Post: #1
Title: أبحث عن علاء الدين منصور
Author: tmbis
Date: 09-11-2013, 11:18 AM
Parent: #0
الوكت داك ما كان في انترنت ولا اي حاجة .. 
|
Post: #2
Title: Re: أبحث عن علاء الدين منصور
Author: الرفاعي عبدالعاطي حجر
Date: 09-11-2013, 11:25 AM
Parent: #1
يا تمبس
نعم ما كان في انترنت لكن كان في كل اي حاجة وكل حاجة
براءة وطيبة بشر ومواعيد فطور وغداء وعشاء ومتابعة
وقراية وحبر كراس وكنبه كله متوفر وحصة للرياضة واخرى
للرسم ...........
اتوقع انك في الصف الواقف غير وفي صفوف الوسط لا ايضاص
توقعت انك المتفرجخ في الواطة وحازم مخلايته دا انت ههههههه
.................................................................................حجر.
|
Post: #12
Title: Re: أبحث عن علاء الدين منصور
Author: tmbis
Date: 09-12-2013, 08:17 AM
Parent: #2
Quote: نعم ما كان في انترنت لكن كان في كل اي حاجة وكل حاجة
براءة وطيبة بشر ومواعيد فطور وغداء وعشاء ومتابعة
وقراية وحبر كراس وكنبه كله متوفر وحصة للرياضة واخرى
للرسم ........... |
نعم يا رفاعي .. كان هناك كل شي واي شي .. ولم ينقصنا شي وقتها ..
كانت المدارس تحتضن ابناءها في دفء تأتي بداية العام الدراسي لتجد المدرسة اكتست بحلة جديدة الجير الخارجي .. والداخلي الوان الفصول .. البوهية على الابواب والنوافذ الكنب والأدراج ببوهيته الخضراء اللامعة ولسـة ريحة الطلاء حايمه في الفصل ..
وزارة التربية والتعليم ، ترسل الكنب .. أول يوم حضور وبعد الطابور الترحيبي تدور على الفصل .. وما هي إلا دقائق ..
يأتي الاساتذة محملين بالكراسات بمختلف انواعها .. لتوضع على اقصى ركن بجوار السبورة اللامعة بعد ترميمها .. جاهزة لا ستقابل الطباشير الذي كان يوزع مجانا من الوزارة بكل الوانه الابيض والملون .. وكنا نحمل معنا ما تبقى منه لاعادة الكتابة في سبورة البيت لمراجعة الدروس
كان هناك مسرح يا رفاعي .. وكانت جمعيات ادبية .. وكانت هناك حصص تربية بدنية وجمباز وكرة طائرة وسلة .. كانت هناك حصص الفلاحة المدرسية .. وكان هناك الكثير
وهكذا صار الحال يا رفاعي في العام 2013 م .. والصورة بكاميرا صديقنا وابن الحي وزميل البورد خالد حامد الجزولي في زيارته الأخيرة لمدرستنا وهو احد الخريجين القدامى ..
Quote: توقع انك في الصف الواقف غير وفي صفوف الوسط لا ايضاص
توقعت انك المتفرجخ في الواطة وحازم مخلايته دا انت ههههههه |
كضبا كاضب يا حجر ... اول حاجة الصف الوراني كان حق الناس العتاولة الطوال ديل واقفين حيلم والفي النص قاعدين في كنب ونحن في الأرض .. بعدين ما تشوف الطول الحسع جانا على كبر دا .. اخوك كان لما يجي يطلع الكنبــة إلا يدقو ليهو شنكل
والله بي طريقتك دي لو جابك جورج قرداحي في من سيربح المليون .. وجاب ليك الصورة بتاعتي دي وقاليك طلع لينا تمبس .. صدقني ح تطلع مطالب من البرنامج هههه
|
Post: #3
Title: Re: أبحث عن علاء الدين منصور
Author: ابو جهينة
Date: 09-11-2013, 11:26 AM
Parent: #1
تضع يدك على فمك ، في الصف الثاني خلف الولد الشايل شنطة ، على شماله، ولابس قميص ملون ( اللون ما واضح لأن الصورة أسود وأبيض ) و في الصف القدامي على شمالك ولد شايل ليه شنطة أو كيس. وعلى يمينك الولد ال شعرو ناعم دة.
أها لقيتني كيف ؟
وين الموضوع يا زول ؟ أنا شفت كلمة أبحث قلت ياهو
|
Post: #14
Title: Re: أبحث عن علاء الدين منصور
Author: tmbis
Date: 09-12-2013, 08:58 AM
Parent: #3
Quote: تضع يدك على فمك ، في الصف الثاني خلف الولد الشايل شنطة ، على شماله، ولابس قميص ملون ( اللون ما واضح لأن الصورة أسود وأبيض ) و في الصف القدامي على شمالك ولد شايل ليه شنطة أو كيس. وعلى يمينك الولد ال شعرو ناعم دة.
أها لقيتني كيف ؟ |
يعني ماف اي خيارات تانية يا ريس ؟؟
دا اخر كلام عندك ..؟
كدي قارن مع الشكل دا
بنديك فرصة غايتو .. هههههههههه ..
..
الموضوع قيد الاجراء .. البورد بيعمل في حركات من امس مرة يفتح ومرة يقفل .. توقعو خلال اليوم كان ربنا حيانا ..
|
Post: #4
Title: Re: أبحث عن علاء الدين منصور
Author: tmbis
Date: 09-11-2013, 11:41 AM
Parent: #1
لا احب ترويج اللنكات لبوستاتي القديمة .. لكن .. يجب ان تقرا هذه الصورة مقرونة بهذا البوست
أستــاذة نجــاة .. على رصيف الذاكرة ..
مع العلم ان هناك جائزة كبرى لمن يتعرف على .. علاء الدين منصور سابقا .. تمبس حاليا ههههههههههههه
|
Post: #5
Title: Re: أبحث عن علاء الدين منصور
Author: أيمن دياب
Date: 09-11-2013, 06:28 PM
Parent: #4
نبحث عن علاء الدين منصور في الرياض ولا نجده كذلك..
انت وين يا مان؟
وبالله كمان كتر خيرك نزل ليك صورك بتاعت حارس المرمى
الجبتها ليك من الموردة..
|
Post: #8
Title: Re: أبحث عن علاء الدين منصور
Author: وضاح عبدالرحمن جابر
Date: 09-11-2013, 07:00 PM
Parent: #5
والله يا علاء عندى صورة التقول دى زااااااتها ... حقت اولى ابتدائي
انت ياخوى قريت فى الخرطوم المايقوما القديمه جنب مدرسة النور
ولا الصورة دى فى امدرمان ؟
|
Post: #20
Title: Re: أبحث عن علاء الدين منصور
Author: tmbis
Date: 09-12-2013, 09:46 AM
Parent: #8
Quote: والله يا علاء عندى صورة التقول دى زااااااتها ... حقت اولى ابتدائي
انت ياخوى قريت فى الخرطوم المايقوما القديمه جنب مدرسة النور
ولا الصورة دى فى امدرمان ؟ |
.. هههههههه يا وضاح ابشرك صور الزمن داك كلها بتشبه بعض ..
شفته صور الابيض وا|لأسود صور فيها البركة عديل كدا ههههههههه..
ياخ الصورة دي فعلا حقت اولى ابتدائي .. في مدرسة الرشاد الابتدائية بنين امدرمان .. بتفتح على مسجد النيلين من الناحية الغربية ..
الصورة بعدسة صديقنا زميل البورد خالد الجزولي ..
..
كانت وقتها مدرسة الرشاد الابتدائية المزدوجـة بنين .. \
اصبحت الان مدرسة الرشاد اساس المزدوجـة بنين .. طبعا يا وضاح الاسم حق اساس دا ما تتخيل بستفزني كيف وبحرق اعصابي .. ياخ دا منتهى الفشل في السلم التعليمي السوداني
..
بعدين شنو انت داسي الصورة حقتك دي .. ارمي لينا بياضك خلينا نشوف
|
Post: #19
Title: Re: أبحث عن علاء الدين منصور
Author: tmbis
Date: 09-12-2013, 09:35 AM
Parent: #5
Quote: نبحث عن علاء الدين منصور في الرياض ولا نجده كذلك..
انت وين يا مان؟
وبالله كمان كتر خيرك نزل ليك صورك بتاعت حارس المرمى
الجبتها ليك من الموردة.. |
كتر خيرك يا ايمن دياب على السؤال .. بعدين انت اقرب تالت واحد لي بعد عبد اللطيف بكري وابوحسين .. الاتنين ديل بمشي ليهم بي رجليني ..
انت جبده زي خمسة دقايق .. اظهر وبااان ..
انا ظهوري بقى بالمواسم .. شد الشد والله .. لكن شوية كدا والواحد امورو بتظبط ان شاء الله ..
طبعا صورك الجبتها ما عارف رميته ووين .. لانو عندي هارديسك لامي الهيب وجنا الدبيب زي ما بتقول امي الله يديها العافية ..
المهم لقيت ليك حاجة صغيرة كدا ههههههه
على وعد لو لقيت الباقيات بنزلهم ليك ..
عليك الله اظهر يا ايمن ..
|
Post: #6
Title: Re: أبحث عن علاء الدين منصور
Author: Sidig Rahama Elnour
Date: 09-11-2013, 06:52 PM
Parent: #4
كدي أول حاجة نلقى علاء الدين في البورد بعدين نفتش ليهو في الصورة
يا علاء أرجع يا اخ لكتابات زمان زي حقت نجاة دي هداكـ الله وسيب القبقبة يا أخ 
|
Post: #21
Title: Re: أبحث عن علاء الدين منصور
Author: tmbis
Date: 09-12-2013, 10:36 AM
Parent: #6
Quote: كدي أول حاجة نلقى علاء الدين في البورد بعدين نفتش ليهو في الصورة
يا علاء أرجع يا اخ لكتابات زمان زي حقت نجاة دي هداكـ الله وسيب القبقبة يا أخ |
يا صديق رحمة .. حمد الله على السلامة يا خينا ..
انت عارف المشكلة شنو؟؟
المشكلة بقت انو الواحد (مقبقب.. مقبقب) .. في فرق حقت قبقبـة بقت تجي من تحت ومن فوق ومن اي مكان .. تبقى ود ناس .. بقبقبوك .. ما ود ناس برضو بتتقبقب .. فشنو اخير تبقى مارق بس ..
في البوست بتاع استاذة نجاة .. اخونا نزار السمندل كتب كلام جميل جدا عن الناس البتقبقبك في صمت خشمك دي .. حالتو الوكت داك البوردي ما زي حسع دي اللعب على المكشوف ..
المهم يا صديق في ظل انو البورد يخلو من الناس البتحرضك وتستفزك عشان تكتب وعشان تقرا المواضيع الكويسة .. بتنتشر سياسة القبقبة على الناس القعدت فعلا هنا للبورد علشان تخربو وعلشان تحولو لي مساحة تانية بي اجندة خاصة .. والكلام دا طبعا بمساعدة بكري ابوبكري هيم سيلف
زي ما قلته فوق ما بحب تفسيح اللنكات ... لكن دا اخر خبيز .. خبزناهو وانت وقتها تضرب في برتكان وموز كسلا .. اتفضل شان تاني ما تغالطنا وتقول حضرنا ولم نجدكم
كنت بداخل بيت الأشبــاح ..
بالمناسبة .. البوست دا لسة ما ابتدا .. شان اوريك بس 
|
Post: #7
Title: Re: أبحث عن علاء الدين منصور
Author: عمر صديق
Date: 09-11-2013, 06:57 PM
Parent: #4
سلامات ياتمبس
ومشتاااقين
ودي مهمة شاااقة ما اظن حاتلقي زول يستلم الجائزة
|
Post: #9
Title: Re: أبحث عن علاء الدين منصور
Author: وضاح عبدالرحمن جابر
Date: 09-11-2013, 07:17 PM
Parent: #7
ههههههههههه
تمبس ياخوى الصورة دى حقتى انا لقيتها وين انت ؟ هههههههه
القاعدين فى الصف التانى من اليمين واحد اسمو هيثم والجنبو صلاح
التحت منهم الخاتى يدو فى وشو اسمو ابو القاسم .. البعد منو ما عرفتو البعدو ... اسمو الجزولي
انا قاعد فى الصورة دى ... لكن ما عرفت روحى
ههههههههههههههههههههه
الصورة دى سنه 78/79 .. اولى ولا تانية ابتدائى ما متذكر
مدرسة المايقوما .... السجانه بالنص
|
Post: #10
Title: Re: أبحث عن علاء الدين منصور
Author: داليا الكباشى
Date: 09-12-2013, 06:58 AM
Parent: #9
أغششكون ؟ :)
|
Post: #11
Title: Re: أبحث عن علاء الدين منصور
Author: خالد عبد الله محمود
Date: 09-12-2013, 07:08 AM
Parent: #10
يا أخوي أنتو كانو معزلنكم و لا شنو ؟ مالكم كلكم قالب واحد !!! 
|
Post: #29
Title: Re: أبحث عن علاء الدين منصور
Author: tmbis
Date: 09-12-2013, 11:36 AM
Parent: #11
تغششي شنو يا هداكي الله .. انت لو ما غششتك انا والله كان لحدت الان لايسة في الصور تعزلي من طرف
...
| Quote: يا أخوي أنتو كانو معزلنكم و لا شنو ؟ مالكم كلكم قالب واحد !!! |
هههههه والله فعلا يا خالد .. دقه واحدة اصلو ما تقدر تطلع ليك واحد مختلف ههههههه
|
Post: #24
Title: Re: أبحث عن علاء الدين منصور
Author: tmbis
Date: 09-12-2013, 11:06 AM
Parent: #9
Quote: ههههههههههه
تمبس ياخوى الصورة دى حقتى انا لقيتها وين انت ؟ هههههههه
القاعدين فى الصف التانى من اليمين واحد اسمو هيثم والجنبو صلاح
التحت منهم الخاتى يدو فى وشو اسمو ابو القاسم .. البعد منو ما عرفتو البعدو ... اسمو الجزولي
|
.. ههههههههههه ..
يا وضاح ..
والله لو تعرف حكاية الصورة دي تستغرب .. ياخ انا لي زي عشرة سنوات بفتش فيها بعدما فقدتها .. جزولي ووين ياخ .. في العلالة دي ؟؟ هههههههه
| Quote: مدرسة المايقوما .... السجانه بالنص |
تاني المايقوما والسجانة يا وضاح ..؟ هههههه
كدي عليك الله جيب لينا صورتك دي النشوف الحاصل شنو؟؟
|
Post: #28
Title: Re: أبحث عن علاء الدين منصور
Author: tmbis
Date: 09-12-2013, 11:30 AM
Parent: #9
يا جماعة معليش ناخد فاصل اعلاني .. مع عماد عابد من الفيس بوك ..
عماد دا طبعا متخصص نفسيات .. يعني المسكين بجي من الصباح علشان يشتم الامهات .. واعراض الناس .. ودي طبعا حاجة كويسة بتدل انو ميزان العدل في الدنيا دي ماشي بشكل جيد ..
زي ما ربنا سبحانه وتعالى خلق ناس اخيار تحترم الام وتقدره .. خلق برضو زي نوعية عماد عابد .. دا او اي كان اسمه المتدسي ليهو من خلف اسم مستعار ..
المهم في الأمر معليش للناس البتقرا في الكلام دا ومعليش انو الواحد يرفعو فوق هنا دا .. وطبعا بكري سيد الموقع دا ماشي في خطى جاده جدا انو يفقد الموقع دا بي التصرفات الرعناء ..
وطبعا زي ناس عابد او اي كان اسمه دا .. عندو دور محدد بيعمل فوقو وبيمارس فووقو ..
يعني لا مخلي لينا نوبـة .. ولا مخلي شوايقـة .. والغريبة انو لو بقدر يشتم بي طريقة مظبوطـة والله الواحد كان بقول ليهو برافووو عليك ..
..
سامعني يا ود الخالة .. الله يخلي ليك امك لو حية وامسك فيها قووي .. ولو متزوج وعندك اولاد امسك فيهم قوووي .. ونحن القدامك ديل ما تلعب معانا .. والحته المرسلاك دي قول ليها تمبس قالي كدا دا
وانا اهندا كلمتك عشان بعدين ما تجي تقول تمبس ما كلمني .. كويس معاك ؟؟
احذر .. واعمل حسابك نحن ما قاعدين نخلي حقنا ومرات حق غيرنا زاتو بنقلعو
|
Post: #34
Title: Re: أبحث عن علاء الدين منصور
Author: tmbis
Date: 09-12-2013, 01:56 PM
Parent: #28
ابو جلمبووو وضع هذا الرابط .. من الفيس بوك .. 
|
Post: #22
Title: Re: أبحث عن علاء الدين منصور
Author: tmbis
Date: 09-12-2013, 10:54 AM
Parent: #7
Quote: سلامات ياتمبس
ومشتاااقين
ودي مهمة شاااقة ما اظن حاتلقي زول يستلم الجائزة |
يا جنابو عمر ..
ياخ والله الجماعة احبطوني شديد .. معقول الواحد كان الرجل الخفي بالطريقة دي ..؟
غايتو كدي نحاول نرفع السعر حق الجائزة شوية .. يمكن يطلع زول مفتح ويعرف الحاصل ههههههه
|
Post: #13
Title: Re: أبحث عن علاء الدين منصور
Author: احمد العمار
Date: 09-12-2013, 08:26 AM
Parent: #1
تانى واحد فى صف الجالسين على الارض
مع تحياتى
|
Post: #15
Title: Re: أبحث عن علاء الدين منصور
Author: سامى عبد المطلب
Date: 09-12-2013, 08:58 AM
Parent: #13
لو الجائزة معسل سلمها لابو جوان غير كده نرجوا ارسالها على صندوق البريد 11963 رمز بريدى 2088
|
Post: #16
Title: Re: أبحث عن علاء الدين منصور
Author: طلحة عبدالله
Date: 09-12-2013, 09:05 AM
Parent: #15
صدق يا أبو السماسم ختفتها من كيبوردي ؟؟
كتا ح أعمل نفس الدورانية دي وباللون اللحمر دا على نفس الولد دا
وأكتب عليهو عمو تمبس وباللون اللخدر دا
|
Post: #17
Title: Re: أبحث عن علاء الدين منصور
Author: طلحة عبدالله
Date: 09-12-2013, 09:15 AM
Parent: #16
لكن ما يهمك يا أبو السماسم إحتمال أديك الحلاوة .
|
Post: #31
Title: Re: أبحث عن علاء الدين منصور
Author: tmbis
Date: 09-12-2013, 12:08 PM
Parent: #17
| Quote: لو الجائزة معسل سلمها لابو جوان غير كده نرجوا ارسالها على صندوق البريد 11963 رمز بريدى 2088 |
Quote: صدق يا أبو السماسم ختفتها من كيبوردي ؟؟
كتا ح أعمل نفس الدورانية دي وباللون اللحمر دا على نفس الولد دا
وأكتب عليهو عمو تمبس وباللون اللخدر دا |
.. | Quote: لكن ما يهمك يا أبو السماسم إحتمال أديك الحلاوة . |
.. Quote: هههههههههههه
طبعا في النهاية ح تجىء تقول ولا هذا ولا ذاك وكلما ذكر غلط
وانو لا وجود لتمبس في الصورة أصلا ..
الجايزة ممكن ترسلا لي رصيد .
.........
أبو السماسم اختشي
بلا دورانيات معاك . |
عليك الله عاين زي المساكين ديل .. هههههههههههه حلاوة شنو ومعسل شنو؟؟
والله حقو بي ردودكم دي وبي الدورانيات بتاعتكم الافتراضية دي الواحد حقو يمشي لي ود الصايم يشيل منو المعسل العندو والشيشة زاتوووو هههههه
ياخ شرطتو عينا .. طلعتو قاعدين ساااي ما ناقشين ابو النوم .. بكري يخم فيكم سااي ويجيبكم لينا هنـا .. هههههههه
كضبا كاضب طبعا
|
Post: #18
Title: Re: أبحث عن علاء الدين منصور
Author: حمد عبد الغفار عمر
Date: 09-12-2013, 09:19 AM
Parent: #16
يا تمبس
العلامة بتاعة سامي طلب دي تمشي ناحية اليمين تخلي أتنين تالت واحد منها
يعني السادس من بداية الصف من اليسار لليمين
شفت شكل الأضنين دا الحاجة الوحيدة الما بتتغير في الزول
الناس ديل مستكترين السماحة دي عليك ليه
|
Post: #23
Title: Re: أبحث عن علاء الدين منصور
Author: طلحة عبدالله
Date: 09-12-2013, 11:00 AM
Parent: #18
Quote: يمكن يطلع زول مفتح ويعرف الحاصل ههههههه
|
هههههههههههه
طبعا في النهاية ح تجىء تقول ولا هذا ولا ذاك وكلما ذكر غلط
وانو لا وجود لتمبس في الصورة أصلا ..
