Post: #1
Title: تعالو نطبطب على الفساد
Author: علاء سيد
Date: 09-08-2013, 10:44 AM
Parent: #0
بما أن الفساد محمي من المفسدين بآليات عدة وأشكال مختلفة
وبما أن الحديث عن الفساد يحتاج إلى الكثير من المساحات الخضراء وجداول المياة السلسبيل حتى تكتب عنه وأنت في غاية الإسترخاء فتخرج حرفا" رغم رقته قد يجرح فؤاد المفسدين!!
وبما أن السكوت عن الفساد واجب وطني وثقافه رضعناها ثم صمنا وفطرنا عليها ثم تعلمناها فأتقناها بصورة فاقت حدود المعقول
وبما أن الشارع العام أصبح لايمثل واجهة للمجتمع وثقافته ولا يمثل توجه وسياسة الدولة
عليه وبعد ( البمامات الفوق دي) خلونا نطبطب على الفساد
|
Post: #2
Title: Re: تعالو نطبطب على الفساد
Author: علاء سيد
Date: 09-08-2013, 10:56 AM
Parent: #1
الفساد في حد زاته ضحية فالكل يتعامل معه بقسوة (مفرطة) !!
يعني هسي الفساد دا يلقاها من وين ولا وين ؟؟
يلقاها من المفسدين المامخلينو يشيل نفسو ولا من الناس الشغالين قطيعة فيهو وماخلو ليه جمبة .. كمان قطيعة بمنتهى القسوة (مسكين الفساد)
بعدين نحن ليه قلنا قطيعه ؟؟؟
عشان نحن بنتكلم عن الفساد من ورا ضهرو .. اشطر واجدع واشجع ناس بتتكلم عن الفساد من وراهو نحن .. لكن لمن نكون امام وجه الفساد بتمسكنا (رهبة) زي الواقفين قدام ضريح .. لكن بيني وبينكم اسي الفساد دا مابقى زي قبب الشيوخ وعندو ضريح كمان والعجب الخدام .. عييييييييييييييييييييييييييييييييك لا ليهم عدد ولا ليهم حد .
قبة سيدي الفساد عذرا" على ألأزعاج فالخاصة والعامة ماعندهم مبروك غيرك
|
Post: #3
Title: Re: تعالو نطبطب على الفساد
Author: علاء سيد
Date: 09-08-2013, 11:05 AM
Parent: #1
قبة سيدي الفساد .. بركاتك
من بركات قبة سيدي الفساد
لو عندك زول عيان .. بعالجو حتى لو يسفرو
ولو عندك ولد بليد .. بنجحو حتى لو يحشرو
ولو عندك كونتير محجوز .. بقدرة قادر بحررو
ولو عندك مخالفة سير .. ب5 جنية سعرو (جنس رخصه)
ولو عندك شيك راجع .. براهو يقدر يمررو
ياخي دا لو في زول عندو إمساك .. هو بس بيقدر يه....
بركاتك سيدنا الفساد
|
Post: #4
Title: Re: تعالو نطبطب على الفساد
Author: علاء سيد
Date: 09-08-2013, 11:39 AM
Parent: #1
قلت كده يعني ؟؟
|
Post: #5
Title: Re: تعالو نطبطب على الفساد
Author: علاء سيد
Date: 09-08-2013, 11:48 AM
Parent: #1
البوست دا مالو مافي زول جاهو
وين ابو حسين الرجل الذي وصفني بالغباء (ونعم ألأخلاق يا أبو حسين)
ووين الزول المبشر ( قلتلي حيلحقوني منو ؟؟)
ووين الراجل الطيب الكان شايل همي .. عساك اصبحت طيب ؟؟
شكلو الموضوع دا ماجايب حقو .. نرجع للحاجات الرخيصه عشان تتحركو ولا كيف ؟؟
|
Post: #6
Title: Re: تعالو نطبطب على الفساد
Author: ABUHUSSEIN
Date: 09-08-2013, 01:37 PM
Parent: #5
| Quote: وين ابو حسين الرجل الذي وصفني بالغباء (ونعم ألأخلاق يا أبو حسين) |
ليه ما مطيت العنوان ......؟؟؟؟
أبو حسين وصفك بما فيك ما جبت حاجة من عندي ....
