Post: #1
Title: اعتذار للجلابية السودانية ... فقد عردت من قبل
Author: Mahjob Abdalla
Date: 09-11-2013, 01:16 AM
اتذكر تلك اللحظات رغم مرور اكثر من عشر سنوات. كنت لابسا جلبابي السوداني و كنت فخورا به حيث كانت تلك اولي رحلاتي خارج السودان.
كنت فخورا بسودانيتي حتي ان ظنوني احيانا تصدق ان الانسان السوداني اول من خلق علي هذه الارض وان سيدنا ادم (اسود) سوداني.
اتذكر حتي هذه اللحظة البوليس السعودي الذي يركض خلفي صارخا "توقف يا اسوداني" و تارة اخري يصيح للمارة "الاسوداني ولي الدبر ... ساعدوني اقبض عليه".
محنتي بدأت عندما قررت ان اذهب الي مصر في زيارة قصيرة سياحية. تحصلت علي تأشيرة الخروج و علي تذكرة سفر عبر سواكن بالباخرة عبر مدينة جدة في السعودية تم مدينة السويس في مصر.
طلبت من قريبي الفكي ادم ان يكتب لي حجبات تقلل من عوارض السفر خصوصا و تلك هي سفرتي الاولي.
تحركت الباخرة من ميناء سواكن عصرا و في صباح اليوم التالي لاحت انوار مدينة جدة السعودية و بعدها بقليل حوالي الثامنة صباحا دحلنا الميناء.
كانت تعليمات الباخرة مشددة جدا علي الركاب المتجهين الي القاهرة البقاء في الطابق الاعلي للباخرة او عدم الاقتراب من مخارج السفينة.
كانت احدي احلامي و ما زالت ان تطأ قداماي هذه الاراضي المقدسة و لطالما اقتربت و كانت المسافة فقط عدة خطوات الي هذه الارض المقدسة فقد قررت ان اغامر عسي ان يوفقني الله بزيارة مكة و المدينة المنورة و اشرب ماء زمزم و عرفات و كل ما كنت اسمعه عن هذه الارض المقدسة.
في تلك اللحظة ايضا تذكرت نقاط ضعفي الاخري تجاه بلاد المصريين و ما كنت اسمعه من سهولة تفكك دفاعات بعض اصدقائي عند زيارتهم لها فزادات قناعتي بضرورة المغامرة و انا في مدخل الاراضي المقدسة
توكلت علي الله و قررت الاصطفاف مع المغادرين في مدينة جده. وضعت حجاب الفكي ادم في جيب قميصي الامامي . مررت من البوابة الاولي داخل الباخرة دون ان يسألني احد و في البوابة الاولي خارج الباخرة سالني المسئول فقلت له
TOP VIP
و لم يسألني اي سؤال اخر.
و في البوابة الاخيرة بادرت المسئول بالاسئلة و ربما لزحمة المسافرين انشغل بأشياء اخري و هكذا وجدت نفسي في شوارع مدينة جدة او وطأت قدماي الاراضي المقدسة.
و لكن
كان ذلك اخر لحظات فرحتي في الاراضي المقدسة و كانت بداية مأساة جديدة. فأثناء تفتيش اوراقي لاستخرج بعض الارقام او الاتصال علي بعض اقاربي سقط الحجاب الذي اهداني له الفكي ادم.
تمكنت من الوصول الي قريبي و دلني علي العنوان و ان استأجر تاكسي الي المنزل. خرجت من المنزل بعد اسبوعين تقريبا و كانت المصادفة ان تعرضت لقرصنه البوليس السعودي الذي اراد ان يتحقق من اوراقي الثبوتية و بما انني لا املك فقد قررت ان اطلق ساقي للريح في وسط مدينة جدة. كان موقفا محرجا فبعد ان كنت فخورا بسودانيتي او المخلوق الاول. ذلك السوداني العزيز في وطنه بين يوم و ليلة اصبحت مطاردا في وضح النهار.
