Post: #1
Title: معاً لنحرك الشلاليف حتى تزيد المصاريف
Author: معتز القريش
Date: 09-09-2013, 11:24 PM
Parent: #0
(منقول من الفيس)
معاً لنحرك الشلاليف حتى تزيد المصاريف
تقول دراسه حديثه ان الازواج الذين يبقلون زوجاتهم صباحا قبل مغادرة المنزل غالبا ما يكسبون مالا اكثر .. و قد تم عمل استبيان عشوائى وسط شريحه من مختلف الاعمار تتالف من 2000 شخص 70% منهم افادوا انهم و لمدة اسبوعين داوموا على تقبيل زوجاتهم صباحا فارتفعت مداخيلهم .. 55% اكدوا انهم جربوها لمدة اسبوع و تحسنت احوالهم الماليه ..15% اكدوا انه لا فائده منها .. 18% تعاملوا مع الامر و كانه دعابه و لم يهتموا بها
و قد افاد البروف ويست تانجر رئبس هبئة البحوث العالميه بجامعة متشجان ان هذه الدراسه ربطت ما بين العوامل النفسيه و كفاءة الاداء الذهنى و ارتباطهما بالعامل البايلوجى لدى الرجل .. و ان هذه القبله الصباحيه تمنح الطرفين دافعا معنويا هائلا يرفع من وتيره الاستعداد الذهنى لدى الرجل للعمل بصورة افضل بينما تجعل من الزوجه كائنا ملائكي طيلة اليوم و تمنعها هذه القبله من اللجوء للهاتف و الاتصال بالزوج و تعكير مزاجه
طيب اقتنعنا لكن يا ناس جامعة متشجان تعالوا جربوها فى السودان عشان تعرفوا الله واحد و جيبوا حريمكم معاكم و اقعدوا بوسو من الصباح للمساء لو ما فلستوا الله ينعلنى
تبوسو من هنا و الحكومه تدوس من هنا
المحليه تجيكم .. عاوزين عوائد البوس
ناس الضرائب و الزكاه بفكوا ليك بناتم الما بشبهن البنات ديل و هاك يا فتاوى بوسه بنت لبون و بوسه مر عليها الحول و ربع العشر لكل عشرة بوسات بوسه للمدير
بوسه لدعم المجهود الحربى
بوسه لصندوق دعم الطلاب
بوسه جريح
بوسة شهيد
بوسه لمتاثرى السيول و الفيضانات
بوسه لضحايا احداث ابو كرشولا
و الله يا بروف نظريتك او دراستك دى عاوز تجيب خبرا و تعرفا ضاربه جيبا السودان
أعجبني · · متابعة المنشور · منذ 55 دقائق
|
Post: #2
Title: Re: معاً لنحرك الشلاليف حتى تزيد المصاريف
Author: معتز القريش
Date: 09-09-2013, 11:26 PM
Parent: #1
من أجمل ما قرأت في الفيس تعبيرا عن (القطع) في السودان
والله نحنا شعب كويس بس لو ...........
|
Post: #3
Title: Re: معاً لنحرك الشلاليف حتى تزيد المصاريف
Author: الامين موسى البشاري
Date: 09-10-2013, 00:54 AM
Parent: #2
معتز الظلامي انت عايز توردنا موارد الهلاك ولا شنو؟ 
وتجيب لينا الكفوف في صمة شلاليفنا
واحدة بتقول لراجلها:
هي : أريت الرجال كلهم زي جارنا فلان دا
هو : مالو جارنا وفرقو شنو من الرجال؟
هي : ياخ دا كل ما يجي طالع ببوس مرتو وكمان لمن يرجع
واستطردت قائلة:
هي : أنت مالك ما قاعد تعمل زيو؟
هو : والله حاولته لكن أدتني كف ( )
ويبقى (الشوغ) مرفق طي هذه المداخلة 
|
Post: #4
Title: Re: معاً لنحرك الشلاليف حتى تزيد المصاريف
Author: معتز القريش
Date: 09-10-2013, 01:01 AM
Parent: #3
ههههههه هسة عليك الله الداير يورد التاني موارد التهلكة منو ؟؟؟
غايتو يا بشاري أنا عندي من زي ديل كتير إلا بخاف من الخور
بالله البوست دا هادف ما تحرفو لينا هههههه
ما تديهو كف كان أدتو هو قال ليك البوس دا مطلوق ساي
غايتو أنا عجبتني قصة بوسة جريح دي شديد
|
Post: #5
Title: Re: معاً لنحرك الشلاليف حتى تزيد المصاريف
Author: الامين موسى البشاري
Date: 09-10-2013, 08:16 AM
Parent: #4
يا ود القريش صباحاتك بيض ياخ
أما بالنسبة للبوست فهو محروف خلقه ههههههه
| Quote: غايتو أنا عجبتني قصة بوسة جريح دي شديد |
خلاص أمشي انجرح عشان بوسة الجريح دي
العندك ديل في اختراع اسمه الانبوكس ممكن تجدعهن فيهن
والله صحي ()
|
Post: #6
Title: Re: معاً لنحرك الشلاليف حتى تزيد المصاريف
Author: الطيب عثمان يوسف
Date: 09-10-2013, 12:43 PM
Parent: #1
*** غض النظر عن المضمون ، عنوان غير موفق تماما .
*** مجرد وجة نظر سيد معتز بالامكان الاستفادة منها أو طرحها.
*** دم بخير .
|
Post: #7
Title: Re: معاً لنحرك الشلاليف حتى تزيد المصاريف
Author: معتز القريش
Date: 09-10-2013, 10:18 PM
Parent: #6
Quote: *** غض النظر عن المضمون ، عنوان غير موفق تماما .
*** مجرد وجة نظر سيد معتز بالامكان الاستفادة منها أو طرحها.
*** دم بخير . |
شكرا على وجهة نظرك
*** دم بخير
|
|