ماقلنا ليك اقفل الزفت ده يا علاء الدين!!!!

يوم الاربعاء السابق كنت فى القنصلية السودانية فى جدة بغرض تجديد جواز الاولاد بغرض السفر للسودان ... اول شئ القنصلية زحمة شديدة والمرافق الموجودة لخدمة الزوار لا تتناسب اطلاقا مع عدد الزوار اللذين هم نحن اللذين ندفع مبالغ طائلة فى كل معاملة ومع ذلك لا يمكنك الحصول على حتى كرسى تجلس فيه انتظارا لمعاملتك التى تمر باجراءاءت سلحفائية بالطبع ونهزرة شديدة .. ماعلينا ... اصلا نحن لا نعشم فى ذلك لاننا خبرناهم منذ عشرات السنين وهم كذلك بل اكثر من ذلك هم يتطورون بسرعة الصارخ فى اتجاه الخاطئ عكسا لكل سنن الله وخلقه فى الكون كله حيث يتطورون فى الاتجاه الصحيح ويسعون فى استحداث ارقى واحسن الاساليب لاستقبال وخدمة الزوار وخاصة اذا كان هؤء الزوار هم بمثابة العلاء القادمين لدفع الفلوس بدون اى مقابل يذكر .
المهم فى هذا اليوم المذكور اعلاه كان هنالك كاونتر فى مدخل الصالة يوزع استمارات المعاملة وكان القائم عليه يدعى علاء الدين وكان شابا متجاوبا وطيبا لحد ما ممع الزوار ويحاول ان يلبى طلباتهم بعكس من هم فى القنصلية من موظفين ومقرر له ان يوقف المعاملات بعد الساعة 12 ظهرا وفى ذلك اليوم كان هنالكزوار كثر قادمون من خارج جدة وتساهل معهم قليلا وتجاوز الساعة 12 وهو يوزع استمارات مما جعل الافندى ضابط الجوازات فى الداخل يتضايق من تصرف علاء فما كان منه الا ان اخذ المكرفون واخذ يصرخ بصوت عالى وس(.........)هول الحاضرين فى الصالة بمافيهم الموظفين الاخرين وقال مخاطبا علاء (ماقلنا ليك اقفل الزفت دا يا علا الدين ) ( اقفل الكاونتر دا ياخ ) ..وقد اصابتنا الدهشة والزهول جميعا كيف يتصرف ضابط برتبة مقدم ويفترض فيه انه دبلماسى حيث انه فى بعثة دبلماسية بهذه الطرقة الفجة الى اثارت الضجة وكيف يتلفظ بهذه الطريقة امام الجميع وماهذا المستوى المتدنى من لغة الخطاب اللذى وصل اليه موظفينا فى الخدمة ( الدبلماسية ) ...
وانا لا يسعنى الا ان اقول هذا زمانك يا مهازل فامرحى ...
وتعيش كتير تشوف من الناس ديل كتير

عادل سلام
الغلط ما غلط المقدم الغلط غلط علاء الدين الخلا زول جربوع زي دا يتفوه معه بهذة عبارات
مفترض علاء الدين طوالي يتوجهه ناحية المقدم دا ويمعط فيهو كف ويقلع ليهو دبابيرو ويدخلهن ليهو
في خشمو يعني حيحصل شنو ؟

مارتن لوثر كنج قال لا يستطيع أحدٌ ركوب ظهرك إلا إذا انحنيت.

ود الباهى سلام

كيف يقوم يمعط الازبلطاط ده بيكون شايفه ولى نعمته وكده وهو عبد المامور يسبح بحمدهم صباح مساء . حقا قديما قالو من لا يحترم نفسه لا يحترمه الاخرين

أهليين عادل

فعلا من هانت علية نفسه كان علي الناس أهون ، الناس دي لو عندها أيمان أنو البيقسم
الارزاق دي الله وليس حد سواها الواحد ما بيمرمط نفسه كدة ، ملعون أبو أي وظيفة وأي
مرتب البتخليني أحني رأسي لاي بشر .

عارف يا ود الباهى انا لمن استغربت من كلام الضابط اتاوهت بصوت عالى واعلنت عن عدم رضائ عن الصياح هذا وعن الاسلوب قام واحد عمك كبير فى العمر وله التحية قال لى يا ولدى ما تزعل اذا كان اسلوب كبيرهم دا تحت جزمتى ودا مش عارف ايه انت راجى شنو من زى الضويبط ده فامنت على كلامه وانا اقول اذا كان رب البيت للدف ضارب فشيمة اهل البيت الرقيص مع انه رب بيتهم ده بيضرب الطبل ويرقص كمان




وصدق عاطف خيرى لمن قال
مازنب جلد الطار لو دقو بيهو شتر


* شتر جمع اشتر يقصد

Quote: وتعيش كتير تشوف من الناس ديل كتير

الحقيقة وللامانة - ما بالضرورة يكون الضابط ده كوز ،،، احنا كسودانيين عامة وفي احيان كتيرة بنفتقد للباقة والتهذيب في التعامل !!

هههههههههههههههههه
ياخ انا جيت داخل كنت قايلو علاءالدين بيضة بتاع امبارح الغسلوه وكوهو مكوة سيف


المهم

الظابط بتاع القنصلية ده حضرت ليه موقف كان في راجل كبير في السن بتكلم بصوت عالي شوية فجاءة وقف زولنا دا وقال لعلاء الدين دا زاتو بطريقة ######ة قول للزول ده يتكلم براحة ولا طلعو برة

Quote: الحقيقة وللامانة - ما بالضرورة يكون الضابط ده كوز ،،، احنا كسودانيين عامة وفي احيان كتيرة بنفتقد للباقة والتهذيب في التعامل !

وانا اقرأ في موضوع البوست وصلت لنفس النتيجة دي انو ده اسلوب وسلوك السوداني رضينا ام ابينا وهذا المشهد يتكرر في كل الوزارات والامكنة الخدمية

Quote: الحقيقة وللامانة - ما بالضرورة يكون الضابط ده كوز ،،، احنا كسودانيين عامة وفي احيان كتيرة بنفتقد للباقة والتهذيب في التعامل !!

كتبه ايمن محمود

Quote: كتبه ايمن محمود

ايوه يا طه - الشتم والعجرفة وقلة الادب !
والواحد فينا لما يعاملوه بالمثل - يتجرس ويجغلب
--
أرجى الراجيك

ايمن محمود
معليش لا اتفق معاك
طيب ايش فائدة قراية الجامعة والتخرج منها وايش فايدة الدخول الى كلية الشرطة والتخرج منها وايش فائدة الانتماء الى وزارة الخارية والخضوع الى كورسات فى الدبلماسية والتعامل مع الجمهور

كل الكلام ده راح وين
ولا هوتبرير منك ترميه كده والسلام