسلحة في مواقع القتال وهى تقوم بأشرف المعارك ضد المتمردين ولا تجد من الحكومة عونا على الحرب أو السلام هذا وقد لعبت الحكومة بشعارات التعبئة العامة دون جد أو فعالية .
مواطني الشرفاء :- لقد تدهور الوضع الإقتصادي بصورة مزرية وفشلت كل السياسات الرعناء في إيقاف هذا التدهور ناهيك عن تحقيق أى قدر من التنمية فإزدادت حدة التضخم وارتفعت الأسعار بصورة لم يسبق لها مثيل واستحال على المواطنين الحصول على ضرورياتهم إما لانعدامها أو لإرتفاع أسعارها مما جعل كثيرا من أبناء الوطن يعيشون على حافة المجاعة وقد أدي هذا التدهور الإقتصادي إلى خراب المؤسسات العامة وانهيار الخدمات الصحية والتعليمية وتعطل الإنتاج وبعد أن كنا نطمح أن تكون بلادنا سلة غذاء العالم أصبحنا أمة متسولة تستجدى غذائها وضرورياتها من خارج الحدود وإنشغل المسؤولين بجمع المال الحرام حتى عم الفساد كل مرافق الدولة وكل هذا مع استشراء الفساد والتهريب والسوق الأسود مما جعل الطبقات الاجتماعية من الطفيليين تزداد ثراء يوما بعد يوم بسبب فساد المسؤولين وتهاونهم في ضبط الحياة والنظام . أيها المواطنين الشرفاء : قد امتدت يد الحزبية والفساد السياسي إلى الشرفاء فشردتهم تحت مظلة الصالح العام مما أدى إلى إنهيار الخدمة المدنية وقد أصبح الولاء الحزبي والمحسوبية والفساد سببا في تقدم الفاشلين في قيادة الخدمة المدنية وأفسدوا العمل الإداري وضاعت على أيديهم هيبة الحكم وسلطات الدولة ومصالح القطاع العام. مواطني الكرام : إن إهمال الحكومات المتعاقبة على الأقاليم أدى إلى عزلها عن العاصمة القومية وعن بعضها في إنهيار المواصلات وغياب السياسات القومية وانفراط عقد الأمن حتى افتقد المواطنون ما يحميهم ولجأوا إلى تكوين المليشيات وكما انعدمت المواد التموينية في الأقاليم إلا في السوق الأسود وبأسعار خرافية .
أيها المواطنون :- لقد كان السودان دائما محل احترام وتأييد كل الشعوب والدول الصديقة لكن اليوم أصبح في عزلة تامة، والعلاقات مع الدول العربية أضحت مجالا للصراع الحزبي وكادت البلاد تفقد كل أصدقائها على الساحة الأفريقية وقد فرطت الحكومات في بلاد الجوار الأفريقي حتى تضررت العلاقات مع اغلبها وتركت الجو لحركة التمرد تتحرك فيه بحرية مكنتها من إيجاد وضع متميز أتاح لها عمقا استراتيجيا لضرب الأمن والاستقرار في البلاد حتى إنها أصبحت تتطلع إلى احتلال وضع السودان في المنظمات الإقليمية والعالمية وهكذا انتهت علاقات السودان من العزلة مع العرب والتوتر مع أفريقيا إزاء الدولة الأخرى .
