الجبهة الثورية سوف تحمي الانتفاضة القادمة بقوة السلاح .....

ان شاء الله السقوط قادم
ولن يوقفه شيء

كلام مؤكد :
سوف تكون حماية بقوة السلاح

علي القوات النظامية ان تعي جيدا :
ان اي استخدام للقوة ضد الشعب سوف يواجه بالسلاح

نحذر القوات النظامية :

اياكم اياكم اياكم

والتصدي للمد الثوري القادم

ما فينا مروة لإنتفاضات بعد دا

يا صلاح عليك الله قول لناس الجبهة ديل تعالوا أقلبوها وبعد داك نحن بنعمل إنتفاضة نحميكم

Quote: ما فينا مروة لإنتفاضات بعد دا يا صلاح عليك الله قول لناس الجبهة ديل تعالوا أقلبوها وبعد داك نحن بنعمل إنتفاضة نحميكم

اوسكار يا حمد


ونحنا والله يا صلاح ما فينا مروة نساكك بوستاتك
بس كدي اشرح لينا كيف الجبهة ح تحمي الانتفاضة

يعني لو فرضنا طلعت مظاهرات في امبدة وجا البوليس فرتقها بالعصايات والبمبان واعتقل الناس
الجبهة ح تعمل شنو؟

الاخ حمد
المروة موجودة وسوف يتعاون الشعب والجبهة الثورية علي اسقاط النظام باذن الله
والتخذيل مرفوض
رجاء ارفع الهمم ولا تثبط ولا حتي بالهزار

Quote: ما فينا مروة لإنتفاضات بعد دا يا صلاح عليك الله قول لناس الجبهة ديل تعالوا أقلبوها وبعد داك نحن بنعمل إنتفاضة نحميكم

الشفيع
اهو انتو بتساسكوا بالوردية البفتركم ويكمل مروتكم شنو ؟
في الوقت المناسب حاتعرف الجبهة بتعمل شنو ؟

Quote: اوسكار يا حمد ونحنا والله يا صلاح ما فينا مروة نساكك بوستاتك بس كدي اشرح لينا كيف الجبهة ح تحمي الانتفاضة يعني لو فرضنا طلعت مظاهرات في امبدة وجا البوليس فرتقها بالعصايات والبمبان واعتقل الناس الجبهة ح تعمل شنو؟

Quote: هــــــــــــــــــــــــــــااااامــــــ وعــــــــــــــــــــــــااااجــــــــــــــل 1. المظاهرات يجب التخطيط لكل منطقة وعدم الاعلان داخل وسائل التواصل الاجتماعي 2. المظاهرات يجب ان تستمر حتي لو تراجعت الحكومة من رفع الأسعار

علي الشعب ان يثق انه لن يكون وحده في الميدان هذه المرة

Quote: علي الشعب ان يثق انه لن يكون وحده في الميدان هذه المرة

يعني أكون شايل ورقتي المكتوب فيها "يسقط حكم العسكر...مثلا"
وماشي في نص المظاهرة
وفجاة الرصاص يتطاير
(من البوليس من ناحية ومن حماة الثورة من ناحية تانية)؟؟؟؟
أمشي وين في الحالة دي؟؟؟
أتظاهر ولا أحارب؟؟؟؟؟؟
وكان حاربت أحارب بشنو؟؟؟؟؟
ودا مش عذر كاف لناس الحكومة أنهم يضربوا الناس بالرصاص من قولت تيت؟؟؟
shoot to kill

ما تستعجلوا الأحداث
أدوا الجهاد السلمي الفرصة عشان ياخد مجراه
الجبهة الثورية كان وصلت الخرطوم وباقي المدن بسلاحها
عارفه العدو وين

كدي عاينو للتجربة السورية
بدل المرة مرتين أو زيادة
وفكروا قليلا في المسار والمصير

الجبهة عارفة هي بتعمل شنو ومتين
اها رايك شنو ؟ عندما يواجه الجهاد السلمي بالقوة والسلاح
يعني انت ما رافض ضرب الشعب بالرصاص بس عاوزو ما يكون من قولت تيت
الصوملة والتجربة السورية ... ده كلام كيزان لتثبيط اي عمل ضدهم
ولكن هذه المرة هيهات

Quote: يعني أكون شايل ورقتي المكتوب فيها "يسقط حكم العسكر...مثلا" وماشي في نص المظاهرة وفجاة الرصاص يتطاير (من البوليس من ناحية ومن حماة الثورة من ناحية تانية)؟؟؟؟ أمشي وين في الحالة دي؟؟؟ أتظاهر ولا أحارب؟؟؟؟؟؟ وكان حاربت أحارب بشنو؟؟؟؟؟ ودا مش عذر كاف لناس الحكومة أنهم يضربوا الناس بالرصاص من قولت تيت؟؟؟ shoot to kill ما تستعجلوا الأحداث أدوا الجهاد السلمي الفرصة عشان ياخد مجراه الجبهة الثورية كان وصلت الخرطوم وباقي المدن بسلاحها عارفه العدو وين كدي عاينو للتجربة السورية بدل المرة مرتين أو زيادة وفكروا قليلا في المسار والمصير

قال صلاح

Quote: اها رايك شنو ؟ عندما يواجه الجهاد السلمي بالقوة والسلاح

بتسأل ليه، ما إنتوا جاهزين من قبل أن يبدأ الجهاد السلمي؟؟؟؟

كدي خلي الناس تطلع مظاهراتها
وتعمل عصياناتها المدنية
وتجتذب أكبر قدر من الناس لساحة الجهاد المدني السلمي
بعدها لكل حادث حديث
الجماهير ذاتها بتعرف كيف تحمي إنتفاضتها
(حينها حيكون حمل السلاح فرض عين، مش ناس تتظاهر سلميا وناس تنضرب وتضرب بالسلاح)

Quote: الصوملة والتجربة السورية ... ده كلام كيزان لتثبيط اي عمل ضدهم ولكن هذه المرة هيهات