|
Post: #7
Title: Re: تعالو نطبطب على الفساد
Author: علاء سيد
Date: 09-08-2013, 02:03 PM
Parent: #6
طيب ولية وصفتني بالغباء ؟؟؟
|
Post: #8
Title: Re: تعالو نطبطب على الفساد
Author: علاء سيد
Date: 09-08-2013, 02:05 PM
Parent: #6
طيب ولية وصفتني بالغباء ؟؟؟
|
Post: #9
Title: Re: تعالو نطبطب على الفساد
Author: عادل الباهي عبدالرازق
Date: 09-08-2013, 02:25 PM
Parent: #8
Quote:
شكلو الموضوع دا ماجايب حقو .. نرجع للحاجات الرخيصه عشان تتحركو ولا كيف ؟؟ |
والله الفكي بتاعك قوي ثلاثة بوستات نفس المضمون مشت الخور وأنت حي ترزق
والله أنا فكرت بالامس أعمل ليك عرس الشهيد 
لكن أنصحك بالابتعاد عن الحاجات الرخيصة مادام صاحب الحوش كان كريم معاك ما تتمادي
أذا رأيت أنياب اب صلعة بارزة فلا تظن أن أب صلعة يبتسم ، الزول دا بيعوقك
|
Post: #10
Title: Re: تعالو نطبطب على الفساد
Author: عادل الباهي عبدالرازق
Date: 09-08-2013, 02:30 PM
Parent: #8
حذف للتكرار
|
Post: #11
Title: Re: تعالو نطبطب على الفساد
Author: علاء سيد
Date: 09-08-2013, 02:46 PM
Parent: #10
Quote:
والله أنا فكرت بالامس أعمل ليك عرس الشهيد
|
خرمان لي ريحة المسك ولا شنو ؟؟
|
Post: #12
Title: Re: تعالو نطبطب على الفساد
Author: سامى عبد المطلب
Date: 09-08-2013, 03:10 PM
Parent: #11
يا زول حمدلله بالسلامه .... ياخى لمن شفنا الحادث ما ظنيناك تطلع منو حى لكن رحمه ربنا ما عندها حد
فدحين سوق على مهلك السايقه واصله ....
Quote: وين ابو حسين الرجل الذي وصفني بالغباء (ونعم ألأخلاق يا أبو حسين)
ووين الزول المبشر ( قلتلي حيلحقوني منو ؟؟)
ووين الراجل الطيب الكان شايل همي .. عساك اصبحت طيب ؟؟ |
هههه ههههه داك ابو حسين جاك باقى ليك طلحه وود الباوقه ...... ووين وين وين الشعب العربى وين .....
|
Post: #13
Title: Re: تعالو نطبطب على الفساد
Author: ABUHUSSEIN
Date: 09-08-2013, 03:18 PM
Parent: #12
| Quote: طيب ولية وصفتني بالغباء ؟؟؟ |
و الله إحترمتك لي سؤالك لي السؤال دا ...
في البوست الأول مطيت العنوان و نبهتك و جبت ليك المادة 25 من قوانين المنبر
رديت لي رد بايخ جداً.. و إتشال البوست و رموهو في الخور
جيت فتحت بوست تاني بي نفس الموضوع و نفس المطة يعني ركبت راسك فيهم الإتنين الموضوع و مطة العنوان
و دا سبب كافي لي إني أصفك بالغباء ...
الكشة باقي ليها دقائق تقريباً ....
|
Post: #14
Title: Re: تعالو نطبطب على الفساد
Author: عادل الباهي عبدالرازق
Date: 09-08-2013, 03:33 PM
Parent: #12
Quote:
خرمان لي ريحة المسك ولا شنو ؟؟ |
أنت صدقت كنت حتموت شهيد الكلمة والفكر والخ ؟ تكون بالغتا جنس بوليغ .
أنا لو محلك كنت تواريت خجلا ، أنت لم تكشف الفساد ولم تخترع الذره إنما دليت الناس
علي اماكن الرذيلة والاسعار وزي عملتك دي عندها تعريف واحد في الشارع السوداني
لو ما خائفك تزعل كنت عملت بالمثل البيقول الشهامة بين الاخوان رجاله ووريتك المعني بالزبط
خلي يجي زول يقول لي قودوين ماكان لاعب بفريق الهلال في زمن مضي .
|
Post: #15
Title: Re: تعالو نطبطب على الفساد
Author: طلحة عبدالله
Date: 09-08-2013, 04:14 PM
Parent: #14
ههههههههههههه
شكرا يا علاء لأنو أنا أكيد (الراجل الطيب الكان شايل همك ).. وفعلا عليك الطلاق شلتا ليك هم تقيل ..
غايتو إتا طلعت من ضل أبصلعة اقصد ضل السيف لواحد من الاحتمالات التالية ..