أيها المواطنون الأوفياء :- إن قواتكم المسلحة ظلت تراقب كل هذه التطورات بصبر وانضباط ولكن شرفها الوطني دفعها لاتخاذ موقف إيجابي إزاء هذا التدهور الشديد الذي يهدد الوطن واجتمعت كلمتها خلف مذكرتها الشهيرة التي رفعتها منبهة من المخاطر ومطالبه بتكوين الحكم وتجهيز المقاتلين للقيام بواجبهم ولكن هيئة القيادة السابقة فشلت في حمل الحكومة على توفير الحد الأدنى لتجهيز المقاتلين واليوم يخاطبكم أبناؤكم في القوات المسلحة وهم الذين أدوا قسم الجندية الشريفة ألا يفرطوا في شبر من ارض الوطن وان يصونوا عزته وكرامته وان يحفظوا للبلاد مكانتها واستقلالها المجيد وقد تحركت قواتكم المسلحة اليوم لإنقاذ بلادنا العزيزة من أيدي الخونة والمفسدين لا طمعا في مكاسب السلطة بل تلبية لنداء الواجب الوطني الأكبر في إيقاف التدهور المدمر ولصون الوحدة الوطنية من الفتنه السياسية وتامين الوطن وانهيار كيانه وتمزق أرضه ومن اجل إبعاد المواطنين من الخوف والتشرد والشقاء والمرض
أيها المواطنون الشرفاء:- إن قواتكم المسلحة ترجوكم للإلتفاف حول رايتها القومية ونبذ الخلافات الحزبية والإقليمية وتدعوكم للثورة معها ضد الفوضى والفساد واليأس من اجل إنقاذ الوطن و من اجل استمراره وطنا موحدا حرا كريما عاشت القوات المسلحة حامية لكرامة البلاد وعاشت ثورة الإنقاذ الوطني وعاش السودان حرا مستقلا والله اكبر والعزة للشعب السوداني الأبي والسلام عليكم ورحمة الله تعالى وبركاته .
Post: #9 Title: Re: سيدي الرئيس يعلن عام 2014 نهاية الأزمات في السودان... Author: علاء سيداحمد Date: 09-15-2013, 05:55 PM Parent: #8
Quote: سيدي الرئيس يعلن عام 2014 نهاية الأزمات في السودان...
نهاية الازمات !!!! وجود الزول دا في السلطة اصلا ازمة ... 24 سنة .. سنة ورا سنة والشعب صابر ومصدق سعادتو تانى بعد السنين المرة كيفن ح يصدقوا الحاصل الشعب السودانى الان يغنى مع المغنى بعد الوعود المتكررة من المطلوب دولياً : " وقبضت الريح "
Post: #10 Title: Re: سيدي الرئيس يعلن عام 2014 نهاية الأزمات في السودان... Author: عادل البراري Date: 09-15-2013, 06:17 PM Parent: #9
ود الباوقه عيـــــب عليك عيب كبير جداً ياخي أحترم المادة الموجودة داخل جمجمتك والله العظيم لو شافع في مرحلة الاساس شاف الكلام دا بضحك عليك عيب عليك أنت راجل كبير في نفس الوقت مربي معقول عقلونا تكون تافة لدرجة حتى نأمل مجرد أمل في أنو الحال ينصلح وكيف ترضى لنفسك أنك تكون إنسان خاضع لدرجة دي وما بتخجل كمان (سيدي) ياخي أنت ما مؤمن راجل قاتل راقص لفظه غير محبب لدي شعبه والله أصبتني بطمام فكري
Post: #14 Title: Re: سيدي الرئيس يعلن عام 2014 نهاية الأزمات في السودان... Author: وليد شريف Date: 09-15-2013, 07:23 PM Parent: #9
مع حبي وتحياتي لاخوانا في الجنوب الحبيب
Post: #11 Title: Re: سيدي الرئيس يعلن عام 2014 نهاية الأزمات في السودان... Author: عصام علي أحمد Date: 09-15-2013, 06:34 PM Parent: #1
Quote: سيدي الرئيس يعلن عام 2014 نهاية الأزمات في السودان
قبل كاس العالم ولا بعده ؟
Post: #12 Title: Re: سيدي الرئيس يعلن عام 2014 نهاية الأزمات في السودان... Author: Idris Logma Date: 09-15-2013, 06:45 PM Parent: #11
يا ود الباوقة قول لسيدك الرئيس ان اراد حل مشاكل السودان ان يذهب هو وزمرته الفاسدة الي لاهاي وبعدها خلوا ناس السودان يحلوا مشاكلهم دا اكبر رئيس عنصري متعجرف في عالم اليوم كيف يستطيع محو العنصرية والقبلية واذا سيدك اراد ان ينتهي من الجهوية والقبيلة انت موقعك وين من الاعراب ؟؟؟؟ ولا تكفر به!!!!! ... طبعا انت وسيدك كلكم من الباوقة!!!!!