محاولة دمغ أي كلام عن السلم
بانه تثبيط وكلام كيزان
تاتكتيك ما شغال
بالعكس
محاولتكم المستميتة لعسكرة الثورة السودانية
عمل خطير وضد الوطن
وضد الثورة نفسها
من يا تري سيجازف ويخرج لمظاهرة
ستتحول بعد شوية لساحة حرب بالسلاح الناري؟؟؟؟

وإنه لمن الخطل البائن
أن تجيش الناس وتدفعهم للعمل المسلح
وإنت في مأمن من الحرب نفسها
(لأنه حامل السلاح بيدفع حياته ثمنا، فهنا لا يجوز تقسيم عمل من عينة أنا أحمل القلم وأنت تحمل السلاح، قلنا سلاح كلنا نحمل السلاح)

دي طفولة يسارية
تجاوزها العالم كله

وانتا حاجز متين وجاى عشان تلحق المولد ده اقلو نمشي وراك وتحت حمايتك

نصر
1- فعلا نحن جاهزين للسلم وللحرب
2- تناقض عجيب يظهر الغرض : يتعلل بالتجربة السورية ويرفض حماية الانتفاضة بقوة السلاح ثم ياتي ويقول :
حينها حيكون حمل السلاح فرض عين .. ( لحنتها يعني ما يهو كلامنا ) ها ها ها ( النفاق دائما بيفضح نفسو بنفسو )
3- عسكرة الثورة ضد الوطن .. وعمايل الكيزان ليس ضد الوطن !!! قتلوا كم ؟ اغتصبوا كم ؟ عذبوا كم ؟ نهبوا كم ؟
..... كم ؟ .......... كم ؟ ............ الخ
4- وجاي تتكلم عن السلم ( اكثر من ثلاثة مليون قتيل .... اثنين مليون نازح )
5+ حتي التاريخ عايزين تزوروهو والناس العايشتو مازالت عايشة .. ليه ما تقولوا التجربة السودانية ؟
كم مات في التجربة السورية وكم مات في التجربة السودانية ؟ ليس هناك مقارنة
السودان فاق التجربة الصومالية والسورية والليبية كلها مجتمعة .. دمار في كل شيء وبرضو بتتشدق بالسلم
6- عسكرة الثورة ضد الوطن وفي نفس الوقت بتقول حينها حيكون حمل السلاح فرض عين ( هنا مافي عسكرة ولا شنو ؟ ) ده يا هو الخطل مربع
7- القال ليك منو انا في مامن منها ؟
8- وطالما انت بتنادي بالجهاد السلمي اها عاوزين نشوفك في ميدان الجهاد ( ام انت قسموك مع ناس القلم )
9- بتتسأل من ياتري سجازف ويخرج لمظاهرة سوف تتحول لساحة حرب وفي نفس الوقت بتقول الناس بتعرف تحمي انتفاضتها وسوف يكون حمل السلاح فرض عين
وهل هنا ليس هناك مجازفة ؟ يا للسذاجة .... اي خروج في مظاهرة بيعتبر مجازفة وده شيء بديهي ما بفوت علي طفل
المظاهرة حتي ولو كانت سلمية في ظل نظام قمعي بتعتبر حرب ووارد فيها كل شيء ( التثبيط المغلف لا يحتاج لكثير ذكاء )
10 - الطفولة الكيزانية ظاهرة في كلامك وماعاوزا اجتهاد

Quote: بتسأل ليه، ما إنتوا جاهزين من قبل أن يبدأ الجهاد السلمي؟؟؟؟ كدي خلي الناس تطلع مظاهراتها وتعمل عصياناتها المدنية وتجتذب أكبر قدر من الناس لساحة الجهاد المدني السلمي بعدها لكل حادث حديث الجماهير ذاتها بتعرف كيف تحمي إنتفاضتها (حينها حيكون حمل السلاح فرض عين، مش ناس تتظاهر سلميا وناس تنضرب وتضرب بالسلاح) Quote: الصوملة والتجربة السورية ... ده كلام كيزان لتثبيط اي عمل ضدهم ولكن هذه المرة هيهات محاولة دمغ أي كلام عن السلم بانه تثبيط وكلام كيزان تاتكتيك ما شغال بالعكس محاولتكم المستميتة لعسكرة الثورة السودانية عمل خطير وضد الوطن وضد الثورة نفسها من يا تري سيجازف ويخرج لمظاهرة ستتحول بعد شوية لساحة حرب بالسلاح الناري؟؟؟؟ وإنه لمن الخطل البائن أن تجيش الناس وتدفعهم للعمل المسلح وإنت في مأمن من الحرب نفسها (لأنه حامل السلاح بيدفع حياته ثمنا، فهنا لا يجوز تقسيم عمل من عينة أنا أحمل القلم وأنت تحمل السلاح، قلنا سلاح كلنا نحمل السلاح) دي طفولة يسارية تجاوزها العالم كله

قال صلاح

Quote: فعلا نحن جاهزين للسلم وللحرب

لا كذاب
إنت شخصيا لا جاهز لحرب ولا لسلم
كان علي الحرب فأن تقود حرب "كلامية"
في ساحة "إسفيرية"
(في الوقت المفروض تكون بتدرب فيه علي السلاح )
وكان علي السلم
فأن تدعو لعسكرة المظاهرات السلمية

Quote: تناقض عجيب يظهر الغرض : يتعلل بالتجربة السورية ويرفض حماية الانتفاضة بقوة السلاح ثم ياتي ويقول : حينها حيكون حمل السلاح فرض عين .. ( لحنتها يعني ما يهو كلامنا ) ها ها ها ( النفاق دائما بيفضح نفسو بنفسو )

كدي في الأول الغرض (من وجهة نظرك) شنو؟
من وجهة نظري
دايرين نضال وجهاد مدني سلمي
ونرفض حماية الإنتفاضة بقوة السلاح
ولو عندكم سلاح وفي المدن منتظرين المظاهرات ليه
ما هو داك العدو أمشو عليه
التجربة السورية ما عا########ا
عاجبنا انه الشعب طلع في ثورة
الثورة المسلحة
وخاصة من قبل مسلحين من خارج الشعب
لم تؤدي حتي الآن إلا إلي دمار شامل
وكذلك حال التجربة الصومالية

