Post: #1
Title: الليله ما شفتوأ عرس تسابيح وحفيد الميرغني مبرووك زواج المبروك ياأيس!#
Author: زهير عثمان حمد
Date: 09-11-2013, 09:28 PM
لما زول يكون متعلق بصورة والصورة كمان تبقي مستحيله دي حالة الشباب أمس بأختصار شديد اللي كانوا في أسبارك ستي في حفل زفاف المذيعه تسابيح مبارك خاطر وحفيد السيد علي الميرغني أبراهيم المهم نبدأ كدي من كرت الدعوة رقيق وفنان زي كرت أعياد الميلاد بس فيهو عبارة ما حلوه هي ( ممنوع تصوير هذه المناسبة بأجهزة الموبيل حسب رغبة العرسين) مغصه مش كدا المهم طبعا الصاله خرافيه وكميات الجكس عالي الجودة ومنتهي النقاء والانسجام
تجنن قبيله من الرجال وتعال شوف أولاد ميكي بالاطنان شيء كدراي وشيء بالعربات وكمان مع العوايل جوا وأخوانا الاعلاميين والعاملين في الصحافة حتي الرياضية شي أذاعات ناس بس كانوا فضوليين ديل نحن و كمان طلاب أعلام في الجامعات والله الصالة دي أحتملت فوق طاقتا وجماعة السياسية الباحثين عن الوجاهة برضوا كانوا معنا كل الاحزاب حتي حزب الخضر وبتاعين أتحادات الطلاب والاطباء منتهي العيا في قصة الانبهار بالجميلات معليش يا الابوابي ما تزعل أنا في حالة رصد أنساني لعرس شبه تنقراطي •
ما وصل موكب العروسين كدا إلى أسبارك ستي تعال شوف البكاء والجعاري كل الشباب كأنهم حصل ليهم شاكوش العمر وحسرتو وحتي مديرة حفل الزواج ما قدرت أبدأ تنسق ضاعت والضاعوا كتيرين صدحت الزفه المصرية الليله وب وصلت الجميلة لصدر الصالة العالم كأنو في حالة ذهول هي العروس ليه بتكون جميلة كدا ليلة العرس أ تت وهم يا زول دا الفي دقنوسك دا وبعض الهلويس بالجد كانت ملكة فحيتها الموسيقي
رقص العروسان الكريمان بعدها وسارت إلى "الكوشة " بين تحيات المدعوين و حسد المدعوات وبسماتهن وتهانئهن كانت ليله من ليالي الف ليلة بالجد العميان شيال المكسر والمكسرين فيها بلد بحالا
وكان موكب العروسين يتألف من عشرين شافعة كدا متوجات الرؤوس بالملابس البيضاء يحملن أبدع الورود. وكان التسجيل بصوت الفنانة اللبنانبة وأغنية (ليلة ألبسك الابيض) تزف العروسين بنشيد "الزفة "
سجم خشمك يا زهير أمشي نوم ولا موت ذاتو •
وانتهت الحفلة والقلوب يفيض منها البشر والولاء والدعاء، ودخل الجميع لىمنطقة الطورطرته الفاخرة والسيف أخ قلبي علي الشباب البرا ديل لا عشا ولا شيء بس بكا
لحدي هنا كنت ما فاهم أي حاجة أنا
مبروك تسابيح زواج المبروك يا أيسسسسسس وأنشالله بيت مال وعيال
وعقبالك يا أبو الزهراء
لكين في صورة .
B]
|
Post: #2
Title: Re: الليله ما شفتوأ عرس تسابيح وحفيد الميرغني مبرووك زواج المبروك ياأيس!#
Author: عمر صديق
Date: 09-11-2013, 10:17 PM
Parent: #1
| Quote: كانوا معنا كل الاحزاب حتي حزب الخضر |
سلامات يا ابو الزهور
وانت حزب الخضر مالو ماعاجبك؟ وماحددت ايهما
ثم انك لماتكتب او تتكلم بي مزاج بتبدع شديد
ونقول مبروك للعروسين
وعقبالك
|
Post: #3
Title: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: زهير عثمان حمد
Date: 09-11-2013, 10:29 PM
Parent: #2
يا صديقي وزميل المهنة عمر صديق
تحياتي
أسمع أمنه مختار بقت فيسبوكيه وهي قيادة سابقة الان القيادة الحالية في كمبالا
وبعدين بمزاج دي أنتو حركات الكيزان يعني لازم منها
مع ودي
|
Post: #4
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: سيف النصر محي الدين
Date: 09-11-2013, 11:15 PM
Parent: #3
و البكا لزومو شنو أصلو دي تسابيح و للا جنفير لوبيز كاااك
أبو الزهرا شماراتك درجة أولى و من النوع الفاخر أحييك عليها و الله.