الجايزة ممكن ترسلا لي رصيد .
.........
أبو السماسم اختشي
بلا دورانيات معاك .
|
Post: #25
Title: Re: أبحث عن علاء الدين منصور
Author: تيسير عووضة
Date: 09-12-2013, 11:13 AM
Parent: #23
من يومك مجرم ..
|
Post: #33
Title: Re: أبحث عن علاء الدين منصور
Author: tmbis
Date: 09-12-2013, 01:44 PM
Parent: #25
ههههههه ..
بالمناسبة دي النسخة المعدلة .. النسخة الاصلية الله لا وراك ليها ..
وجاء في الاثر انو النسخة الاصلية زول بتعلم الحبيان يا دوبك .. قام لقى ليهو قزازة بتاعت (جاز) حايمة قدامو .. قام رقد بيها كللللللها ولا قحه ولا عمل اي حاجة ولا غمض عيونو
عليك الله دي ما طفولة عذاب ؟؟
|
Post: #26
Title: Re: أبحث عن علاء الدين منصور
Author: عبد الناصر الخطيب
Date: 09-12-2013, 11:14 AM
Parent: #23
علاء منصور أكيد شفته الصورة في صفحة المدرسة أولي عبد اللطيف في الخاطر
بس بصراحة لا لقيت نفسي ولولا البوست ماكنت حاعرف أحددك في الصورة ولا أحدد أبوالحسن
ولا واحد من الاعزاء الفي الخاطر والمنهم مستمر تواصلنا لحدي اليوم ونحنه رجال كبار
ياخي الكبر دخل
تحياتي
|
Post: #27
Title: Re: أبحث عن علاء الدين منصور
Author: خالد العبيد
Date: 09-12-2013, 11:28 AM
Parent: #26
صورة جميلة جدا يا علاء وهذا انطباعي كمدرس :
- تلاميذ الصورة في الصف الاول الابتدائي
- الصورة اخذت في نهاية العام الدراسي تقريبا
- 46 تلميذ في الفصل عدد معقول ومريح للاستاذ في التصحيح وتقييم مستوى التلاميذ " كنت بتجي الكم من 46 "!!
- الاستاذ الظاهر في الصورة غالبا ابو الفصل " استاذ العربي " يكون جميل لو ذكرت اسمو
- الشجرتين الظاهرات ديل تعبو وفترو من قطع السيطان !
مع التحية والاحترام
|
Post: #42
Title: Re: أبحث عن علاء الدين منصور
Author: tmbis
Date: 09-12-2013, 02:33 PM
Parent: #27
Quote: صورة جميلة جدا يا علاء وهذا انطباعي كمدرس :
- تلاميذ الصورة في الصف الاول الابتدائي
- الصورة اخذت في نهاية العام الدراسي تقريبا
- 46 تلميذ في الفصل عدد معقول ومريح للاستاذ في التصحيح وتقييم مستوى التلاميذ " كنت بتجي الكم من 46 "!!
- الاستاذ الظاهر في الصورة غالبا ابو الفصل " استاذ العربي " يكون جميل لو ذكرت اسمو
- الشجرتين الظاهرات ديل تعبو وفترو من قطع السيطان !
مع التحية والاحترام |
والله يا خالد انطباعك اصلو ما وقع واااطـه .. تعرف الصورة دي رايحه مني سنين طويلة وكل يوم عشامان اني اللقاها .. الدفعة الفوق دي كلها باستثناء اشرف حسين اول واحد على الشمال من الواقفين وهو زميل معانا هنا
وعبد الناصر دا .. لي سنين طويلة ما لاقيت الناس دي .. فها اتنين اتوفو عليهم الرحمة .. والبقية من الابتدائي تاني ما اتقابلنا لكن ما انقطع العشم انو نتلاقى ..
..
- طبعا الصف الاول ابتدائي ولسه لنج يا خالد ..
- الصورة بالضبط فعلا في نهاية العام الدراسي واذكر تماما انو كان المصوراتي بجي نهاية العام .. بيصور كل الفصول ..
بالمناسبة:
كان سعر هذه اللقطة وقتئذ واحد ريال لا غير ما ريال سعودي طبعا هه
- ايوة 46 طالب ومرتاحين جدا في الفصل .. بندخل بي انسيابية ونخرج بي انسيابيه .. طبعا اقوليك حاجة عجيبة .. انا عندي ترتيب كنت ما بديهو لي اي زول .. لحدت سنة سادسة بموت ليك معاهو مووت
كان ترتيبي (الســابع) مرة واحدة بس جيت السابع مشترك في سنة رابعة .. لكن وقفت ليك المدرسة دي على رجل واااحدة هههههه ..
- فعلا يا خالد دا استاذنا ابو الفصل استاذ عبد الله ما عارف الدنيا عامله معاهو شنو .. اكتر استاذ كنا بنحبو كان بيحكي لينا القص وبيمثل لينا ةاهم حاجةن ما كان بيدقنا ولا بيرضى يتدقه طالب قدامو يا سلام عليهو ياخ ..
- ههههه جليت الشجرتين يا خالد .. الشجرة العلي يمينك دي شجرة خروع اذكره تماما .. كانت امتداد لي كم شجرة بتاعت خروع في نفس الاتجاه .. والشجرة التانية كانت شجرة عجيبة جدا
شجرة مملة ما منها اي فايدة بس بتشرب موية ..
شجر السيطان يا خالد كان لي قدام يمينك وانت ماشي .. شجر الحنـة والنيم وعينك ما تشوف الا النووور ..
شكرا يا خالد . تحليلاتك الاستاذية متعتني والله شديد ..
|
Post: #48
Title: Re: أبحث عن علاء الدين منصور
Author: سامى عبد المطلب
Date: 09-12-2013, 03:04 PM
Parent: #27
اذا لم يتم ايقاف نافذه الفيس بوك فسيهجر المنبر
اعلم ان هذا سيكون عقاباً قاسياً لاقلام اضافت الكثير للمنبر ولكنها على الاقل ستوقف هذا الغثاء
|
Post: #36
Title: Re: أبحث عن علاء الدين منصور
Author: tmbis
Date: 09-12-2013, 02:02 PM
Parent: #26
Quote: علاء منصور أكيد شفته الصورة في صفحة المدرسة أولي عبد اللطيف في الخاطر
بس بصراحة لا لقيت نفسي ولولا البوست ماكنت حاعرف أحددك في الصورة ولا أحدد أبوالحسن
ولا واحد من الاعزاء الفي الخاطر والمنهم مستمر تواصلنا لحدي اليوم ونحنه رجال كبار
ياخي الكبر دخل |
ههههههههه .. يا دفعة ..
ياخ الزهايمر دا بجي قبل الكبر واللا شنـو ..؟
طبعا قاعد افتش فيك لحدت الآن ما لاقيك .. لكن صاحبك اشرف اول واحد بي الشمال من الواقفين .. دقيقة لما نجيب صورتو الحالية وصورتو في الزمن داك هههههههههه
قلت لي بقيتو ناس تبروقه وسبحة بعد كدا ..؟
|
Post: #63
Title: Re: أبحث عن علاء الدين منصور
Author: حسين ديقول
Date: 09-14-2013, 09:06 AM
Parent: #36
تمبس الصغير
|
Post: #69
Title: Re: أبحث عن علاء الدين منصور
Author: tmbis
Date: 09-14-2013, 10:47 AM
Parent: #63
يا ديغووول .. الزول دا طالع عبقري .. معالم العبقرية ظاهرة فوقو ههههه
ربنا يحفظو ليك يا ديقول .. وان شاء الله نلاقيهو في اقرب فرصة ..
|
Post: #32
Title: Re: أبحث عن علاء الدين منصور
Author: tmbis
Date: 09-12-2013, 01:09 PM
Parent: #18
Quote: يعني السادس من بداية الصف من اليسار لليمين
شفت شكل الأضنين دا الحاجة الوحيدة الما بتتغير في الزول
الناس ديل مستكترين السماحة دي عليك ليه |
عالم حاقده بس يا حمد
..
بعدين اجابتك كضبا كاضب
الوصف بتاعك دا وقع في صاحبنا ايمن سعد الطيب .. ود حلتنا برضو ..
بعدين الاضنين ما ظاهرة هنا عشان تبطل حرفنه ودردقة هههههههه
|
Post: #30
Title: Re: أبحث عن علاء الدين منصور
Author: tmbis
Date: 09-12-2013, 11:45 AM
Parent: #13
| Quote: تانى واحد فى صف الجالسين على الارض |
ازيك يا بوحميد واخبارك ياخ ..؟
برضو للاسف الشديد كضبا كاضب .. ههههههههه ..
الشباب تحت من الحجاب الحاجز ..
محمد عبد الله ، سيد احمد شامي ، وحبيبنا ابوجلمبو ، ام اياد ، جلال مصطفى .. ازيكم جـــت ..
وبالنسبة للمشاركين في المسابقة برضو كضبا كاضب
|
Post: #35
Title: Re: أبحث عن علاء الدين منصور
Author: ABUHUSSEIN
Date: 09-12-2013, 01:56 PM
Parent: #30
الوحيد الحريص على أملاكو ... في الزمن داك لا يملك غير الشنطة و ما بداخلها...
|
Post: #37
Title: Re: أبحث عن علاء الدين منصور
Author: Ishraga Mustafa
Date: 09-12-2013, 02:09 PM
Parent: #35
سلامات يا علاء
ليك وحشة والله, شوف كم عيد مرّ ومافقدتنى؟
اها ابحث عن اشراقه مصطفى حامد :)
|
Post: #38
Title: Re: أبحث عن علاء الدين منصور
Author: خالد عبد الله محمود
Date: 09-12-2013, 02:23 PM
Parent: #37
لو ما أخاف الكضب أتوقع أنكـ الفي الدائرة الحمراء ده
غايتو تمبس في أمل يتعرف لكن إشراقة دي ما أظن زول يعرفها نهائي
|
Post: #39
Title: Re: أبحث عن علاء الدين منصور
Author: Ishraga Mustafa
Date: 09-12-2013, 02:25 PM
Parent: #38
Quote: غايتو تمبس في أمل يتعرف لكن إشراقة دي ما أظن زول يعرفها نهائي
|
طيب شوف اكبر (زنقلة) بكون دى انا
اوعى تقول لى زنقلة يعنى شنو :)
|
Post: #40
Title: Re: أبحث عن علاء الدين منصور
Author: خالد عبد الله محمود
Date: 09-12-2013, 02:31 PM
Parent: #39
| Quote: اوعى تقول لى زنقلة يعنى شنو :) |
و الله يا دكتورة أعدم تمبس و ود الصايم في يوم واحد لو عارف معناها شنو ؟
أسه أنا حالتي كنت شاكي في الشافعة الصغيرة الفي مقدمة الصورة دي
|
Post: #51
Title: Re: أبحث عن علاء الدين منصور
Author: tmbis
Date: 09-12-2013, 04:57 PM
Parent: #40
| Quote: و الله يا دكتورة أعدم تمبس و ود الصايم في يوم واحد لو عارف معناها شنو ؟ |
يا خالد .. والله بالغته لكن ..
ياخ الزنقلة دي كانت من ملامح الزمن داك .. تكون متزنقل اي انو تكون لابس ليس قميص وزرارو مفتحات من نص البطن .. والكرش ماده بوووزه شديد واهم حاجة لازم متكون مغبش
|
Post: #47
Title: Re: أبحث عن علاء الدين منصور
Author: tmbis
Date: 09-12-2013, 02:43 PM
Parent: #38
Quote: لو ما أخاف الكضب أتوقع أنكـ الفي الدائرة الحمراء ده
غايتو تمبس في أمل يتعرف لكن إشراقة دي ما أظن زول يعرفها نهائي |
ههههههههه ..
يا خالد انت كدا قاعد تعمل تشويش
دا اخونا عبد الرحيم نور الجليل عبد الرحمن .. دا كان بيتهم اول محطة ونحن مارقين على المدرسة .. بناخد سنده عند حاجة علويـة .. زولة حنينة بشكل لاحول الله
بنتكبه عندها كلنا من الصباح تدبل لينا شاي اللبن بي اللقيمات .. شناة طبع مننا ساااي لانو انت اساسا بتكون واقف ###### عرس بس وطالع من البيت .. وشنطتك مليانه ساندوتشات .. وقروشك في جيبك ..
..
يا خالد والله حقو الواحد يفرض عليك حظر اقتصادي ياخ انت زول لاقيتني العين بتشوف تجي تجليني بالطريقة دي ؟؟
باقي ليك محاولة واحدة بس ..
|
Post: #41
Title: Re: أبحث عن علاء الدين منصور
Author: Osman Musa
Date: 09-12-2013, 02:32 PM
Parent: #37
عزيزنا تمبس
سلامات
يا تمبس ياخ البحث عن علاء في صورة ديك الزمانات أصعب من البحث عن الذهب في وأدي العتمور .
والله باريت الصفوف صف صف .
لا خليت الصاري جبهتو ولا خليت العاضي أصبعو ولا الخامش خرتايتو .
..
جليتنا ياخ من المنافسة .
هسع لو كان كنت مشلخ 3 كان أبوجهينة جاب خبرك من أول كحلة ههههههها
تحياتي
|
Post: #45
Title: Re: أبحث عن علاء الدين منصور
Author: HAIDER ALZAIN
Date: 09-12-2013, 02:39 PM
Parent: #41
شايفين كيف ..
أها تاني عندكم شنو
ولو عندكم صورة العمدة عابد الشغال كساكس بتحت دا برضو جيبوها بنلونها ليكم.. أها...
ــــــــــــــــــــــ..
في صورة يا تمبس متعلق ليك في لستك قدام خور.. :) شايفها في حتة قدر ما بحبت ما لقيتها..
|
Post: #46
Title: Re: أبحث عن علاء الدين منصور
Author: HAIDER ALZAIN
Date: 09-12-2013, 02:42 PM
Parent: #45
تذكرت يا خالد ..
الزنقلة يعني كريشة صغيرة الكرش ؛)
|
Post: #53
Title: Re: أبحث عن علاء الدين منصور
Author: tmbis
Date: 09-12-2013, 05:05 PM
Parent: #45
والله يا حيدر احبطتني .. وزي ما قال اهل نجد .. فشلتني ..
ياخ انت طلعت اي كلام يا قدع ...
فيما يتعلق بالدكتورة اشراقة النمرة الكاملة .. لكن دورانيتك البي الاخضر دي موصه واشرب مويتة ههههههههههه
بعدين سامي كلما نرفعو وررردلب يقع ... تاني ورطتووو ..
يا حيدر الزين .. كضبا كاضب
|
Post: #52
Title: Re: أبحث عن علاء الدين منصور
Author: tmbis
Date: 09-12-2013, 05:02 PM
Parent: #41
Quote: ا تمبس ياخ البحث عن علاء في صورة ديك الزمانات أصعب من البحث عن الذهب في وأدي العتمور .
والله باريت الصفوف صف صف .
لا خليت الصاري جبهتو ولا خليت العاضي أصبعو ولا الخامش خرتايتو . |
والله يا ابو عفان مافيش حد يلومك اصلووو .. طبعا الجماعة ديل كلهم لامين في الصورة دوائر ومربعات ومثلثات .. وكلو كضبا كاضب ما تشوف الهيلمانه دي
يعني حسع دي لو الواحد كان قال الاجابة الغلط بي دولار .. كان جمع ثروة فاحشة جدا ههههههههههههه
..
غايتو انت ما عندك مشكلة ح نختك مراجع وردية .. او خبير اجنبي .. النشوف ناس الخليج العربي ديل نهايتم شنو ؟؟ ههههههههههههه
|
Post: #43
Title: Re: أبحث عن علاء الدين منصور
Author: Haytham Abdulaziz
Date: 09-12-2013, 02:37 PM
Parent: #37
من ديل ما بتجلي ... عاملين إضنينكم الكبار ديل... هسي زمان كان بفرزوكم بيهم واللا كيف؟
مشتاقين يا حبيب ... كيف و كيف زميلة البورض تحياتي لها بالله عليك يا رعاك الله.... قلت ليك
الليلة كيف المرة الفاتت كان حداشر سبتمبر و الجماعة أخدوا تلاته و اليوم إطناشر سبتمبر كيف؟
|
Post: #54
Title: Re: أبحث عن علاء الدين منصور
Author: tmbis
Date: 09-12-2013, 05:10 PM
Parent: #43
| Quote: من ديل ما بتجلي ... عاملين إضنينكم الكبار ديل... هسي زمان كان بفرزوكم بيهم واللا كيف؟ |
..
يا هيثم هههههههههههههه .. ياخ فشلتني وفشلت نفسك مع الدكتورة ..
قالت ليك كان تأشر على واحد وتنسى لكن ستة دفعة واحدة دي ما تجيش هههههههه ..
عارف الدفعة دي كان فيها اكبر اضنين مرت على تاريخ المدرسة دي ... اضنين وقصار وناشفين جدا هههههههه ..
غايتو يا قريبي جليت .. الستة ديل كضبا كاضب
|
Post: #50
Title: Re: أبحث عن علاء الدين منصور
Author: tmbis
Date: 09-12-2013, 04:45 PM
Parent: #37
| Quote: ليك وحشة والله, شوف كم عيد مرّ ومافقدتنى؟ |
يا دكتورة ..سلامات ياخ وكل سنة وانت طيبة بتاعت كم سنة كدا ...
واعذرينا .. لكن اكان الله مد في الايام جايينك بالدرب عديل كدا وبي كعكنـا .. أو شيتنا ايهما اقرب ههههههههههه..
..
بعدين الزنقلة واضحة جدا .. وداك زمن الزناقل هههههه
اهـا رايك شنو ؟؟
بالمناسبة . عندي واحد من اخواني كان لقبو (زنقل) هههههههه
|
Post: #44
Title: Re: أبحث عن علاء الدين منصور
Author: tmbis
Date: 09-12-2013, 02:38 PM
Parent: #35
| Quote: الوحيد الحريص على أملاكو ... في الزمن داك لا يملك غير الشنطة و ما بداخلها... |
حتى انت يا بروتس ..
عليك الله عاين زي دا .. نحن قلنا سامي وطلحـة تنظير ديل مساكين سااي .. وزالله انت طلعته امسكـن منهم ..
يا جماعة معقولة انا (صعب) للدرجة دي ..؟
|
Post: #49
Title: Re: أبحث عن علاء الدين منصور
Author: سامى عبد المطلب
Date: 09-12-2013, 03:13 PM
Parent: #44
ربح البيع الطريفى
|
Post: #55
Title: Re: أبحث عن علاء الدين منصور
Author: عبدالوهاب علي الحاج
Date: 09-12-2013, 05:18 PM
Parent: #49
يا جماعة في حاجة في الصورة الجابتها اشراقة دي كلكم ما لاحظتوا ليها
الصورة مأخوذة باليونيفورم بتاع (طلائع مايو) .. اللبس الاخضر بالشريط الاحمر
وعليه تصبح العزيزة اشراقة من السادنات الصغيرات
ههههههههههه
___________________
تمبس
اختشي
|
Post: #58
Title: Re: أبحث عن علاء الدين منصور
Author: أسامة البلال
Date: 09-12-2013, 05:29 PM
Parent: #55
غايتو ما أظنها تجلي من الشافع القندف دا !
|
Post: #70
Title: Re: أبحث عن علاء الدين منصور
Author: tmbis
Date: 09-14-2013, 10:51 AM
Parent: #58
| Quote: غايتو ما أظنها تجلي من الشافع القندف دا ! |
والله فعلا الزول دا كان قندف يا اسامـة .. هههههه .. في كم واحد برضو لو ركزته نف سالقندفه دي .. للاسف في كتار جدا انا نخرت اساميهم وحتى اشكالم ..
..
غايتو يا اسامة الليلة دا يوم مفتوح .. عندنا اقتراحات بتاعت ندي فرصتين ..
كدي جرب حظك مرة تانية ومن زاوية تانية ..
|
Post: #68
Title: Re: أبحث عن علاء الدين منصور
Author: tmbis
Date: 09-14-2013, 10:35 AM
Parent: #55
| Quote: الصورة مأخوذة باليونيفورم بتاع (طلائع مايو) |
...
ههههه لا غبار عليها .. لا غبار ، يا زول الوكت داك ناس كوستاوي وهشام هباني كانو في الاتحاد الاشتراكي راسم عديل خخخخخخخخخ..