Post: #13 Title: Re: سيدي الرئيس يعلن عام 2014 نهاية الأزمات في السودان... Author: Idris Logma Date: 09-15-2013, 06:55 PM Parent: #11
يا ود الباوقة قول لسيدك الرئيس ان اراد حل مشاكل السودان ان يذهب هو وزمرته الفاسدة الي لاهاي وبعدها خلوا ناس السودان يحلوا مشاكلهم دا اكبر رئيس عنصري متعجرف في عالم اليوم كيف يستطيع محو العنصرية والقبلية واذا سيدك اراد ان ينتهي من الجهوية والقبيلة انت موقعك وين من الاعراب ؟؟؟؟ ولا تكفر به!!!!! ... طبعا انت وسيدك كلكم من الباوقة!!!!!
Post: #15 Title: Re: سيدي الرئيس يعلن عام 2014 نهاية الأزمات في السودان... Author: Farida Mahgoub Date: 09-15-2013, 07:43 PM Parent: #1
سيدك لما قال الكلام دا كان مورود ول شنو؟
Post: #16 Title: Re: سيدي الرئيس يعلن عام 2014 نهاية الأزمات في السودان... Author: Adil Ali Date: 09-15-2013, 08:10 PM Parent: #15
ود الباوقة الأرزقي شبه الاُمّي.... إنت لسه في تسوُّلك وجهلك؟؟؟
Post: #17 Title: Re: سيدي الرئيس يعلن عام 2014 نهاية الأزمات في السودان... Author: محمد الرفاعى Date: 09-15-2013, 08:32 PM Parent: #16
Quote: سنورد اليكم تسجيلا كاملا للقاء المبارك باذن الله
قبل إيرادك للتسجيل الكامل للقاء المبارك نرجوا الإطلاع على البيان الأول والمقارنة بينه و بين إعلان نهاية الأزمات أو ما ورد فى التسجيل الكامل الذى تشير إليه
Post: #18 Title: Re: سيدي الرئيس يعلن عام 2014 نهاية الأزمات في السودان... Author: جمال خضر Date: 09-15-2013, 08:39 PM Parent: #16
ود الباوقة
تحياتى
ربع قرن من الوعود الكاذبة والبرامج البراقة الخادعة وكثرة كلام بدون أرقام .
برنامج الانقاذ الاقتصادي للفترة 1989م- 1992م
ثم جاءت الاستراتيجية القومية الشاملة 1992 - 2002
وأخيراً ظهرت (الاستراتيجية القومية ربع القرنية 2002 - 2027 م
وكلها خزعبلات ودجل وبلطجة وفساد وعنتريات فارغة وجعجعة بدون طحين
كان نتاجها إنفصال جزء عزيز من الوطن وإشتعال نيران الحرب الأهلية فى أجزاء شاسعة
ودمار كيزانى شامل قضى على الزراعة والصناعة والخطوط الجوية السودانية والخطوط البحرية
والسكك الحديدية و غيرها من المؤسسات وصحب ذلك إستهداف الراسمالية الوطنية الحقيقية الذين أسهموا إسهامات بارزة فى
تشغيل مئلت الآلاف فى إستثمارات زراعية وصناعية وتجارية هادفة فأحالوا أولئك الى التقاعد الإجبارى
وأتوا بأصحاب الأيدى المتوضئة والأفواه المتمضمضة والجباه المغرورة الأقوياء الأمناء فقضوا على الأخضر
واليابس نتاج خفة أياديهم وموت ضمائرهم . البلد يا ود الباوقة فى محنة حقيقية والناس فى قمة المعاناة .
نسأل الله تعالى أن يخلص السودان وإنسان السودان من حكومة الفساد والإفساد ونستقبل العام الجديد بأمل أن يسخر
لنا المولى عز وجل من يخشاه ويخافه ويعمل بإخلاص من أجل السودان وإنسان السودان الذى عانى كثيرا وآن له أن
يرتاح .
