Post: #1 Title: ساحر قادم بقوة نيمار كل ماقدمه بالامس Author: حامد بدري Date: 09-15-2013, 06:44 AM Parent: #0
بالامس وامام الند القوي اشبيلية قدم نيمار دروس في كرة القدم خصوصا في التمرير في اضيق مكان وتعرض للمخاشنة السبيل الوحيد لايقافه عن الابداع غايتو بيبي اكل الزونيه وحلا باميه خصوصا مع الدفاع الامس فريق بي نصف مليار يورو يدرن مع تمنتاشر مليون يورو وجاي من دوري الاضواء الكاشفه كااااااااااااااك
Post: #2 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 06:48 AM Parent: #1
ركزو في الدقيقه الاولى وستة وتلتين ثانيه في خروم الابره اتخارج
Post: #3 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 07:21 AM
شوية صبر وسيكون نيمار مع ميسي افضل هجوم يمر في تاريخ البرشا وبالامس ظهر الانسجام بين الثنائي وطبعا ميزة اللعب في البرشا هو اللعب الجماعي بعد تسجيل الهدف الثاني لاحظ كل الفريق ذهب لتهنئة نيمار لانو لعب باص القون وهنا لاحظو للمغرور كريستيانو واشارتو دايما لى روحو انا انا وانا وحدي ومع دخول غاريث كاغلى لاعب في الفريق فالنار ولعت وينو البطفيها ولدنا نيمار قال اختار البرشا لانو عايز يلعب ويقدم سجل تاريخي عشان كده فضل الفريق الممكن يديو التاريخ ده موش مقبرة النجوم البييوض
Post: #4 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 07:32 AM Parent: #3
دفاع برشلونه محرررج جدا والحكم الغى هدف صحيح لاشبيلية وبعد ده درنو في اخر دقيقه وقربو يجلطونا لولا ميسي رجل الثانيه الاخيره غايتو لو مالحقونا في الصيفية الجايه دي الضحك بشرطنا لازم مدافع قوي وسريع ورشيق ويجيد الراسيات
Post: #5 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 07:36 AM Parent: #4
هدف اشبيله الملغي اعتقد انو الهدف صحيح مية المية
Post: #6 Title: Re: ساحر قادم بقوة نيمار كل ماقدمه بالامس Author: عمر الفاروق Date: 09-15-2013, 07:48 AM Parent: #5
الهدف براهو الصحيح؟؟ ياخ امبارح برشلونة ذكرني المريخ ضد الإسماعيلي لمن مدرب الاسماعيلي اشار للحكم بي إنو قااابض الرشوة .. دكة بدلاء اشبيلية علت نفس الحركة وكان معاها الحق.. القون الأخير لي برشلونة جا بعد نهايز الزمن بي خمسة ثواني ..دي واحد.. القون جا من مخالفة واااضحة بعد ما استخدم ميسي يده في دفع المدافع .. دي اتنين.. بالمناسبة القون ما جابو ميسي عشان تقولوا رجل الثواني الاخيرة !!! ياخ الدوري الاسباني ده دوري ممل بي صورة بقا!!! بالجد بقيت اقرف منو ومن طريقة التحكيم...
Post: #7 Title: Re: ساحر قادم بقوة نيمار كل ماقدمه بالامس Author: صبري طه Date: 09-15-2013, 08:04 AM Parent: #6
Quote: القون الأخير لي برشلونة جا بعد نهايز الزمن بي خمسة ثواني ..دي واحد..
وإذا كان الزمن الضائع مثلاً هو ثلاثة دقائق وخمسة ثواني .. كيف يُشير الحكم للحكم الرابع بذلك ؟ وكلامك دا نفس كلام صحيفة آس المدريدية التي قالت أنّ سانشيز أحرز هدف الفوز بعد انتهاء الزمن الضائع بسبعة ثواني !!
Quote: القون جا من مخالفة واااضحة بعد ما استخدم ميسي يده في دفع المدافع .. دي اتنين..
وعندما يقف المُدافع أمامك ويعترض مسيرتك نحو الكُرة (يعني يعمل ليك اعتراض) .. هل تُعدّ هذه مُخالفة أم لا ؟
ــــ قُلت لي الحكم زاد المُباراة 5 أو 7 ثواني
طيّب بعد إحراز الهدف الثالث واحتفال البارسا والمُشكلة الحصلت خارج الميدان .. ليه الحكم زاد الزمن الضائع مرّة أخرى
آس المدريدية + عُمر الفاروق = ذكّروني الصحافة الرياضية السودانية
Post: #8 Title: Re: ساحر قادم بقوة نيمار كل ماقدمه بالامس Author: عمر الفاروق Date: 09-15-2013, 08:12 AM Parent: #7
صبري يا طه : كنت عايز اقول ليك قايلني عويير ليك ح أغالطك مش؟ :) :) لكن لنصيحة غلبني .. طيب خلينا نجي في كلامك ده ونفترض لو برشلونة جاب القون قبل نهاية الزمن المحتسب بدل ضايع بي خمسة ثواني !!! وكتب كل الاعلام إنو هدف برشلونة غير شرعي .. كان ردكم ح يكون شنو؟؟؟ أكيييد ح تقولوا الهدف شرعي لأن الحكم احتسب زمن ضايع تلاتة دقايق ولسة باقي للكورة 5 ثواني .. بس يلا اقلب الاية .. بعدين الحكم لو الكورة عايزة يديها 3 دقايق وخمسة ثواني بيرييح روحو وبيعملا اربعة دقايق أو خمسة دقايق .. بعدين ياخ لو افترضنا نظريتك دي معناها ممكن الحكم يدي اربعة دقايق وينهيها في اربعة دقايق و 59 ثانية مش؟؟ يا صبري يمكن للحكم زيادة الوقت المحتسب بدل ضايع اذا حصل بعد احتساب الزمن ده ما يستدعي الايقاف وهنا الحكم بيأشر بي زمن اضافي للحكم الرابع او تقديريا ..لكن كورة استمرت عااادي تقوم تقول كدي خليهم يكملوا الهجمة دي وبعد داك النشوف؟؟؟؟ ده ما تحكيم .. قلت لي لو اللاعب اعترضك تزحو بي يدك عااادي؟؟ سمح ..