..
اسمع الصورة دي سنة تمنية وتمنين برضك
اختشي يا كوز
|
Post: #56
Title: Re: أبحث عن علاء الدين منصور
Author: tmbis
Date: 09-12-2013, 05:22 PM
Parent: #49
ياجماعة نبذه صغيرة جدا عن صاحب الصورة ابو شنطـة ..
دا اخونـا ناجي علي خميس ..ود جيرانا
الاسم ناجي علي خميس ..
اللقب : ناجي حيطـــــة
اسم الشهرة .. ناجي زبادي هههههههه
ناجي دا زول غتيت جدا وقوي وسغيل من يومو .. بالمناسبة عندو النسخة الاصلية من الصورة دي .. رفض رفض تام انو يديني حتى اشوفه هههههههه قدرما حنستو وعرضت عليهو اموال رفض .. فقري جدا ..
..
طبعا ناجي حيطة الاسم داما جا من فراغ .. دا كان فعلا عبارة عن حيطة في دافوري الفسحة البين الحصص كان بضربنا ضرب عجيب رجم عجيب جدا
تدق فيهو وترجع ما بقع ولو لحق عفصك .. اقلاهو تتنس يا جاتك (دبره) ما تبرا بي سهولة .. يحب العضة حب شديد حتى وهو في الدافوري بتلقاهو شايل ساندوتشيهو وبيعضي هههههه... كان كل راس شهر بيغير كبك .. ماركة لاركو .. والغريب في الأمر انو لحدت الآن بنفس الشكل ونفس الملامح بس على زول طويل ههههه
|
Post: #57
Title: Re: أبحث عن علاء الدين منصور
Author: tmbis
Date: 09-12-2013, 05:25 PM
Parent: #49
الطريفي ورطك تاني يا سامي ههههههههههه
كضبا كاضب .....
|
Post: #59
Title: Re: أبحث عن علاء الدين منصور
Author: tmbis
Date: 09-12-2013, 05:31 PM
Parent: #49
ياجماعة نبذه صغيرة جدا عن صاحب الصورة ابو شنطـة ..
دا اخونـا ناجي علي خميس ..ود جيرانا
الاسم ناجي علي خميس ..
اللقب : ناجي حيطـــــة
اسم الشهرة .. ناجي زبادي هههههههه
ناجي دا زول غتيت جدا وقوي وسغيل من يومو .. بالمناسبة عندو النسخة الاصلية من الصورة دي .. رفض رفض تام انو يديني حتى اشوفه هههههههه قدرما حنستو وعرضت عليهو اموال رفض .. فقري جدا ..
..
طبعا ناجي حيطة الاسم داما جا من فراغ .. دا كان فعلا عبارة عن حيطة في دافوري الفسحة البين الحصص كان بضربنا ضرب عجيب رجم عجيب جدا
تدق فيهو وترجع ما بقع ولو لحق عفصك .. اقلاهو تتنس يا جاتك (دبره) ما تبرا بي سهولة .. يحب العضة حب شديد حتى وهو في الدافوري بتلقاهو شايل ساندوتشيهو وبيعضي هههههه... كان كل راس شهر بيغير كبك .. ماركة لاركو .. والغريب في الأمر انو لحدت الآن بنفس الشكل ونفس الملامح بس على زول طويل ههههه
|
Post: #60
Title: Re: أبحث عن علاء الدين منصور
Author: farda
Date: 09-12-2013, 06:35 PM
Parent: #59
يا زول ، تاني واحد من الواقفين.، أنظر من يسار الصورة.....
:)
|
Post: #61
Title: Re: أبحث عن علاء الدين منصور
Author: محمد على طه الملك
Date: 09-12-2013, 10:09 PM
Parent: #60
غايتو يا تمبس بطة دي جابت خبرك ..
بالجد استمتعت بالحكي الطاعم والخيال الشاخص الممزوج بعناية بواقعية الحياة وبراءتها في ذلك البوست..
نجي لعلاء
اولا : الكرت مطبق اربعة طبقات ..
ثانيا : اقيف قدام الصف وانده يا علالالاء شوف لوما الولد العلمتو بالاحمر دا قال ليك نعم .
تعال برضو قول ود قلبا .
>
|
Post: #62
Title: Re: أبحث عن علاء الدين منصور
Author: waleed dawash
Date: 09-12-2013, 10:35 PM
Parent: #61
شووووووووف يا تمبس
عد من الاستاذ ده اتنين على يمينه ...
ولو ما صاح ... تبقى من يومك مجرم .
|
Post: #64
Title: Re: أبحث عن علاء الدين منصور
Author: khaleel
Date: 09-14-2013, 09:27 AM
Parent: #62
ياخي الصورة دي لطيفة جدا
اسمع انتو فصلكم دا كان فيه كم طالب
|
Post: #81
Title: Re: أبحث عن علاء الدين منصور
Author: tmbis
Date: 09-14-2013, 01:43 PM
Parent: #64
Quote: ياخي الصورة دي لطيفة جدا
اسمع انتو فصلكم دا كان فيه كم طالب |
يا ولي ..
ياخ الصورة دي ربما الوحيدة الباقية لي من الزمن داك .. عليك الله شوف الوجاهات دي كيف .. ابوو اي حاجة زاتوووو
الصورة دي كان معاي حبوبتي واتنين من خيلاني اضافة لي اخوي الاصغر مني طوالي .. طبعا الحاجة اللذيذة في الصورة دي خالي صغير جدا مولولد يادوبك وشايلاهو حبوبة في رجلينه وانا نظام الولد قال شنو بشاغل فيهو عشان يرفع عينو للكاميرا لاحظ حركة اللسان.. في حين انو انا الوكت داك عندي رمد في عيوني مطلع عيني زاتو ومكبس لحام الوكت كلو وما بقدر اقابل الضو والحمد لله ما جيت خاشي ليكم في نضارة النظر لانو كنت بكره ليك يومه .. ولو جبت الصورة كاملة طبعا كنت مادي ايدي الشمال وفيها (شلن) خمسة قروشن ههههههه
بعدين اللبسة طبعا كانت عبارة عن لبسة كاملة لبسة كم قصير مع رداء وشبط عجيب جدا .. طبعا انا كنت اكبر واحد فيهم ..
الصورة دي من ضمن الصور الكان محتفظ بيها الوالد عليه رحمة الله .. والنسخة التانية مع حبوبة الله يديها الصحة والعافية ..
يا وليد فصلنا دا كان فيهو اربعة وستين نسمــه .. والله قاعدين في امانة الله ما عندنا اي مشكلة
|
Post: #65
Title: Re: أبحث عن علاء الدين منصور
Author: صبري طه
Date: 09-14-2013, 09:36 AM
Parent: #62
يا تمبس أرجو إنّك تمنحني ثلاثة فرص ..
وسأبدأ بالأولى أتمنى أن تكون في محلّها ...
|
Post: #66
Title: Re: أبحث عن علاء الدين منصور
Author: Emad Mohamed
Date: 09-14-2013, 10:15 AM
Parent: #65
تالت واحد من اليمين فى الصف الفى النص
|
Post: #71
Title: Re: أبحث عن علاء الدين منصور
Author: tmbis
Date: 09-14-2013, 11:04 AM
Parent: #67
الأخوان من الحجاب الحاجز ..
محمد عبد القادر .. وأحمد حنو ..
ياخ شكرا وبارك الله فيكم .. والله ردكم للزول دا فرحني .. وبيدل على معدنكم الاصيل وانكم اولاد ناس في زمن استغل فيهو المرضى ديل المساحة دي عشان يقولو العايزنو ويطلعو مرضم الجواهم ..
كونوا على ثقة انو زي الكلام دا لما يتقال لينا .. ببقى زي ما قال محمد البشرى زي الك لب البنبح ما بيضرك بشي .. وهو في النهاية مردود لي سيدو اضافة لي انو .. ان شاء الله ربنا بجزاهو عنو في الدنيا دي قبال الاخرة وعن نفسي انا حقي ما قاعد اخليهو .. وان شاء الله بجيبو .. مهما تلون وخته صورة وكتب الابيض او بورسودان او كسلا ..
.
شكرا يا شباب بالرغم من انو الواحد المساحة التحتانية دي ما بينظر بيها إلا بي كل سوء لكن يفضل زيكم البخلو الواحد يراجع نفسو وينظر ليها بشكل اكتر ايجابية ويتعاطى معاها .. ويتواصل ..
..
بعدين يا احمد حنو .. ساندوتشات مارتدلا شنو الوكت داك هههههههههه ..
ياخ الحاجة الله يديها العافية كانت بتصحى صلاة الصبح .. عندها قدرة صغيرة حقت فول .. بتشد الفول من صلاة الصبح وبكون عجين الطعمية جاهز ..
لما يجي موعد الشاي بتكون الطعمية مع الفول جاهزات .. اخوك طبعا الطعمية دي ولحدت الان ممكنم يدخل فيها السجن عديل هههههههههه
بقوم بضرب ما تيسر من الطعمية وطبعا الرغيف بكون اتجاب من بالليل .. بعدين يكون في علمك ساندوتش الطعمية مع شاي الصباح حاجة عجيبة جدا والفول بزيت السمسم وعليهو شمار اخدر وليمونة بسسسسسسسس .. يا سلالالالالالالام ياخ .. بتكون اساسا انت جاهز لي اي دافوري ولي اي سقط وبرد بتاع الوكت داك
ثم
بعد داك يحشو ليك ساندوتش طعمية وساندوتش فول ويدوك كنجالاتك في جيبك .. وتتوكل تخيل عليك الله ؟؟
عارف انا برنامج الطعمية دا .. لحدت الثانوي ما فارقني .. ولحدت الان كلما اشوف لي طعمية .. قلبي يدق واعصابي تبوظ ههههههههه
|
Post: #85
Title: Re: أبحث عن علاء الدين منصور
Author: tmbis
Date: 09-14-2013, 02:51 PM
Parent: #66
| Quote: تالت واحد من اليمين فى الصف الفى النص |
يا عماد محمود .. غريبة لكن .. الزول دا خالص ما بشبهني جبته الكلام دا من ووين ؟؟ هههههه
دا وليد علي خميس سطيح ..
اسرة سطيح دي مشهورة جدا في الموردة .. عمو مباشرة الطيار الحربي الشهيد نقيب معاوية خميس سطيح .. يعرفوهو كتيرين جدا من الناس الكانت في الكشافة الجوية السودانية قبل اعوام بعيدة .. وتم اسقاط الطائرة العمودية وكان على متنها بعض المسؤولين من الدولة والكلام دا في بداية التسعينات .. وكان من اشجع من مشى على الارض ..
كل الاسرة اهتماماته كشفية بحته .. وعملو الآخر الراحل ابراهيم خميس سطيح ايضا من ضمن المعروفين بي نشاطاتهم الكشفية وكان ايضا ضمن الأمن القومي حق نميري زمان واعتقد انو في ناس كتار من ناس البورد يعرفونو من اولاد امدرمان تحديدا .. وهو تقريبا دفعة العم الثوري هشام هباني حسب مام ذكر لي في مكالمة تلفونية
اذا ..
كضبا كاضب يا عماد
|
Post: #83
Title: Re: أبحث عن علاء الدين منصور
Author: tmbis
Date: 09-14-2013, 02:31 PM
Parent: #65
Quote: يا تمبس أرجو إنّك تمنحني ثلاثة فرص ..
وسأبدأ بالأولى أتمنى أن تكون في محلّها ... |
يا صبري .. ما عندك مشكلة بمنحك تلاتة فرص .. لكن على شرط .. التلاتة فرص ديل بغالطك فيهم ,,,
الفرصة الاولى دي ما عندك مشكلة اعتبره علي باقي ليك تلاتة ..
كضبا كاضب ..
الختيت عليهو الدائرة دي .. دا اسمو (نصر الدين الأمين دليل)
ويكون في علمك دا كان اول الدفعة .. شادينا ليك لحدت سنة سادسـة الاول الاول الاول .. كرهنا زاتووو
ياخ انا الوكت داك لو كان عندي راس زي راس نصر الدين دا عليك الله حسع دي كان بتلقاني قاعد في البورد دا ههههههههههه؟؟
يا صبري حرام عليك .. ياخ عاين الراس دا ما راس عباقرة الله بسالك ؟؟
..
|
Post: #80
Title: Re: أبحث عن علاء الدين منصور
Author: tmbis
Date: 09-14-2013, 01:36 PM
Parent: #62
Quote: شووووووووف يا تمبس
عد من الاستاذ ده اتنين على يمينه ...
ولو ما صاح ... تبقى من يومك مجرم . |
.. هههههههههههههه ..يا دواش طلعته زي قريبك دا قاعد ساااي ههههههههه..
لو بتقصد الزول اللابس جاكيت حق جلد دا .. فدا صديقنا حاتم .. كنا مسمنو حاتم البعاتي ..
زول ضعيف جدا جدا منفوخ بي الجاكيت دا ... ضعيف وكان عيان السنة كلها وعندو قحه مزمنه جدا والجاكيت دا لابسو صيف وخريف وشتاء اصلو ما طلعو من جلدو .. كان ما عندو اي نشاط .. واتذكر انو الساندوتش الكان بجي حاشيهو ما كان بقدر يكمل نصووو .. الميزة حقت الضعف دا والقحه المزمنه ادتو حصانه من الجلد ومن النهرة ساكت ..
ولو قلته البعديهو فدا من ضمن الناس الرايح لي اسمهم لحدت الآن .. حتى ملامحو ما قادر اتذكره من الوكت داك
لذلك ..
كضبا كاضب
|
Post: #79
Title: Re: أبحث عن علاء الدين منصور
Author: tmbis
Date: 09-14-2013, 01:30 PM
Parent: #61
Quote: بالجد استمتعت بالحكي الطاعم والخيال الشاخص الممزوج بعناية بواقعية الحياة وبراءتها في ذلك البوست..
نجي لعلاء
اولا : الكرت مطبق اربعة طبقات ..
ثانيا : اقيف قدام الصف وانده يا علالالاء شوف لوما الولد العلمتو بالاحمر دا قال ليك نعم .
تعال برضو قول ود قلبا . |
يا مولانـــــا .. نحن ناس متعة والله وبنحب المتعة في كل شي .. ولما نتذكر التفاصيل القديمة دي المتعة براها بتجيك ماشة بي رجلينه ..
إلا بس كلامك التاني دا حسع دي لو رفعته فيك قضية عدم عرفـة والله اجهجه باكاتك .. انتو ما عايزين الجايزة دي واللا شنـو ..؟
طبعا يا مولانـا اسم بطه دا لحدت الآن اسم الشهرة في تلكم النواحي .. واسم الدلع والشهرة حق الكورة .. وتصدق في ناس لحدت الآن لو قلت ليهم علاء الدين منصور بقولو ليك علاء الدين منصور دا ود ناس مو ؟؟ ههههههههههه..
كضبا كاضب هههههه..
دايرتك دي ختيها في دفعتنا ( قيدون خميس) وما ذلت اذكر اسمو والزول دا طبعا من الفترة حقت الابتدائية لحدت الان ما لاقيتو وما عارف الدنيا عملت معاهو شنو ..
والله يا مولانا لو وقفته وكوركته لي بكره ماف زول يهببو ليك بي طريقتك دي .. اولاد سنترا ياااخ ...
غايتو يا مولانا فنجرية ساكت كدا بنديك فرصتين مع صبري دا .. خليهو يغالطك في فرصة والتانية اتجدع فيها هههههههههههه
لكن اكان بي طريقتك دي وحومانك في الصف دا والله اخير ترجع لي فرصي ساااي وتعمل رايح
|
Post: #72
Title: Re: أبحث عن علاء الدين منصور
Author: tmbis
Date: 09-14-2013, 11:11 AM
Parent: #60
| Quote: يا زول ، تاني واحد من الواقفين.، أنظر من يسار الصورة..... |
يا حافظ يا فرده ..
ياخ الصف الوراني دا ما بقيف فوقو الا ذو حظ عظيم يا يكون اطول من يوم السبت وقتئذ هههههه .. والزول البتقصدو دا دا اخونـا مرتضى ابراهيم محمد ابراهيم
ود حلتنا ومن الاصدقاء المقربين جدا .. وكنا بنسميهو مرتضى ابو طويلة .. لانو كان زول عملاق جدا بالنسبة لينا الوكت داك وزي ما قلت ليكم .. انا كنت حجر بطارية بس ما بعمل اي حاجة من غير دعم .. هههههه .. ياخ انا ما شميت العافية إلا في اولى ثانوي حتين طولته شوية كدا ..
..
على كل اجابتك
كضبا كاضب اعد المحاولة في الصفوف الأخرى الليلة اليوم مفتوح والفرص رااااقده
|
Post: #73
Title: Re: أبحث عن علاء الدين منصور
Author: حمد عبد الغفار عمر
Date: 09-14-2013, 11:21 AM
Parent: #72
والله بعد دا إلا تجيب صورة جديدة
دي كملت خلاس
وأنا مصر على أختياري
جهز الجائزة ساي وبعدين بوريك ليه أنا اخترت الزول القلت ليك عليهو دا
|
Post: #74
Title: Re: أبحث عن علاء الدين منصور
Author: طارق ميرغني
Date: 09-14-2013, 11:27 AM
Parent: #73
جلوسا الثالث من يمين الصوره
|
Post: #87
Title: Re: أبحث عن علاء الدين منصور
Author: tmbis
Date: 09-14-2013, 03:02 PM
Parent: #74
| Quote: جلوسا الثالث من يمين الصوره |
يا هندســـة ..
انا بفتكر انك انت وصبري والريس ابوجهينة وخالد محمود وايمن دياب وابوحسين وزميلة البورد كبورداب رياض عايزين تشوشو للناس دي ..
يا جماعة من الآن فصاعدا اي واحد من بورداب الرياض يجاوب اجابه غلط .. ويغلط فيني .. برفع مذكرة احتجاج لي بكري ..
بخليهو يصرف ليهو مداخلة واحدة زيو وزي .. عبد الوهاب علي الحاج الشهير بي عموو وهبه خخخخخخخخخخخخخخ
|
Post: #86
Title: Re: أبحث عن علاء الدين منصور
Author: tmbis
Date: 09-14-2013, 02:57 PM
Parent: #73
Quote: والله بعد دا إلا تجيب صورة جديدة
دي كملت خلاس |
يا حمد .. الليلة كمان اوريك اصلو مافي صورة تاني .. دي بس ..
ياخ ديل اربعة وستين نسمـة قاليك .. الصين الشعبية بس .. تختار ليك اتنين واللا تلاتة وعايز تخمنـا ..؟
والله اكان اصريت لي بكره .. واللحيـت .. برضو كضبا كاضب شفته كيف ؟؟
..
| Quote: جهز الجائزة ساي وبعدين بوريك ليه أنا اخترت الزول القلت ليك عليهو دا |
والله ما عندك عندي اي جايزة لحدت الآن .. كدي قول السبب وبنديك فرصة تلعب بالجوكر .. زي تيلي ماتش هههههههههه..
يللا ورحكـه ..
|
Post: #75
Title: Re: أبحث عن علاء الدين منصور
Author: tmbis
Date: 09-14-2013, 12:01 PM
Parent: #60
يا جماعة ..
انتو شنو القصة حقت الذاكرة الطويلة المدى والقصيرة دي .. يا ناس يا قاريين يا بتووع المدارس ؟؟
يعني والله بي كل صراحة كدا ... انا قاعد اتذكر في تفاصيل دقيقة جدا عن الفترة حقت سنة اولى ابتدائي دي تحديدا او كل الفترة حقت الابتدائية .. بينما مسحت بعض من الثانوية إلا جزء بسيط منها .. اضف لذلك عندي احلام لحدت الآن متعلقة بالفترة حقت الابتدائية .. وبعض الاشخاص في الصورة دي .. واماكن عديدة جدا ما عارف دلالاته شنو في الاحلام البتجيني دي .. يعني شنو يا جماعة واحد يكون مخزن بيانات من الزمن داك .. ويمسح اقل بيانات تدخل ليهو من سنتين تلاتة .. ياخ دا كان هارديسك زاتو كان جاهو B.S ..
|
Post: #76
Title: Re: أبحث عن علاء الدين منصور
Author: tmbis
Date: 09-14-2013, 12:15 PM
Parent: #75
Quote: Ummoayad Moayad · الأكثر تعليقا
الولد المادي بوزو وزعلان دا ياك انت قاعد اقصي اليمين ومطرف من الباقين . |
ام اياد من الحجاب الحاجز ..
اظنك بتقصدي الزول المتفرشخ في الارض دا .. تخيلي دا ما انا وكضبا كاضب كمان ..