( مشاركة سبق وشاركت بها فى بوست تأجيل إلغاء الدعم لكاتبه ود الباوقة )
Post: #19 Title: Re: سيدي الرئيس يعلن عام 2014 نهاية الأزمات في السودان... Author: جمال خضر Date: 09-15-2013, 08:51 PM Parent: #18
يا ود الباوقة هى وينها المعاناة ؟ ما تتبلى على الحكومة ساكت
ما شفت مصطفى عثمان إسماعيل قال شنو ؟
Post: #20 Title: Re: سيدي الرئيس يعلن عام 2014 نهاية الأزمات في السودان... Author: ود الباوقة Date: 09-15-2013, 09:18 PM Parent: #19
غدا باذن الله سنزودكم بالتسجيل كاملا.. تصبحون على خير
Post: #21 Title: Re: سيدي الرئيس يعلن عام 2014 نهاية الأزمات في السودان... Author: ABUHUSSEIN Date: 09-15-2013, 09:49 PM
و الله يا ود الباوقة الصورة دي نايمة معاك نوم ..
أقبلها هدية من أخوك ...
و نوم العوافي
Post: #22 Title: Re: سيدي الرئيس يعلن عام 2014 نهاية الأزمات في السودان... Author: محمد الرفاعى Date: 09-15-2013, 09:51 PM
البشير : العام م 2014 سيشهد نهاية الصراعات القبلية وحركات التمرد
الخرطوم 15-9 2013 م (سونا) اعلن المشيرعمر البشير رئيس الجمهورية ان العام 2014 م سيشهد نهاية كل الصراعات الاثنية والقبلية وحركات التمرد بالبلاد . وقال رئيس الجمهورية لدي مخاطبته اليوم بقاعة الصداقة الجلسة الافتتاحية للمؤتمر العام السادس للاتحاد الوطني للشباب السوداني تحت شعار (معا نصنع المستقبل ) "هدفنا ان ندخل العام 2015 م حيث الانتخابات العامة بمستوياتها المختلفة دون صراع ودون مناطق خارج المشاركة لقيام انتخابات شفافة ونزيهة واضاف " ونحن نعتبر الجلوس في هذا الكرسي عبادة وتقرب الي الله ولن نتقرب الي الله بالغش والخداع والتدليس". ودعا البشير الي التوافق حول الثوابت الدينية والوطنية عبر الحوار للوصول الي حلول مرضية لكل القضايا مشيرا الي وجود تجاوب من معظم القادة السياسيين المعارضين مع قضايا السلام والدستور والحكم . واكد رئيس الجمهورية اهمية الالتفاف حول القيادة السياسية التي يقدمها الشعب ويثق فيها وان تكون المعارضة وطنية الهدف منها تصحيح المسار واظهار مناطق الضعف لازالتها ومناطق القوة للتعاون عليها معارضة وحكومة . وناشد سيادته الشباب بالعمل علي نبذ العنصرية والقبلية والجهوية والعصبية وان يكونوا رأس الرمح في تحقيق السلام ورتق النسيج الاجتماعي وتوجيه الطاقات نحو البناء والتعمير في كافة مناطق النزاعات . وجدد رئيس الجمهورية حرص الدولة علي رعاية ودعم كافة مشاريع الشباب حتي تصل غاياتها واهدافها وشدد علي اهمية ان يكون مشروع الشباب للبناء الوطني مشروعاً لكل أهل السودان وتعهد بتجهيز وتأسيس مقر اتحاد الشباب الافريقي بالخرطوم بصورة تليق بالشباب الافريقي وانشاء مقر للاتحاد الوطني للشباب السوداني لجمع شباب القارة وشباب كل العالم الحر لتوحيد الصف ومناهضة كافة محاولات الهيمنة والسيطرة والابتزاز والنهب لثروات القارة. ودعا الشباب الافريقي لعدم التجاوب مع دعوات الفتن والعنصرية والاتجاه لاستغلال موارد افريقيا وتنميتها وتطويرها لصالح شعوبها مشيراً الي للاستهداف الغربي لثروات القارة وتعطيل تنميتها لصالح الآلية الاقتصادية للدول الغربية. وحضر الجلسة الافتتاحية عدد من مساعدي رئيس الجمهورية والوزراء ورئيس الهيئة التشريعية القومية واعضاء السلك الدبلوماسي المعتمدين لدى الخرطوم وبمشاركة اكثر من ثلاثة الاف شاب وشابة.