Post: #9 Title: Re: ساحر قادم بقوة نيمار كل ماقدمه بالامس Author: صبري طه Date: 09-15-2013, 08:24 AM Parent: #8
Quote: لكن كورة استمرت عااادي تقوم تقول كدي خليهم يكملوا الهجمة دي وبعد داك النشوف؟؟؟؟ ده ما تحكيم ..
يا عُمر ياخي ممكن يكون في زمن ضائع أثناء سير الزمن الضائع نفسو .. ثم ثانياً ورّيني ياتو يوم شفت الحكم الرابع رفع لوحة الزمن الضائع في شوط مباراة مرّتين مُعلناً بذلك الزمن الضائع ومُعلناً بعدها بزمن ضائع أثناء سير الزمن الضائع .. أتحدّاك
Quote: قلت لي لو اللاعب اعترضك تزحو بي يدك عااادي؟؟ سمح ..
يا عُمر أنا لم أقل أنّها ليست بخطأ ولكن إذا لم تتجاوزها بحجة تدافع بدني من اللاعبين نحو الكرة وفي نهايته استفاد منه صاحب الحق الأوّل .. فهنا ما مُشكلة على الحكم أن يحتسبها بلنتي .. المافي شنو ؟
ــــــ التحدّي دا عشان نحسم الغُلاط قبل ما أبدأ معاك
Post: #10 Title: Re: ساحر قادم بقوة نيمار كل ماقدمه بالامس Author: عمر الفاروق Date: 09-15-2013, 08:41 AM Parent: #9
يا صبري إنت قايلني انا سلّاق بيض؟؟ ولا بكتب ساي ؟؟؟ ارجع اقرا كلامي وح تلقاني عشااان جنس لياقتك وتحديك دي اتعمدت اكتب ليك حقيقتين .. الأولى إنو يمكن احتساب زمن بدل ضايع بعد الزمن المحتسب وهو تقديري للحكم بسبب معين حدث بعد احتساب الوقت المحتسب بدل ضايع .. وارجع اقراها فوق ح تلقاها .. الحاجة التانية يا صبري الحكم الرابع ما بالضرورة يرفع اللوحة لإضافة الزمن المحتسب مع إنو والله يا صبري قبل كده حصلت وانا شوفتها لكن ما متذكر الكورة ياتا .. بس البأكدو ليك إنو الحكام الواعين وعشان يفك الإرتباط والجدل في هكذا أمور بيرفع يدوا لإضافة زمن فوق الزمن المحتسب بدل ضائع بإشارة الأصبع للحكم الرابع واللي ممكن بعدين تضمن في تقريرالمراقب عشان اللغط اللي ممكن يحصل.. وده شوفتو كتيير يا صبري في الدوري الانجليزي والأوروبي .. مشكلتي ما حا اقدر اتذكر ليك اسم الفرق والمباريات وده ح يخليك تفترض انو التحدي قائم ..بس صدقني يا صبري حصصصلت ..ولا مرة لا إتنين لا تلاتة ..
Post: #11 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 09:03 AM Parent: #10
Quote: القون الأخير لي برشلونة جا بعد نهايز الزمن بي خمسة ثواني ..دي واحد.. القون جا من مخالفة واااضحة بعد ما استخدم ميسي يده في دفع المدافع .. دي اتنين..
ده جمال الشريف بالنسبة للزمن يمكن للحكم يزيد فيهو حتى بعد رفع الحكم الرابع لانو الاشارة اساسا من حكم الوسط يعني لو حصل تغيير او اصابة حار س ميسي لم يدفع المدافع بل قراووو ياودالفاروق قراية صح وعكس الاتجاه بي جسمو وهدي اللقطة واتا احكم
Post: #12 Title: Re: ساحر قادم بقوة نيمار كل ماقدمه بالامس Author: tmbis Date: 09-15-2013, 09:05 AM Parent: #10
صبري .. عليك دينك غالتوووو اقدر ما تقدر .. بي شدك ومنعك .. يا عمر .. ارفع يدك عن البرشا .. بالنسبة لي نيمار اقوليك حاجة .. والله مش ميسي دا زيو زاتووو ما فيش .. لكن انا نيمار دا البتكلم فيهو .. بقاطعو عديل .. ياخ انا مش بشجع البرشا والبرازيل وبحبو نيمار دا ..؟ صدقني والله لما يستلم الكورة انا القدامك دا بكون خايف ههههه .. عارف بكون خايف لييه .. لاني بتعامل بي احساس حارس المرمى .. لما يكون في زول زي نيمار دا في الميدان .. ..