للاسف الشديد الزول دا من ضمن الناس النسيت اساميهم ..
لكن لو بتقصدي الفوق ليهو مباشرة فدا صديقنا الراحل معتز صلاح احمد الريدة
من أجمل الناس المرو علي في تاريخ حياتي .. درس جامعة امدرمان الأهلية ,.. وتوفي في عز الشباب .. واعتقد انو عندو سبيل في الجامعة عاملو ليهو اولاد الدفعة
عليه الرحمة والمغفرة ..
| Quote: معتز صلاح كان صبوح الوجه ضاحكاً .. ضحكته ما زالت حبيسة جدران الفصل السادس عبد اللطيف عندما وقفت فيه آخر مرة قبل سنوات استرجع ذكريات طفولتي .. انتقلنا للمتوسطة وتزاملنا لمدة يوم واحد ... انتقل لمدرسة أبوكدوك المتوسطة وفارق الحياة طالباً بالجامعة الأهلية .. في نفس اليوم الذي كنت انوي زيارته فاجأني شقيقي بالخبر فنزل علي كالصاعقة ما استطعت تحمل وداعه الأخير .. ولا انخفضت ضربات قلبي كلما مريت بالجامعة الأهلية.( اسالو الله له الرحمة كان نقياً ) |
|
Post: #77
Title: Re: أبحث عن علاء الدين منصور
Author: tmbis
Date: 09-14-2013, 12:31 PM
Parent: #76
بالنسبة لي الذاكرة الطويلة المدى .. حقت الابتدائية :
التحية لصديقي العزيز ياسر عبد الفتاح .. شقشقـة .. كنا في حديث قبل مباراة الهلال والمريخ الأخيرة .. في الحركة حقت المحركة البتحصل ليك قبال الكورة دي فكلنا رشاشات وابواق هلالية
شحن العزيز ياسر الذاكرة دي بي ذكرى لمكانين مهمات جدا كانو بالنسبة لينا في الفترة ديك ..
(محول الكهرباء) او زي ما بنسميها الأميــة حقت الكهربة ودي بتقع في امام مدرسة الرشاد .. مقابلة لي مسجد النيلين من الناحية الغربية .. والحتة التانية بيت كان بفصل بينو وبين فصول صف مهدي حيث كانت المدرسة مهدي وعبد اللطيف .. كان بفصل بينو وبين فصول مهدي شارع وقدامو خور ..
والبيت كان اتخذوهو ناس ياسر عبد الفتاح مقر لصحيفة الشماشــة .. الصحيفة التي كانت وقتها من الصحف الجميلة جدا فترة التمانينات .. وكانت بتطل على مسجد النيلين من الناحية الغربية .. وما ذلت اذكر انها كانت من الصحف الجميلة جدا نسبة للاقلام الرشيقة البتكتب فيها .. وكان الدار دا عبارة عن ملتقى للكتاب الكبار جدا امثال الراحل الطيب صالح وغيره من الناس العظماء ..
هذا البيت كان بيعني لينا بعبع مخيف جدا .. كنا نتجنبه جدا .. لقناعة تامة ان به اشباح ههههه .. حدنا مع هذا البيت ان ننط الخور الصغير في منافسة للنط بعد نهاية الحص ونحن متجهين للبيوت .. وعندما نوازي البيت كنا نبعد بقدر الامكان .. شاءت الاقدار ان تحصل جريمة قتل في هذا البيت .. تفاصيلها كانت رائجة في ذاك الوقت .. وكانت بالنسبة لينا مسالة مخيفة جدا نسبة لانعدام الجريمة وقتها .. كان البيت يفتح مباشرة في ميدان الدافوري .. ولمرات عديدة كانت الكورة تقلش من التمرين او الدافوري .. فكنا فقط نتعوض الله فيها بالرغم من الثمن الباهظ (للكفر) في ذلك الوقت .. ولا يتجرأ احد منا حتى في محاولة البحث عنها .. والشي الغريب وبنفس احتشاد ذاكرة الطفولة ما ذال هذا البيت يمثل لي رعبا بمثابة مثلث برمودا .. حيث ما ذلت اتجنبه حتى وانا كبير وكلما مريت او اخذتني الصدفة بذلك المكان ..
|
Post: #78
Title: Re: أبحث عن علاء الدين منصور
Author: tmbis
Date: 09-14-2013, 01:03 PM
Parent: #77
بالنسبة لي المحول حق الكهربه
..
فدا المكان الوحيد الكنا بنعبر فيهو عن غضبنا .. تجاه السلطة المدرسية .. وكلما سنحت لينا فرصة .. كنا بنجمع اكبر عدد من الحجار ونرجم ذاك الباب الرمادي والسبب في ذلك انو .. كان المكان الوحيد الذي ننال فيه اكبر عدد من التحذيرات تكاد تذكر في الطابور الصباحي .. الامية حقت الكهربه والبحـــر .. اكتر حتتين اتلقينا منهم تحذيرات شديدة اللهجة وكان يشهد الطابور الصباحي عقاب يتم فيه ذكر الاسماء في لستـة الطابور الصباحية ومن تم ذكر اسمه في الطابور الصباحي ذلك الزمان كان يعتبر من المجرمين جدا .. ومن قادة الثورات في سن مبكر .. حيث يتم ذكر الاسم ويطبق العقاب بأن ترفع في شكل طائرة نفاسة ضخمة جدا وتشد شدا من قبل اربعة من عتاولة الفصول المتقدمة .. اضف لذلك اتنين من ( الشماشرة ) ينزلون من تحت الطائرة كفنئي صيانة اجنحة طيران ويشدون ما تفضفض من الرداء حتى يلتصق بالجسم تماما وهم في غاية المتعة .. حتى يتم الجلد بالطريقة الشرعية ...
لذلك
كانت خميساتنا حافلة بأكبر عدد ممكن من الحجارة نرجم بها تلك البوابة الحديدة في ظل غياب الرقيب .. وحتى نرضى نفسياتنا والروح الانتقامية ..
..
الغريب في الأمر ان المحول كان مسؤول عن توزيع الكهربة لجزء محدد من حلتنا بتوزيع غريب جدا حيث كانت تلك الشريحة المشمولة تحت رعاية هذا المحول بمثابة شريحة اولاد العز .. حيث كانت القطوعات لا تمر بها اطلاقا .. حتى في ظل القطوعات العامة للكهرباء وقتها .. وهي كانت نادرة جدا .. حتى ان تم قطع التيار الكهربائي كان سرعان ما يعود ..
لكن
الغريب في الأمر انه وقتها انقطع التيار لمدة اسبوعين بالتمام والكمال .. من تلك الشريحة ، شريحة اولاد العز حرمنا وقتها من متابعة مسلسل (الليث الأبيض ) .. اسبوعين راسنا مقطوع .. زي الايتام ما عارفين نقبل ووين .. وذلك مع عجز تام جدا لاي فني او هندسي او متخصص في اعادة التيار لعدم المعرفة .. تم حفر المنطقة من كل الجهات .. حفرة عميقة جدا داخل تلك الغرفة الصغيرة وللحقيقة كانت المرة الاولى في تاريخ حياتنا نرى فيها هذا الباب مفتوح والذي كان بمثابة الكعبة المشرفة التي لم نرى ما بداخلها .. كان عجز تام لهيئة الكهربه وكنا نراغب من شبابيك الفصول عربات الهيئة تحمل وتفرغ في المعدات .. وفي الفنيين والاسلاك والصواميل غريبة الشكل ..
حتى جا ذلك اليوم .. جاءوا برجع اظنه تعدى في عمره التمانين لا يقوى على الحركة ، ولا حتى ان يتوكأ على عكازه الذي كان يرمي بكل ثقله عليه .. لكن ما ذلت اذكر انه كان في كامل اناقته بقميصة الأبيض الذي حشره بداخل البنطلون .. مع نظارات طبيه ضخمة جدا امالت وجهه للارض مع برنيطة من الكاكي وانحناءة شديدة وتقوس للظهر .. وغليون ينفخ فيه نفخا ويتطاير الدخان ..
هذا الشخص وحده من قام بفك الشفرة وعثر على الكنز .. واعاد لنا الليث الابيض واعاد لنا البسمة ورد روحنا ..
ما ان نزل هذا الخبير حتى توجه مباشرة صوب الغرفة .. ثم يمم وجهه الناحية الغربية وبخطوات واثقة وبطيئة جدا تحرك في اتجاه مائل إلى الناحية الغربية مائلا قليلا من شجرة اللالوبــه .. وكان يعد في خطواته بثبات الواثق .. ثم اخيرا ضرب الأرض بعصاته عدة ضربات .. ثم رسم دائرة وبداخلها علامة ثم خط طويل لمسافة ربع متر تقريبا .. وتوقف .. واشار لهم بحفر ما قام برسمه .. وبعد عمق اكثر من متر تقريبا كانت المفاجأة التي جعلت كل الفريق العامل يصفق بشدة وتبعناه بصفقة من داخل الفصل .. دونما ايعاذ من الاستاذ .. تم الحفر واذا بي (كيبل) ضخم محروق بداخل الأرض .. هو ما تسبب في تلك الكارثة .. واظنه كان آخر الرجال المحترمين الذين يعرفون حقيقة اشياء غابت عن الجميع .. وديل البقولو عليهم ناس الخبرة ...
|
Post: #82
Title: Re: أبحث عن علاء الدين منصور
Author: حافظ انقابو
Date: 09-14-2013, 02:21 PM
Parent: #78
عن نفسي ،، قدر ما عاينت في الصورة دي ما لقيت علاء الدين منصور
أكتر حاجة كنت مركز فيها الاضنين لكن الصورة جنرال ما ساعدتني .. ح أحاول تاني وأجي أديكم الزيت
إلا يا تمبس إنت زول ضرس شوية وكنت حضرت حنة فكي بدر الدين مع الخال وهبة من زمن الابتدائي حرام عليك ياخ :))
|
Post: #84
Title: Re: أبحث عن علاء الدين منصور
Author: tmbis
Date: 09-14-2013, 02:39 PM
Parent: #82
يا جماعة شكلكم كدا ما ح تعرفوا اي حاجة ..
الظاهر لي انا صعب شديد .. صعب جدا .. ههههههههههههههه
علشان كدا ح اديكم خيارات ..
. بالنسبة لي ناس حافظ انقابو .. وحمد عبد الغفار والناس المركزة على الاضنين ..
ااي نعم يا جماعة الانسان عندو اضنين واي حاجة .. لكن الصورة دي بالذات الاضنين ما بتلعب فيها اي دور بالنسبة لي ..
يعني المعتمد على الاضنين عشان يعرفني بيها فشنو ؟؟ يخم ويصر ..
..
من ضمن الخيارات ..:
1- زول قصير مفروض ما يكون واقف ..
2- زول بجي السادس في الفصل معناته بكون (قاعد) ووين يا متعلمين يا بتوع المدارس ؟؟
3- الصورة دي بعد دافوري مسخن جدا معناته بكون مالوو .. اكيد وس....خان ومنكش وروحو محرقاهو وعايز يخلص من برنامج التصوير الاسف دا ههههههه
..
غايتو بعد كدا البغلط فيني .. الله قال بي قولو ..
|
Post: #88
Title: Re: أبحث عن علاء الدين منصور
Author: tmbis
Date: 09-14-2013, 03:14 PM
Parent: #82
Quote: عن نفسي ،، قدر ما عاينت في الصورة دي ما لقيت علاء الدين منصور
أكتر حاجة كنت مركز فيها الاضنين لكن الصورة جنرال ما ساعدتني .. ح أحاول تاني وأجي أديكم الزيت |
ههههه يا حافظ اي حاجة .. والله بي طريقتك دي انت الح تكب زيت مش تجيب الزيت ههههههه
بعدين زي ما قلت ليك لو معتمد على اضنين الانسان .. احسن ليك تشوف ليك اضنين تاني .. اها بالذات في الصورة دي الاضنين اصلن اصلن ما ظاهرات هههههه عشان الواحد كان عارف حركاتكم دي ..
..
| Quote: إلا يا تمبس إنت زول ضرس شوية وكنت حضرت حنة فكي بدر الدين مع الخال وهبة من زمن الابتدائي حرام عليك ياخ :)) |
يا حافظ والله الكلام دا بورطك .. ويدخلك في حتات ضيقة جدا
ياخ الخال وهبة وبدر رالدين ديل اي نعم هم دفعة واي حاجة .. لكن قرو قدامنا زمن كان بتجي المدرسة الابتدائية بي جلابية وتكون حالق جديد ولابس (شدة) الوكت داك شنط جلد (تك) .. باقي القماش حق الجلابية يظبطوهو ليك شنطة في شكل مخلايـة وتتوكل علي الله تشوف قرايتك ..
..
انتو ناس الاساس مش كدا ..؟
خموكم وجابوكم لينا ضيق بس .. هههههههههه
|
Post: #89
Title: Re: أبحث عن علاء الدين منصور
Author: tmbis
Date: 09-14-2013, 03:24 PM
Parent: #88
يا جماعة عايز اصعبه عليكم شويــة بالنسبة لي الرش بتاع المريخ الاول امس دا هههههههههه..
الدفعة دي فيها تقريبا .. ستة اشخاص كورنجيــة .. خمسة والسادس انا .. لعبنا في درجات مختلفة
والناس البتعرف كورة .. بتحدد شكل الزول اللعاب ..
السؤال هو هههههههههه:
حاول انقر ليك تلاتة بس .. من الناس الحرفاء ديل .. ونحن اربعة لعبنا في تيم المدرسة في الصف السادس ..
اقوليكم حاجة .. ولا اربعة ولا تلاتة ولا حاجة .. اتنين بس .. والبجاوب على السؤال دا بعفيهو من (خلقتي) ....
الجدير بالذكر انو برضو نحن اتنين ... انا ومعاي واحد تاني مزيكاتي .. واتلاقينا ودرسنا في المتوسطة .. وكان عازف عود ماهر جدا .. اتعلمت منو بعض التكنيكات .. وفي نفس الوكت كنا اخطر اتنين بنلعب تنس طاولة في المدرسة .. وبنجرس الاساتذة كلهم .. انا دا خلوني .. اصلكم ما قاعدين تثقو فيني ..
كدي حاولو طلعو لي الزول الفنان دا .. والخطير في تنس الطاولة ..
يللا شان ما تقولو حرمتكم من ايتها حاجة ...
|
Post: #90
Title: Re: أبحث عن علاء الدين منصور
Author: عادل الباهي عبدالرازق
Date: 09-14-2013, 03:32 PM
Parent: #88
ياتمبس ما تضلل الناس شنو شابكهم كنت قصير ، أنت لمن جينا وادي سيدنا الثانوية
كنت عنقالي وأنا أول يوم أفتكرتك معلم أو ولي أمر أحد الطلاب
الناس تركز في العنقالة الواقفين في الصف الاخير هههههه
|
Post: #91
Title: Re: أبحث عن علاء الدين منصور
Author: عثمان الشريف اسحاق
Date: 09-14-2013, 06:30 PM
Parent: #90
تحياتنا الاخ علاء الدين-تمبس
رقم 4 يسار الاستاذ. مربع يدينك التقول عبدالرحيم برشم
------------------------------------------------
دي فرصة الواحد يقول ليك اسفين انك فهمت كلامي في
بوست ا.د طارق جبريل قبل ما اسجل. قلت انو تمبس زعاط
وبجيب اخلاق من وين لكتابة المداخلات الطويلة . وانت زعلت
ولمحت انو في ناس تتضاري بالايملات وترسل للكلام الما بقدرو
بقولوه في البورد .اها نفس حركة بعض وقلة من هوام ناس الفيسبوك
|
Post: #92
Title: Re: أبحث عن علاء الدين منصور
Author: محمد على طه الملك
Date: 09-15-2013, 01:04 AM
Parent: #91
ما دام اكرمتني بفرصة مااا برجعها ..
تأكيدك لحكاية بطة دي معناتا قطع شك إنت قاعد في الصفوف الأمامية ..
بس مالك قاعد متضاري ورا الولد اب ركبين طوال دا ؟ ..
>
أها أشد وركب مش كدا ؟
انا كنت عاااارف إلا مدكن ..
بالجد أخوك مش طقش صورتك؟ ..
إنت قايل البلي كبو ليكم من السما ؟ دا نحن لعبنا بيهو بعدين صدرنا ليكم ..
نحنا نقشنا الحجر بني آدم تقول لي صورة هههههه .
|
Post: #93
Title: Re: أبحث عن علاء الدين منصور
Author: السيد أحمد إبراهيم
Date: 09-15-2013, 07:16 AM
Parent: #92
شفت إشارة محمد علي طه الملك
الفوق ليها طوالي ده إنت
ولو ما إنت برضو إنت
|
Post: #94
Title: Re: أبحث عن علاء الدين منصور
Author: صبري طه
Date: 09-15-2013, 07:48 AM
Parent: #93
Quote: يا صبري .. ما عندك مشكلة بمنحك تلاتة فرص .. لكن على شرط .. التلاتة فرص ديل بغالطك فيهم ,,,
الفرصة الاولى دي ما عندك مشكلة اعتبره علي باقي ليك تلاتة ..
كضبا كاضب .. |
أوكي يا حبيب .. خلاص حأبدأ الفرص من هذه المُشاركة وحتكون نمرة واحد ...
Quote: الختيت عليهو الدائرة دي .. دا اسمو (نصر الدين الأمين دليل)
ويكون في علمك دا كان اول الدفعة .. |
كامل تضامني مع أوّل الدُفعة في محنته
الاختيار الأوّل في الصورة أدناه يا تمبس:-
|
Post: #100
Title: Re: أبحث عن علاء الدين منصور
Author: tmbis
Date: 09-15-2013, 10:57 AM
Parent: #94
| Quote: الاختيار الأوّل في الصورة أدناه يا تمبس:- |
والله يا صبري بالرغم من انك استخدمته الخيارات الاديتك ليها بطريقة سليمة ووظفتها كما يجب .. من حيث قصر القامة والقعاد في الصف الأولاني .. إلا فشلتني مرة أخرى وخليتني افكر جادي اني اسحب منك بقية الفرص ..
الاخترتو دا صديقنا .. نزار عثمان ..
اللقـب (ود القرع)
من اولاد الحلة لكن الجزء القدام خالص .. بيتهم بقع خلف شواية (ترنتي) الشهيرة للصير وذلك قبال ما تظهر عوضية سمك ..
يمتاز نزار ود القرع بي انو كضاااب جدا
بعدين مش كضاب بس .. كضاب وخيالي .. يعني يقعد يتخيل ليك في الحاجة ويرسم ليك ليها سيناريو انت لمن تقتنع
وفي النهاية بشوف ليهو كضبة غيره .. ولو جيت سالتو عن الحاجة القبل شويـة عادة بيكون نساها
..
يا صبري ..
كضبا كاضب .. كدي خليني انا حاول جرب نفسك في ناس الكورة .. جيب واحد بس من ستة .. او اتنين من ستة بنعفيك من البقية
|
Post: #99
Title: Re: أبحث عن علاء الدين منصور
Author: tmbis
Date: 09-15-2013, 08:48 AM
Parent: #93
Quote: شفت إشارة محمد علي طه الملك
الفوق ليها طوالي ده إنت
ولو ما إنت برضو إنت |
شفته يا ابو السيد عشان حركاتك دي .. كضبا كاضب كبيرة جدا .. تليق بي عظمة حركتك دي
..
الزول دا ما متذكر اسمو خالص .. لكن بتذكر انو كان جنو يلبس فنايل (برد) بي رقبـة مرتفعة ..
بعدين دائما (حزين جدا) وما بتسمع صوتو نهائي .. بتذكر كان عندو شنطة جلد بنيـة .. اختفى تقريبا من سنة رابعة او خامسة .. بالرغم من انو من اولاد بانت إلا انو عهدي بيهو كان فترة الابتدائية ..
..
باقي ليك فرصة واحدة حقو تستثمرة بي شكل جيد بعيدا من هذه الشعارات
|
Post: #97
Title: Re: أبحث عن علاء الدين منصور
Author: tmbis
Date: 09-15-2013, 08:16 AM
Parent: #92
Quote: إنت قايل البلي كبو ليكم من السما ؟ دا نحن لعبنا بيهو بعدين صدرنا ليكم ..
نحنا نقشنا الحجر بني آدم تقول لي صورة هههههه . |
.....ههههههه والله يا مولانا البسمع كلامك دا ويشوف حركاتك يقول من اولاد قلبـــا
كضبا كاضب ياخ .. كضبا كاضب .. شد واركب شنو يا مولانـا وانت بتجلي فيها ثابتة يا وديته الكشافات ..