والشاهد
رأينا خليهو
إنت رأيك شنو في التجربة السورية والتجربة الصومالية
أي نجاحات حققن لشعوبهم؟؟؟؟؟

قلنا ليك إنه الشعب الحيطلع مظاهرات حيحمي مظاهراته
وإنت مصر تجيب ليك بودي قارد للمتظاهرين
(مع أنه لحدي الآن لا أثق في جدية ما تقول)

Quote: عسكرة الثورة ضد الوطن .. وعمايل الكيزان ليس ضد الوطن !!! قتلوا كم ؟ اغتصبوا كم ؟ عذبوا كم ؟ نهبوا كم ؟

عسكرة الثورة ضد الوطن
ما قلنا ليك ما تسقط الكيزان
قلنا ليك جنبنا الحرب
الكيزان سقوط ممكن بالعصيان المدني والإضراب العام

Quote: وجاي تتكلم عن السلم ( اكثر من ثلاثة مليون قتيل .... اثنين مليون نازح )

في حرب مدورة في دارفور والنيل الأزرق وجبال النوبة
الكويس شنو إنه الحرب تصل لكل السودان؟؟؟؟؟
الناس المتضررين من الحرب جد جد هم أكثر ناس ضدها
كحريق حرق بيتك لا تسعد بأنه تراه قضي علي كل باقي القرية
علي الأقل الناس الما إتحرقوا ممكن يجو يساعدوك تبني بيتك

Quote: عسكرة الثورة ضد الوطن وفي نفس الوقت بتقول حينها حيكون حمل السلاح فرض عين ( هنا مافي عسكرة ولا شنو ؟ ) ده يا هو الخطل مربع

قلنا ليك خلي التجربة السياسية والجهاد المدني ياخد مجراه
بمعني أن تمسك به الجماهير
وفي تلك الحالة حيكون فرض عين
حتي الآن هو أمنيات صفوة سياسية مصابة بطفولة يسارية
يعني الحاجة المقتنعت بيها دي
قطع شك الشعب مقتنع بيها
وكان مقتنع بيها يقتنع بيها كراعه في رقبته

Quote: بتتسأل من ياتري سجازف ويخرج لمظاهرة سوف تتحول لساحة حرب وفي نفس الوقت بتقول الناس بتعرف تحمي انتفاضتها وسوف يكون حمل السلاح فرض عين

إنت بجدك داير الناس تخرج في مظاهرات
وتكون عارفة إنه في ناس حتكون حاملة سلاح
وحيحصل ضرب بالذخيرة الحية
دي ما بكون إسمها مظاهرات
سموها حرب بخشم الباب
وخلو أي زول يجو المظاهرات يجيب معاه بارودته
الأحزاب ومنظمات المجتمع المدني
والجماهير في ما تبقي من السودان
(غير الذين هم في إتون حرب)
قد قرروا إسقاط سلطة الكيزان بالنضال المدني
ولكنهم وكما قالوا لا يمنعون أحدا من إختيار وسيلة النضال التي يريد
وخلاف لهم أعتقد أن طريق الحرب
(حتي التي في تلك المناطق المتضررة منها أصلا)
طريق مسدود
العنف الوحيد المبرر (وما معناها بقضي غرض)
هوعنف الدفاع عن النفس
غير ذلك هو تكرار تجربة أورثت الفشل حيثما حلت
أي صراع في المجتمع هو صراع مدني
وعسكرته ما هي إلا تعقيد يطيل أمد الصراع
ولا يحله

نصر
1- بل انت الكذاب الاشر
انت بتكتب وبتنسي في لحظات الكتبتو ام الباسورد عند كم امنجي ؟
ده كلامك وانا امنت عليه فمن الكاذب ؟ :

Quote: بتسأل ليه، ما إنتوا جاهزين من قبل أن يبدأ الجهاد السلمي؟؟؟؟

قوة عين في الكذب وكمان بترمينا بداءك

Quote: (في الوقت المفروض تكون بتدرب فيه علي السلاح )

2- انا مدرب علي حمل السلاح وحملتو قبل كده وسوف احملوا مرة اخري
بس انت جاهل لانك بترمي الناس بما ليس فيهم
بعدين منو الفرض اني اكون بتدرب علي السلاح ؟

Quote: من وجهة نظري دايرين نضال وجهاد مدني سلمي ونرفض حماية الإنتفاضة بقوة السلاح ولو عندكم سلاح وفي المدن منتظرين المظاهرات ليه ما هو داك العدو أمشو عليه

3- بترفض حماية الانتفاضة بالسلاح . وفي مداخلتك الفاتت بتقول الانتفاضة بتحمي نفسها وحينها يكون حمل السلاح فرض عين
شفتا انت بتناقض نفسك كيف ومعارف انت بتقول في شنو ؟
العدو وين عشان نمشي ليهو . ها ها ها ( الجبهة بتحارب في اربعة جبهات )
السلطة ورأس الحية في الخرطوم والمدن . ديل ماعدو ؟ انتو خايفين علي نفسكم يا جبناااء
لا تتحدث عن التجربة السورية والصومالية لاني وضحت لك ان السودان فاق كل هذه التجارب مجتمعة
لا يوجد عدد قتلي في العصر الحديث كما في السودان ناهيك عن الذين قتلوا بالمرض والاهمال والهم والغم
ارجع الي احصائيات وزارة الصحة تري العجب
بعدين البودي قارد حانجيبو من الهند ماهو سوداني ومن الشعب
انت عاوز الامن يطلق الرصاص والمظاهرات تتفركش والناس تتفرج كما حدث في كل المظاهرات السابقة ؟ ده مني الكيزان
باقي كلامك مكرور وبدور في حلقة كيزانية مفرغة
ومازالت احلام الكيزان الطفولية بتنضح من كلامك