يا حامد .. انا ما حضرته مباراة البرشة البتتكلم عنها دي .. لكن من كاس القارات وانا تقريبا ما قاعد اضيع كورة فيه البرازيل .. بالنسخة الجديدة .. السحرة رجعو تاني للمتعة ... ونيمار قاعد يعمل في عمايل عجيبة جدا ومؤشر الرعب حقو بقى في الارتفاع .. في مباراة استراليا مع البرازيل عمل عمايل .. في مباراة الاسبوع الفات ضد البرتغال عمل عمايل عجيبة .. الغريبة انو بقو لعيبة الدفاع والوسط من فرق الخصم يتعاملو معاهو زي ما بتعاملو مع ميسي .. ضرب غير قانوني ومحاولات تعطيل راسه عديل .. لكن علي مييين ..؟ الغريب في الأمر والمحيرني .. انو عندو انيميا حادة .. وشايلين ليهو لوووز .. ويجوك في السودان يقولو ليك هيثم مصطفى كان لياقتو البدنية منخفضة عشان كدا المريخ اتغلب .. .. يعني الزول دا لو كان عندو لوووز اضافية .. كان عمل شنو ؟؟
.. هوووي يا ناس هووووي .. الباحث عن المتعة الكرويـة بعد بارشلونة .. يحضر ليهو الايامات دي كورة لي البرازيل .. ويكون نيمار لاعب ... ودبفبد لويس ساديها بي ورا
Post: #13 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 09:13 AM Parent: #12
Quote: وعندما يقف المُدافع أمامك ويعترض مسيرتك نحو الكُرة (يعني يعمل ليك اعتراض) .. هل تُعدّ هذه مُخالفة أم لا ؟
صبري يازول اقوليك بالفيديو الفوق ده ماهبشو غير اتجاهو لانو عرفو عايز يقفل الكوره والحكم قريب من الكوره ركز على موضوع الزمن هو خمسه ثواني دي الحكم لو ودا الصفاره لي خشمو ولقا هجمة زي دي وجاري بيها ميسي كان رفدوهو بصفر كااااااااااااااااااااااااك اشكر مرورك اتا والفاروق شرفتونا المهم غلط الحكام جزء من متعه كرة القدم عمر كاس العالم كورة البرازيل وتركيا كان فيها كرت حرم الاتراك من دوري الاربعه العالم كلو شايفا دى نسبة قليله مابتفسد متعه الكورة
Post: #14 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 09:22 AM Parent: #13
Quote: الغريبة انو بقو لعيبة الدفاع والوسط من فرق الخصم يتعاملو معاهو زي ما بتعاملو مع ميسي .. ضرب غير قانوني ومحاولات تعطيل راسه عديل ..
تمبس يسعد صباحك ياوطن نيمار كان متهم بانو بميل للفرديه واناني وماحيفيد البرشا امبارح اكتر من هجمة مرر الكره لميسي بالنسبة للضرب والخشونه اكتر شئ مخوفنا انو الغياب هناك بالشهور وامبارح فقدنا المدافع الايسر البا لمدة شهر اصيب في اوتار الركبه نيمار عليه يزيد وزنو حبه وتمارين تقوية عضلات فالاستحقاق طول السنه والمباريات مستمره والمتعه مضمونه الدوري الاسباني مابتفووت المنافسه فيهو قوية جدا امبارح الريال مدرن مع فيا ريال وولدنا جاب هدف التعادل لفييا ريال
Post: #15 Title: Re: ساحر قادم بقوة نيمار كل ماقدمه بالامس Author: صبري طه Date: 09-15-2013, 09:28 AM Parent: #10
Quote: عمر الفاروق كتب: يا صبري يمكن للحكم زيادة الوقت المحتسب بدل ضايع اذا حصل بعد احتساب الزمن ده ما يستدعي الايقاف وهنا الحكم بيأشر بي زمن اضافي للحكم الرابع او تقديريا ..لكن كورة استمرت عااادي تقوم تقول كدي خليهم يكملوا الهجمة دي وبعد داك النشوف؟؟؟؟ ده ما تحكيم ..