ااي انا كنت قصير لكن كمان ما قدر دا ..
تعرف يا مولانـا انا امس الليل كلو انحت في الذاكرة .. واحاول اتذكر الشباب ديل او اي اسم علشان اطابقو مع الشكل ..
كل الحصل انو بتجيني حركات اي واحد كان بيعمله او اللزمـة الثابتة حقتو .. الكان عندو طريقة كواريك محددة .. الكان صامت جدا .. الكان بليد ههههههه ..(البال) لينـا في الفصل إلخ إلخ .. بعدين المشكلة شنو يا مولانـا انا القدامك دا قبل كدا (بلته) في الفصل .. (بلنـا) بولة جماعية كلنا .. (بوله) احتجاجية .. زي وقفه احتجاجيه هههههه
خليني لما اجي احكيها ليك بي مزاج ..
..
طبعا الزول دا ما متذكر اسمو منو .. لكن كان مشاغب جدا .. وغياظ .. النوع البجي يتحكحك فيك .. ويرمي تقلو كلو فيك يا يمسكك من حتة يغير اتجاهك بسرعة .. يا تجي (تعطس) يقوم يقطع ليك العطسـة .. يا بتكون (بتتثآب) يخت ليك يدو في خشمك يقطع ليك الحركة اللذيذة دي .. بعدين كان عندو لزمـة ثابتة جميلة جدا .. كان بعمل حركة كدا بي (نخرينو) زي بتنفس بي سرعة ودي ان شاء الله بعمله ليك في وشك .. لذلك كل يوم كان ماخد ليهو علقة مني .. بعدين اضف لذلك .. انو من النوع الممكن تدقو سااي كدا دا لانو بفور دمك من ما عينك تقع عليهو ..
عاين يا مولانـــــا .. دي آخر فرصة ليك .. والله عذبتنا عديل كدا .. ياخ انت كيشة جدا ..
|
Post: #96
Title: Re: أبحث عن علاء الدين منصور
Author: tmbis
Date: 09-15-2013, 08:04 AM
Parent: #91
Quote: حياتنا الاخ علاء الدين-تمبس
رقم 4 يسار الاستاذ. مربع يدينك التقول عبدالرحيم برشم |
... سلامات يا عثمان الشريف .. والف مرحب بيك ..
كضبا .. كاضب ..
الزول البتقصدو دا وواقف آخر واحد ومربع يدينو دا غالبا (الصادق ويوو) لاعب الموردة السابق .. غالبا دا لو ما اكون خالط بينو وبين واحد تاني ..
..
Quote: اسفين انك فهمت كلامي في
بوست ا.د طارق جبريل قبل ما اسجل |
.. ماف عوجة يا زول .. وفعلا انا بديت اتذكر بالضبط الححصل ف يالبوست داك .. وابشرك انو ما انت الشخص الكنت مقصود بالمسالة دي .. كان واحد من الجماعة العندهم حسابات مضروبة .. على العموم شكرا جزيلا والمسالة عادي .. لكن بس ما تخليك حساس شديد كدا .. ومرحب بيك في البورد
|
Post: #95
Title: Re: أبحث عن علاء الدين منصور
Author: tmbis
Date: 09-15-2013, 07:50 AM
Parent: #90
Quote: ياتمبس ما تضلل الناس شنو شابكهم كنت قصير ، أنت لمن جينا وادي سيدنا الثانوية
كنت عنقالي وأنا أول يوم أفتكرتك معلم أو ولي أمر أحد الطلاب |
..
اما انك ضلالي ياود الباهي ..ضلالي من يومك ..
..
والله يا ود الباهي فعلا .. انا فجأة كدا لقيت ليك نفسي طويل الكلام دا .. طبعا في أولى ثانوي .. الباسكت والنطيط والشقاوة .. ومتابعة نوعيتكم دي
ياخ عندك صورة عجيبة مع الشلة .. وووين .. اصلو ما لقيته .. لكن هاك شوف الاشكال دي ..
تقولي عنقالي ..؟ عليك الله عاين ياسر يووور خامشنـا ليك كيفن انا ويس الروسي .. عاين شمالك النور الحلبي ومعاوية ديل العنقالة بالجد .. النور الله يديهو العافية كان بطل بتاع جودو .. يشنكلك يرميك لمن تعرف حاجة .. على شمالي طوالي عبد الباسط .. ابو حديد . ودا كان حداد وعندو ورشـــة .. وزول عضل جدا وهظارو خشـن يمسكك من اي حتة بلحمك
البقية ديل طبعا ناس ياسر العربي ,, وناجي جكس وطارق زين العابدين وياسر وعبد الناصر .. وإلخ إلخ .. كنت بقرمشم ليك عادي لانو هنا ميزان القوة بتغير في صالحي ..
هههه .. والله فعلا بعد الصورة دي ممكن تعتبرنا عنقالة .. طلبة بياكلو ليهم بوش في طشت .. هههههه
من اليسار ياسر يور . صلاح حمدان , محمد شمام ، ابو الدفاع ، عبد الناصر .. .. والجماعة الاتنين ديل الشباب الكانو شغالين مع دقشة في المحل لو بتتذكر ..
هييييييييييييييه .. ايام يا ابن عمي ..
|
Post: #98
Title: Re: أبحث عن علاء الدين منصور
Author: عادل الباهي عبدالرازق
Date: 09-15-2013, 08:25 AM
Parent: #95
Quote:
ياخ عندك صورة عجيبة مع الشلة .. وووين .. اصلو ما لقيته |
يا تمبس الحمدلله المالقيتا عاوز تشيل حالنا مالك أنا لسع ما دخلت دنيا
يا الله صور مبالغة ، في ذمتك الواسعة دي شفت ليك طلاب بيأكلو في طشت ، ياسر يور يضرب ليك الفتة ويجيء يحرس المرمي
يشوتو فيهو كورة من أم بدة الجميعاب تركب يقعد يبكي ليك الدفاع ما كان واقف صاح
أنا عن نفسي كنت بجيب ساندوتش بيرغر ومرتدلا وأقلها جبنة مضفرة وطيارتي ماقامت الا لمن باريتكم أنت
وعماد عبيد وعادل وناصر ميرغني البشري ومحمد ميرغني بتاع اتحاد الطلبه شيء سياسة وشيء كديت
وجمعية المسرح ضيعتو مستقبلي والله الان كنت مفترض اكون شغال في الوكالة الدولية للطاقة الذرية منكم
لله
|
Post: #101
Title: Re: أبحث عن علاء الدين منصور
Author: tmbis
Date: 09-15-2013, 11:25 AM
Parent: #98
| Quote: يا تمبس الحمدلله المالقيتا عاوز تشيل حالنا مالك أنا لسع ما دخلت دنيا |
لالا من الناحية دي اتطمن .. الجماعة قاعدين .. احسن حاجة بيعملوها انهم يضرو الواحد
يعني تشد ليك سلك .. يقومو يفتشو الكراويش القديمة ويجيبوك حي .. فشنو ما تنوم متطمن انت من الناحية دي
..
Quote: ا الله صور مبالغة ، في ذمتك الواسعة دي شفت ليك طلاب بيأكلو في طشت ، ياسر يور يضرب ليك الفتة ويجيء يحرس المرمي
يشوتو فيهو كورة من أم بدة الجميعاب تركب يقعد يبكي ليك الدفاع ما كان واقف صاح |
والله لو بتقدر تتذكر البوش دا كان مغذي كيفن .. بس المشكلة ما بديك خيارات كتيرة الخيار الوحيد البديك ليهو انك ما عايز اي زول يتكلم ليك كتير في راسك .. يعني مسالة حصة بعد الفطور دي ما فيشة .. علشان كدا كان حدنا مع المدرسة البوش دا .. وبعداك نخارج نفسنا .. يعني اي نعم كنا بنطلع لما الجماعة يكونو راجعين يعني اخر خمسة دقائق قبل جرس الدخول من الفسحـة .. وبي كدا نحن نكون ما حرمنا الجرس من ايتها حاجة .. بعداك بنتسحب حسب الخطة .. بعدما تقطع الظلط انت آمن ..
نمشي بي هناك نلقى دقشـة محضر لينا باقي الصحانة حقت السلطات .. والشباب حقين المطعم راجننا بي فارق الصبر والجوع كاتلم عديل كدا ..
صحن البوش دا لو دخلته يدك شديد لي جوه .. بتلقى ليك غير الفول والسلطا ت .. بتلقى عدس .. وتدخل يدك اجووو من جوه القبيل دي بتلقى كبـدة .. جوه زيادة بتلقى ليك عضم .. ولو حاولته تتأمل دا عضم شنو .. طيارتك بتكون قامت .. لو غرقته لي جوه شوية ممكن تلقى زول عديل كدا
بعدين من الميزات التانية للبوش دا .. ايام المظاهرات بخليك عنيف جدا .. وفيك طاقة احتمال عجيبة حيث انو بتفاعل ليك مع (البمبان) ويا دووووبك .. ويا حي الله بعد كم علبة كدا حتين تبدأ تفتح ههههههههههه .. Quote: أنا عن نفسي كنت بجيب ساندوتش بيرغر ومرتدلا وأقلها جبنة مضفرة وطيارتي ماقامت الا لمن باريتكم أنت
وعماد عبيد وعادل وناصر ميرغني البشري ومحمد ميرغني بتاع اتحاد الطلبه شيء سياسة وشيء كديت
وجمعية المسرح ضيعتو مستقبلي والله الان كنت مفترض اكون شغال في الوكالة الدولية للطاقة الذرية منكم
لله |
.. بيرغر يا معفــن ؟؟ انت قايلني جابوني ليكم منقول من سستر اسكول .. ؟ يا زول انا شاهد على العصر .. كلامك دا قولو لي زول ما عندو حديدة ههههههه ياخ انت كنت لما تصل المدرسة بتكون فقدته سوائل وجاك ضغط وسكري واي حاجة .. زول ساكن في الخرطوم جايبنك لينا امدرمان تعمل لينا ضيق ..؟
|
Post: #104
Title: Re: أبحث عن علاء الدين منصور
Author: tmbis
Date: 09-15-2013, 11:56 AM
Parent: #101
..
Quote: انكمش الباب الخشبي مرحبا به .. بعد ان حاول تجاوزه ( سيافي ) أدخل كتفه اولاً أظهر جزء من ملامحه الضخمة وشنطة الجينز التي توهطت على كتفه .. لحظتها اقترحت ( يور) سريعاً واضعاً يدي اليسرى ستارة غطت فمي وكتمت ضحكة ، التفت على الناحية اليمنى تناول اقتراحي ( يس الروسي ) في آخر الفصل واعاده يووور بنفس درجة الصوت واتجه ملتفتا إلى خارج الشباك ساهماً ... انتقلت يووور .. في آربيج موسيقي منتظم على اصابع البيانو .. ( دو .. مي ..صول .. دو ) ( يور .. يور .. يور .. يور ) اختار يور مكانه بعد أن ركــل الكرسي بقدمه واستدار ليحدد مكان الصوت الذي اختفى وحلت مكانه صفقة قوية مرحبة بي ( ياســر يور ) الذي رفع يديه مبادلا التحية بطريقة الرؤساء العظام والدبلوماسيين وأعلنت ضحكته الجميلة التي عالج بها الموقف وقتها أن بالإمكان ضمه للشلة التي بدأت ملامحها تتشكل من بعض الأشقياء الذين بإمكانهم تمرير كيس ( التمباك ) لتعديل المزاج اثناء الشرح السمج للتاريخ الأوروبي من استاذ عبد الرحمن .. وشئ عن بسمارك وبعض العبارات الانقليزية في مجموعة القصص القصيرة لـ Oliver Twist الذي كان مجرد ذكر اسمه يجلب التثاؤب والنعاس في بدايات الحصة الثالثة عندما يبدأ ( بوش ) ( دقشة ) في ضرب مواطن الإحساس والتركيز في خبايا الانسجة.. لم تكتمل الاحتفالية فسرعان ما اعاد استاذ ( نظير ) معلم مادة اللغة الفرنسية الكرنفال الرئاسي إلى داخل الفصل مرة أخرى بالطرق مرات على السبورة :
يللا ياولاد عشان نخلص .. ونروح
كانت حصة اللغة الفرنسية وقتها ضربا من الترف في السلم التعليمي ابتداء من الكتاب زاهي الألوان الذي يبتدي فيه الدرس من الوسط وشئ عن أمينة المريضة وعلى الغائب عن حصة الدرس دون أن يقنعوننا بمبرر واضح لغيابه ، وبعض التعريف ووصف الأسماء بطريقة مضحكة كان يصفها استاذ ( نظير ) عندما ينطق الحروف الانجليزية مع علامات تفصل بين الحروف شكلا وتنقيط ..
آخــر عهدنا به استاذ ( نظير) عندما مللنا جلوسه المتكرر في درج بالصف الأولاني وافتراع حديث جانبي مع ( معتز ) .. قررنا بالإجماع أن لا جدوى من اللغة الفرنسية ولا جدوى من نفخ أوداج استاذ ( نظير ) بمفردات لا تعنينا بشئ فما كان فينا من يحلم وقتها بزيارة شارع الشانزليزية أو التحدق في برج ايفيل أو هكذا بدت لنا الأمور وقتها .. فمنا من كان يخطط لدخول الكلية الحربية ، ومنا الطبيب ، ومنا المهندس ومنا ضابط الشرطة ، ومنا ما يحمل امنياته بداخله رهينة للظروف .
فشلت خطتنا برميه .. ( بنبل ) المطاط من زوايا مختلفة فكان يتحملها ببرود:
بطلو لعب عيال يا ولاد ..
( مصــر خانت القضية العربية ) كتبها احدهم بالخط العريض على السبورة وزعها بالتساوي من أول إلى آخر السبورة قبل دخول استاذ ( نظير ) بدقائق إلى الفصل .. لمحها استاذ ( نظير ) فتحول الفصل في دقائق إلى ساحة تجمع لوكيل المدرسة ، وناظرها واذكر كيف ارهقنا وقتها الصول عبد السميع في عقابه الجماعي وكيف تحول الفصل الأول عثمان إلى أكبر تجمع لطلاب حملوا معهم شقاوة المرحلة المتوسطة .. مع الكثير من التفوق في الدرجات آخر العام الدراسي وهذا ما جعل من الأمور تسير في توافق مستمر.
بعكس عمي النور الذي كان يتمكن مننا في الطابور الصباحي لعقاب تفتيش تجاوزات الأظافر الطويلة والشعر المنكوش في تفتيش طابور السبت الذي يتوغل فيه ( استاذ سيف ) إلى داخل الأردية بحثا عن نظافة ما نرتديه داخلياً .. من فنلات ( داخليه وانكسة ) .. كان الصول عبد السميع ينجز مهمته بالضرب تحت الحزام مباشرة في فرندة العقاب .. التي وضع فيها أدواته درج خشبي ، وسوطا من العنج .. كان لا يزيد في معدل جلداته عن الثلاث .. يفعلها دون استمتاع يمكن ملاحظة ذلك في تعبير وجهه الذي كان كان يضخ الحنية في تضاريس وجهه برغم صرامته وبالرغم من عدم سماع صوته طيلة فترتنا الدراسية التي امتدت إلى ثلاثة فصول دراسية ..
( يس الروسي ) ( كنت اعرف انه لا يعرف انني اعرف ) كيف اتابعه في شروده خارجاً . . هذه من ضمن الاشياء التي احتفظت بها من أخر فصل دراسي بمدرستنا المتوسطة بثالتة أبوبكر .. وثلاث سنوات اخرى انتهت بثالثة أبوبكر بالثانوية ..
كان الفصل الثالث اكثر جاذبية فللسناير سطوة على برالمة السنة الأولى والثانية وعلاقة مميزة مع الطاقم الدراسي فلا عقاب جماعي أو فرادي .. مع بعض التجاوزات .. في حدود تبادل المشاكل المعقدة بعقلية الراشد .. عكس مراقبة المتوسطة اللصيقة ..
(عبدالناصر) تحول بعد غلطة صغيرة في حصة النقد إلى صاحب بحيرة الحب الشهيرة الأديب الفرنسي Alphonse de Lamartine.. عندما تلعثم في شلاقته المعروفة وهو يقرأ من الكتيب الصغير فقرأ ( لا.. مرتين ) بدلا من لامارتين فأصبح من وقتها .. ( لا .. مرتين ) .. (علولة ) برغم محاولات الأغراء المتكررة لاستخدام أي مواد أخرى بجانب الشاي السادة لتعديل المزاج إلا أنه تحصن ضد اهدافنا بكلمات الله التي اظهرت كوزنته المبكرة التي تبعته إلى يومنا هذا لكنه لا يتردد كثيرا .. ليسال عن ( الباهي ) الذي يتأخر كثيراً على بداية الحصص الصباحية لتقديم بعض المساعدات ودروس الرومانسية بشارع المدارس الذي يضج بطالبات الثانوية .. عكس ما كنا نتفق بالمرور به نهاية اليوم فهو عادة يصنع الخيانات في الشلة .. وينكر.
( البــاهي ) لسه ما جــاء .. يا بطـة ؟ ويبتسم
ارد عليه ..
إنت حركتك البايخــه دي ح تبطله متين..؟ وابتسم ..
(حسن جني) من فصل الرياضيات الإضافية لا أحد يفهم أو بإستطاعته تحديد الحوارات الداخلية التي كان يديرها مع نفسه وتظهر من حركات يديه وصوته الذي يرتفع احيانا .. ووقوفه فجاة .. ونكش الشعر في توتر ظاهر .. مر علينا سريعا عند مدخل الحديقة في حوار جميل مع وكيل المدرسة الصارم .. شاركنا بعض الحوار عندما قاطع الوكيل .. أخرج كيساً ضخماً من العماري الجيد .. ظبط سفته .. وضعها بإحكام اسفل الشفه التي استطالت للخارج .. مرت لحظات .. عصيبة ، مط شفته السفلى مرة أخرى ولفظ ما فيها خارجاً ... توجه .. لكفتيرة الشاي فوق الجمر الذي يلاحظه ( عمي خضر ) أخرج علبة برنجي .. نراقبه .. اختار من الوسط سيجارة .. نراقبه ، دساها وسط الجمر بتوتر .. نراقبه ، احكم القبض عليها بشفتيه .. ونفخ .. ونفخ .. ونفخ مرات متعددة تصاعد الدخان في تواتر حتى وصل الحال بالسيجارة إلى الوسط .. واختفى وسط الدخـان ووسط دهشت الوكيل .. وبعض التجاوزات المشروعة لحسن جني كحالة خاصة جدا .. أخبرني احدهم أن حسن جني أثببت فيما بعد بمعادلة رياضية أن:
( 1+ 1= 1 ) .. وأنا أؤيده . |
.....
ياسر يور ويس الروسي ودفع الله .. لهم الحب اينما كانوا . فما ذال تواصلنا قائما إلى تاريخ كتابة هذه الاسطر ..
1- حســـن جني
2- دفع الله علولـة
..
1- ياسر يووور
2- يس الروسي
|
Post: #102
Title: Re: أبحث عن علاء الدين منصور
Author: سليمان القرشي
Date: 09-15-2013, 11:29 AM
Parent: #98
عمو تمبس سلامات
وطوالي قوم لف ياخ صدعت بينا اقسم بالله
التكبس الكبستو في صورتك دي كان سويتو قي
الكتاب كان هسي انا وعادل الباهي سيم سيم
في الوكالة الدولية للطاقة الذرية ههههههه
انا كفاية اشوف بوستاتك الطاعمة دي اجمل جائزة
تسلم
|
Post: #103
Title: Re: أبحث عن علاء الدين منصور
Author: صبري طه
Date: 09-15-2013, 11:48 AM
Parent: #102
Quote: يا صبري ..
كضبا كاضب .. كدي خليني انا حاول جرب نفسك في ناس الكورة .. جيب واحد بس من ستة .. او اتنين من ستة بنعفيك من البقية |
يا تمبس أنا استخدمت طريقة الاستبعاد .. الفضلوا لي ثلاثة وهم في الصورة:-
|
Post: #105
Title: Re: أبحث عن علاء الدين منصور
Author: tmbis
Date: 09-15-2013, 12:05 PM
Parent: #102
كلموك بي الحركة بتاعت عمووو تمبس دي مش كدا يا سليمان ؟؟
كلموك العواليق البي هناك ديلاك ..؟ .
..
الطاقة الذريـة ..؟
والله الحمد لله ما تابعته ود الباهي دا .. والله كان طلعك من الجنه وسقطه زينا كدا دا ..