Quote: لا كذاب إنت شخصيا لا جاهز لحرب ولا لسلم كان علي الحرب فأن تقود حرب "كلامية" في ساحة "إسفيرية" (في الوقت المفروض تكون بتدرب فيه علي السلاح ) وكان علي السلم فأن تدعو لعسكرة المظاهرات السلمية Quote: تناقض عجيب يظهر الغرض : يتعلل بالتجربة السورية ويرفض حماية الانتفاضة بقوة السلاح ثم ياتي ويقول : حينها حيكون حمل السلاح فرض عين .. ( لحنتها يعني ما يهو كلامنا ) ها ها ها ( النفاق دائما بيفضح نفسو بنفسو ) كدي في الأول الغرض (من وجهة نظرك) شنو؟ من وجهة نظري دايرين نضال وجهاد مدني سلمي ونرفض حماية الإنتفاضة بقوة السلاح ولو عندكم سلاح وفي المدن منتظرين المظاهرات ليه ما هو داك العدو أمشو عليه التجربة السورية ما عا########ا عاجبنا انه الشعب طلع في ثورة الثورة المسلحة وخاصة من قبل مسلحين من خارج الشعب لم تؤدي حتي الآن إلا إلي دمار شامل وكذلك حال التجربة الصومالية والشاهد رأينا خليهو إنت رأيك شنو في التجربة السورية والتجربة الصومالية أي نجاحات حققن لشعوبهم؟؟؟؟؟ قلنا ليك إنه الشعب الحيطلع مظاهرات حيحمي مظاهراته وإنت مصر تجيب ليك بودي قارد للمتظاهرين (مع أنه لحدي الآن لا أثق في جدية ما تقول) Quote: عسكرة الثورة ضد الوطن .. وعمايل الكيزان ليس ضد الوطن !!! قتلوا كم ؟ اغتصبوا كم ؟ عذبوا كم ؟ نهبوا كم ؟ عسكرة الثورة ضد الوطن ما قلنا ليك ما تسقط الكيزان قلنا ليك جنبنا الحرب الكيزان سقوط ممكن بالعصيان المدني والإضراب العام Quote: وجاي تتكلم عن السلم ( اكثر من ثلاثة مليون قتيل .... اثنين مليون نازح ) في حرب مدورة في دارفور والنيل الأزرق وجبال النوبة الكويس شنو إنه الحرب تصل لكل السودان؟؟؟؟؟ الناس المتضررين من الحرب جد جد هم أكثر ناس ضدها كحريق حرق بيتك لا تسعد بأنه تراه قضي علي كل باقي القرية علي الأقل الناس الما إتحرقوا ممكن يجو يساعدوك تبني بيتك Quote: عسكرة الثورة ضد الوطن وفي نفس الوقت بتقول حينها حيكون حمل السلاح فرض عين ( هنا مافي عسكرة ولا شنو ؟ ) ده يا هو الخطل مربع قلنا ليك خلي التجربة السياسية والجهاد المدني ياخد مجراه بمعني أن تمسك به الجماهير وفي تلك الحالة حيكون فرض عين حتي الآن هو أمنيات صفوة سياسية مصابة بطفولة يسارية يعني الحاجة المقتنعت بيها دي قطع شك الشعب مقتنع بيها وكان مقتنع بيها يقتنع بيها كراعه في رقبته Quote: بتتسأل من ياتري سجازف ويخرج لمظاهرة سوف تتحول لساحة حرب وفي نفس الوقت بتقول الناس بتعرف تحمي انتفاضتها وسوف يكون حمل السلاح فرض عين إنت بجدك داير الناس تخرج في مظاهرات وتكون عارفة إنه في ناس حتكون حاملة سلاح وحيحصل ضرب بالذخيرة الحية دي ما بكون إسمها مظاهرات سموها حرب بخشم الباب وخلو أي زول يجو المظاهرات يجيب معاه بارودته الأحزاب ومنظمات المجتمع المدني والجماهير في ما تبقي من السودان (غير الذين هم في إتون حرب) قد قرروا إسقاط سلطة الكيزان بالنضال المدني ولكنهم وكما قالوا لا يمنعون أحدا من إختيار وسيلة النضال التي يريد وخلاف لهم أعتقد أن طريق الحرب (حتي التي في تلك المناطق المتضررة منها أصلا) طريق مسدود العنف الوحيد المبرر (وما معناها بقضي غرض) هوعنف الدفاع عن النفس غير ذلك هو تكرار تجربة أورثت الفشل حيثما حلت أي صراع في المجتمع هو صراع مدني وعسكرته ما هي إلا تعقيد يطيل أمد الصراع ولا يحله

يا صلاح
عشان نقدر نتناقش معاك بجدية
كدي في الأول الجبهة الثورية تصدر بيان رسمي
تقول فيه أنها ستحمي الإنتفاضة القادمة بقوة السلاح
وبالمرة تصدر المعارضة بيان تقول فيها أنها تقبل بذلك

غير ذلك بنضيع وقتنا في مناقشات إفتراضية

في زمن مضى اقترحت على ناس البيت شراء بقرة،
بعض ناس البيت اعترض على الفكرة، وبعضهم ايدها،
احد المعترضين اسهب واصر انه لن يشرب لبن البقرة دي ابدا،
احد اخوتي كان محايدا لكنه التف للمعترض المابشرب هذا اللبن، التفت اليه قائلا:
انت يا فلان يعني هسع خلاص البقرة مربوطة.....
..................................................................
الكلام عن حماية الانتفاضة بسلاح الجبهة الثورية، كلام غير انه يعسكر الانتفاضة وهو امر مرفوض....
الانتفاضة سلمية ستكون، وقودها هدير الشعب وسلاحها ه########م،
ناس الجبهة الثورية لو عندها جماهير فلتدفع بهم للانتفاضة السلمية،
غير كدة ما يلزمنا نحن الشعب سلاحهم،
وهل سترمي الجبهة الثورية سلاحها حال نجاح الانتفاضة، وتندمج في المجتمع المدني،
ام انها ستظل ترفع السلاح لحماية الثورة كما ستقول لاحقا، وهذا السلاح سيمارس تفلتات كما هو واضح في التجربة الليبية، والسورية الان؛
يعني نغير بندقية نافع ببندقية عقار؛
هذا امر لن يوافق عليه الشعب ؛
لا للحرب مهما كانت المبررات، لان مهمشٌ فيها يقتل مهمشا؛
وتعطل دورة الحياة، التي هي الان منسابة رغم العقبات؛ لن نكرر تجربة سوريا ولا ليبيا،
دعونا ناخذ من تجربة اليمن التي رغم انتشار السلاح فيها، ما لعلع، لان الحكمة يمنية
تعالوا نجعلها سودانية ايضا....
الحماية ايضا غير عملية وتقترب من ان تكون مستحيلة،
هب ان الجماهير في واوسي خرجت مظاهرات وجاء البوليس ومسك طلائعهم،
لن يكون للجبهة الثورية دور اذن لانه لا احد مع الجبهة الثورية دعك من انه يحمل سلاحا...
التغير مطلب الساعة باقل دم اذن، وبلا دم لو امكن....