يا إما الباشمهندس سامحك باعتبار باسووردك مازال طفلا يحبو ( مواليد 2013) ولا أستبعد طبعا
أن يكون أنذرك من تحت الطاولة .
يا إما كمان الباشمهندس غير قانون هواهو وبقي يسامح لغاية التالتة ..
يا إما الباشمهندس عايز يكاجر ساي ويطلع توقعاتنا دي بيضة ديك ..
يا إما انك صاحب صاحبو وربما معاهو في نفس الاستريت إذا ما كنت جار هيطة بى هيطة
يا إما كمان اتا زول عندك فكي كارب قرأ ليك (وجعلنا من بين أيديهم سدا ومن خلفهم سدا فأغشيناهم فهم لا يبصرون ).
أها ياخوي بعد كل ( الإمات ) دي عايز أقول ليك بالنسبة لسؤالكم عنا فنحن الحمدلله في أحسن الأحوال
وكان ينقصنا فقط طلتكم البهية على صدر الصفحة الأولي ..
عايز بس أنبهك لحاجة قد تكون فايتا عليك بما انك لسة ما تميت ستة شهور وهي انو الفساد البتتكلم عنو دا الناس
الحايمة في البورد دا خنقتو بحثا وكتلتو تقريظا وتشهيرا بأسيادو .. ودا ما معناهو انك ما تتناولو تاني وتالت ورابع ..لا ..
اتا اتناولو وفلفلو لغاية ما يبين ليهو صاحب .. لكن بس تكرار الموضوع نفسو هو الخلي الناس تزهد في الدخول
ودي أظنها الإجابة على سؤالك .وين الناس ..الخ ..
تاني شنووووووو .. أيوة بالله عليك مستنير شديد التحت دا ما تزعل منو .. الزول دا بهظر معاك وأصلو هظارو
كدا .. دا مرات بفك في الزول بوكس عديل كدا .
|
Post: #16
Title: Re: تعالو نطبطب على الفساد
Author: ABUHUSSEIN
Date: 09-08-2013, 04:36 PM
Parent: #15
| Quote: يا إما الباشمهندس عايز يكاجر ساي ويطلع توقعاتنا دي بيضة ديك .. |
دي أقوى الإمات ......
طلحة قوم لف
|
Post: #21
Title: Re: تعالو نطبطب على الفساد
Author: علاء سيد
Date: 09-10-2013, 11:08 AM
Parent: #14
Quote: أنت صدقت كنت حتموت شهيد الكلمة والفكر والخ ؟ تكون بالغتا جنس بوليغ .
أنا لو محلك كنت تواريت خجلا ، أنت لم تكشف الفساد ولم تخترع الذرة إنما دليت الناس
علي اماكن الرذيلة والاسعار وزي عملتك دي عندها تعريف واحد في الشارع السوداني
لو ما خائفك تزعل كنت عملت بالمثل البيقول الشهامة بين الاخوان رجاله ووريتك المعني بالزبط
خلي يجي زول يقول لي قودوين ماكان لاعب بفريق الهلال في زمن مضي . |
إنت شن عرفك بالبموت شهيد من البموت فطيس ؟؟
على العموم الاتنين بتطلع منهم ريحة .. صاح ؟؟
بس ريحة من ريحه تفرق .. صاح ؟؟؟
بعدين ياخي الله لا جاب زعل بس انت قول الفي ضميرك ( لو ضميرك حي ) .. وخلي لي أنا توبيخ ألأخر !!!
سؤال ..
الذرة ((((( إخترعوها))))) متين ؟؟؟
|
Post: #20
Title: Re: تعالو نطبطب على الفساد
Author: علاء سيد
Date: 09-10-2013, 11:03 AM
Parent: #12
الله يسلمك ياسامي ..
ياخي الشوارع زاتا بقت مشكلة وزحمة بالذات شارع عبيد ختم كتمة شديده
( مشيت بي هناك وقت الزحمة) ؟؟
|
Post: #17
Title: Re: تعالو نطبطب على الفساد
Author: علاء سيد
Date: 09-09-2013, 02:58 PM
Parent: #1
Quote: و الله إحترمتك لي سؤالك لي السؤال دا ...
في البوست الأول مطيت العنوان و نبهتك و جبت ليك المادة 25 من قوانين المنبر
رديت لي رد بايخ جداً.. و إتشال البوست و رموهو في الخور
جيت فتحت بوست تاني بي نفس الموضوع و نفس المطة يعني ركبت راسك فيهم الإتنين الموضوع و مطة العنوان
و دا سبب كافي لي إني أصفك بالغباء ...