النجيضة العايزها منّك هي: هل الحكم بيأشر في كل الأحوال حتى ولو كان مقدار الزمن الضائع فوق للزمن الضائع ثواني ؟ .. إذا قُلت ممكن ما يأشر هنا يبقى احتجاجك مرفوض ومفروض تبلّو وتموصو وتشرب مويتو (غايتو مما عرفت حاجة اسمها كُرة قدم ما شفت لي حكم أشّر للحكم الرابع بزيادة زمن ضائع فوق الزمن الاحتسبوا أوّل حاجة وأصابع يديه تعمل بالثواني
Quote: الحاجة التانية يا صبري الحكم الرابع ما بالضرورة يرفع اللوحة لإضافة الزمن المحتسب
وهسّي إنت عرفت كيف إنّو الحكم كلّم الحكم الرابع بإضافة خمسة ثواني من عدمها*
ـــــ * ياخي مُش ممكن يكون كلّمو بالمايك الرابطنو ليهو جنب خشمو إنّو في إضافة خمسة ثواني
يا حليل زمن التأشيرة للحكم الرابع باليد فقط .. إنت الظاهر عليك من زمن دار الرياضة أم درمان وزريبة العيش وميدان ناس تمبس وهلمّجرا
Post: #16 Title: Re: ساحر قادم بقوة نيمار كل ماقدمه بالامس Author: صبري طه Date: 09-15-2013, 09:40 AM Parent: #15
تحياتي يا حامد .. وأسمح لي أتجدّع في البوست بتاعك دا ياخ .. ومعليش اليوتيوب ما شغال عندي .. بحاول في المساء أشوفو ...
Quote: تمبس كتب: صبري .. عليك دينك غالتوووو اقدر ما تقدر .. بي شدك ومنعك ..
لا أستطيع أن أرفض لك طلباً يا عزيزي .. ما تقول كمان لي زمن محروم من الغُلاط
بالنسبة لنيمار .. غايتو أنا قبل المُباراة كان عندي فليتة في ضهري بالجنبة اليمين .. فعمّك دا عمل ليهو عملية في أحد اللاعبين أنّا لفّيت معاها بالجنبة الفيها الفليتة .. المُهم سمعت لي حاجة قالت طق في ضهري وبعدها الفليتة راحت ...
Post: #17 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 09:48 AM Parent: #15
Quote: ـــــ * ياخي مُش ممكن يكون كلّمو بالمايك الرابطنو ليهو جنب خشمو إنّو في إضافة خمسة ثواني
ياصبري الحكم عندو مناطق معينه بنهي فيها المباراة وهنا ممكن نستعمل روح القانون روحو مانصو يعني ماممكن لاعب في وضع انفراد او جوه الصندوق تنهي ليو المباراة عشان خمسه ثواني او تحسب ليك ركنيه ماتنتظر يلعبوها كورة المريخ ناس الهلال خاتين يدينوم فوق راسوم لحدت نهاية المباراة في اخر ثانية المريخ عمل هجمة توقف القلب وبعدها مباشرتا نهى الكورة
Post: #19 Title: Re: ساحر قادم بقوة نيمار كل ماقدمه بالامس Author: صبري طه Date: 09-15-2013, 09:52 AM Parent: #17
Quote: حامد بدري: ياصبري الحكم عندو مناطق معينه بنهي فيها المباراة وهنا ممكن نستعمل روح القانون روحو مانصو يعني ماممكن لاعب في وضع انفراد او جوه الصندوق تنهي ليو المباراة عشان خمسه ثواني او تحسب ليك ركنيه ماتنتظر يلعبوها كورة المريخ ناس الهلال خاتين يدينوم فوق راسوم لحدت نهاية المباراة في اخر ثانية المريخ عمل هجمة توقف القلب وبعدها مباشرتا نهى الكورة
تسلم يا حامد .. وكلامك في محلّو .. بس حبّيت أناقش ود الفاروق على حسب منطقو ... ولو اقتنع بمنطقو فبها .. ولو ما اقتنع بعدين بفرمط جهازي وبجيهو بالأمثلة الكثيرة والفيديوهات المُو خمج .. وحأبدأ ليهو بي فريقو ريال مدريد هيمسيلف ...
Post: #21 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 09:58 AM Parent: #17
Quote: بالنسبة لنيمار .. غايتو أنا قبل المُباراة كان عندي فليتة في ضهري بالجنبة اليمين .. فعمّك دا عمل ليهو عملية في أحد اللاعبين أنّا لفّيت معاها بالجنبة الفيها الفليتة .. المُهم سمعت لي حاجة قالت طق في ضهري وبعدها الفليتة راحت ...