شكرا ياخ للحركة بتاعت البوستات الطاعمة دي .. غايتو يحليلو اساسي فوت ليهو موسم بتاع شكر حسع والله كان يضري عيشو بشكل
عاين يا سليمان .. والله جرب حظك ما بنرجعك ساااي هههه ما كمان اصلو ما ممكن تعمش لينا في الصورة وتطلع بي قد القفه
|
Post: #106
Title: Re: أبحث عن علاء الدين منصور
Author: tmbis
Date: 09-15-2013, 12:18 PM
Parent: #105
| Quote: يا تمبس أنا استخدمت طريقة الاستبعاد .. الفضلوا لي ثلاثة وهم في الصورة:- |
طبعا يا صبري بي كدا اكون انتهيت منك .. كزول غالاط
والله ضيعته فرصك ساااي في الهوا ..
انت ما قاعد تحضر مباراة تنس واللا شنو؟
انت ما قاعد تحضر رفائيل نادال .. ولا ماريا شاريبوفا ..؟
اها في حاجة اسمه التحدي دي لما تكون شاكي في كورة غير قرار الحكم فمن حقك انك تتحدى الحكم وعندك طبعا في المباراة كلها زي تلاتة فرص ويتم متابعة الكورة حقتك بي عين الصقر وهي تقنية حساسة جدا يتم فيها استخدام حساسية عاليه للدقة ..
اها
الجماعة الحرفاء ديل الواحد فيهم لو ما قلبو محدثو ما بضيع الفرصة دي ساااي الا يكون متأكد .. فشنو ما تقولي طريقة الاستبعاد دي .. ما تحنكني
..
الغريبة يا صبري الخيارات دي كلها جبنا ذكرها .. الزول العلي اليمين رشحتو أم اياد .. وطلع كضبا كاضب ..
واكرم سعد الطيب برضو تم ترشيحو من احد الآخوان .. بعدين تتخيل الزول الاتلفت فجاة من الكاميرا لدرجة انو وشو ما ظاهر .. دا اصلا ما عرفتو ..
فشنو ..
حقك راح ..
كضبا كاضب تلاتة مرات
|
Post: #107
Title: Re: أبحث عن علاء الدين منصور
Author: خالد حامد الجزولي
Date: 09-15-2013, 12:24 PM
Parent: #106
احم احم ... نحن هنا
حوّل
|
Post: #108
Title: Re: أبحث عن علاء الدين منصور
Author: tmbis
Date: 09-15-2013, 12:59 PM
Parent: #107
Quote: احم احم ... نحن هنا
حوّل |
.. اووو المعلمين الكبار ظهرو ...
يا حجر ..
دا خالد القلت ليك عنو .. اهو جاك بي نفسو ..
وطبعا خالد كتب عن الرشاد في صفحة خاصة لنا في الفيس بوك .. عن كل خريجي الرشاد .. فشكرا يا خالد وياريت لو مشروعنا داك ينتظم .. وياريت لو تمدني كمان بي فيديوهات او صور عن الرشاد .. وتدعم لي بيها البوست دا ..
خالد دفعة عماد منصور اخوي وكنا قرينا في الرشاد كانو يكبروني في الفصول المتقدمة .. واخذت الصورة في نفس يوم التصوير تقريبا لانو الملاحظ استاذ عبد الله يظهر بنفس الملابس
عماد منصور بالسهم الأحمر .. اقصى يسار الصورة جلوسا
وخالد الجزولي امامه بالسهم الأخضر ..
..
خالد حامد الجزولي
..
عماد الدين منصور يونس
|
Post: #109
Title: Re: أبحث عن علاء الدين منصور
Author: محمد على طه الملك
Date: 09-15-2013, 01:46 PM
Parent: #108
(( الان كنت مفترض اكون شغال في الوكالة الدولية للطاقة الذرية منكم
لله ))
عاين دا كمان ..
ربنا لما رفع قدمو وجابو بلد الطراوات شاف ليهو غجرية افتكر روحو خلاص وصل الجنة ..
سرحت بيهو لامن قربت تلحقو امات طه قال بيرقر قال ^ - ^
يا تمبس أنا قلت اخلي صبري يكمل العندو بعداك اجيك بالقاضية ..
أنت زمنكم داك كان في كريمات ؟
ملمع وشوك لامن الناس فاتحين ليك فاكرنك حلبي عديل ..
شوف مادام عيونك كانت مهرودة بالرمد..
الزول دا ظاهر عيونو زايغة من الكاميرا..
>
أها شنو ليك انا عمري مافت التالت. والله صحي.
|
Post: #110
Title: Re: أبحث عن علاء الدين منصور
Author: tmbis
Date: 09-16-2013, 06:45 AM
Parent: #109
Quote: يا تمبس أنا قلت اخلي صبري يكمل العندو بعداك اجيك بالقاضية ..
أنت زمنكم داك كان في كريمات ؟ |
يا مولانــا الملك ..
برافوووووووووووووو .. أخيرا فعلت ما عجز عليه الكل ..؟
|
Post: #111
Title: Re: أبحث عن علاء الدين منصور
Author: عادل الباهي عبدالرازق
Date: 09-17-2013, 06:45 AM
Parent: #110
Quote:
.. بيرغر يا معفــن ؟؟ انت قايلني جابوني ليكم منقول من سستر اسكول .. ؟ يا زول انا شاهد على العصر .. كلامك دا قولو لي زول
ما عندو حديدة ههههههه ياخ انت كنت لما تصل المدرسة بتكون فقدته سوائل وجاك ضغط وسكري واي حاجة .
. زول ساكن في الخرطوم جايبنك لينا امدرمان تعمل لينا ضيق ..؟ |
يا تمبس أنت ما سمعت بمقولة طالب حربي تدهور دخل كلية الطب جامعة الخرطوم
ياهو دا زاتو الحصل علي أنا ، تم قبولي بمدرسة خور عمر وبديت هناك شهر بي حالو ما شفت لي طرحه لافا ولا جنس ناعم ، كل شيء بمواعيد وربك رب الخير حصلت مظاهرات
بالمدارس الثانوية وقفلو المدارس رجعت دقيت جرس للحاج أني ما حأرجع خور عمر وبعد شد وجذب مع وزارة التربية اعطوني خيارين الخرطوم الجديدة او وادي سيدنا فأختار لي
العقيد أمين زكي ربنا يديهو العافية ( لاعب الهلال السابق) وادي سيدنا الثانوية بدون مايشاورني زاتو . حتي ارفع من نسبة التحصيل الاكاديمي بالمدرسة هههههههه وتجيء تقول لي جاي من الخرطوم
وعملت ليكم ضيق ، جيتكم كخبرة أجنبية أرفع ليكم نسبة التحصيل الاكاديمي غتستو حجري
Quote:
عاين دا كمان ..
ربنا لما رفع قدمو وجابو بلد الطراوات شاف ليهو غجرية افتكر روحو خلاص وصل الجنة ..
سرحت بيهو لامن قربت تلحقو امات طه قال بيرقر قال ^ - ^ |
محمد علي طه الملك
حياك الله ياحبيب اخباركم واخبار العيال
يأخ الغجرية دي النقطة السوداء الوحيدة الفي حياتي
ومن ديك وحرمت نهائي أدرع الشبك والمشاكل لكن الغلط ما غلطي غلطكم أنتو جيتكم لسع يافع ماوجهتوني خليتوني سائق مغمض لمن
دخلت لي في حائط أسمنتي
|
Post: #113
Title: Re: أبحث عن علاء الدين منصور
Author: خالد عبد الله محمود
Date: 09-17-2013, 06:55 AM
Parent: #111
No way
مافي علاقة نهائي بين زمان و حالياً ..
|
Post: #115
Title: Re: أبحث عن علاء الدين منصور
Author: tmbis
Date: 09-17-2013, 07:17 AM
Parent: #113
| Quote: أها شنو ليك انا عمري مافت التالت. والله صحي. |
يا مولانــــا .. حسع عليك الله فرقك شنو من ود الباهي .. بكري ابوبكري دا حقو يفتح ليكم منبر زي بتاع ناس اليوم الحار ما بندار وناس الزقازيق .. وإلخ إلخ
يسميهو .. منبر بتاعين الطاقة الذريـــة ههههههههههه
تجيبو اساسي يكتب معاكم وتجيبو دينا خالد وحيدر الزين .. وعبد الوهاب علي الحاج .. والادمن حقكم يكون بشاشا هيم سيلف تهاااا هاااي
..
Quote: No way
مافي علاقة نهائي بين زمان و حالياً .. |
والله يا خالد نجيض لكن .. عليك الله كلمووووو .. شابكني انا ود سنترا ..
|
Post: #114
Title: Re: أبحث عن علاء الدين منصور
Author: tmbis
Date: 09-17-2013, 07:11 AM
Parent: #111
Quote: تم قبولي بمدرسة خور عمر وبديت هناك شهر بي حالو ما شفت لي طرحه لافا ولا جنس ناعم ، كل شيء بمواعيد وربك رب الخير حصلت مظاهرات
بالمدارس الثانوية وقفلو المدارس رجعت دقيت جرس للحاج أني ما حأرجع خور عمر وبعد شد وجذب مع وزارة التربية اعطوني خيارين الخرطوم الجديدة او وادي سيدنا فأختار لي
العقيد أمين زكي ربنا يديهو العافية ( لاعب الهلال السابق) وادي سيدنا الثانوية بدون مايشاورني زاتو . حتي ارفع من نسبة التحصيل الاكاديمي بالمدرسة هههههههه وتجيء تقول لي جاي من الخرطوم
وعملت ليكم ضيق ، جيتكم كخبرة أجنبية أرفع ليكم نسبة التحصيل الاكاديمي غتستو حجري |
طيب يا ود الباهي قصتك الحزينة دي ما قلتها لينا من زمان مالك .. كان ممكن ننظر في امرك ونرجعك مدرستك دي تاني ..
اي والله انا مما شفتك عرفتك طوالي .. قلت ليهم الوزارة بقت تجيب لينا في اجيال عجيبة جدا والتعليم يادوبك اتدهور
بعدين عليك الله استفدته شنو .. ما ياهو في النهاية كل يومين تلاتة كنت بتاخد ليك علقـة منظمة .. البوليص يدخل المدرسة ويدق فيك بدون غبينة .. ههههههه حسع لو كنت في خور عمر هناك كان ريحتنا من المساسقة
..
لكن عجبتني بتاعت رفع التحصيل الاكاديمي دي ..
قول ترفع الدعم .. قول ترفع يدينك فوق .. لكن مسالة رفعان التحصيل دي الله اعلم ..
ياخ الوادي دي كان لما تدخل يقولو ليك اهم حاجة الضبط والربط .. عمك مهدي محمد سعيد الله يرحمو اهم حاجة عندو الضبط والربط .. عمك الصول جمعة اهم حاجة عندو حاجتين .. (العلم) حق المدرسة .. (ومخزن السلاح) والمشمعات الفرش هههههههه
واهم حاجة تجيب ليهو (كاس الرماية) بتاع نهاية العام .. بعد كدا كان المدرسة دي قلبوها بقالة ما عندو مشكلة .. ههههههه
|
Post: #112
Title: Re: أبحث عن علاء الدين منصور
Author: tmbis
Date: 09-17-2013, 06:49 AM
Parent: #110
Quote: يا مولانــا الملك ..
برافوووووووووووووو .. أخيرا فعلت ما عجز عليه الكل ..؟ |
.. يا مولانـا
يبدو انو من تاريخ متابعتك لي اولاد قلبـا جعلت منك كائن مفتح وتفهمه طايرة ..
انا جدعت ليك (الصارقيل) لكن شكلك ما بتحب الصارقيل بتحب شرائح الكلماري
كنت عايزك تدخل راسك شان احلق ليك .. واقوليك كضبا كاضب بي طريقة احترافية جدا .. يا اما انشغلته زيي وهنا بسميك محظوظ .. يا اما قلبك باليمين زيي كدا واحد
..
ايوة كضبا كاضب .. نعم فعلت ما عجز عليه الكل وهو اختيارك لي ياسر عبد المنعم عقباوي القصيروني جدا القاعد في الكنبة والتي تبدو ملامحو ملامح شر جدا .. وطبعا وفقا للمساعدات الكتبتها .. فتحت البوست بالليل جدا قلت ياريت مولانا يخش يقولي
شفته بنطلعك كيف من وسط مية نفر .. وتاني تجيب لي موضوع البلي .. لقيتك ما جيت .. فتحتو الصباح بدري برضو ما جيت .. عشان تعلق علي (الكلماري) حقي
عليه
كضبا كاضب مجدددا ..
ما قمت بترشيحه هو صديقنا وود الحلة ياسر عبد المنعم عقباوي ..
|
Post: #116
Title: Re: أبحث عن علاء الدين منصور
Author: عادل الباهي عبدالرازق
Date: 09-17-2013, 08:01 AM
Parent: #112
Quote:
بعدين عليك الله استفدته شنو .. ما ياهو في النهاية كل يومين تلاتة كنت بتاخد ليك علقـة منظمة .. البوليص يدخل المدرسة
ويدق فيك بدون غبينة .. ههههههه حسع لو كنت في خور عمر هناك كان ريحتنا من المساسقة
.. |
طيب ما مشيت وجيت لكلامي ، البوليس لمن يدخل حرم المدرسة بيخاف من العنقالة ويمسك في ناس
التحصيل العلمي ويقع فيهم ضرب بسبب الحقد وكلهم بيكونو ذو بنية جسمانية متدهورة بسبب السهر وراء التحصيل زيي كدة
ويترككم عارفكم مارقين للربا والتلاف
لكن يا تمبس والله انا أصلا ما أستفدتا من المرحلة ديك في الصياعة ، أخوي الكبير كان انصار سنه ولاعب معاي ثيردباك ضاغط كرهني
وقرفني في عيشتي أمشي لاي حفله بيجي كابس زي عربات الدورية ويرجعني البيت يقول لي الغناء حرام ، اكشف لاي بنت ينهرني غض بصرك
عامل لي فيها الامام ابو حنيفة والغريبة أول ما بديت أعقل أخوي قلب 360 درجة حلق ليك الدقن وفكا كفة البنطلون وبقي يكتل ليك الحفلات قرب
يحصل علوب وكل ما اشوفو متجنصص لحفلة بقول ليهو منك لله يا شيخ
|
Post: #121
Title: Re: أبحث عن علاء الدين منصور
Author: tmbis
Date: 09-17-2013, 01:38 PM
Parent: #116
Quote: طيب ما مشيت وجيت لكلامي ، البوليس لمن يدخل حرم المدرسة بيخاف من العنقالة ويمسك في ناس
التحصيل العلمي ويقع فيهم ضرب بسبب الحقد وكلهم بيكونو ذو بنية جسمانية متدهورة بسبب السهر وراء التحصيل زيي كدة
ويترككم عارفكم مارقين للربا والتلا |
.. تحصيل علمي ووين يا بتاع علم الذرة انت ؟؟
اساسا في نوعية كدا الواحد بدقها من غير غبينة .. يعني زي ما تقول الجلد فوقه زاتووو ممتع .. تقولي تحصيل علمي وبتاع .. تحصيل شنو يا زول ..؟
....
Quote: أخوي الكبير كان انصار سنه ولاعب معاي ثيردباك ضاغط كرهني
وقرفني في عيشتي أمشي لاي حفله بيجي كابس زي عربات الدورية ويرجعني البيت يقول لي الغناء حرام ، اكشف لاي بنت ينهرني غض بصرك
عامل لي فيها الامام ابو حنيفة والغريبة أول ما بديت أعقل أخوي قلب 360 درجة حلق ليك الدقن وفكا كفة البنطلون وبقي يكتل ليك الحفلات قرب
يحصل علوب وكل ما اشوفو متجنصص لحفلة بقول ليهو منك لله يا شيخ |
هههههههههه .. يا ود الباهي .. دا واعه تقولي اخوك الكان معانا في الدفعة القدامنا والا قدامنا بدفعتين ما عارف ..
دا اسمو عبد الناصر ؟؟
والله لكن يا عادل انت زول غريب خلاص .. طيب ياخ ما كان تتكلم من زمان .. والله كان نوديهو ليك الحلة بتاعت مبنى الاتحاد بي هناك في الفسحة الورانية . البتفتح على المشرحة بتاعت مستشفى امدرمان
والله كان نفرمطو ليك فرمطة عجيبة .. ياما اتفرمط قبالو .. دعاة
بس مشكلتك كنت ما قاعد تتكلم .. لو بتتكلم بنساعدك
|
Post: #117
Title: Re: أبحث عن علاء الدين منصور
Author: tmbis
Date: 09-17-2013, 08:35 AM
Parent: #112
يا مولانـا .. ياسر عبد المنعم عقباوي دا كان اقصر من كدا بي كتير .. اقصر مما يبدو في الصورة .. وكنا مسمنو (ياسر تش) Tish ليه ما عارف ؟
طبعا العم عبد المنعم عقباوي كان من اوئل الناس المشت قطر في الوكت داك .. لما كانت قطر القروش مطر .. وكان اول من ابتدع فكرة (السوبرماركت) او البقالة وقتها داخل الحلة ..
حيث كان المعروف ان هناك ما يسمى (بالدكان) وفي زمن ناس كوستاوي كان اسمو (الكنتين) .. فكان هناك دكان .. عبد الرحمن ود القبلي ودكان كرار اللي كنا بنقول ليهو عيساوي ما عارف لييه .. ثم دكان (عتيق) وعتيق دا كان آخر الحضارمه او اليمانيين الشفناهم واقفين بي نفسهم في الدكاكين ..
العم عبد المنعم انشا البقالة داخل الحي بعد ان قام باقتطاع جزء من البيت وتم تشكيله كمنطقة تجارية .. فالبقالة في ذلك الوقت كانت بمثابة دهشـة عجيبة .. حيث ان كل معاملاتك تتم عن طريق الدكان .. على شاكلة .. علبة صلصة .. (ظهرة) ربع رطل زيت .. صابون ابو فيل .. محبرة .. جلاد للكراسات ومساطر خشب لونه كاكي جدا والخط بالاسود عريض جدا
كان لي علاقة مميزة مع تلك السوبر ماركت .. لعدة اسباب اهمها .. قريبة جدا وفي وسط الحلة مما يسهل ان تحرك (سيارتك) الافتراضية وتضرب بوري ودقيقة بس تلقى نفسك جووه البقالة تخطف حاجتك وترجع تتم باقي جنة الاطفال .. الشي التاني .. يمكن ان تميزها فقط من خلال حاستين وتعطل باقي الحواس .. حاسة الشم وحاسة السمع يمكن ان تمر بها مغمض وتعرف انها البقالة كان بها ريحـة مميزة جدا خليط ما بين رائحة (الاجبـــ....ـان) .. وما بين رائحة العصائر .. ثم ان صوت ازيز الديب فريزرات يجعلني في سعادة مفرطة جدا لا ادرى ما سببها وتلك الانوار الخضرا والحمرا حيث كنا مهووسين وقتها بفيزياء الضوء وبصيلات البطارية الصغيرة وحجارة البطارية ابو كديس .. هذا بجانب النوعية الفاخرة جدا من ( الزيتون) الاسباني .. وتلك الطحنية بالمكسرات التي جعلتني اشهر افلاسي من فترة مبكرة جدا .. الجدير بالذكر انني كنت ادمن طحنية المكسرات بشكل خرافي ولا ادري ما السر في ذلك .. إلا وان ذكرت لي الوالدة انه تم (فطامي) بطحنية .. وذلك عندما اوكلت المهمة لبنت خالتي التي كانت تشرف على العناية بي مزامنة مع ابنتها وذلك لمرض الست الوالدة .. فتم فطامي قبل العامين .. بعد الحرمان من حليب الأم .. كنت ادق جرس لفترات طويلة وارفض اي نوع من البدائل .. إلا انها اكتشفت في يوم خاصية الطحنية فمن اول سفـة طحنية انهارت قواي .. واعصابي باظت فما كان منها إلا وان لعبت في الوتر الحساس وفي مناطق الضعف فما كانت تأتي بالطحنية إلا واقوم بحركات التنطيط والاحتفالية ومع اول سفة سرعان ما استمتع بذاك الطعم ومن ثم .. اروح في ثبات عميق جدا .. واللوح بعدم اصدار اي اصوات مزعجة من الجميع
لكن السبب المهم جدا في اعجابي بتلكم البقالة كان هو مقاصدتها لبيت (ناس خشم الموس) ولبيت ناس خشم الموس خاصية عجيبة حيث انه به شجرة (اراك) ضخمة كانت تعطر الشارع بشكل عجيب فما كنت تمر حتى تنفحك رائحة الأراك من كل الجهات .. وتجبرك ان تمد يدك لتقطع (مسواك) فريش .. كما ان للشجرة خاصية أخرى حيث كانت محطة حتمية للقمري والدباس ابوطوق في اوقات متفرقة خلال اليوم .. فكنا نجرب وزنة النبله في تلك الشجرة دون مضايقات من ساكني المنزل ..