جادات مالك بقيت زي المجنون تتكلم براك

بالضبط با عبد المنعم

Quote: في زمن مضى اقترحت على ناس البيت شراء بقرة، بعض ناس البيت اعترض على الفكرة، وبعضهم ايدها، احد المعترضين اسهب واصر انه لن يشرب لبن البقرة دي ابدا، احد اخوتي كان محايدا لكنه التف للمعترض المابشرب هذا اللبن، التفت اليه قائلا: انت يا فلان يعني هسع خلاص البقرة مربوطة.....

هي الإنتفاضة (البحموها)
وينها؟؟؟؟؟؟؟؟
خلوها تقوم وتشعلل وتنضم ليها مزيد من الجماهير
وتتنوع وسائلها
وحينها لكل حادث حديث

في إنتفاضات الفلسطينين زمان
الشفع حجارة ساكت جهجهوا البوليس الإسرائيلي

نصر
وانت بهمك شنو في بيان الجبهة او المعارضة ؟ انت رايك قلتو وانتهي
نحن ما بنضيع في وقتنا . واذا كنت انت بتضيع في زمنك تبقي دي مشكلتك

Quote: يا صلاح عشان نقدر نتناقش معاك بجدية كدي في الأول الجبهة الثورية تصدر بيان رسمي تقول فيه أنها ستحمي الإنتفاضة القادمة بقوة السلاح وبالمرة تصدر المعارضة بيان تقول فيها أنها تقبل بذلك غير ذلك بنضيع وقتنا في مناقشات إفتراضية

قال صلاح

Quote: وانت بهمك شنو في بيان الجبهة او المعارضة

ما داير أعرف دا قرار رسمي طالع من الجبهة الثورية
عشان نتعامل معاه بجدية
ولا دا إقتراح منك في القضية
لأنني لا أعلم أنك المتحدث الرسمي بإسم الجبهة الثورية

نكرر
نريدها إنتفاضة أو ثورة سلمية
تقتلع أركان الديكتاتورية العسكرية الإسلامية
لا مجال فيها للسلاح الناري

Quote: رجاء ارفع الهمم ولا تثبط ولا حتي بالهزار

ما تثبيط همم ولا حاجة

يا صلاح أنا جني وجن السياسي القائد البتكلم بلغة العامة ويفكر بفكر العامة وفي نفس الوقت بفتكر إنو عامة الشعب ديل ناس كرور بس

الجبهة الثورية لما تقول إنها بتحمي الإنتفاضة دا بيعني أنها قادرة على القتال في الخرطوم وهزيمة جيش وشرطة وأمن المؤتمر الوطني

طيب لو بتقدر على دا كلو لزوم الإنتفاضة شنو وموت ودماء وكر وفر ما يخلصونا وبعد نشوف مويتهم نحن بنقرر نؤيد إنقلابهم ولا نواصل في غربتنا دي ؟

أقول ليك حاجة أنا الضعيف لله القدامك دا يمين يكون في 5 ألف عسكري تحت إمرتي وبيعملوا بتوجيهاتي الحكومة دي ما تصبح للصباح أو أموت

لكن ياها المماحكات وأهداف الوصول إلى السلطة بدون مجهود وعلى حساب آخرين

نحن كشعب بنطلب من الحركات المسلحة دي تخت سلاحها دا ويجوا يشاركوا مع الناس سلميا

الحكومة دي بعد سنة حتكون مافي

هو عليك الله المأخر الثورة السودانية غير الجبهة الثورية والحركات المسلحة شنو ؟
الشعب السوداني يعرف جيداً إنه لا حيلة له لفتح جبهتين ويترقب الأوضاع جيداً
ومخليكم تتماوتوا إنتو والجبهة الثورية والحركات وبجي يلعب فاينال مع المتأهل منكن


يتخيل لي إنو ما عندو حل غير كدي
فالنشوف ما يتمخض عنه صراعكم العبثي مع بعض، ثم مع الحكومة وبعدين بجي الشعب في اللحظة المناسبة يقول ثورته



تحياتي مثنى وثلاث ورباع

تسلم...الخوف نولعها ويغلبنا نطفيها

Quote: دايرين نضال وجهاد مدني سلمي ونرفض حماية الإنتفاضة بقوة السلاح ولو عندكم سلاح وفي المدن منتظرين المظاهرات ليه ما هو داك العدو أمشو عليه التجربة السورية ما عا########ا عاجبنا انه الشعب طلع في ثورة الثورة المسلحة وخاصة من قبل مسلحين من خارج الشعب لم تؤدي حتي الآن إلا إلي دمار شامل وكذلك حال التجربة الصومالية

