ياخ كرهتونا اي حاجة

اها عايز ابقى شاعر


لاني بريدك
يا روعة محاسن الانبهار
يا لوعة مداخل الوجد في مقل النهار
لحظة ندهتك في جواي حنينا
واشتها
واتبتلت جواي معاني الحرقة
كم باحت دواخلي اليك
حسا مستثار
بيناتنا
وعد اللقيا حين يتقاطر السحب الركام
تالا المواعين الهوى
ونتقاسم الروعة انشطار
ما تخافي من نبضة حروف جواك
ما اتعودت
مفرداتي معاك معنى الاختصار
جملة مشاعر
باقة في جواي مشاعل
اتوسمت فيني المداخل
واتوسمت منك بديات المسار
عينيك
ارهاص بدايات الغرام
عينيك بوابات الفرح
عينيك سحر اللوحة
رعشة انجذاب
عينيك معاني العزة
عمق المعنى
واسرار البحار
وبدينا قبال نبتدي
اتوهطنا قبال القعاد
وسلمنا لحظة اهتزاز كل الدواخل
حسينا احساس الامان
وكتبت ليك
انا في رجاك
وهمستي لي ما تمل مغارز الانتظار
قطعا اليك
ارجاني يا حرفي الوجع
ارجاني يا كلي الرجع
اديني ايديك الحنان
سوقني نمشي على الافق
ومشينا
تبرانا القماري
حارسنا من الريح ضراك
ووقفنا عند
مخدع الشمس الما بتنوم والا بتعرف
طلوع
الا لما تشوف جبينك والسطوع
وهمستي لي
باكر تعود
يا فرحتي وفرحة
الزمن البضيع لحظة غيابك
والمشاعر تبقى في حالة احتضار
وهمست ليك
يا بينة في جواي يقين
يا بينة ظاهر وليك ببين
احساسي بيك
ضل الغربة يا وجعي المقيم
جواته حاااااااااااااااااااااااار
رغم الطراوة
ولمحة الزول النداوة
ولمعة اللون الخدار
اللون حقيقة
لون دماي لما تتخضب جوى
بي لون مشاعرك
وبسمة العينين وحاتك
من عيونك
هي الودار
وبس

Quote: اللون حقيقة لون دماي لما تتخضب جوى بي لون مشاعرك وبسمة العينين وحاتك من عيونك هي الودار .................لايك يا دكتور مع التحيية

شكرا الاخ فرح
نردها ليك في السمح

نقطة

وتاني نقطة

مشتاقك اكتر من قبيل
لانو لما كنت في اللحظة القبيل
احساسي زاد من لحظة الشهقة
البتصرخ حوة في جواي عديل
وتقولي لي وريني كيف
ويهرب شديد مني الكلام
ويتاوق الحرف العنيد
ويضحك معاي وينادلي من خلف ليل
يازول عنيد
مالك بترهق في الكلام
وتحمله المعتى التقيل
وارد ليه
لوتعرف الزولة النهى
وكيفن كلامها معاي جميل
ما كان لقانا على مسارات الهوى
محض من الصدفة العمية
كان وعد بينات القدر
وكتبت ليك يا زول نبيل