اثناء مطاردتي رأيت امرأة سودانية مع زوجها السوداني ابوجلابية او كذلك عرفت انه سوداني و قد رأتني السودانية الاصيلة بنت البلد و انا في حالة هروب و كان ذلك اشد الما الي نفسي حيث المصيبة اصبحت مصيبتين. توقف الدم في عروقي و توقفت انا او بدأت امشي في خطوات اقرب الي الركض. في تلك اللحظات اقترب البوليس السعودي و ما هي الا خطوات و سوف يقبض علي.
صرخت في المرأة السودانية بنت البلد الاصيلة " يا و لضمي اجري ما تخليهم يمسكوك".
جرت في خيالي اشياء كثيرة و سارت اللحظات ببطء شديد. حمدت الله و لعنتب ابليس سبعين مرة في سري.عرجت الي اقرب ملف حتي اختفيت عن انظار تلك المرأة السودانية بعدها التفت الي البوليس السعودي و هو ما زال يصرح "السوداني ولي الدبر".
ارسلت له تمليحة سودانية كبيرة و اطقت سيقاني للريح مرة اخري و لم اراه بعد.
وصلت الي منزل اقربائي. جلست مع نفسي كثيرا و بعد تفكير قررت الا ابقي في ذاك البلد و علي ان ارحل ... ارحل ... ارحل.
تحدث الي اقربائي و طلبت منهم مبالغ كسلفيات بأجل غير محدد. مبالغ تمكنني من الحركة و لم اخبرهم وجهتي و لكن ظنهم انني سأعود الي السودان.
ذهبت الي المطار. توقفت عند شاشة السفريات. سألت الكاونترات عن اي من السفريات التي في الشاشة لا تحتاج الي تأشيرة . دلني احدهم الي سفرية دارالسلام | تنزانيا. توكلت علي الله و دفعت قيمة التذكرة و بعدها بسويعات و انا في مطار دارالسلام.
من مدينة دارالسلام في تنزانيا بدأت حلقة اخري في مسارات البحث عن وطن اخر و تجربة اخري بعد العودة الي القارة الام.
اعتذاري هنا لكم جميعا اذ انني عردت بأسمكم او بجلابيتكم السودانية حيث لم يكن هناك شك في عيون المارة بشوارع مدينة جدة ان الهارب امامهم هو سوداني.
|
Post: #2
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-11-2013, 01:19 AM
Parent: #1
اعتذاري هنا لكم جميعا اذ انني عردت بأسمكم او بجلابيتكم السودانية حيث لم يكن هناك شك في عيون المارة بشوارع مدينة جدة ان الهارب امامهم هو سوداني.
|
Post: #3
Title: Re: اعتذار للجلابية السودانية ... فقد عردت من قبل
Author: AMNA MUKHTAR
Date: 09-11-2013, 01:27 AM
Parent: #2
إعتذارك غير مقبول ..
غامرت بسمعتنا ودخلت دخول غير شرعي ..نوعك دا هو الجايب لينا الكفوة ..:)
أراضي مقدسة قال ..
لا أراضي مقدسة حيث لا توجد كرامة للإنسان المقدس ..
|
Post: #4
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-11-2013, 04:14 PM
Parent: #3
الهبيبية امنة بنت مختار
انا دائما بقول اول زول بزور بوستاتي بكون زول مبروك. انتي زولة مبروكة تب و ان شاءالله بركاتك تصلنا و كمان من يوم الليلة انا اخدر تب.
تصدقي هذا السر انا محتفظ بيهو لاكثر من تاشر سنه و اليوم انا حاسي اني اتخلصت من هم كبير كان مندسي جواي و اتمني ان يتقبل الشعب الاخدر اعتذاري هذا و كذلك من هذا المكان ندعو كل من مر بمواقف كهذه ان يبوح بها و هذا يشمل حتي اعلي قمة هرم في بلادنا.
|
Post: #5
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-11-2013, 06:30 PM
Parent: #4
Quote: عَرَّدَ :
عَرَّدَ النَّجمُ : مالَ للغروبِ مُجاوزًا كبد السماء .