عبد المنعم
1- الجبهة الثورية ما محتاجة تاخد اذن منك او من غيرك لاحماية الجماهير
2- كل المظاهرات التي خرجت في الماضي حركها اعضاء الجبهة الثورية
وكان معظم المعتقلين من الجبهة ( حتي نساء الجبهة اعتقلن )
3- والمظاهرات القادمة ايضا سوف يحركها اعضاء الجبهة ( انت مع شنو ؟ )
4- تسألك عن هل سترمي الجبهة سلاحها بعد سقوط النظام .. سؤال ساذج لسببين :
1- بنطبق عليهو قصة بقرتكم ....
2- محاولة ربطه بحماية الانتفاضة ...
5- انت وغيرك اعملوا للانتفاضة السلمية ونشوف شطارتكم . اذا نجحتوا فهو المطلوب واذا فشلتوا نتيجة لبطش النظام
سوف تتدخل الجبهة الثورية لنصرتكم والدفاع عنكم وحمايتكم من بطش النظام في احسن من كده ؟
6- واي كلام غير كده بنطبق عليه قصة بقرتكم
( زمان الحق يقال والحياد والتنظير الفارغ انتهي )
دايرين شيء عملي
7- كلامك الباقي كلو افتراضات بينطبق عليها قصة بقرتكم ( غايتو قصة بقرتكم دي لو طبقتها علي مداخلتك دي كان يكون احسن )
اظرف حاجة خاتيها فوق وكلامك التحت كلو بناقضها

Quote: في زمن مضى اقترحت على ناس البيت شراء بقرة، بعض ناس البيت اعترض على الفكرة، وبعضهم ايدها، احد المعترضين اسهب واصر انه لن يشرب لبن البقرة دي ابدا، احد اخوتي كان محايدا لكنه التف للمعترض المابشرب هذا اللبن، التفت اليه قائلا: انت يا فلان يعني هسع خلاص البقرة مربوطة..... .................................................................. الكلام عن حماية الانتفاضة بسلاح الجبهة الثورية، كلام غير انه يعسكر الانتفاضة وهو امر مرفوض.... الانتفاضة سلمية ستكون، وقودها هدير الشعب وسلاحها ه########م، ناس الجبهة الثورية لو عندها جماهير فلتدفع بهم للانتفاضة السلمية، غير كدة ما يلزمنا نحن الشعب سلاحهم، وهل سترمي الجبهة الثورية سلاحها حال نجاح الانتفاضة، وتندمج في المجتمع المدني، ام انها ستظل ترفع السلاح لحماية الثورة كما ستقول لاحقا، وهذا السلاح سيمارس تفلتات كما هو واضح في التجربة الليبية، والسورية الان؛ يعني نغير بندقية نافع ببندقية عقار؛ هذا امر لن يوافق عليه الشعب ؛ لا للحرب مهما كانت المبررات، لان مهمشٌ فيها يقتل مهمشا؛ وتعطل دورة الحياة، التي هي الان منسابة رغم العقبات؛ لن نكرر تجربة سوريا ولا ليبيا، دعونا ناخذ من تجربة اليمن التي رغم انتشار السلاح فيها، ما لعلع، لان الحكمة يمنية تعالوا نجعلها سودانية ايضا.... الحماية ايضا غير عملية وتقترب من ان تكون مستحيلة، هب ان الجماهير في واوسي خرجت مظاهرات وجاء البوليس ومسك طلائعهم، لن يكون للجبهة الثورية دور اذن لانه لا احد مع الجبهة الثورية دعك من انه يحمل سلاحا... التغير مطلب الساعة باقل دم اذن، وبلا دم لو امكن....

Quote: عبد المنعم 1- الجبهة الثورية ما محتاجة تاخد اذن منك او من غيرك لاحماية الجماهير 2- كل المظاهرات التي خرجت في الماضي حركها اعضاء الجبهة الثورية وكان معظم المعتقلين من الجبهة ( حتي نساء الجبهة اعتقلن ) 3- والمظاهرات القادمة ايضا سوف يحركها اعضاء الجبهة ( انت مع شنو ؟ ) 4- تسألك عن هل سترمي الجبهة سلاحها بعد سقوط النظام .. سؤال ساذج لسببين : 1- بنطبق عليهو قصة بقرتكم .... 2- محاولة ربطه بحماية الانتفاضة ... 5- انت وغيرك اعملوا للانتفاضة السلمية ونشوف شطارتكم . اذا نجحتوا فهو المطلوب واذا فشلتوا نتيجة لبطش النظام سوف تتدخل الجبهة الثورية لنصرتكم والدفاع عنكم وحمايتكم من بطش النظام في احسن من كده ؟ 6- واي كلام غير كده بنطبق عليه قصة بقرتكم ( زمان الحق يقال والحياد والتنظير الفارغ انتهي ) دايرين شيء عملي 7- كلامك الباقي كلو افتراضات بينطبق عليها قصة بقرتكم ( غايتو قصة بقرتكم دي لو طبقتها علي مداخلتك دي كان يكون احسن ) اظرف حاجة خاتيها فوق وكلامك التحت كلو بناقضها

نمرة واحد دي انفعال منك ساهي، حا امشيها؛ رغم انها بتدي مؤشر انك زول ما ديمقراطي ولا تتحمل الراي الاخر؛
اما كونك تقول ان المظاهرات القادمة سوف يحركها اعضاء الجبهة وهم مسلحون بداهة- فبالتالي دي ما انتفاضة دي حرب
تماما كالتي تدور رحاها الان في النيل الازرق وكردفان ودارفور، فانا دي ما معاها تب، لانها حرب،
يموت فيها ضحايا مهمشين من الطرفين، وتعطل دورة الحياة الطبيعية في ذلك الجزء العزيز من الوطن؛
ولا تهز شعر في نظام الخرطوم ولن تسقط الخرطوم من كاودا، ولا من ابكرشولا، هذه بديهية
لا اعتقد انها تفوت عليك، وكونوا تزحف جيوش الثورية نحو الخرطوم لتسقط النظام فدي كمان تبدو مستحيلة تماما، ولا اعتقد ان البديهية دي كمان تفوت عليك،
الجبهة الثورية اذا قُدِرَ لها واسقطت النظام- مع ان هذا من رابع المستحيلات- لن تلقي سلاحها ابدا،
ونكون استبدلنا بندقية نافع ، باخرى لعقار....
وهذا ردة في حركة التغيير التي جربها الشعب السوداني بنجاح مرتين؛
السلاح بعد التغيير يبقى ليفرض قناعات حامليه، ودي حرب اهلية لا تبقي ولا تذر، خاصة وان السودان ضعيف في بنيته ، وترابطه القومي،
والقبيلة راسخة وذادتها الانقاذ، والمناطقية متفشية، والنسيج الاجتماعي هش.... والنتائج دونك باهرة في سوريا وليبيا، لن نكررها في السودان
اذن السلاح دي دا لن يحل مشكلة ابدا، والدليل ان الجبهة الثورية تراوح مكانها وستظل،
اذن لا للحرب، لا لعسكرة الانتفاضة،
نعم للتغيير باقل دم اذن؛ وبلا دم ان امكن....