Post: #23 Title: Re: سيدي الرئيس يعلن عام 2014 نهاية الأزمات في السودان... Author: محمد الرفاعى Date: 09-15-2013, 10:12 PM Parent: #22
Quote: قال رئيس الجمهورية لدي مخاطبته اليوم للمؤتمر العام السادس للاتحادالوطني للشباب السوداني تحت شعار (معا نصنع المستقبل ) "هدفنا ان ندخل العام 2015 م حيث الانتخابات العامة بمستوياتها المختلفة دون صراع ودون مناطق خارج المشاركة لقيام انتخابات شفافة ونزيهة
انتخابات شفافة ونزيهة
Post: #27 Title: Re: سيدي الرئيس يعلن عام 2014 نهاية الأزمات في السودان... Author: ود الباوقة Date: 09-16-2013, 06:23 AM Parent: #19
Quote: يا ود الباوقة هى وينها المعاناة ؟ ما تتبلى على الحكومة ساكت
ما شفت مصطفى عثمان إسماعيل قال شنو ؟
صحيح كلامو
قبل الانفصال وايقاف عائدات النفط عاش كافة اهل السودان في بحبوحة
وتغيرت حياة الكثيرين نحو الافضل
وتدفقت العمالة الاجنبية على السودان وتحديدا في مجال المقاولات حيث شهد هذا الجانب طفرة
قياسية مقارنة بالماضي
شكرا جمال
Post: #24 Title: Re: سيدي الرئيس يعلن عام 2014 نهاية الأزمات في السودان... Author: الأمين عثمان صديق محمد Date: 09-15-2013, 10:31 PM Parent: #1
ياعمر مرني بكره الصباح بلا سيدي الريس معاك
Post: #25 Title: Re: سيدي الرئيس يعلن عام 2014 نهاية الأزمات في السودان... Author: ود الباوقة Date: 09-16-2013, 04:49 AM Parent: #24
Post: #26 Title: Re: سيدي الرئيس يعلن عام 2014 نهاية الأزمات في السودان... Author: ود الباوقة Date: 09-16-2013, 05:03 AM Parent: #25
خطاب شامل
كامل
صادق
ويبشر بالخير الوفير المقبل باذن الله
Post: #30 Title: Re: سيدي الرئيس يعلن عام 2014 نهاية الأزمات في السودان... Author: محمد إبراهيم علي Date: 09-16-2013, 06:38 AM Parent: #26
الكلام ده كان السنة الفاتت برضو عملتو لينا فيهو شنو ؟
Post: #28 Title: Re: سيدي الرئيس يعلن عام 2014 نهاية الأزمات في السودان... Author: ود الباوقة Date: 09-16-2013, 06:26 AM Parent: #24
Quote: ياعمر مرني بكره الصباح بلا سيدي الريس معاك
جدا
باذن الله
Post: #31 Title: Re: سيدي الرئيس يعلن عام 2014 نهاية الأزمات في السودان... Author: tmbis Date: 09-16-2013, 06:51 AM Parent: #28
يا ود الباوقـة ... عليك الله خليك من السنة الجاية دييييييك نحيا واللا نموت .. يحيى او يمووت هو .. انا حسع دي عندي ازمــة حادة جدا .. ومحتاجة لي حل عاجل جدا .. .. ياخ انا اي معسل بقى ما بدخل راسي .. قروشي كملت في المعسلات الماسورة .. وزمني ضاع في التفتيش .. انا رعيـة يا ريس .. من النهار دا انا الرعية مافيش رعية .. كدي شوف لي صاحبك دا .. وشوف ليك في اقرب صقرية معاهو الايامات دي شوف طريقة تديهو خبر .. قول ليهو واحد من الرعية عندو مشكلة راس عجيبة جدا كان حليته ليهو بيحل ليك كل الازمات دي بي ربطة المعلم .. لو بقى عندو سفره البحرين .. يا كمان طالع كولومبيا .. الحتتين ديل الدواء فيهم كويس .. ما يقوم يجيب لي بتاع الصين .. وقطر وليبيا واثيوبيا وشنو وشنو ما عارف ..