من الدلالات العجيبة اننا دائما نؤرخ او (نجغرف) للمنطقة حسب دلالات محددة او حسب معالم .. تماما مثلما تكون رائحة عطر ما راسخة في ذاكرة الشم تذكرك بالمنطقة ومن فيها او بشخصية محددة تستخدم هذا العطر ما ان تشمه حتى تقفذ لك الشخصية بكامل تفاصيلها .. كنا نسمي على سبيل المثال .. بيت ناس الطاحونـة .. ناس (الكل.ب. م ) سعران .. ناس العمارة .. بتاعين الجمبهم بتاع التسالي .. وإلخ إلخ ..
اذكر طرفة قديمة .. عن احد سكان الحي وشباب الحي في ذلك الزمان ..
كانوا بيمشوا مع بعض كشلة للحفلات والكورة والدافوري .. في يوم زهجو من الزول المعاهم دا .. وقررو انهم يدقوهو ساااي كدا .. فاشبعوهو جلدة عجيبة جدا .. رغم انو فردتم .. فمشي البيت مفلق ومرجوم رجم شديد ..
اها عشان ( ناس ببيتم ) يطلعو بي جملة مفيدة ويحصروا الناس الدقتو علشان يتصرفوا معاهم بدو يسالوهو ..
المهم بدا يقومل ليهم في الاسماء :
زكي ود ناس صربندي
حاج زوووط ود ناس مرغني الدنقاوي ..
سيف ود الحضري
أحمد غانـا
الطيب ود ناس ( العربات المكسرة )
كان قدام بيتهم كمية عربات قديمة مكسرة وخردة ..
|
Post: #118
Title: Re: أبحث عن علاء الدين منصور
Author: محمد على طه الملك
Date: 09-17-2013, 09:53 AM
Parent: #117
| Quote: يبدو انو من تاريخ متابعتك لي اولاد قلبـا جعلت منك كائن مفتح وتفهمه طايرة .. |
هههه دقست دقست السنين ياتمبس..
لكن الاحلى من كدا كفيت نفس الجماعة لامن لبدو هههه ..
انت فاكرني تلميعي؟
تلميعي دي كنا بنقولها للزول البفتكر كل حاجة تلمع قدامو حاجة تستحق يبركو ليها ..
أي والله الجنا رباية بقالات ..
بس شفت حركتك دي (؟ ) اكلت معاي شديد خلتني اعمل رايح ..
يازول أنت بجدك ؟
هسه بعد كمية الليف الاتفتت في الحمامات مين يجرؤ يمرقك من وسط المعافيص ديل ؟
يمين ود الباهي ذاتو العاصرك وانتو لسه خامات يروح فيك ..
بنجادعك بس عشان تحكي ..
جده غير ياخي.,
:
وينك يا ود الباهي ياخي ؟
لاسلام لا كلام الظاهر بقيت رقم سري ..
مشتاقون.
|
Post: #119
Title: Re: أبحث عن علاء الدين منصور
Author: محمد على طه الملك
Date: 09-17-2013, 10:09 AM
Parent: #118
أها القاعد تحتو يسار أب شعر دا قولك فيهو شنو ؟ كما تعال كضب ..
|
Post: #120
Title: Re: أبحث عن علاء الدين منصور
Author: محمد الجزولي
Date: 09-17-2013, 12:06 PM
Parent: #119
تمبس يا عزيز يا إبن العزاز ..
عليك الله دقق معاي في الصورة دي انا ما فيها أخوك طشطش شوف وذاكرة :)
وعليك الله (تاني) مدني بصفحة الفيس بوك الــ عن الرشاد الإبتدائية ..
تحياتي
|
Post: #123
Title: Re: أبحث عن علاء الدين منصور
Author: tmbis
Date: 09-17-2013, 02:36 PM
Parent: #120
Quote: تمبس يا عزيز يا إبن العزاز ..
عليك الله دقق معاي في الصورة دي انا ما فيها أخوك طشطش شوف وذاكرة :)
وعليك الله (تاني) مدني بصفحة الفيس بوك الــ عن الرشاد الإبتدائية ..
تحياتي |
.. ود الجزولي يا ود الخاله ازيك ياخ وليك وحشة والله ..
تعرف عماد وخالد بي هناك قالبين الدنيا ذاكرة ماشاء الله حديد .. كدي ابقى مارق عليهم بي هناك بدوك النجيضة ..
راجع الماسينجر الداخلي عليهو الرابط ..
|
Post: #122
Title: Re: أبحث عن علاء الدين منصور
Author: tmbis
Date: 09-17-2013, 02:26 PM
Parent: #119
Quote: يازول أنت بجدك ؟
هسه بعد كمية الليف الاتفتت في الحمامات مين يجرؤ يمرقك من وسط المعافيص ديل ؟
يمين ود الباهي ذاتو العاصرك وانتو لسه خامات يروح فيك ..
بنجادعك بس عشان تحكي ..
جده غير ياخي., |
يا مولانـا ليف شنو ياخ .. مشكلتكم قادين عرفــه .. ياخ نحن الواحد لو ما شفناهو زاتوو بنعرفو من صوتو هههههههه
| Quote: ا القاعد تحتو يسار أب شعر دا قولك فيهو شنو ؟ كما تعال كضب .. |
بعدين شايفك بقيت توصف بس وتشير بالبنان وتزوغ .. بقيت تخاف يا مولانـا .. طيب شنو عامل ليك سهم ابيض .. وعلامات مرور وبتاع ..
تعال ارمي لينا بياضك .. انت خايفق من كضبا كاضب يعني ؟؟
..
بمناسبة الزوغانات دي يا مولانـا ..
عندنا في البلد هناك عما لينا .. عليه رحمة الله انا عاصرت جزو من حياتو الحافلة بي حكم عجيبة .. ابتداء من شكلو الحلدقوني خالص .. زول ضعيف جدا ونعيفان كدا .. لكن كان مسكك الا حمار الخلاء يهنق هههههههههه..
المهم الزول دا لما كان زمان بي شدو ومنعو .. كانو بتنافسو في (البطان) .. بطلعو الخلاء بره الميادين الفسيحة ناس الحلة ديك وناس الحلة دي وهكذا .. وكل حلة بتحشد (ادقق) ناس فيها احسن ناس عندها تكنيك حق بطــااان .. يعني الجماعة يتنافسو في كاس الملك وكاس ولي العهد الجماعة بتنافسو في كاس البطان شفته كيفن ؟؟
اها يا مولانـا عمنا دا الله يرحمو ويغفر ليهو .. قام حقرو ليك واحد .. طبعا كل حلة بتقدم الدقاق حقها والناس تشوف والبرمش داك .. الجايزة بتمشي للحلة التانية هههههه
المهم عمنا دا واقف .. قام واحد ابجيقـة كدا وعاجباهو نفسو جا جر ليك عمنا دا من النص ودرع ليهو العنج في رقبتو .. نظام حقاره كدا ..
عمنا دا عليه الرحمة كان اسمو (الكندو) .. المهم ركز للرجل اخد الاول والتاني والتالت جسمو اتسلخ وما رمش ولا شال نفس ولا نطـه .. جا دور صاحبنا ابجيقة داك
عمنما الكندو دا قطع فوقو الاولاني .. طووووط شال النغمة التانية ورردلب وقع الواطة وشخر قلبوهو لقوهو سلم الفاضي هههههههههه..
اها من اليوم داك الكندو دا الشغلانة اكلت فوقو .. فكبر بالشغلة دي وعملت ليهو خلل نفسي ..
فبقى حايم في سوق الحلة في البلد لكن ما بسأل زول .. الا بي مزاجو فكانت بيني وبينو معزة خاصة جدا الله يرحمو ويوسدو الباردة ..
فكانت لما تقوم عليهو .. بمشي الخلاء يقطع سيطان من (شجر اللعوت ) وسيطان اللعوت دي الله لا ضوقك ليها ..
يجي الحلة يقع ليك في الحيطان دي رجم شديد ..
يوم مع رجمانو دا جا الله يكرمك .. حماار قاطع في اتجاه سوط اللعوت دا وكان عمنا الكندو لحظته متسلطن .. فقطع ليك في الحمار واحد .. الحمار قام اتقوس راسو مع مؤخرتو .. رفعو يدو عشان يديهو التاني .. الحمار وردلب وقع ..
تخيل قاليهو شنو ههههههه ..؟؟
قاليهو تزوووغ ؟؟؟ . ود الزواغــه هههههههه
|
Post: #124
Title: Re: أبحث عن علاء الدين منصور
Author: سامى عبد المطلب
Date: 09-17-2013, 06:22 PM
Parent: #122
غايتو لو ده ما انت يا تمبس معناها مافى فى الصوره دى ....
|
Post: #125
Title: Re: أبحث عن علاء الدين منصور
Author: محمد على طه الملك
Date: 09-17-2013, 08:54 PM
Parent: #124
ذكريات الطفوله دي ما بتتنسي يا تمبس ..
أنا نفسي متذكر يوم قالوا لي وادنك المدرسة ..
حتى لحظة امي الله يرحمها لما جات صحتني الصباح وقالت لي يالا على الحمام قلت ليها يمة الليلة عيد ؟
كانت اول مرة افاجأ فيها بحمام من الصباح بدون عيد ..
بعد الحمام والتلبس والذي منو ..
جاء عمي رفعني وردفني معاه فوق حمارتو ..
لما وصلنا المدرسة قابلنا واحد اسمه استاذ احمد
أخدني من يدي ومشينا لقيت شفع كتااار قاعدين في الارض في شكل دائرة تحت شجرة كبيرة ..
وسطم واقف راجل كبير بتكلم وفي يده عصاية صغيرة ..
استاذ احمد قال لي ديلك اولاد الروضة أمشي اقعد معاهم ..
بصراحة كنت فاكرم كوولهم اخوان عشان كده اخدت اسبوع كامل خايف ومتجنبهم ..
عارف (ليتر) لما سمعت نكتة الشايقية القالوا شافت الشفع مارقين قدامها ..
سألت : وااا حلالي الوليدات ديل الليل منو ؟
قالوا ليها ديل ولاد الروضة...
قالت ليهم ولالالاده الروضي عيني باردة..
قلت قطع شك الألف النكتة دي من ولاد حلتنا..
قلت ليّ بقيت أوصف وازوغ ؟
إنت بس اعترف إنك متوه صورتك وعايزنا نساعدك ..
عليك الله المهمشين ديل يتعرفو كيف ؟
هسه الصوره دي لو كانت في العمارات دشليون واحد كان عفص صورتك قال ود قلبا هههه ..
الحمد الله زمنا ذاتو ماكانت في كاميرا ..
الا بتاعة استديو النيلين في سنترا الكانوا بحشرو فيها الراس ويتغتو ليها ديك..
إلا المحيرني أساسي دا الحشرو معاكم شنو؟
أتاريك من زماااان مداقرو ..
>
:
بتبالغ يا سامي ؟
ياخي تمبس لو لقى الركبين ديل كان الليلة سمعت اسمه مع ناس خليفة عمر بتاع الاولمبياد وابوبكر كاكي هههه..
|
Post: #136
Title: Re: أبحث عن علاء الدين منصور
Author: tmbis
Date: 09-19-2013, 11:07 AM
Parent: #125
| Quote: أنا نفسي متذكر يوم قالوا لي وادنك المدرسة .. |
..
تعرف يا مولانـا ..؟
انا زيك كدا لكن بفرق منك اني بتذكر اول يوم دا من نصو .. اليوم الدخلونا الفصل الكبير جدا وحسيت بي وحشة عجيبة انو انا بعيد من البيت .. الاتعودته عليهو .. ومعاي اشكال جديدة جدا الواحد يلتقيها اول مرة وجرس وطابور .. وبتذكر لحدت الان كيف انو عتبت اول عتبة في الفصل وكانت مشكلة كبيرة جدا اني اتخطاها واصبحت مشكلة انو كيف اطلع وانزل منها
وما ذلت يا مولانا اتذكر الرائحة المنبعثة من الفصل .. رائحة (الاستيكة ام ريحـة) تلك التي كانت من البلاستيك وفيها رائحة عجيبة جدا .. لفرط حلاوتها كان كل اسبوع نستهلك واحدة .. بأن ناكلها عوضا عن اكل الاصابع وذلك في حالة التوتر ..
لاحظ استعدادنا كان على اهبته منذ اول يوم في العام .. وكانت تلك ميزة حميدة ان يستثمر كل يوم ..
اتذكر انه كيف تم الفرز لنا حسب الطول والحجم حتى يتم توزيعنا في الفصل بطريقة سليمة تتيح لكل من فينا ان ينال قسطا من الدرس بشكل جيد ان تسمع وترى وتشارك وتتحدث ..
والحقيقة يا مولانـا انه تم قبولي بعد جهد جهيد .. حتى التحق بالصف الاول .. حيث ان عمري الدراسي كان لا يتوافق مع العمر المقرر من وزارة التربية وذلك خشية عدم استيعابي للدروس .. فكان حالي حال آخرين تم رفضهم عدة مرات وتم قبولنا كمستمعين .. وهي ان تجلس لكن ليس لك اي تقدير لكن اذا اظهرت تميزا .. سوف يتم تصعيدك كما يحدث في مجال كرة القدم تنتقل من الاشبال إلى الفريق الرئيسي ,,
اما فيما يختص باليوم الدراسي الثاني اذكره بكامل تفاصيله .. حتى اكاد اشم رائحة (البول ) الان الان هههههههههه ..
Quote: إلا المحيرني أساسي دا الحشرو معاكم شنو؟
أتاريك من زماااان مداقرو .. |
كضبا كاضب .. ياخ اساسي الوكت داك لسة ما جا من البلد . قاااعد مجكك في البلد هناك بضرب في اللوبـة بي الشاي المقنن
لله دره صديقي اساسي البجيبو الوكت داك مع اولاد سنترا شنو ؟
ركبين شنو ؟؟
ااي نعم انا كنت قصيروني .. لكن كنت منقطه عديل كدا ..
بعدين اديك ميزة تانية .. الصورة دي تحديدا واتذكر تماما انها كانت بعد حصة الرياضة البدنية .. حصة الرياضة البدنية كانت عبارة عن جري في المدرسة ودافوري ..
بتذكر انو رصانا الاستاذ وقالينا ح نعمل سبق والبجي الاول ليهو جايزة .. اذكر انو كنا خمسة واخوك جرى جري الوحوش من اجل الجايزة .. فعلا جيت الاول لكن وحيات ابتساممتك لي الان ما ادوني اي جايزة ..
|
Post: #126
Title: Re: أبحث عن علاء الدين منصور
Author: tmbis
Date: 09-19-2013, 06:12 AM
Parent: #124
| Quote: غايتو لو ده ما انت يا تمبس معناها مافى فى الصوره دى .... |
يا سامي ..
المرات الفاتت قلنا طلحـة .. ورطك .. وتاني حيدر الزين ورطك ..
لكن المرة دي براااك
كضبا كاضب
والله انا قاعد قعدة سمحة خلاص .. حسع دي لما عاينته لي نفسي كدي بالابعاد الثلاثية لقيت انو القعدة دي ما بقعده إلا زول خبير وفيلسوف من هو صغير
|
Post: #127
Title: Re: أبحث عن علاء الدين منصور
Author: سامى عبد المطلب
Date: 09-19-2013, 06:59 AM
Parent: #126
| Quote: والله انا قاعد قعدة سمحة خلاص .. حسع دي لما عاينته لي نفسي كدي بالابعاد الثلاثية لقيت انو القعدة دي ما بقعده إلا زول خبير وفيلسوف من هو صغير |
ههههههه لا فعلاً الخبرة واضحه .... يمين ما تقول حاجة تانى
|
Post: #128
Title: Re: أبحث عن علاء الدين منصور
Author: tmbis
Date: 09-19-2013, 07:15 AM
Parent: #127
| Quote: ههههههه لا فعلاً الخبرة واضحه .... يمين ما تقول حاجة تانى |
والله اقول جنس قواله كمان .. هههه
كضبا كاضب ..
دا ناصر آدم السيد .. من ضمن الشباب القلته حقين الكورة .. وماف زول هببو ليهم .. ناصر كان من احرف اللعيبة البتعرف تشوت الكورة وهي متحركة بتركيز كامل .. يلعب بي الشمال وباليمين واي كورة تصادف رجلو اليمنى او اليسرى متحركة كانت ام ثابتة قدام المرمى ..
فهي هدف لا محالة ..
|
Post: #129
Title: Re: أبحث عن علاء الدين منصور
Author: tmbis
Date: 09-19-2013, 07:21 AM
Parent: #128
اعلان هام :
سنقوم اليوم الخميس الموافق التاسع عشر من ايلول من العام الفين وطلطاشر باعلان نتيجة المسابقة الخاصة بي البحث عن علاء الدين منصور ,,
سيكون الاعلان عن النتيجة في تمام العاشرة بتوقيت قرينتش عشان ما تقولو حرمتكم من ايتها حاجة ..
وجاء ذلك الاعلان عن النتيجة بعد الفشل المتكرر من المشاركين ومن القطعان من راسم ساااي .. اي واحد يقطع ليك من راسو يقوليك دا علاء الدين منصور
اضف لذلك ..
انو اكتشفت بعد فترة طويلة جدا اني صعب جدا ..
لذلك عشان الواحد ما يصعبه عليكم تاني .. وما يحسسكم بي مدى عدم مقدرتكم على ان (تنقرو) الزول .
ربما تتوالى بعض الاعلانات وفق ما تقتضيه المرحلة
|
Post: #130
Title: Re: أبحث عن علاء الدين منصور
Author: HAIDER ALZAIN
Date: 09-19-2013, 07:33 AM
Parent: #129
والله تاني الا تكون الزول ابنضارة الواقف وراء ومربع يدينو دا.. :)
اسمع اوعك تحاول تنتحل شخصية زول تاني وتقول دا انا.. نحنُ متابعون ونراقب عن كثب اي محاولة خج او تزوير سنقوم باذاعة بيان ..:)
مع العلم انه انا من بدري ناقشك وين بس لن افصح عشان سامي وطلحتوف ما يعرفوا
ـــــــــــــــــــــــــ
عمووو وهبة شكلو راقد جوة الفصل الوراكم دا ..يكون مردّخ من جكتك بيهو امس في وش الكتاب :)
|
Post: #131
Title: Re: أبحث عن علاء الدين منصور
Author: tmbis
Date: 09-19-2013, 07:57 AM
Parent: #130
حبينا اشرف حسين ابو الحســن .. كان من ضمن ابناء الدفعة .. صديقي وحبيبي وعشرة عمر
انقطعنا فترة طويلة جدا منذ الثانوي .. قام بزيارتي هذا الرمضان الماضي .. هو واسرته الصغيرة لهم مني كل الحب .. الجدير بالذكر انو اشرف حسين من ضمن بورداب جدة المملكة العربية السعودية
مردودة ليك يا ابو الشوش ..
الملاحظة انو اشرف كان من ضمن الناس الطوااال لذلك وقف اقصى يسار الصورة ..
زمااان لمان ما كان في سودانيزاونلاين وقبال الانترنت زاتو
|
Post: #132
Title: Re: أبحث عن علاء الدين منصور
Author: tmbis
Date: 09-19-2013, 08:06 AM
Parent: #130
| Quote: والله تاني الا تكون الزول ابنضارة الواقف وراء ومربع يدينو دا.. :) |
كضبا كاضب ..
بعدين حسع دي سامي يسمع كلامك دا يقوم يتورط ساااي هو وطلحة .. اصلك ضلالي ..
انا ما بخج والله يا حيدر لكن انتو الخاجين .. معقولة بين ستة واربعين نسمه ما تقدرو تطلعوني ..؟ ما بتبالغو ..؟
..
عليك الله يا حيدر ما بتجيب سيرة عمك وهبـــة .. لانو عندو مداخلة واحدة خخخخخخخخ .. يعني يجي يخسره فيك واللا فيني واللا في الهوا ساااي خخخخخخخخ
|
Post: #133
Title: Re: أبحث عن علاء الدين منصور
Author: طارق حرسي
Date: 09-19-2013, 08:22 AM
Parent: #132
سلام يا تمبس وبقية الاخوان
|
Post: #134
Title: Re: أبحث عن علاء الدين منصور
Author: tmbis
Date: 09-19-2013, 08:41 AM
Parent: #133
حتى انت يا حرسي ..؟
بقيت زيك وزي اعمامك ناس حيدر الزين وسامي وطلحة المنظراتي ومولانـا الملك ..؟
كضبا كاضب
والله يا طارق الزول دا من الناس الما متذكر اسمم .. لكن كنا مسمنو الفيلسوف هههههه
الزول دا يا طارق كان منظراتي جدا وبعدين انيق الوكت كلو .. جزمة ملمعة طول الوكت .. القميص جوه الرداء كول الوقت .. بعدين شايل منديل على طول ههههه
ولما يجي يتلكم .. لازم يدخل يدينو جووه جيبو .. وكان جنو رياضيات ..
