Post: #1
Title: قصة قصيرة (جدا) ...حدثت بالأمس
Author: الطيب عثمان يوسف
Date: 09-10-2013, 12:53 PM
Parent: #0
*** بالأمس اهديت تلفون جلاكسي جديد ،
اليوم الصباح كنت فى اجتماع فتركته فى مكتبي رجعت لم أجده .
الكميرات سجلت زيارة شخص غريب لمكتبي وسجلت صورته وهو يقوم بوضعه فى جيبة ومن ثم مغادرتة للمكتب وكذا رقم سيارته .
*** رغم كافة تسجيلات الكميرا للشخص ورقم سيارتو وحملو للتلفون إلا أنها لم تستخدم فى شيئ .
المهم :
1/ دونت بلاغ فى الشرطة الساعة 7 م .
2/ تم تحديد مكان التلفون عن طريق القمر الصناعى أو Gps .
3/ الساعة 10م تم ضبط المتهم ومعه التلفون وأقر بارتكابة للسرقة.
4/ اليوم الساعة 8ص عرض على وكيل النيابة و الساعة 10ص احيل المحكمة وتم تحديد جلسة الخميس 12/09/2013 الساعة8:30 ص للمحاكمة .
استلملت التلفون ،
انتهت القصة .
الثلاثاء 10/9/2013
|
Post: #2
Title: Re: قصة قصيرة (جدا) ...حدثت بالأمس
Author: محمد البشرى الخضر
Date: 09-10-2013, 02:08 PM
Parent: #1
مبروك يا جنابو الهدية أولا ومبروك انها جمعت بالسرعة دي
|
Post: #3
Title: Re: قصة قصيرة (جدا) ...حدثت بالأمس
Author: الطيب عثمان يوسف
Date: 09-10-2013, 02:14 PM
Parent: #1
*** هنا أنا أتحدث عن التكامل فى سرعة إجراءات جهات مختلفة
- البلاغ : الشرطة
- الضبط : المباحث
-التحقيق و الاحالة للنايبة: الشرطة
- تحقيق النيابة و الاحالة للمحاكمة : النيابة
تحديد جلسة للمحاكمة : المحكمة
............ كل ذلك فى غضون ساعات ، أمر لا يكاد يصدق .
|
Post: #4
Title: Re: قصة قصيرة (جدا) ...حدثت بالأمس
Author: Nagat Sid Ahmed Elshiekh
Date: 09-10-2013, 02:45 PM
Parent: #3
حمد لله ألف علي سلامة التلفون الاخ الطيب ، بس هنالك عوامل ساعدت في سرعة الإجراءات منها شخصك وعملك في المجال دا زمان..
التكنولوجيا برضو ساعدت في ذلك ،،، التلفونات دي البسرقه زول جاهل عشان فيها تصميم زي ما قلت GPS لتعرفك بمكانه حتي لو في جيب السارق.. الكاميرات برضو ساعدات في سرعة إرجاع التلفون...
عاوزة أقول ً ليك في النهاية ناس الشرطة والقضاة لو عاوزين يجيبو ليك حقك مع دفرة شوية بجيبوهو ولو عاوزين يسقطو حجر الحاجة المسروقة ليوم القيامة برضو بعملوها اسأل مجرب ....
تسلم ،،،،
وتمني الشرطة تكون في خدمة الجميع ،،،ونتمني انا تكرث شغله في ما ينفع البلد وترجع زي زمان في زمنكم لما كانت الشرطة مالية هد ومة
|
Post: #5
Title: Re: قصة قصيرة (جدا) ...حدثت بالأمس
Author: abas
Date: 09-10-2013, 03:00 PM
Parent: #4
حمدا لله علي السلامه جنابو
ومبروك التلفون
|
Post: #6
Title: Re: قصة قصيرة (جدا) ...حدثت بالأمس
Author: الطيب عثمان يوسف
Date: 09-10-2013, 03:26 PM
Parent: #1
Quote: بس هنالك عوامل ساعدت في سرعة الإجراءات منها شخصك وعملك في المجال دا زمان..
الكاميرات برضو ساعدات في سرعة إرجاع التلفون... |
*** نجاة سيد أحمد لك التحايا
*** دعينى اختلف معاك هنا شوية :
انحصر دورى أنا فقط فى تحديد زمن دخول وخروج المتهم لمراجعة تسجيل الكاميرات ومن ثم دورى فى ابلاغ الشرطة
الذى جاء متأخرا حيث أن السرقة حدثت الساعة 11ص وأنا قمت بالابلاغ الساعة 7 مساء .
*** حتى اللآن الشرطة أو المباحث لم تسألنى عن تسجيل الكاميرا و لم تتطلع عليه حتى ،وهو لازال معى سوف أقدمه
للمحكمة كدليل فى حال أنكر المتهم فعلته .