ود الباوقة
مش احسن من التطبيل للباطل

Quote: جادات مالك بقيت زي المجنون تتكلم براك

غايتو ياصلاح جادات انت ذي الناطق الرسمي للجبهة الثورية .. مصدرك وينو ....!!!!!.!!!!
ومايستبعد كمان تكون " غواصة " للحكومة عشان تشوف ناس الجبهة بيفكروا في شنو ............!!!!
.
.
يازول ناس الجبهة مافاضين من الاجتماعات وكان منتظرهم أرجى " الري " .......................
.
.
ياصلاح نتقابل في عرفات .....!!!!
ان شاء الله حج مبرور وسعي مشكور .

حمد
1- تثبيط ونص وخمسة
2- طالما انت السياسي الذي لايتكلم بلغةالعامة وكمان ممكن تقود 5 الف عسكري وتسقط بيهم الحكومة في ليلة
طيب تعال انضم للجبهة وحايكون معاك اكثر من 5 الف عسكري عشان تريح الشعب السوداني منتظر شنو ؟
او ممكن ترجع السودان وتقود العمل الجماهيري السلمي وتسقط النظام بدل التنظير البتعمل فيهو ده والتثبيط الشغال فيهو ده
انتو لا بتعملوا ولا بتخلوا غيركم يعمل ودي المصيبة الوقع فيها السودان ( كم هائل من المخذلين تحت عدة مسميات وسواتر )
3- الجبهة الثورية قادرة علي القتال في الخرطوم ولها حساباتها في الربح والخسارة
اما اذا خرج الشعب للشارع ووجد الحماية العسكرية فالخسارة غير واردة
فالشعب وحده اذا لم يواجه بالبطش قادر علي التغيير ونحن قلنا الجبهة لن تتدخل الا اذا بطش بالشعب
فالامر واضح وليس هناك مماحكات بل المماحكات انتم اسيادها
4- لا تقل نحن كشعب .. فانت لا تمثل الشعب . والشعب تظاهر كثيرا وبطش به وفشل في اسقاط النظام
وطالب بتدخل العمل المسلح لحمايته
5- وتاني بقول ليك بطل تنظير وخليك عملي وارجع السودان وقود العمل السلمي وورينا كيف الحكومة دي بعد سنة ما حتكون في

Quote: ما تثبيط همم ولا حاجة يا صلاح أنا جني وجن السياسي القائد البتكلم بلغة العامة ويفكر بفكر العامة وفي نفس الوقت بفتكر إنو عامة الشعب ديل ناس كرور بس الجبهة الثورية لما تقول إنها بتحمي الإنتفاضة دا بيعني أنها قادرة على القتال في الخرطوم وهزيمة جيش وشرطة وأمن المؤتمر الوطني طيب لو بتقدر على دا كلو لزوم الإنتفاضة شنو وموت ودماء وكر وفر ما يخلصونا وبعد نشوف مويتهم نحن بنقرر نؤيد إنقلابهم ولا نواصل في غربتنا دي ؟ أقول ليك حاجة أنا الضعيف لله القدامك دا يمين يكون في 5 ألف عسكري تحت إمرتي وبيعملوا بتوجيهاتي الحكومة دي ما تصبح للصباح أو أموت لكن ياها المماحكات وأهداف الوصول إلى السلطة بدون مجهود وعلى حساب آخرين نحن كشعب بنطلب من الحركات المسلحة دي تخت سلاحها دا ويجوا يشاركوا مع الناس سلميا الحكومة دي بعد سنة حتكون مافي

سليمان ادم
الايام دي الطيران فل ومافي حجز
وامكن المولد ده يفوتنا
لا اتشرف ان تكون وراي وتحت حمايتي
بل قل
في مواجهتي

Quote: وانتا حاجز متين وجاى عشان تلحق المولد ده اقلو نمشي وراك وتحت حمايتك

اولا لابد من الاتفاق بان حل كل مشاكل السودان بذهاب الانقاذ
وفي رأي مافي طريقة غير قوة السلاح .
واصل جادات ... السقوط ات

إضافة تعليق...


Musab Sharf Aldin
ههههههههههههههههههههههههههههههههههههههههههههههاااااااااااااااااااااااااااااااااااي جادات والله انا شااااااكي فيك انك غوااااااااااااااااااااااااصه
رد ·
· ‏12 سبتمبر‏، الساعة ‏03:06 مساءً‏

بدر الدين بابكر
1- الجبهة الثورية والحركات بدأت متين ؟ والنظام حاكم من متين ؟
دايرين تزوروا التاريخ القريب والناس مازالت عائشة ؟
ده تخذيل مع سبق الاصرار بس مغلف بشوية سلوفان ساذج
2- الشعب تظاهر وقاوم مرات عديدة وبطش به وكثير منه لجأ الي حمل السلاح
وده بدل علي كذبك بان الشعب مخليهم يتماوتوا ويجي يعلب فاينال
انت تريد ان ينتظر الشعب تخذيلا . بس ده تخذيل ساذج ولايمكن ان يخاطب به حتي الاطفال
3- ليس لنا صراع عبثي بل العبث ما تقوم به من تخذيل
تحياتنا مثنى وثلاث ورباع