و عَرَّدَ فلانٌ : هَرَب .
ويقال : عرَّدَ عن قِرْنِه : نَكَلَ وأَحْجمَ .
و عَرَّدَ عن الطَّريق : حادَ .
و عَرَّدَ السَّهْمُ في الرَّمِيَّةِ : نَفَذَ منها .
و عَرَّدَ فلانٌ بحاجةِ فلان : لم يقْضِها . |
|
Post: #6
Title: Re: اعتذار للجلابية السودانية ... فقد عردت من قبل
Author: أمين محمد سليمان
Date: 09-11-2013, 07:45 PM
Parent: #5
مهجوب يا هبيبنا ... ياخي فشلتنا والله ... التقول نحن ناقصين !! 
------
بالجمبة كده ... عندك قدرة باذخة جدا في السرد.... و خيال بتاع مصاقيع ... بالله ما تبخل به علينا لانو معظم البضاعة في منبر الجن ده بقت مزجاة !!
|
Post: #7
Title: Re: اعتذار للجلابية السودانية ... فقد عردت من قبل
Author: Balla Musa
Date: 09-11-2013, 07:58 PM
Parent: #6
طلعت معارد يامحجوب كما البطل فى رواية بحر عن هالة!!
|
Post: #8
Title: Re: اعتذار للجلابية السودانية ... فقد عردت من قبل
Author: محمد نور عودو
Date: 09-11-2013, 08:58 PM
Parent: #7
سلامات
الهبيب
محجوب
اذ انني عردت بأسمكم او بجلابيتكم السودانية حيث لم يكن هناك شك في عيون المارة بشوارع مدينة جدة ان الهارب امامهم هو سوداني..
ما براك كتار عردو بلجلابية السودانية في جدة وغير جدة يا ريد يكونو صريحين زيك ويحكو حتي لو بدون إعتذار.
تسلم
|
Post: #9
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-11-2013, 10:27 PM
Parent: #8
| Quote: بالجمبة كده ... عندك قدرة باذخة جدا في السرد.... و خيال بتاع مصاقيع ... بالله ما تبخل به علينا لانو معظم البضاعة في منبر الجن ده بقت مزجاة !! |
عليكم السلام يا امين
يا امين كمان ما تبالغ للدرجة و تخلي اخوك تجيهو جنون البقر قبال جنون العظمة.
يا اخي انا قاعد في المكان ده لي عشرة سنين في هذا المكان ما سمعت لي كلام قدر ده.
و بالمناسبة امونة برضها اول مرة تزور بوستاتي.
ديل معجزتين. اللهم زد و بارك و شكرا ليك علي هذا التشجيع.
|
Post: #10
Title: Re: اعتذار للجلابية السودانية ... فقد عردت من قبل
Author: أمين محمد سليمان
Date: 09-11-2013, 11:14 PM
Parent: #9
| Quote: ا اخي انا قاعد في المكان ده لي عشرة سنين في هذا المكان ما سمعت لي كلام قدر ده. |
يا حبيبنا ... والله الذي لا إله غيره .. و إنه لقسم لو تعلمون عظيم ... إنت واحد من قلة قليلة استمتع بكتابتها جدا ... كتير ما اتفق و اختلف مع رأيك ..لكن المتعة حاصلة في كل الاحوال !!
|
Post: #11
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-12-2013, 01:32 AM
Parent: #10
| Quote: طلعت معارد يامحجوب كما البطل فى رواية بحر عن هالة!! |
الهبيب دكتور بله
يا زول اعمل حسابك من ذاك البطل لانو لو قام ليك بأقلامو الكتار ديلك حيخلي ريحتك طير طير
الزول اسم علي مسمي.
|
Post: #12
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-12-2013, 01:37 AM
Parent: #11
| Quote: ما براك كتار عردو بلجلابية السودانية في جدة وغير جدة يا ريد يكونو صريحين زيك ويحكو حتي لو بدون إعتذار. |
الهبيب محمد نور عودو
تعرف العرد شئ كعب و لكن طيلة هذه الفترة كان احساسي بعدم الاعتراف به اكثر الما في نفسي.