*** فقط تم إدراج الرقم ضمن برنامج ال GPS وتم تضييق الدائرة إلى أن تم تحديد مكان المتهم داخل كوفي شوب بأحد
المولات وألقى القبض عليه . هذا كل ما فى الأمر .
*** لم تكن للشرطة أو أى جهة أي رغبة في تأخير أى إجراء بل بالعكس فوجئت أنا بتكامل السرعة فى مختلف الجهات التى
تعاملت مع الموضوع (مركز الشرطة ، المباحث ، النيابة ، المحكمة) تمت معظم هذه الاجرءات بينما كنت أنا مع مجموعه من الأصدقاء بكوفي شوب آخر .
*** لك مكرر الشكر و التقدير العزيزة نجاة وربي يحقق الأمل بعودة شرطة قوية وطمأنينة لبلادنا كما نطمح وليس كما كانت على عهدنا .
|
Post: #7
Title: Re: قصة قصيرة (جدا) ...حدثت بالأمس
Author: Mandingoo
Date: 09-10-2013, 03:40 PM
Parent: #6
يعني يا شيخ الطيب تاني ما عندي حجة على اولادي بأنو الجوالات الغالية عرضة للسرقة.. وأحسن ليهم (يسعو) جوالات أبو مية ريال عشان ما حد بيسرقها ..
سويتا فيني يا جنابو.. ههههههه
هنيئاً لك بعودة جوالك
وهنيئاً للسودان ببوادر عودة الأمن والضبط والإنضباط واستخدام التكنولوجيا الحديثة المفيدة في كل ذلك..
|
Post: #8
Title: Re: قصة قصيرة (جدا) ...حدثت بالأمس
Author: محمد البشرى الخضر
Date: 09-10-2013, 05:40 PM
Parent: #7
| Quote: وهنيئاً للسودان ببوادر عودة الأمن والضبط والإنضباط واستخدام التكنولوجيا الحديثة المفيدة في كل ذلك.. |
يبدو ان الأمر اختلط على الزملاء, الحادثة دي والأداء الممتاز دا في الإمارات و ليس السودان
ولاّ ما كدا يا جنابو
|
Post: #9
Title: Re: قصة قصيرة (جدا) ...حدثت بالأمس
Author: Mandingoo
Date: 09-10-2013, 05:53 PM
Parent: #8
| Quote: لك مكرر الشكر و التقدير العزيزة نجاة وربي يحقق الأمل بعودة شرطة قوية وطمأنينة لبلادنا كما نطمح وليس كما كانت على عهدنا . |
الأخ محمد البشرى الخضر
خلينا نفرح شوية بأنو ده حصل في السودان..