|
Post: #5
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: محمد عمر الفكي
Date: 09-12-2013, 05:29 AM
Parent: #4
انت يا ابو الزهور تحين ما عندكم بكاء؟ ولا رفعتو الفراش بتاع ام نجوى كرم؟
ما صاح منك تخلينا نبكي في ميتكم وانت تمشى تكتل الاعراس
مبروك للعروسين وبالرفاه والبنين
غايتو من اخبارك بتاع الوفيات والاعراس دي الشافك رئيس قسم اجتماعي باحدى الصحف ما كضب 
|
Post: #6
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: Isa
Date: 09-12-2013, 05:33 AM
Parent: #4
| Quote: ممنوع تصوير هذه المناسبة بأجهزة الموبيل حسب رغبة العرسين |
عبارة يجب أن تكتب حتى في كروتنا نحنا ناس المويلح والحـزام الأسـود ويضاف لأجهزة الموبايل جميع الوسايط الأخرى من كاميرات فيديو وضوئية وآيباد الخ الخ... مبروك للعرسان وعقبالك سريييع يا أبوالزهور..
|
Post: #7
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: أيمن دياب
Date: 09-12-2013, 05:52 AM
Parent: #6
| Quote: ممنوع تصوير هذه المناسبة بأجهزة الموبيل حسب رغبة العرسين |
أحسنتم يا عرسان.. لأن ما يحدث في مناسبات الزواج فيهو انتهاك للخصوصية..
لو لم تُكتب هذه العبارة لاهتزت سيرفرات الشبكة العنكبوتية صباح اليوم من تحميل صور تسابيح وزواجها..
|
Post: #8
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: خالد عبد الله محمود
Date: 09-12-2013, 05:59 AM
Parent: #7
علي بالأيمان يا أبو الزهراء تسابيح دي أقل من عادية لكن الطشاش في بلد العمي شوف زي ما بقولو 
|
Post: #9
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: عبد العزيز محمد عمر
Date: 09-12-2013, 06:11 AM
Parent: #8
شكرا ابو الزهور لإشراكنا تلكم البهجة ..
حقيقى .. اصبحت التفاصيل في الآونة الآخيرة هاجس يقلق الجميع ..
وعنصر الدهشة ... والمفاجأة .. والتوقع .. هي سنام المناسبات...
ببساطة شديدة ..هي التي تصنع الحدث ..
الف مبروك للعروسين ...
|
Post: #10
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: ولياب
Date: 09-12-2013, 06:22 AM
Parent: #8
والله يا أبو الزهور ، ما علينا إلا أن نقول لكم كما قال الشاعر أو شئ من هذا القبيل :-
في الليلة ديك
القصة زاتا
بقت عليك ياأبو الزهور
وادوك الشريط
بس ما تكون قعدت في شارع الزلط
تبكي وتجعر
والعيون اتورمت
ولا تنسى العروس للعريس والجري للمتاعيس .
ربنا يوفقك يا أبني
|
Post: #11
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: MOHAMMED ELSHEIKH
Date: 09-12-2013, 07:20 AM
Parent: #10
انت يا ابو الزوز العرس دا مش كان زماااااااااان؟
عادوهو تاني ؟
|
Post: #12
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: Hussein Mallasi
Date: 09-12-2013, 08:59 AM
Parent: #11
| Quote: وحفيد السيد علي الميرغني أبراهيم |
إبراهيم ليس حفيداً لعلي الميرغني.
|
Post: #13
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: MOHAMMED ELSHEIKH
Date: 09-12-2013, 09:28 AM
Parent: #12
| Quote: راهيم ليس حفيداً لعلي الميرغني. |
يقصد حفيد الميرغني
|
Post: #14
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: أيمن محمود
Date: 09-12-2013, 09:45 AM
Parent: #13
CC to T.S Jebreel
|
Post: #16
Title: Re: اليله ما شفتوا عرس تسابيح وحفيد الميرغني مبروك زواج المبروك با أيس!#
Author: علاء الدين حيموره
Date: 09-12-2013, 10:10 AM
Parent: #13
| Quote: وكميات الجكس عالي الجودة ومنتهي النقاء والانسجام |
ان شاء الله تكون طلعت بواحدة حتى ولو متوسطة الجودة (قطعة تاني ناصية كدا ) ....
عقبالك يا صديق
|
Post: #15
Title: Re: الليله ما شفتوأ عرس تسابيح وحفيد الميرغني مبرووك زواج المبروك ياأيس!#
Author: يوسف محمود
Date: 09-12-2013, 09:56 AM
Parent: #1
لى يومين يازهير بجهز لى رد على بوست التاتو قمت هجمتنا بى بوست تسابيح ياخ اليباريك ركبو تسيح
تانى توبة من قراية بوستاتك تبقى علينا غربة وبوستات زوهير
توبة
وحتى حرف الزاء بشيولو من موبايلى
تحياتى يامبدع
|
Post: #17
Title: Re: الليله ما شفتوأ عرس تسابيح وحفيد الميرغني مبرووك زواج المبروك ياأيس!#
Author: زهير عثمان حمد
Date: 09-12-2013, 05:23 PM
Parent: #15
الاحباب والاصدقاء وكل الذين عبروا من هنا
شكرا ليكم بالجد أنا ما كنت متوقع البوست دا يجيب همو الحمد لله نال أعجبكم بالرغم من لغته الهابطة وتعبيرو السوقية
لكم مني كل التقدير
دام ودكم معي لاخر العمر
أخواني وأخواتي البورداب
تم أفقل البوست في ساعتو وتاريخو
|
|