يا لهو من علاج طبيعي نادر
ياصبري اتجدع علي راحتك بس الخمسه ثواني مامحل خلاف ايو زول بشاهد كرة قدم عارف الحكام صافرة الختام بختاروها في ياتو بكان المباراة دي تحديدا محل الزياده دي حتكون الحدث الاهم في المباراة لانها كانت جمر عدييل ونار والفاروق كان داير التعادل لانو فريقو مجهجه وبدا مسلسل فقدان النقاط قول اتين
Post: #18 Title: Re: ساحر قادم بقوة نيمار كل ماقدمه بالامس Author: خالد عبد الله محمود Date: 09-15-2013, 09:50 AM Parent: #15
لم أقتنع بأن نيمار ساحر من سحره كرة القدم إلا بالأمس
Post: #20 Title: Re: ساحر قادم بقوة نيمار كل ماقدمه بالامس Author: صبري طه Date: 09-15-2013, 09:57 AM Parent: #18
Quote: لم أقتنع بأن نيمار ساحر من سحره كرة القدم إلا بالأمس
يا خالد خطورة نيمار غير مهارتو .. حركتو خفيفة جداً وبغيّر اتجاه جسمو بسرعة أكثر من ردّة فعل الخصم بكثير .. يعني لمّا المُدافع يفكّر يعمل ليهو حاجة هو بكون لعبها باص أو شاتا في القون أو وصل الثورة الحارة الـ 76
Post: #22 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 10:17 AM Parent: #20
Quote: لم أقتنع بأن نيمار ساحر من سحره كرة القدم إلا بالأمس
خالد ودعبدالله كاس القارات ماحضرتو بالغتا كدي ادخل وشوف الاهداف والمراوغات او اقوليك انتظر المباريات القوية في الدوري الاسباني
Post: #23 Title: Re: ساحر قادم بقوة نيمار كل ماقدمه بالامس Author: عمر الفاروق Date: 09-15-2013, 10:18 AM Parent: #18
صبري ماف حاجة إسمها خمسة ثواي وتلاتة ثواني .. الحكام بيزيدو الكورة بالدقايق ..وما حصل سمعت لي بي حكم مدد الزمن بي الثواني عشان كده بقول ليك الحك بيمدد بي الدقايق .. ودي البيأشر بيها للحكم الرابع .. طيب تعال اديك مثال ووريني الحكم ممكن يتصرف فيهو كيف.. نفترض الشوط التاني الكورة لم تتوقف نهااائي واستمرت دون تأخير.. فقط توقفت لإستبدال واحد فقققط ..أكرر إستبدال واااحد فقط.. كم سيرفع الحكم وقت بدل ضائع ؟؟ لمن تجاوب ح تفهم .. وتاني بقول ليك يا صبري ..كتييير من الحالات حصل الحكم اضاف زمن بعد الزمن الضائع ...وانا حضرتها وشوفتهابي عيني .. بالمناسبة كان في لغط وجوطة قبل كده حصلت في الدوري السعودي وانا وأخوي حميدة ده كنا في الإستاد في مباراة للهلال السعودي ونجران في الدوري..الهلال جاب قون النشلة في الدقيقة ماااف وزيادة من الزمن المحتسب بدل ضايع .. ووقتها الحكم ادى تلاتة دقايق وقون الهلال جا في الدقيقة التالتة و 47 ثانية تقريباً .. وبدا الغلاط لأنو حارس المرمى وقع بعدها .. وبدت المشاكل وطلع مليون سيناريو منضمنها إنو الحكم أشار للحكم الرابع بي إنو يضيف دقيقة فوق الزمن المحتسب.. لاحظ توقف اللعب .. لكن اللعب ماااشي زي الحلاوة وماف زول وقف الكورة ماف حاجة اسمها نتم الهجمة ونشوف البيحصل بعدها !!
Post: #24 Title: Re: ساحر قادم بقوة نيمار كل ماقدمه بالامس Author: صبري طه Date: 09-15-2013, 11:07 AM Parent: #23
Quote: طيب تعال اديك مثال ووريني الحكم ممكن يتصرف فيهو كيف.. نفترض الشوط التاني الكورة لم تتوقف نهااائي واستمرت دون تأخير.. فقط توقفت لإستبدال واحد فقققط ..أكرر إستبدال واااحد فقط.. كم سيرفع الحكم وقت بدل ضائع ؟؟ لمن تجاوب ح تفهم ..
بيضيف زمن ضائع دقيقة .. ومن المنطق ألاّ يكملها .. ولكن كثير من الحُكام يكملها دقيقة كاملة .. شُفت كيف
Quote: لكن اللعب ماااشي زي الحلاوة وماف زول وقف الكورة ماف حاجة اسمها نتم الهجمة ونشوف البيحصل بعدها !!
للأسف هذه موجودة وبكثرة .. تتم الهجمة وتنهي المُباراة .. يعكسوا الكورنر وتنهي المُباراة .. تلعب الفاول وتنهي المُباراة .. تعلب ضربة الستة ياردة أو يلعب الحارس الكُرة وتنهي المُباراة .. ودي كلّها في كثير من الأحيان بتلقاها زادت بعدد من الثواني على الزمن المُحتسب بدلاً عن الضائع من المُباراة
ولو قُلت ما شُفت الحركة دي إلاّ في مُباراة برشلونة بتاعة أمس دي .. حأقول ليك راجع نفسك ..
واقتباسك الأخير دا إن شاء الله بس الجهاز يظبط معاي بعدين بالفورمات عشان تشوف الطّفى النور صحي صحي بالأمثلة الكثيرة في إعلان نهاية المُباراة بزمن أكثر من الزمن المحسوب بدل الضائع لنهاية هجمة أو لعب كورنر أو لعب فاول .. إلخ ...
Post: #25 Title: Re: ساحر قادم بقوة نيمار كل ماقدمه بالامس Author: هشام عباس Date: 09-15-2013, 12:37 PM Parent: #24
Quote: ياخ امبارح برشلونة ذكرني المريخ ضد الإسماعيلي لمن مدرب الاسماعيلي اشار للحكم بي إنو قااابض الرشوة .. دكة بدلاء اشبيلية علت نفس الحركة وكان معاها الحق..