كمان كلام أخينا الطيب الفوق ده يلمح إلى ان الحادث في السودان
تحياتي لك وله
|
Post: #10
Title: Re: قصة قصيرة (جدا) ...حدثت بالأمس
Author: الطيب عثمان يوسف
Date: 09-11-2013, 08:25 AM
Parent: #1
| Quote: كمان كلام أخينا الطيب الفوق ده يلمح إلى ان الحادث في السودان |
*** دى بالغت فيها ، كلامى مافيهو ولا حرف واحد يلمح للسودان (للأسف الشديد) .
عموما زى ما قال أخونا عادل سمير : أشكر حسن ظنك بي
|
Post: #11
Title: Re: قصة قصيرة (جدا) ...حدثت بالأمس
Author: بله محمد الفاضل
Date: 09-11-2013, 08:33 AM
Parent: #10
مبروك يا عمك
أن أُهدي إليك
وأن جمعت
وكله على إيقاع عصر السرعة
و
غايتك
تلاتين عشرة
تاني ما عندها برقراف
في الوضع الحاصل دا
يا ماندنقو
بطل زوغانات وجلكس الوليدات
تحياتي واحترامي
|
Post: #12
Title: Re: قصة قصيرة (جدا) ...حدثت بالأمس
Author: أسامه الكرور
Date: 09-12-2013, 08:45 AM
Parent: #11
حمد لله على سلامة عودتكم .. وعودة الموبايل
فى بداية العام 1989 حدثت قصه مشابهه نوعاً ما فى سرعة الإجراء
ملخص القصه .. فى ميدان الترخيص بالخرطوم غرب جوار الأستاد كان أحد أفراد المباحث المتواجدين بحكم عملهم يراقب فى حركة الميدان
ثلاثه أشخاص يقودون عربه بوكس أحضروها للترخيص
نزلوا لتكملة الإجراء
أحد معتادى سرقه العربات قفز فى العربه وأدارها إستعداداً للرحيل
عين فرد المباحث قنصته .. ومع بداية تحركه قفز رجل المباحث فى العربه
أصاب الذعر السارق وحاول التمايل بالعربه لإسقط رجل المباحث .. وأخرج مسدساً كان بحوزته لإرهاب رجل المباحث
تمكن رجل المباحث ( بمعاونة سائق لورى سدَ الطريق وبعض المواطنين ) من السيطره على العربه والقبض على السارق
حوالى الساعه 11 صباحاً . وأنا ضابط البلاغات بقسم الخرطوم شمال حضر فرد المباحث ومعه المتهم .. وشاهدين .. وأصحاب العربه الذين لحقوا بهم
قمت بتدوين البلاغات ( السرقه .. والسلاح) .. وأخذت أورنيك البلاغ فى يدى .. وذهبت لمولانا عوض الحسن النور القاضى المقيم وقتها بجنايات الخرطو شمال
شرحت له الموضوع وأن المتهم والشاكى والشهود والمعروضات كلها متوفره
أمر مولانا عوض بإحضار الجميع
وبدأت محاكمة المتهم
حوالى الساعه 12 ونص .. أصدر القاضى حكمه على المتهم فى البلاغين ( على ما أذكر 8 سنوات للشروع فى السرقه + سنه للمسدس)
آخر اليوم تم ترحيله للسجن محكوماً
وأظنك تذكر القضيه الشهيره التى تحرى فيها الأخ النور يوسف ..( قتيل السعوديه) والجزء المتعلق بهروب المتهم الرئيسى من أمبده عند المغرب
وكيف تمكن سيد النور من القبض عليه صباحاً بمنزل أقرباءه بإحدى قرى النيل الأبيض صباح اليوم التالى عقب وصوله للمنزل بدقئق
وأستعان فيها النور يوسف بعربة أحد أصدقاءه لقلة الإمكانيات وأهمية الزمن للوصول للمتهم
سرعة الإجراء ممكنه رغم قلة الإمكانيات .. إذا خلُصت النيه .. وتعامل أصحاب الشأن بمهنيه
تحياتى لأفراد أسرتكم الكريمه
|
Post: #13
Title: Re: قصة قصيرة (جدا) ...حدثت بالأمس
Author: الصادق صديق سلمان
Date: 09-12-2013, 09:02 AM
Parent: #12
الكرور
سلام
Quote: ( قتيل السعوديه) والجزء المتعلق بهروب المتهم الرئيسى من أمبده عند المغرب
|
قتيل السعوديه
يا ريت تدينا او تحكي لينا قصة قتيل السعودية في هذا البوست او تفرد ليها بوست معين بكون حلو
عشان الواحد يعرف هل هناك تكامل بين شرطة السودان والسعودية او نعرف اشياء غائبة تماماً عن
المواطن العادي والبسيط الزيي كدا...
تحياتي
|
Post: #14
Title: Re: قصة قصيرة (جدا) ...حدثت بالأمس
Author: أسامه الكرور
Date: 09-12-2013, 09:31 AM
Parent: #13
تحياتى الأخ الصادق
بطل القصه .. أو المتحرى قى هذه الجريمه .. الأخ النور يوسف ..أحد أكثر المتحرين شطاره وذكاء فى بوليس السودان
هو معنا هنا عضو فى المنبر .. الطلب محول له .. وسمح الكلام فى خشم سيدو .. ليته إستجاب لكم ولنا فقد طاليناه مراراً بالتوثيق
وكتابة هذه القصه بالذات .. لما فيها من عمل شرطى ممتاز
|
Post: #15
Title: Re: قصة قصيرة (جدا) ...حدثت بالأمس
Author: ibrahim fadlalla
Date: 09-12-2013, 10:21 AM
Parent: #14
صأصأة
---------------
صمت المالك
صمت الهاتف
دخل اللص
سرق الهاتف
صرخ الهاتف
سمع العس
بدأ القص
ضبط اللص
صرخ العس
صرخ اللص
صرخ المالك
صمت الهاتف
.............
صمت النص
تحية وسلام لي جنابو صاحب الخيط .. وأرجو أن تقبل مني تخريج قصتك الواقعية والمعبرة ... في شكل صأصأة بين النظم والنثر ...
وتعظيم سلام لكل من يؤدي عمله وضميره يقظان ...
|
Post: #16
Title: Re: قصة قصيرة (جدا) ...حدثت بالأمس
Author: Mandingoo
Date: 09-12-2013, 05:27 PM
Parent: #15
Quote: يا ماندنقو
بطل زوغانات وجلكس الوليدات |
لووووووووووووووووول يا بله الفاضل
هههههههههه ... دي بالغت فيها عدييييييييييل
|
|