رفع الدعم عن الوقود_ معناه، أسبابه، ومآلاته!

الحقيقة بدايةً كده تعبير رفع الدعم عن الوقود؛ تعبير مضلل جداً
الصحيح في حالة السودان هو : زيادة سعر الوقود!
الحنك بتاع انو سعر الوقود عالميأ أكثر من سعروا داخل السودان والحكومة متحملة الفرق ده ... ده كلام ما عندو أساس من الصحة !!
حاجة طبيعية انو اسعار السلعة الواحدة تختلف من دولة لدولة اخرى، الدول المنتجة للبترول (كالسودان مثلاً) طبيعي انو سعر الوقود فيها يكون أقل من سعروا في الدول الغير منتجة للبترول !
مثلاً سعر الصمغ العربي داخل السودان أقل بكثير من سعروا في المانيا باعتبارها دولة غير منتجة للصمغ العربي وقاعدين يشتروه بالسعر العالمي!
والصمغ العربي كالبترول عالمياً عندو سعر، بس هل ممكن الحكومة تقول انها قاعدة تدعم الصمغ العربي بدليل انو سعره في السودان اقل من السعر العالمي؟!

الحكومة هي المحتكر الاساسي لانتاج واستيراد وتوزيع الوقود باشكاله المختلفة في السودان وبالتالي بيدها انها تزيد سعروا او تنقصوا حسب ما تراه
انتاج البترول في السودان - مربح- على قلته، والحكومة عايزة تزيد ارباحها منو عشان تغطي منصرفاتها على اشياء من قبيل الترف السياسي زي ما قال النائب الاول للرئيس !
وللامانة سعر الوقود في السودان رغم انو غالي جدا ،،، الا انو في دول اخرى سعر الوقود فيها اغلى من السودان وممكن يكون اغلى بكتير - زي الاردن مثلاً
لكن في المقابل لو عملنا مقارنة بين ضرائب تلك الدول المباشرة وغير المباشرة الواقعة على كاهل المواطن بنلقاها اقل بكتير من ضرائب حكومتنا !
(الحكومة ما بتدعم حاجات كتيرة بس في نفس الوقت ما قاعدة تشيل ضرائب كتيرة) !

انا كمواطن (ساي) قاعد ادفع مقابل اي خدمة تقدمها لي الحكومة (صحة، تعليم، طرق، ...الخ) طيب هي بتشيل مني ضرائب، جمارك .... مقابل شنو ؟!!
المغتربين مثلاً - الواحد عايش سنة كاملة مثلاً خارج السودان وما مستفيد أي حاجة من خدمات الحكومة ولمن يرجع يدفعوه رسوم وضرائب وحاجات كده بعرفوها براهم ولاحظ حتى في الاجازة البينزلها المغترب للسودان بيدفع مقابل كل خدمة بتتقدم ليهو على داير مليم ولو مشيت السفارة برضو بدفعوك مقابل خدماتهم !
في شان شنو يدفع ضرائب ؟!