الان انا في افضل حال و ادعو الجميع لهذا المنهج لان فيه انتصار للقيم
شكرا لمرورك الكريم .
|
Post: #13
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-12-2013, 01:41 AM
Parent: #12
| Quote: . إنت واحد من قلة قليلة استمتع بكتابتها جدا |
شكرا امين
فقد اخجلت تواضعي و ده حيكون لي حافز كبير للاجتهاد
|
Post: #14
Title: Re: اعتذار للجلابية السودانية ... فقد عردت من قبل
Author: محمد البشرى الخضر
Date: 09-12-2013, 05:28 AM
Parent: #13
يا محجوب يا عمّك, دا ما تعريد دا اسمه "تصرّف", كما وردي القول المأثور: العسكرية تصرف
__________________________
شفت التبرير دا كيف, اهو على نسق نحن اعظم شعب وتاريخنا وهزيمتنا نكسة و..... بلا بلا :)
|
Post: #15
Title: Re: اعتذار للجلابية السودانية ... فقد عردت من قبل
Author: omer osman
Date: 09-12-2013, 06:12 AM
Parent: #14
| Quote: اعتذاري هنا لكم جميعا اذ انني عردت بأسمكم او بجلابيتكم السودانية حيث لم يكن هناك شك في عيون المارة بشوارع مدينة جدة ان الهارب امامهم هو سوداني. |
الله يجازي الكان السبب والذي بعثرنا في كل وادي !!!
لاتثريب عليك هو من يجب ان يعتذر !!!
|
Post: #16
Title: Re: اعتذار للجلابية السودانية ... فقد عردت من قبل
Author: ابو جهينة
Date: 09-12-2013, 08:50 AM
Parent: #15
تحياتي أخونا محجوب
***
اعتذاري هنا لكم جميعا اذ انني عردت بأسمكم او بجلابيتكم السودانية حيث لم يكن هناك شك في عيون المارة بشوارع مدينة جدة ان الهارب امامهم هو سوداني.
***
دون أي مجاملة : أولا كتابة صادقة
ثانيا لا عليك يا محجوب ، فالهروب في مثل هذي الأمور شجاعة تتطلبها عدم الوقوع في براثن من لا يعرفون قدرك.
دمتم
|
Post: #17
Title: Re: اعتذار للجلابية السودانية ... فقد عردت من قبل
Author: أحمد أبكر
Date: 09-12-2013, 10:43 AM
Parent: #16
Wow
يا حبيبنا محجوب
إن البروف أمين قد صدق
فما أروع سردك الأخّاذ !
ويا لبراعة التلميح عندما طالبت الجميع بالبوح والإعتراف بهكذا مواقف ومن أعلى قمة الهرم في البلد
ثم ان يعتذروا من بعد البوح
وما براك زي ما قال الحبيب ود عودو
إذا أنت عردت بالجلابية ورأوك نفرين تلاتة ، فهناك من عرد من الأراضي النيجيربة بطائرة تحمل علم السودان (تخيل)
نعم بطائرة و فيها علم السودان مش جلابية بس
ورأته القمة الأفريقية كلها حين لاحظت شغور كرسيه ، وسمع به العالم كله
شكراً لك .. العذر مقبول .. والإمتنان على صدق وسلاسة التناول
|
Post: #18
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-12-2013, 04:21 PM
Parent: #17
| Quote: يا محجوب يا عمّك, دا ما تعريد دا اسمه "تصرّف", كما وردي القول المأثور: العسكرية تصرف |
هبيبنا ود البشري
و نعم بالعسكرية تصرف او كأنك تذكرني بتعريدة اخري سببها ايضا عسكر السودان و لكن ساتركها لوقت لاحق ان شاءالله
|
Post: #19
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-12-2013, 04:32 PM
Parent: #18
Quote: الله يجازي الكان السبب والذي بعثرنا في كل وادي !!!