للتصحيح فقط اخى عمر اظن الحركة اتت من دكة بدلاء برشلونة وليس العكس واضح في الصورة لاعب البارسا منتويا
Post: #26 Title: Re: ساحر قادم بقوة نيمار كل ماقدمه بالامس Author: عمر الفاروق Date: 09-15-2013, 01:05 PM Parent: #25
كلامك صاح يا هشام ..انا أمبارح للوهلة الأولى شوفتهم دكة بدلاء برشلونة بس استغربت يكونو كمان حقانيين للدرجة دي :) فإستبعدتها تماااماً خصوووصاً إنو لمن إعتبرتها دكة بدلاء برشلونة إفتكرت الحكم قام بإلغاء الهدف .. بس لمن لقيت الهدف محتسب قلت مستحيييل تكون دي دكة برشلونة .. شكراً للتصحيح ..
Post: #28 Title: Re: ساحر قادم بقوة نيمار كل ماقدمه بالامس Author: صبري طه Date: 09-15-2013, 01:15 PM Parent: #26
Quote: كلامك صاح يا هشام ..انا أمبارح للوهلة الأولى شوفتهم دكة بدلاء برشلونة بس استغربت يكونو كمان حقانيين للدرجة دي :) فإستبعدتها تماااماً خصوووصاً إنو لمن إعتبرتها دكة بدلاء برشلونة إفتكرت الحكم قام بإلغاء الهدف .. بس لمن لقيت الهدف محتسب قلت مستحيييل تكون دي دكة برشلونة .. شكراً للتصحيح ..
Quote: أوضح "مارتين مونتويا" الظهير الأيمن بالبارسا مايقصده من الإشارة التي قام بها تجاه دكة "إشبيليه" بمعية "جوناثان دوس سانتوس" بعد الهدف الثالث من "أليكسيس سانشيز" .
"مونتويا" قال : "لقد كان فريقنا عظيماً وعانينا في مباراة ضد فريق جيد مثل ( إشبيليه ) , كانت ( 3 نقاط ) هامه , وبالنسبة للإشارة التي قمت بها , فأنا قمت فقط بتكرار الحركة التي قام بها ( إمبيا ) تجاهنا بعد أن سجل فريقه هدف التعادل , لا توجد أي مقاصد سيئه" .
Post: #29 Title: Re: ساحر قادم بقوة نيمار كل ماقدمه بالامس Author: صبري طه Date: 09-15-2013, 01:20 PM Parent: #28
Quote: إنتقدت صحيفة "آس" المدريدية الحكم "مونييث فيرنانديث" على أداءه في مباراة اليوم بين "برشلونه × إشبيليه" .
الصحيفة قالت أن الحكم ألغى هدفاً صحيحاً لصالح "إشبيليه" عبر "كالا" في الشوط الثاني كان يمكن أن يجعل النتيجة "1-1" , وهو قرار غير صحيح بحسبها لعدم وجود مبرر لإلغاء الهدف .
كما أكدت أنه كان يجب أن ينهي المباراة قبيل تسجيل "سانشيز" لهدف الفوز للبارسا , كونه جاء في الدقيقة "93:07" , بينما هو قد أعلن عن "3 دقائق" فقط للوقت بدل الضائع . المصدر
ردود من المصدر:-
Quote: الناس هذي تشوف بعين وحدة وبقلب حاقد اولا عن السبع ثواني الزايدة شووووفو الوقت بدل الضايع متى بدا؟ بدا وقت احتفال اشبيلية بهدف التعادل وسنترة برشلونة جات وكان مر دقيقة كااملة من الوقت يعني المفرووض يزيد دقيقة مش سبع ثواني ثانيا هدفهم غير شرعي وفي بلنتي لميسي حسبه فاول عليه وخلي الظريطي يشوف حل لفريقه بدل ما يتابع اعظم فريق ويحقد عليه
Quote: اوجه رساله لاي مضريطي .. انت اخر سلوقي يتكلم عن التحكيم ..
مهازلكم واصله لي عمدنا .. اربيلوا مطلع هدف بيده قدام فالنسيا قبل عامين في المستايا كلو تراب بس
والي يقول عن 7 ثواني ترى لاعبين اشبيليه مضيعين دقيقه في احتفالهم بهدف التعآدل يالله انقلعو برى
Quote: ههههه كيفنا احنا غشاشين بعدين يا مدريديه يا .... الكره في الدقيقة 2:58 من البدل الضائع انتقلت من الوسط الى الهجوم و بهل حاله اي حكم راح يعطي مبدء اتاحة الفرصه غصبن عليه لان باجي ع الوقت ثانيتين ما يقدر يصفر و صارت هجمه و اكلو تبن و شكرا
Quote: يعني اعتراضكم على سبع ثواني او لان الريال خرج بتعادل بدل الهزيمة
Post: #27 Title: Re: ساحر قادم بقوة نيمار كل ماقدمه بالامس Author: عمر الفاروق Date: 09-15-2013, 01:09 PM Parent: #25
يا صبري الأمثلة كتيييرة وما محتاج تجيبا لي .. لكن ما معناها الحركة دي صاح مش؟؟ قانونياً مفروض غلط .. في حاجات كتيييرة في الدنيا دي بنعملا بي الأعراف لكن لو جينا للجد بتكون غلط فهل ده مبرر ليها؟؟ الفرق شنو بين الحكم يمد الكورة 5 ثواني و50 دقيقة ؟؟؟ خصوصا لمن يكونوا الاتنين ما عندهم مبرر.. في كتيييير من الأحيان الفريق بيكون فايز مثلاً 2-1 وبيكون عندو هجمة خطرة تصل لمرحلة الإنفراد بالقون لكن الحكم عشان الجماعة غالبين بيمتلك الشجاعة وبينهيها نظام تسوية وانو الخصم ما يزعل.. يبقا يا صبري الموضوع عايز شجااااعة ما عايز أعراف وأمثلة .. الحق حق .. الكورة إنتهت تصفر ..لكن تقول لا خليهو وكدي النكمل الهجمة دي فدي كلها مرجعيتها تحامل الحكم ومجاملته لي فريق مقابل الفريق الاخر..