Post: #32 Title: Re: سيدي الرئيس يعلن عام 2014 نهاية الأزمات في السودان... Author: ود الباوقة Date: 09-16-2013, 07:04 AM Parent: #31
Quote: كدي شوف لي صاحبك دا .. وشوف ليك في اقرب صقرية معاهو الايامات دي شوف طريقة تديهو خبر .. قول ليهو واحد من الرعية عندو مشكلة راس عجيبة جدا كان حليته ليهو بيحل ليك كل الازمات دي بي ربطة المعلم
تمبس
يمكنك مخاطبته عن طرق مدير مكتبه
وشكرا
Post: #33 Title: Re: سيدي الرئيس يعلن عام 2014 نهاية الأزمات في السودان... Author: tmbis Date: 09-16-2013, 07:21 AM Parent: #32
Quote: تمبس يمكنك مخاطبته عن طرق مدير مكتبه وشكرا
... عفوا يا ريس .. بس الواحد كان رامي العشم فيك .. مش المسالة كلها حل ازمات ..؟ الغريبة امبارح القريبة دي حلمان بي الريس .. حلمان انو كنت شايل لي حاجات ملفوفه في كيس كم لفه كدا .. وديته لي دكان في سوق الموردة قام فجأة كابسوني ليك ناس مسلحين .. سألوني من هويتي وكدا وكدا .. وقالو لي الملفوف في الكيس دا شنو ..؟ قلت ليهم دي حاجات وصية انا جاي من السعودية .. واحد قالي دا اوعه يكون (معسـل) قلت ليهو ما عارف .. فجأة ظهر الريس .. حلال المشكلات .. لقيتو قدامي .. فض الجمع وقاليهم .. الزول دا بالذات رجعو ليهو معسلو لو دا معسل ولو ما معسل .. جيبو ليهو معسل تخيل اللفات طلعت شنو ؟؟ طلعت بعض من تياب (الراتي) وابوقجيجة ومعجون سيجنال ..
شكرا يا ريس علي ردك دا ..
Post: #34 Title: Re: سيدي الرئيس يعلن عام 2014 نهاية الأزمات في السودان... Author: HAIDER ALZAIN Date: 09-16-2013, 07:36 AM Parent: #33
Quote: ياخ انا اي معسل بقى ما بدخل راسي .. قروشي كملت في المعسلات الماسورة .. وزمني ضاع في التفتيش ..
انا بفيدك يا تمبس وانساك من الريس ومن ود الباوقة ديل بتاعين دوم وصابون سدر ساي..:) صديقي العزيز صابر خميس عتيق من سكان فيصلية الرياض.. مش الفيصلية البرج "حاشاهو هيــك اماكن "..لالا الفيصلية الجنب الخالدية.. هذا الصابر لديه معسل يسمي "الشقراء " يسنعك منه بخلطة تشد معاها النفس تشعر بيهو دق في عضم الشيطان.. تفك النفس وانت حاسس انه طالع من عظمة الركاب عبر الطبلة.. والله تاني اللفة الزي دي تلقى نفسك شايل فيها بارجة حربية..
وبرضو عندو معسل اسمه اللبانة مرات بسمع تصريحات حاج البشير بشك انه وقت يجي مستشفي الشميسي العام بيزوغ من ناس الجوازات ويمشي يتقهوى مع صابر ..
Post: #35 Title: Re: سيدي الرئيس يعلن عام 2014 نهاية الأزمات في السودان... Author: tmbis Date: 09-16-2013, 07:56 AM Parent: #34
Quote: لالا الفيصلية الجنب الخالدية
..
Quote: هذا الصابر لديه معسل يسمي "الشقراء "
..