لاتثريب عليك هو من يجب ان يعتذر !!! |
شكرا جنابو عمر
تعرف يا جنابو عمر انا حظي مع العساكر عجيب
اول مرة جيت الخرطوم في 83 في اجازتي المدرسية (متوسطة يا عالم) و كان لي بس 3 ايام و جيت ماشي في شارع المورده بعد مسجد النيلين طوالي زي في مركز شرطة
تصدق العسكري وقفني و الوكت داك كان الكشة حايمة علي الغرابة بشكل ما عادي
انا حكيت قصتها هنا قبل سبع سنين تقريبا. العسكري يقول لي اقول "حصاحيصا" و انا ما كنت عارف السبب شنو.
عموما في الاخر شال مني قريشاتي كلهن جنيهين مقابل انو يخليني امشي.
عشان كده في السعودية و كشة تانية قلت المؤمن لا يلدغ من الجحر مرتين
|
Post: #20
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-12-2013, 05:23 PM
Parent: #19
| Quote: دون أي مجاملة : أولا كتابة صادقة |
كنت و قد دعوت من قبل ان ينصر هذا البوست بأحد جهابذة الكتابة في هذا البورض و ها قد نصره بأثنين.
_____________
شكرا اخي ابو جهينة علي مرورك الكريم و علي كلماتك الطيبات
|
Post: #21
Title: Re: اعتذار للجلابية السودانية ... فقد عردت من قبل
Author: Mohammed Haroun
Date: 09-12-2013, 06:17 PM
Parent: #20
| Quote: " يا و لضمي اجري ما تخليهم يمسكوك" |
يا عيب الشوم ... تعرد ضحا قايلة!!
إعتذارك كما قالت الهاف أدروته آمنة مختار غير مقبول ...
تحياتي
|
Post: #22
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-12-2013, 07:58 PM
Parent: #21
| Quote: ويا لبراعة التلميح عندما طالبت الجميع بالبوح والإعتراف بهكذا مواقف ومن أعلى قمة الهرم في البلد |
الهبيب ود ابكر
و معك ندعو السيد رئيس الجمهورية ان يحذو هذا الحذو و ينتصر لذاته.
فهذه الحياة كما نعلم و مهما تخلدنا فيها من مناصب دنيوية لا تستحق ان نتجبر او ان نتكبر.
المصير واحد.
______________
شكرا لمرورك الكريم اخي و علي كلماتك الطيبات
|
Post: #23
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-12-2013, 08:02 PM
Parent: #22
| Quote: إعتذارك كما قالت الهاف أدروته آمنة مختار غير مقبول ... |
الهبيب ود هارون
شفت مصيبة زي دي الواحد شايلها في جواهو لاكثر من عشر سنين. الحمدلله الذي مكنني اخير لاقول به.
و شكرا لمرورك الكريم و لادروتة كل الود
|
Post: #24
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-12-2013, 09:04 PM
Parent: #23
Quote: Alamin Ibrahim · الأكثر تعليقا · محاسب في محاسب بالسعودية
ما ح اعيد كلام الشباب الفوق ديل لكن صراحة كتابة في غاية الروعة شكلا ومضمونا |
و لصديقنا من نواحي الفيس بوك
الامين ابراهيم
شكرا لمرورك الكريم و نتمني ان نراك في صدر المنبر قريبا ان شاءالله
|
Post: #25
Title: Re: اعتذار للجلابية السودانية ... فقد عردت من قبل
Author: حسن محمود
Date: 09-12-2013, 10:01 PM
Parent: #24
| Quote: صرخت في المرأة السودانية بنت البلد الاصيلة " يا و لضمي اجري ما تخليهم يمسكوك". |
يا محجوب .. نقول مبرووك العريدة .. ما دام كانت تلبية لنداء (الحكامة) ذاتها وهذا نادرا ما
يحدث منها في نواحي من بلدك .. حيث يجد منها المعرد غنا الفضيحة وشيل الحال ..