Post: #30 Title: Re: ساحر قادم بقوة نيمار كل ماقدمه بالامس Author: صبري طه Date: 09-15-2013, 01:26 PM Parent: #27
Quote: يا صبري الأمثلة كتيييرة وما محتاج تجيبا لي .. لكن ما معناها الحركة دي صاح مش؟؟ قانونياً مفروض غلط .. في حاجات كتيييرة في الدنيا دي بنعملا بي الأعراف لكن لو جينا للجد بتكون غلط فهل ده مبرر ليها؟؟ الفرق شنو بين الحكم يمد الكورة 5 ثواني و50 دقيقة ؟؟؟ خصوصا لمن يكونوا الاتنين ما عندهم مبرر.. في كتيييير من الأحيان الفريق بيكون فايز مثلاً 2-1 وبيكون عندو هجمة خطرة تصل لمرحلة الإنفراد بالقون لكن الحكم عشان الجماعة غالبين بيمتلك الشجاعة وبينهيها نظام تسوية وانو الخصم ما يزعل.. يبقا يا صبري الموضوع عايز شجااااعة ما عايز أعراف وأمثلة .. الحق حق .. الكورة إنتهت تصفر ..لكن تقول لا خليهو وكدي النكمل الهجمة دي فدي كلها مرجعيتها تحامل الحكم ومجاملته لي فريق مقابل الفريق الاخر..
نعم أتفق معك فيما قلته جُملةً وتفصيلاً .. ولازم القانون يكون واضح في الحتّة دي ...
لكن إنت برضو اتفق معاي إنّو المسألة دي ما حالة خاصة بس بي كورة أمس .. يعني الحكم إذا تجاوز الوقت القانوني بثواني لإكمال الهجمة في مُباراة برشلونة يبقى هنا تجاوزه بالعفوية والأعراف المُتعارف عليها حسبما أشرت إليه أعلاه يا عُمر .. وليس تحيّزاًً ...
Post: #31 Title: Re: ساحر قادم بقوة نيمار كل ماقدمه بالامس Author: عمر الفاروق Date: 09-15-2013, 01:32 PM Parent: #30
أكييييد ما حالة خاصة وانا ما قلت إشمعنا برشلونة !!! حصلت مليون مرة وح تحصل .. الدوري الإنجليزي كل يوم بتحصل فيهو الحركة دي ..
Post: #32 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 02:29 PM Parent: #31
Quote: يا صبري الأمثلة كتيييرة وما محتاج تجيبا لي .. لكن ما معناها الحركة دي صاح مش؟؟ قانونياً مفروض غلط ..
كويس الحصل تقارب في حتة الخمسه ثواني وياعمر الفاروق اخوي القطع الناشف بجيب شطط في استخدام السلطة ماممكن حكم ينهي مبارة الكورة معلقة في الجو ماشة لي راس مهاجم محتاج لي هدف واحد يتعادل بيهو او يفوز بيهو بنقاط مباراة يعني حتى نتيجة المباراة عندها علاقة بالموضوع شاهدتا مباريات الفريق مهزوم اربعه صفر الحكم ولا بتم الزمن الضايع بنهيها قبل يتمو وعادي الموضوع لو مسكنا القانون مفروض يتمو لكن ودي لذة الكورة انو الحكم عندو فرصة يقرر حسب ظروف الميدان والحالة ديبعتبروها من العرف المعروف للكورة ياصبري قون التعادل بتاع ولدنا والكور الانقذها حارسوم من انفرادات رسمية مالقيتا بعد تفرمت ارفعها معاك
Post: #33 Title: Re: ساحر قادم بقوة نيمار كل ماقدمه بالامس Author: حامد بدري Date: 09-15-2013, 06:18 PM Parent: #32
حبيبي يالاصفر كان شفتو بخدر كاااااااااااااااااك
Post: #34 Title: Re: ساحر قادم بقوة نيمار كل ماقدمه بالامس Author: حامد بدري Date: 09-16-2013, 05:51 AM Parent: #33
انسجام اللاعب نيمار مع فرقة البرسا امر يتم بسلاسه فالبرسا كيان اكبر من كرة قدم ارجعو لمرض ابيدال وتيتو وتسليم شارة القيادة من قبل فيجول وكاس ابطال اوربا لابيدال بل ان داني الفيس صررح لابيدال بانه يريد التبرع له بجزء من كبده رغم ان المقرضين شوشو او ارادو تشويش ذلك بنشر موضوع مستحقات ابيدال المتبقيه في خزينة البرشا بررررششا ياعظيم والتحيه لدانييل الفييس المتبرع بجزء من راتبه لاطفال سوريا فعلا شخص يجبرك على احترامه
Post: #35 Title: Re: ساحر قادم بقوة نيمار كل ماقدمه بالامس Author: خالد عبد الله محمود Date: 09-17-2013, 06:48 AM Parent: #34
Quote: الفرق شنو بين الحكم يمد الكورة 5 ثواني و50 دقيقة
أنت جادي يا عمر !!! فرق كبير طبعاً
ياخ المريخ ذاتو لمن يكون معصور ما قاعدين يدوهو أكتر من تسعة دقائق بس
Post: #36 Title: Re: ساحر قادم بقوة نيمار كل ماقدمه بالامس Author: عمر الفاروق Date: 09-17-2013, 07:11 AM Parent: #35
يا خالد المريخ حالة إستثنائية في الكون فيما يتعلق بكرة القدم .. يكفي إنو المريخ مغلوب 2 والكورة في الخرطوم ويقولوا ليك جماهير سيمبا حصبت الملعب بالحجارة وعليه يعتبر المريخ فائزاً.. يكفي إنو المريخ مضروب تلاتة في إستاد المريخ ويقولوا ليك جمهور الهلال حطم الكراسي بينما إلتزمت جماهير المريخ الصمتوصفقت لفريقها رغم الخسارة ..