Quote: برضو عندو معسل اسمه اللبانة
تهاااااهاااي .. لا والله ما قصرته معاااي .. اصلو ما قصرتـه .. .. اقوليك حاجة ..؟ زمان عندنا في الخرطوم مكان اسمو اشبيلية .. في النواحي حقت السوق الافرنجي .. كان فيهو زول اسمو فرح كنت مفردتو ليك المهم لما الزمن كان بخير كنت بجي اشيل منو المعسل المظبوط جدا .. معسل اشبيلية الوكت داك كان اميز معسل في السودان بيعملوهو من قامشـة وعسل مولاص وإلخ إلخ اها انا القدامك دا كان بديني واحد مخصوص .. مرة عندي ود خالي .. شد النفس الأول والتاني وقف حيلو وعيونو حمرت ثم .. عمل (بطرس غالي ) استفرغ كل ما خبزه حديثا .. اهـا نحن بنشرب مما نصنع .. على الاقل لو شكو فيك زي ما شكو فيني في الحلم بتاع التياب داك .. على الاقل بطلعوك بي ضمانة يا واحد من الأخوان جاب ليك عمود فيهو محشي وام رقيقة في الرج لكن هنا .. لو شكو فيك ساااي وطلعو بيك تيستـة .. وقتها راسك بظبط تمام قال ايه ..؟ فيصلية وشقراء ولبانة كلامك دا قولو لي زول ما عندو عجلة
Post: #36 Title: Re: سيدي الرئيس يعلن عام 2014 نهاية الأزمات في السودان... Author: ود الباوقة Date: 09-16-2013, 08:12 AM Parent: #35
الله المستعان
Post: #37 Title: Re: سيدي الرئيس يعلن عام 2014 نهاية الأزمات في السودان... Author: الطيب الجاك Date: 09-16-2013, 08:49 AM Parent: #36
أبلغ رد علي مثل هكذا كلام هو ما خطه أحمد مطر طال عمره:
زار الرئيس المؤتمن بعض ولايات الوطن ..
وحين زار حينا .. قال لنا: هاتوا شكاواكم بصدق في العلن ..
ولا تخافوا أحداً .. فقد مضى ذاك الزمن ..
فقال صاحبي حسن: ياسيدي .. أين الرغيف واللبن؟
وأين تأمين السكن؟
وأين توفير المهن؟
وأين من يوفر الدواء للفقير دونما ثمن؟
ياسيدي .. لم نر من ذلك شيئاً أبداً ..
قال الرئيس في حزن: أحرق ربي جسدي ..
أكل هذا حاصل في بلدي!
شكراً على صدقك في تنبيهنا ياولدي ..
سوف ترى الخير غداً!
وبعد عام زارنا ومرة ثانية قال لنا: هاتوا شكاواكم بصدق في العلن ..
ولا تخافوا أحداً فقد ولى ذاك الزمن ..
لم يشتك الناس .. فقمت معلناً: أين الرغيف واللبن؟
وأين تأمين السكن؟
وأين توفير المهن؟
وأين من يوفر الدواء للفقير دونما ثمن؟
معذرة يا سيدي: وأين صاحبي حسن؟!
* أهم شي و أين صاحبي حسن
Post: #38 Title: Re: سيدي الرئيس يعلن عام 2014 نهاية الأزمات في السودان... Author: Mohammed Alhasan Mohammed Date: 09-16-2013, 09:25 AM Parent: #1
Quote: انا بفيدك يا تمبس وانساك من الريس ومن ود الباوقة ديل بتاعين دوم وصابون سدر ساي..:) صديقي العزيز صابر خميس عتيق من سكان فيصلية الرياض.. مش الفيصلية البرج "حاشاهو هيــك اماكن "..لالا الفيصلية الجنب الخالدية.. هذا الصابر لديه معسل يسمي "الشقراء " يسنعك منه بخلطة تشد معاها النفس تشعر بيهو دق في عضم الشيطان.. تفك النفس وانت حاسس انه طالع من عظمة الركاب عبر الطبلة.. والله تاني اللفة الزي دي تلقى نفسك شايل فيها بارجة حربية..
وبرضو عندو معسل اسمه اللبانة مرات بسمع تصريحات حاج البشير بشك انه وقت يجي مستشفي الشميسي العام بيزوغ من ناس الجوازات ويمشي يتقهوى مع صابر ..