حكامه غير .. و جدة غير .
اديك العافية امتعتنا
|
Post: #26
Title: Re: اعتذار للجلابية السودانية ... فقد عردت من قبل
Author: Suleiman Todi
Date: 09-13-2013, 01:42 AM
Parent: #24
محجوب ازيك ياخي..
السجن من السعودية لي نيجيري هو قاسم المسترك بين محجوب وعمر البشير
اخيرا انت اعترفت بذنبك وجئت اعتذرت امام الملاء ربما يقبل عذرك
لكن اخوك السوداني الاسمو عمر البشير العرد من نيجيريا داك عشان السجن ما حنقبل له اي عذر حتي لو جاء واعتذر
السلاميييي
|
Post: #27
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-13-2013, 01:26 PM
Parent: #26
| Quote: يا محجوب .. نقول مبرووك العريدة .. |
الهبيب حسن محمود
الله يبارك فيك و لانتمني لك ان تمر بموقف كهذا الذي مررت به انا
شكرا لمرورك الكريم
|
Post: #28
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-13-2013, 01:30 PM
Parent: #27
| Quote: لكن اخوك السوداني الاسمو عمر البشير العرد من نيجيريا داك |
شكرا اخي سليمان
اخونا عمر البشير ربما ينطبق المثل البقول "و ما لجرح بميت ايلام"
فقد فعل الكثير المخجل و لم تعد له الحساسية الممكنة في هذا الزمان
شكرا لمرورك الكريم
|
Post: #29
Title: Re: اعتذار للجلابية السودانية ... فقد عردت من قبل
Author: Osman Musa
Date: 09-13-2013, 08:38 PM
Parent: #1
عزيزنا المحجوب
سلامات
أعتذار شنو يا أخوي للجلابية ؟
تعريد تك الربكت شرطة المملكة دي مفخرة للجلابية .
أتخيلتك يا المحجوب في دأك اليوم صورة من روجي ميلا يوم موقعة الكاميرون و U K .
ده يا أخوي أنتصار كبير للجلابية .
..
تحياتي
|
Post: #30
Title: Re: اعتذار للجلابية السودانية ... فقد عردت من قبل
Author: محمد نور عودو
Date: 09-13-2013, 08:59 PM
Parent: #29
Ahmed Sid · جامعة النيلين كلية القانون
يا ريت لو تواصل ماذا حدث بعد وصولك تنزانيا
رد ·
· منذ 3 ساعات
|
Post: #31
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-14-2013, 04:01 PM
Parent: #30
| Quote: تعريد تك الربكت شرطة المملكة دي مفخرة للجلابية . |
الهبيب عثمان موسي
شكرا قد طمأنتني قليلا لان يكون ذلك الموقف مفخرة لجلابيتنا السودانية و لكن اظل اتوقف كثيرا عند لحظة القبض علي من قبل تلك المرأة السودانية و انا في حالة هروب حقيقي.
اما ريجي ميلر فله منا كل التحية و التقدير و اتذكره مع الحارس الكولمبي ايضا.