Quote: هو عليك الله المأخر الثورة السودانية غير الجبهة الثورية والحركات المسلحة شنو ؟ الشعب السوداني يعرف جيداً إنه لا حيلة له لفتح جبهتين ويترقب الأوضاع جيداً ومخليكم تتماوتوا إنتو والجبهة الثورية والحركات وبجي يلعب فاينال مع المتأهل منكن يتخيل لي إنو ما عندو حل غير كدي فالنشوف ما يتمخض عنه صراعكم العبثي مع بعض، ثم مع الحكومة وبعدين بجي الشعب في اللحظة المناسبة يقول ثورته تحياتي مثنى وثلاث ورباع

عبد المنعم
1- نمرة واحد علاقة شنو بالديمقراطية . هل يعقل ان يستخدم النظام السلاح والبطش ضد الجماهير
وتقوم الجبهة تستشير وتناقش في هل تمنع ذلك ام لا ؟
2- ماهي الحروب شغالة 24 سنة وماوقفت لحظة وضحايها من المهمشين
اما اذا انتقلت للخرطوم فلن يكون ضحايها من المهمشين كما قلت ومعروف من سيكون ضحايها وده المجقلب بيكم
وانا بعتقد ان النظام لن يسقط ا لا بحرب شاملة
3- شابكني بديهية بديهية ساي : هل قلنا ان النظام بيسقط من ابو كرشولا او كاودا ؟ ( دي جزء من اسباب السقوط المتعددة )
4- القال منو زحف الجبهة نحو الخرطوم واسقاط النظام مستحيل ؟
اهو خليل وهو فصيل صغير من الجبهة زحف ودخل الخرطوم وقاتل داخلها وارعب النظام وخرج
ولو لا التخاذل والخيانات لسقط النظام .. فما بالك بكل فصائل الجبهة
5- الظاهر عليك عاجباك بندقية نافع وبتفضلها علي بندقية عقار ( وده بوضح من انت )
6- ما تحشروا سلاح الجبهة في كل شيء . اذا افترضنا سقوط النظام بثورة شعبية فاين يذهب سلاح الجبهة ؟
7- يا اخ اعملوا للتغيير باقل دم وخلونا من التنظير الكلو تخذيل ده في حد حاشكم ؟ ورونا شيء عملي

Quote: نمرة واحد دي انفعال منك ساهي، حا امشيها؛ رغم انها بتدي مؤشر انك زول ما ديمقراطي ولا تتحمل الراي الاخر؛ اما كونك تقول ان المظاهرات القادمة سوف يحركها اعضاء الجبهة وهم مسلحون بداهة- فبالتالي دي ما انتفاضة دي حرب تماما كالتي تدور رحاها الان في النيل الازرق وكردفان ودارفور، فانا دي ما معاها تب، لانها حرب، يموت فيها ضحايا مهمشين من الطرفين، وتعطل دورة الحياة الطبيعية في ذلك الجزء العزيز من الوطن؛ ولا تهز شعر في نظام الخرطوم ولن تسقط الخرطوم من كاودا، ولا من ابكرشولا، هذه بديهية لا اعتقد انها تفوت عليك، وكونوا تزحف جيوش الثورية نحو الخرطوم لتسقط النظام فدي كمان تبدو مستحيلة تماما، ولا اعتقد ان البديهية دي كمان تفوت عليك، الجبهة الثورية اذا قُدِرَ لها واسقطت النظام- مع ان هذا من رابع المستحيلات- لن تلقي سلاحها ابدا، ونكون استبدلنا بندقية نافع ، باخرى لعقار.... وهذا ردة في حركة التغيير التي جربها الشعب السوداني بنجاح مرتين؛ السلاح بعد التغيير يبقى ليفرض قناعات حامليه، ودي حرب اهلية لا تبقي ولا تذر، خاصة وان السودان ضعيف في بنيته ، وترابطه القومي، والقبيلة راسخة وذادتها الانقاذ، والمناطقية متفشية، والنسيج الاجتماعي هش.... والنتائج دونك باهرة في سوريا وليبيا، لن نكررها في السودان اذن السلاح دي دا لن يحل مشكلة ابدا، والدليل ان الجبهة الثورية تراوح مكانها وستظل، اذن لا للحرب، لا لعسكرة الانتفاضة، نعم للتغيير باقل دم اذن؛ وبلا دم ان امكن....

عبد الكريم
يعني هسع ما مولعا ؟
ديل من مسكو الحكم النيران مولعة والموت بالملايين

Quote: تسلم...الخوف نولعها ويغلبنا نطفيها

رضا
تعرف الزول الرفعت مداخلتو ده متلحني في كل البوستات . ارجع لبوستاتي حاتضحك من تعليقاتو
اما بالنسبة انتظار الري .. فالري جاي وكالسيل الجارف قول لناسك افتحوا المجاري
ان شاء الله نتقابل في عرفات
بس لزوم الوجه المكشر شنو بعد الدعوة بالمقابلة في عرفات والحج المبرور ؟

Quote: غايتو ياصلاح جادات انت ذي الناطق الرسمي للجبهة الثورية .. مصدرك وينو ....!!!!!.!!!! ومايستبعد كمان تكون " غواصة " للحكومة عشان تشوف ناس الجبهة بيفكروا في شنو ............!!!! . . يازول ناس الجبهة مافاضين من الاجتماعات وكان منتظرهم أرجى " الري " ....................... . . ياصلاح نتقابل في عرفات .....!!!! ان شاء الله حج مبرور وسعي مشكور .

الاخ منتصر كيفك
دي حقيقة وكلما اتفقت المعارضة علي ذلك ظهر المخذلين والغواصات لفركشة ذلك
عندما اتفق التجمع علي ان النظام لن يسقط الابقوة السلاح وفتح جبهة الشرق وخرج الصادق من السودان
وبات سقوط النظام وشيكا جنح المخذلين والغواصات وبأمر النظام الي التشجيع والترويج للهدنة والمفاوضات
ومن ثم تم فركشة التجمع
وان شاء الله السقوط آتي

Quote: اولا لابد من الاتفاق بان حل كل مشاكل السودان بذهاب الانقاذ وفي رأي مافي طريقة غير قوة السلاح . واصل جادات ... السقوط ات