Post: #37 Title: Re: ساحر قادم بقوة نيمار كل ماقدمه بالامس Author: حامد بدري Date: 09-17-2013, 07:53 AM Parent: #36
Quote: يكفي إنو المريخ مضروب تلاتة في إستاد المريخ ويقولوا ليك جمهور الهلال حطم الكراسي بينما إلتزمت جماهير المريخ الصمتوصفقت لفريقها رغم الخسارة ..
غايتو كورة الهلال والمريخ الاخيره ركنية غاندي واصابتو نواحي مدرجات الرشاشات بتثبت وتقرير الامن وتحركو الي الركن الشمالي الشرقي من الملعب بالنسبة للكراسي فما اول مرة يكسروها
Post: #38 Title: Re: ساحر قادم بقوة نيمار كل ماقدمه بالامس Author: عمر الفاروق Date: 09-17-2013, 09:13 AM Parent: #37
طيب يا حامد بي مناسبة غايتو دي.. هاك الغايتو دي.. غايتو فليق المريخاب لي بشة ونزار ولاعبي الهلال بعد الهدف التالت بيثبت إنو المريخاب قلعوا الكراسي ..كدي أمشي بي رواااق كده شوف بعد بشة جاب القوون كمية الحجار الاتردمت وتعال قول لي لو غايتو حقتي ما زي غايتو حقتك ..الله الا اذا ح تقول لي ناس الامن ما مشو :)
Post: #39 Title: Re: ساحر قادم بقوة نيمار كل ماقدمه بالامس Author: حامد بدري Date: 09-17-2013, 10:03 AM Parent: #38
Quote: غايتو فليق المريخاب لي بشة ونزار ولاعبي الهلال بعد الهدف التالت بيثبت إنو المريخاب قلعوا الكراسي ..كدي أمشي بي رواااق كده شوف بعد بشة جاب القوون كمية الحجار الاتردمت وتعال قول لي لو غايتو حقتي ما زي غايتو حقتك ..الله الا اذا ح تقول لي ناس الامن ما مشو :)
الفرق بين الغايتيوين انو جمهور المريخ لامن فلع كان مغلوب تلاتة واحد مغلوب بيفلع ده شئ وان كان مامقبول اخلاقيا وكرويا ممكن تمريرو من باب السلوك المعتاد فليعكم اتو وغالبين كدي شوف ليهو غايتو تمرقو من الله خلقني ماشفتا فريق غالب وبطقع
بالنسبة لى موضوع الكراسي معقوله بس نكسر الكراسي القاعدين فوقا او ننتظر جمهور الهلال بعد يطلع ونكسر الكراسي الكانو قاعدين فوقا عصرتا علينا شديد اها الليلة الله يحلنا من الاتبراوي وبكره نجيب ليك تابلوهات نيمار لعب وطررب
Post: #40 Title: Re: ساحر قادم بقوة نيمار كل ماقدمه بالامس Author: حامد بدري Date: 09-17-2013, 06:24 PM Parent: #39
المريخ يتالق بداية جميله وهدف مدرسه لرمضان عجب يارب الليلة وبكره برشا ومريخنا العظيم ينومونا مبسوطين
Post: #41 Title: Re: ساحر قادم بقوة نيمار كل ماقدمه بالامس Author: حامد بدري Date: 09-18-2013, 03:12 PM Parent: #40
Quote: نيمار لديه اسباب اكثر من كافية ليكون سعيداً . اولاً لانه تكيف في برشلونة بشكل اسرع من المتوقع . و السبب الثاني انه سوف يخوض مباراته الاولى في دوري ابطال اوروبا يوم الاربعاء ضد اياكس . و ثالثاً ان ابنه دافي لوكا متواجد لبضعة ايام في برشلونة للاستمتاع مع والده.
موقع كلاسيكو برشلونه نيمار خليفه لرونالدينيو بلاشك بتابلوهاته الرائعه في الطرف الايسر