|
Post: #32
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-14-2013, 04:06 PM
Parent: #31
Quote: Ahmed Sid · جامعة النيلين كلية القانون
يا ريت لو تواصل ماذا حدث بعد وصولك تنزانيا |
الاعزاء احمد سيد و محمد نور
عموما نقول
It was happy ending
وكانت ايضا مغامرة بكل ما فيها من تحديات و لكن ايضا ذكريات حلوة ما زالت في الذاكرة
كانت سنتين و 7 اشهر و 3 ايام قبل وصولي الي الذي اعيش فيه الان
|
Post: #33
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-15-2013, 01:36 AM
Parent: #32
Quote: سلام محجوب عبد الله
نعم انت دخلت السعودية من دون تأشيرة و الاصعب هو الخروج الى دولة ثالثة هى تنزانيا , فلا اعرف كيف تسنى لك ذلك , فالسعودية لا تسمح للمتسللين و هو حالتكم بالسفر الا فى اتجاه واحد هو بلدك و انت فى الاصفاد . فى بداية البوست ذكرت الحجاب فقوة هذا الحجاب ليس الدخول السعودية فكثير من الناس يدخلون فى كل يوم ان تخرج من السعودية و من المطار و الى دولة ثالثة هذا رابع المستحيلات . هل لا زلت تجتفظ بعنوان هذا الفكى |
اخانا من الفيس بوك اتيم اتيم
شكرا لمرورك الكريم و للتحليل العميق للموقف الذي حدث معي
حقيقة انا اندهشت اني دخلت في المقام الاول حيث من رابع المستحيلات ان تدخل السعودية من دون تأشيرة و لكن ذلك من حدث.
اما مسألة الخروج فلم اواجه الكثير من المتاعب بعد ان اشتريت التذكرة.
الفكي هو قريبي و اعرفه شخصيا و اذا بتريد اي تسهيلات اخوك ممكن يساعدك
___________
عايز تسافر علي وين ان شاءالله
|
Post: #34
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-16-2013, 01:49 PM
Parent: #33
*
|
Post: #35
Title: Re: اعتذار للجلابية السودانية ... فقد عردت من قبل
Author: Osman Musa
Date: 09-16-2013, 03:09 PM
Parent: #1
عزيزنا المحجوب
سلامات
ياخ عندنا زول في هادي البلاد بعمل في درأسة عن نوع عصفور
ما موجود الا عندكم في تنزانيا .
دحين يا أخوي بعد نفسك يبرد من حركة السعودية القومت نفسك ديك .
ضروري تجدع لينا تلفونك في المسنجر للضرورة عشان نحاول خدمة الرجل .
مع جزيل الشكر .
|
Post: #36
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-16-2013, 04:25 PM
Parent: #35
| Quote: ياخ عندنا زول في هادي البلاد بعمل في درأسة عن نوع عصفور ما موجود الا عندكم في تنزانيا . |
اوه هبيبنا عثمان موسي
اولا الزول ده متأكد انو العصفور ده ما موجود الا في تنزانيا؟
النصيحة لله معرفتي بالعصافير ما فاتت ود ابرك في السودان و الــ Hummingbird في هذا الجانب من الاطلنطي و انا فقط ابعد عن نيويورك ساعة واحدة طيران.
يا اخي انا فارقت تنزانيا في ظرف ثلاثة اشهر و اتحركت في معظم الدول جنوب خط الاستواء و اخير حط بي الترحال الي هذا الجانب و هذا كله قبل اكثر من عشر سنوات.
عموما اديني اسم العصفورة دي و ممكن نساعد برضو ما معروف.
|
Post: #37
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-18-2013, 01:12 PM
Parent: #36
الزول قال ماشي نيويورك
ما عارف المرة الجاية اعتذر لكم عن شنو؟
|
Post: #38
Title: Re: اعتذار للجلابية السودانية ... فقد عردت من قبل
Author: محمد عبد الماجد الصايم
Date: 09-19-2013, 09:50 AM
Parent: #37
ههههههههههههههههههههه@ مهجوب
أسعد الله أيامكـ (جت)!!
بوست مكرّب والله!!
|
Post: #39
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-19-2013, 04:20 PM
Parent: #38
| Quote: بوست مكرّب والله!! |
شكرا ود الصايم علي مرورك الكريم لكن مرورك بدون الصورة اياها ديك من محسوب
|
Post: #40
Title: Re: اعتذار للجلابية السودانية ... فقد عردت من قبل
Author: Mahjob Abdalla
Date: 09-22-2013, 07:11 PM
Parent: #39
*
|
|