تقريبا اسمو مين كدا محي الدين .. اصلو اسمو ما عايز يجيني ما عارف لييه
|
Post: #135
Title: Re: أبحث عن علاء الدين منصور
Author: سامى عبد المطلب
Date: 09-19-2013, 09:40 AM
Parent: #134
هههههه معقول لكن يا علاء .... اتلومت معانا بالحيل غايتو ده اخر واحد فضل لينا غير كده نحيلك لمداخلة الطريفى اعلاه .....
|
Post: #137
Title: Re: أبحث عن علاء الدين منصور
Author: tmbis
Date: 09-19-2013, 11:21 AM
Parent: #135
| Quote: هههههه معقول لكن يا علاء .... اتلومت معانا بالحيل غايتو ده اخر واحد فضل لينا غير كده نحيلك لمداخلة الطريفى اعلاه ..... |
تهاااي هااااااي
غايتو يا سامي قلبك قوووي بس .. كضبا كاااااااضب
ايوون القعده قعدت معلمين وحسع دي لو رجع بي الزمن بقعد ليكم قعده زي دي هههههه
عليك الله يا سامي ما تتابع الطريفي ..
|
Post: #138
Title: Re: أبحث عن علاء الدين منصور
Author: tmbis
Date: 09-19-2013, 11:51 AM
Parent: #137
يا مولانــــا ..
قلت اخير تطلعي امام جامع لما ما قدرته تنقرني ..؟
يا مولانا القدام جدا دا سيد بشرى مبروك ..
اها سيد بشرى دا كان المقرئ حقنـا .. كان الزول الموكله ليهو مهمة انو يقرا القرآن .. صوتو كان جميل جدا
جميل جدا جدا .. لدرجة انو كان في الجمعيات الادبية هو البقرا القرآن .. اعتقد ان لسيد بشرى علاقة بمصر .. ربما والدته أو اي من اهله
لذلك
اختفى فجأة .. وانتقل إلى مصر .. من الشخصيات الجميلة جدا التي اتمنى ان اقابلها في تاريخ حياتي ..
اما الوراني دا ظنيت اسمو الجيلي .. بس ياتو جيلي فيهم ما قادر اتذكر ..
..
|
Post: #139
Title: Re: أبحث عن علاء الدين منصور
Author: tmbis
Date: 09-19-2013, 02:03 PM
Parent: #138
كانت الغلطـة الكبرى هي ان وضعوا بعض من متعلقاتهم في الركن الذي يمكننا ان نرى فيه كل شي بوضوح .. ويتيح لنا حتى ان نتفحصها ..
..
اليوم الثاني لبداية عامنا الدراسي .. بالصف الأول الابتدائي ,.. كان من بين ايام السنة التي يبدا فيه الصيف بإرسال فيروساته .. فكان من اخطر فيروسات ذاك الزمان .. فايروس التهاب السحايا او ما يسمى Meningitis والمشهور بلديا بي (ابوفرار) فكان وقتها هو اخطر الفيروسات التي تهدد حياة العباد حيث صور الأمر وقتها بأن هناك احدهم يحمل فرارا وينهال به على رؤوس البشر .. فإن صلحت اعمالك نجوت من الموت لكن بعاهة مستديمة كأن يصيبك البكام او الطرش .. او الشلل عافاكم الله ..
لذلك ..
كانت اول مكافحة هذا الـ ابوفرار هو ان تبدأ حملات التطعيم للوقاية من شره .. ومن شر فراره .. ثم منع اماكن التجمعات التي يتكدس فيها الناس كمباريات كرة القدم .. والاسواق .. والأهم من ذلك هو انتظام حملات التطعيم بمصل المرض في كل مناطق التجمعات الاسواق السينمات .. اماكن تجمع الناس رش الميادين والفسحات بالمياه حتى يتم قتل الفيروس الذي يتطاير مع الغبار والاتربة .. وكان اهم من ذلك ان تنتظم الحملات المدارس بكامل صفوفها .. علماً ان هذا التطعيم يتم مجانا ومن قبل وزارة الصحة فترسل كل هذه المساعدات الطبية مجانا ..
فتخيل عزيز مامون حميدة القارئ .. ان وزارة الصحة تقوم بتطيعم هذا الكم الهائل من الطلاب وتوفير هذا المصل المجاني .. ودن ان تسال المواطن او ولى امر الانسان من مصاريف الشاش او القطن او الحقن الفاضية ..
على بداية الفسحـة فسحة الفطور .. توقفت سيارات عرفت نفسها انها من سيارات وزارة الصحة وذلك باللوغـو الشهير وقتئذ بعلامته الحمراء فما كنا نستطيع القراءة لكن باستطاعتنا ان نفرز كل الاشكال من صقر الجديان شعار الدولة .. وخرطوم الفيل رمز محافظة الخرطوم .. خرجت الثياب البيضاء وبعض الدفاتر الضخمة التي يتم فيها حصر وكتابة ما يختص بتلك العملية .. تبعهم بعض لابسي اللابكوتات البيضاء .. ولذلك دلالات عميقة جدا في انفسنا وكل ما يرتبط بالحقـن فهو بلا شك مرعب .. مرعب .. العجيب في الأمر ان اتنين من هؤلاء كان يغلب عليهم عدم الوداعة .. مفتولي العضلات محمري العيون .. وبهم صره وجه عجيبة لا تغري على الهظار معهم .. صامتين دون كلام .. حملوا تلكم الاغراض في همة عالية ..
توسطت القافلة الشجرة التي كانت اكبرهن .. والتي تقبع على بعد خطوات من مكتب المدير .. جاءوا لهم بالكراسي .. ثم كاسات الشاي والماء التي انتظم في تقديمها عم النور وعم عبد الله .. كانوا جميعهم كخبراء الامم المتحدة الذين تبعثهم للتفتيش عن الاسلحة الكيمائية .. هكذا رسخت لنا الفكرة وقتها .. ثم ان الاهتمام والرعاية التي وجدوها من قبل عم النور وعم عبد الله زادت من تأكيد اهميتهم المتعاظمة وقتها ..
اشاروا لهم بأن يحتفظوا بالادوات في الفصل أولى عبد اللطيف حيث انه اكبر الفصول واقربها للشجرة التي يجلسون عليها .. فكانت هي اكبر غلطة ارتكبوها ..
شد انتباهنا تحويل تلكم المواد .. التي لا نعرف شي عن ما هيتها .. اصبحنا نتحسسها .. نتحسس تلك الشنط العجيبة المصنوعة من مادة التوتيا او مادة النيكل لا ادري .. شكل الصحانة المقوسة التي تشبه كلية البني آدميين .. لفات القطـن .. واهم من ذلك لوحات رسمت عليها علامات C باحجام واشكال متعددة طبعت باللون الاسود وتفتح في اتجاهات مختلفة .. اتضح فيما بعد انها .. لوحات لفحص النظر الاولي تلك التي تحدد بها عشوائيا مستوى النظر ثم بعد ذلك يتم صرف الدواء لمن يستحقون او صرف النظارة الطبية على نفقة الدولة ..
فتخيل يا عزيز عبد الرحيم احمد حسيــن .القارئ .. تخيل انهم ما خذلوك وانهم اهتموا بالنظر منذ نعومة اظافرنا حتى ندافع عن سوداننا الحبيب بالنظر عندما نكبر .. ونبلغ سن ما بعد الرشد ..
في داخلنا انتشر الرعـب .. عمق لفكرة الرعــب احد الذين خيالهم اوسع من ان يحتمله خيال طفل .. اجزم ان هؤلاء حملوا (صواريخ) هذه الشنط خاصة بالصواريخ والرصاص وفناء البشرية .. سرعان ما راجت الفكرة .. فاصبحنا ندخل الفصل لنتحسس تلكم الاسلحة الفتاكة التي تسمح بها المدرسة وما اتينا للمدرسة إلا لأن نفنى .. ارسلونا اهالينا من اجل ان يتخلصوا منا .. ساعتها شعرنا جميعنا باحساس العدم .. كانت لنا رغبة جامحه في الذهاب الى منازلنا .. ابتداء الرعب يزداد .. امام المسرح الذي كان بالقرب من فصلنا كانت مسرحيات من التراجيديا والماساة بدأت فصولها تتضح .. بداء البكاء والنواح من بعضهم .. بكاء باصوات نائحه مخيفة تجبرك على الرعب .. يمكن ان ترى خرير البول على الارجل النحيله .. من لم يتسطع ان يعبر بحباله الصوتية فقد عبر بمثانته وجهازه البولي ..
عندما دب الرعب وانتظم فضاء المكان .. كان من الصعب السيطرة عليه .. دق جرس الدخول قبل موعده ..
دخلنا الفصل وكنا اكثر ميلا على اليمين تفاديا لتلكم الصواريخ التي ربما تنفجر ..
تحركت القافلة نحو الفصل بكلياتها .. يتقدمهم استاذ عبد الله الذي اوكلت له ابوية الفصل من فترة مبكرة .. ثم المدير ليتابع سير العملية ..
وصل الجميع الفصل .. كانت وقتها رائحة الامعاء تزكم الانوف .. نططت العيون وبلغت الحلقوم الروح ..
حاول استاذ عبد الله الظاهر على الصورة بطريقته المسرحية ان يهون علينا امر ذلك اليوم العبوس القمطريرا .. لم نعره اهتماما يذكر او ان تمثيليته كانت واضحة ..
ثم قام احدهم بفتح احدى الشنط واخرج ما بداخلها من سلاح فتاك .. يا للهووول .. مسدس ..؟
لوح بالجهاز لاعلى ثم شكاه بفتيل زجاجي صغير واحكم قفله بسيور من الجلد تدلت .. ثم توجه ومن معه صوب الصف الامامي وهو يمسك الصاروخ بكلتا يديه آملا ان يبتدي بأول الصف ثم يختم مشروعه لينتقل إلى الصفوف الاخرى ..
لكن هيهات .. عندما توجه كان الفصل قد تحول لسيل جارف من البول وصراخ هستيري .. واقتحام للباب محاولة ان ننجو (بببولنــا )....
وللحقيقة جو الرعب الذي عشناه بعد ان تم اغلاق الشبابيك وانارة الفصل كان جو مرعب ومخيف فكان لابد لنا ان نعبر عن مدى خوفنا من تلك الصواريخ التي ابتدرها بالمسدس اللآلي الذي حاول ان يصيب به الصف الاول برمته ..
هتفنا جميعا وعبرنا (ببولنـا) عن مدى خوفنا صرخنا باقصى ما نستطع .. فما كان منهم إلا وان تركونا لحال سبيلنا بعد ان صعب السيطرة علينا .. وبالرغم من ذلك كان هناك تشدد بطريقة عجيبه جدا اذكر من احد افراد التيم .. بأن لابد من ينجز العمل وذلك لمصلحتهم .. لكن كانت مصلحتنا هي اكبر مما يتخيله كانت مصلحتنا في ان ننجو بجلدنا الآن ..
فتم صرفنا بشكل عاجل وسريع حتى لا تنتقل عدوى البول لبقية الفصول .. ويكتب لذلك المشروع الضخم الفشل ..
|
Post: #140
Title: Re: أبحث عن علاء الدين منصور
Author: tmbis
Date: 09-19-2013, 02:23 PM
Parent: #139
يا جماعة ما قلنا ليكم الساعة عشرة بي توقيت قرينتش .. يعني شايف لا في زول هببو لي الساعة ولا في زول اشتغل بالزمن ..
شفتو كيف ما عندنا اهتمام بالزمن وكدا هههههههه
.
طيب من خلال مروري على الردو كان لابد من استعمال سياسات تضليليه حتى تعطي مساحة للمشارك ان يكون في قمة التأكيد من قراره ..
كل الذين شاركوا كانت معظم قراراتهم فيها التردد فكنت عادي جدا ان اقوم بجرجرتهم إلى ما حيث اريد .. ههههه
.
في كل هذا الكم الهائل . توصل ثلاثة فقط للاجابة الصحيحة ههههههههههه ..
كان بودي ان اقوم بنشر الاسماء .. لكن .. جأتني رسائل تشيد بمتابعة البوست بكل ما فيه بل ذهب بعضهم لابعد من ذلك بعدم كشف الحقيقة ..
عليه ..
اكرر فقط ثلاثتهم من قام بالاجابة الصحيحة ..
عليه ساتيح الفرصة مرة اخرى لكن فرصة محددة ..
مع الشكر
عليكم الله يا سامي ويا حيدر ويا طلحـة ما بتخجلو .. في التلاتة ديل تطلعو بي قد القفة ..؟ والله ولا واحد فيكم صاح مافيش خخخخخخخخخ ..
..
يا مولانـــا طلعت ما ود قلبا ولا حاجة .. متابعتك لي اولاد قلبا اصلن اصلن . ما اضافت ليك اي حاجة .. مش قلت ليك تجونا سنترا هناك تضايقونا بس .. ضيق سااااي كدا
|
Post: #141
Title: Re: أبحث عن علاء الدين منصور
Author: محمد على طه الملك
Date: 09-20-2013, 01:57 AM
Parent: #138
أنت قول زايغ من الجائزة عادي ما فيها شيء ..
كفاية حفرت لينا الذاكرة وخليتنا نرجع سنين ..
عارف عندي صاحب من أولى أولية ما شفتو تاني ..
والده من آل هباني كان جابوه مساعد طبي في أرقو..
للأسف ما قدرت أتذكر اسمو الأول لأننا كنا عاصرين عليهو اسم هباني ..
لالا ما نديد وهبة ..
صاحبي برضو كان أخدراني إلا ما هو ..
الشخصية التانية بنت ناظرنا في مدرسة جرادة الأولية ..
الناظر كان اسمو محمد عبد الحليم وكان صديق للوالد الله يرحمه ..
أنا كنت عايش معاهم في البيت لمدة عام كامل ..
الناظر محمد عبد الحليم رجل عظيم ومثال صادق وحي للمربي الشهم المسؤول ..
صورتو التي أحببتها لا زلت احتفظ بها رطبة في ذاكرتي بشخصيتها المهيبة..
عارف ياتمبس عندي أحساس قوى من الشبه والاسم إنو بنتو العاصرتها دي يا إما رئيسة حق أو اختها ..
ومتمني تجمعني الأيام بأي واحده منهن عشان اتأكد ..
قلت ليَ ثلاته نقروك وعملت منهم رايح ؟
أنا الكيك صفقو لكي يا شباب ذي ما تمبس بصفق فوق..
قال قعدتي قعدت معلم هي هي هي !
في ذمتك فرشختك دي قعدت معلم ؟
دي قعدت زول الجري قطع قلبو ..
دقش كم حجر واترتح كم مرة عشان يطلع الطيش بس وما يقولو غلبو يكمل هههه ..
أنا غايتو بضم صوتي لود الزين خاصة بعد تأكد توهانك من صورتك ..
وأطلب اشرف حسين شاهد ملك يجي يورينا صورتك قبالك.
|
Post: #142
Title: Re: أبحث عن علاء الدين منصور
Author: سامى عبد المطلب
Date: 09-22-2013, 10:57 AM
Parent: #141
الساعة عشرة ولا شهر عشرة ..... بالغت جنس بوليغ غايتو الاتأكدنا منو انك اتا ذاتك ما عرفت روحك بدليل الروحان الحاصل من البوست ده ....
|
Post: #143
Title: Re: أبحث عن علاء الدين منصور
Author: محمد على طه الملك
Date: 09-22-2013, 01:00 PM
Parent: #142
أيوه يا سامي ما تخلو يزوغ .
|
Post: #144
Title: Re: أبحث عن علاء الدين منصور
Author: tmbis
Date: 09-23-2013, 07:33 AM
Parent: #141
يا مولانـا ..
صدقني حكاية الحفر دي مفيدة للصحـة .. بتقوي الذاكرة وبتخفف الكولوسترول .. وبتطعم السكر في الدم .. وإلخ إلخ ..
Quote: عارف ياتمبس عندي أحساس قوى من الشبه والاسم إنو بنتو العاصرتها دي يا إما رئيسة حق أو اختها ..
ومتمني تجمعني الأيام بأي واحده منهن عشان اتأكد .. |
بالمناسبة يا مولانــا الحكاية بتاعت استنساخ زول في زول دي مارة على اخوك شديد .. حتى انها طلعتني زول متسلبط ساااي مع زميلة البورد ..
خاصة في التلفزيون لما نكون قاعدين نحضر في حاجة .. خاصة في التلفزيون حقنا يجيبو زول اقوم اهتف ليك طوالي ..
الزول دا فلان الفرتكاني .. اخو ود عم حبوبـة خال ناس إلخ إلخ
بعديها اكتشف اني قاعد اتكلم في كلام سااااي ..
بعدين الزميلة قامت يوما ما قصت لي بطريقة غير قانونية .. قالت لي ياخ انت اي زول عندك ليهو شبــه .. التلفزيون التاني البي هناك دا امشي شبه فيهو زي ما عايز .. لكن ما ممكن ..
وبحمد الله انتقلت عدوى التشبيه .. والله يا مولانـا حسع دي لو جابو .. كارلوس بيول في التلفزيون تقول ليك هيييي دا ما فلان ود ناس جارتنا فلانـه إلخ إلخ ..
..
بالمناسبة يا مولانـا ..
انا عندي خال امي الله يديهو العافية .. من الاساتذة القدام جدا .. كدي الله يقدرك وافتح ليك سيرة اسم زول قدامو .. طبعا بتندهش ..
افتح اي اسم عشوائي إن شاء الله تكون جايبو من (الصيـن) .. عارف الزول دا بجيب ليك حسبو ونسبو .. يرصهم ليك واحد واحد .. ماشاء الله ..
انا طبعا مسميهو الـ GPS ... حسع بالمناسبة الناس القلتهم ديل فوووق .. عادي ديل برصهم ليك في كلامي وكلامك دا .. وكمان من غير ما تسالو .. يعاين ليك كدا دا يقوليك ايوووة انت مش بتسال من ناس فلان
..
حيدر الزين مورط سامي .. وحسع ورطك انت .. بعدين اشرف حسيـن زاتووو .. انا الوريتو ليهو .. ههههه
يعني بي صورة اوضح ..
هو كان زاتو رايح من نفسوووو .. والله اشرف حسين ما عرف اي زول اها شان اوريك كمان .. ههههه
غايتو لو عايز تستعين بي اشرف من حسع دي كضبا كاضب .. لا اشرف حسين ولا عبد الناصر الخطيب ماف اي واحد ح يطلع ليك نفسو خليك من انو يطلعني انا
|
Post: #145
Title: Re: أبحث عن علاء الدين منصور
Author: محمد على طه الملك
Date: 09-23-2013, 10:18 PM
| Quote: بحمد الله انتقلت عدوى التشبيه |
هههه مش الحمد لله الوقفت بى دي ..
بمناسبة التشبيه العملت منو مكسيكي دا ..
عندي بتي كانت صغيرة لما سافرنا من السودان ..
رجعت بعد عشرة سنين مع أمها وجاتني شايله صور للرحلة ..
من ضمنها سألتني عن صلتي بى واحد بصوره حصرية ..
قلت ليها دا ود خالتي قالت لكين بشبهك شديد يا بابا ..
يعني حكاية انتقال العدوى عن طريق الجينات دي مبلوعه ..
بس بالزواج دي واسعه شوية بس تقول شنو ديلا ولاد قلبا ..
| Quote: حيدر الزين مورط سامي .. وحسع ورطك |
ود الزين دا مافي زول بضمنو ..
ياخي دا لبس محمد إي طاقية تقول لي سامي وانت ههههه ..
مش الحمد الله الما جاء قال ليك الصوره دي ذاتا ما مدرستكم ^ - ^
Quote: بعدين اشرف حسيـن زاتووو .. انا الوريتو
يعني بي صورة اوضح ..
هو كان زاتو رايح من نفسوووو |
على كدا فعلا الواحد بقى يتعاطف مع زميلة البورد.
|
Post: #146
Title: Re: أبحث عن علاء الدين منصور
Author: Abureesh
Date: 09-24-2013, 00:39 AM
Parent: #145
الجائزة طوالى
|
|