الكشة باقي ليها دقائق تقريباً
|
مشكور العم ابو حسين .. احترامك يعني الكثير .. تحياتي
|
Post: #18
Title: Re: تعالو نطبطب على الفساد
Author: علاء سيد
Date: 09-10-2013, 10:48 AM
Parent: #17
| Quote: الفايدة شنو الناس يا معرسين وخايفين من نسوانهم يا مفلسين وبشوفوا الاسعار دي حلم يا مقرشين وزاهدين المتسفيد منو وزي ما قال الامنجي لماذا تشتري الحليب وأنت غير قادر علي حلب بقرتك ... انت يازول عندك عله في حاجة |
ألأمنجي القال كده منو ؟؟
لكن تحوطا" كده ومن باب إنك ماحترد وتكريما" لجهودك الحثيثه في متابعة الموضوع ( حتى وإنت تحت) فحأسميك سيد اللبن
مشكور .. سيد اللبن
|
Post: #19
Title: Re: تعالو نطبطب على الفساد
Author: علاء سيد
Date: 09-10-2013, 10:55 AM
Parent: #1
Quote: إستمر ياأخ علاء في نهجك وماتحيد عنه مهما حاولو الأخوان يسبطوا همتك برضو إستمر
تأكد أنو في كثيرين متابعنك وانت بتعبر عن رأيهم ووجهة نظرهــم ، بالنسبــه للأخ بكــري
أنصحه ينظف منبره من الإعلانات الرخيصه للفتيات العاريات |
عاصم الحسين جزيل شكري ..
|
Post: #22
Title: Re: تعالو نطبطب على الفساد
Author: عادل الباهي عبدالرازق
Date: 09-10-2013, 04:59 PM
Parent: #19
Quote:
إنت شن عرفك بالبموت شهيد من البموت فطيس ؟؟ |
وأنت الصادق شن عرفني ، معقولة أكون بعرف زي حضرتكم ؟؟ أنت عرفت
أسعار بنات الليل وأماكن تواجدهم وفصلت الأسعار تفصيلا دقيقا ، البنت البتوديك
الوكر بتاعا سعرها كم ، والبتمشي معاك وكرك سعرها كم وحتي ناس دقة سريعة
في السيارة وكوجاك جبت سعرها ماشاء الله عرااااااف .
Quote:
على العموم الاتنين بتطلع منهم ريحة .. صاح ؟؟
بس ريحة من ريحه تفرق .. صاح ؟؟؟ |
أنا شن عرفني ؟؟ لكن بعد ماعصرت دماغي حبتين خمنت ساي مجرد
تخمين الريحة بتكون نتنة زي ريحة بوستاتك الازكمت الانوف وصاحب
الحوش وداها الخور . لكن يا زول ولا تزعل نفسك برضو نفسياتك تهمنا ، لو مدمن مثل هيك روائح
أخلع ملابسك وأقع الخور مع بوستاتك سوف تجد مايسرك ويرضي غرورك ، ما أصلو قالو البيرقص مابيغطي دقنو .
Quote:
بعدين ياخي الله لا جاب زعل بس انت قول الفي ضميرك ( لو ضميرك حي ) .. وخلي لي أنا توبيخ ألأخر !!! |
ياعمك أنا ضميري لو حي كان دي حالتي ؟؟ وبما أنو ضميري ميت من زمان وزي ماقلت الله لا جاب زعل ،ممكن لو تكرمت وبما أنك ناشط في قوائم الاسعار
ترفد السادة القراء بأماكن الخمور البلدية النضيفة ( مع أنني لا أتعاطي لكن لكل فولة كيال ) والاسعار وأسماء ستات العرقي وكدة بعد نجاحكم المنقطع النظيرفي
أماكن واسعار الدعارة وياريت تجنن لينا قوقل ايرث عشان الناس ما تضهب . أخخخخخخخخ .
Quote:
سؤال ..
الذرة ((((( إخترعوها))))) متين ؟؟؟ |
أنا حدي بس الذرة الشامية لكن أول ما أعرف مخترع الذره بعمل ليك sms لا تأكل هم .
|
Post: #23
Title: Re: تعالو نطبطب على الفساد
Author: ود الباوقة
Date: 09-10-2013, 05:14 PM
Parent: #22
| Quote: جاك باقى ليك طلحه وود الباوقه |
اخونا سامي
زي ناس علاء ديل وجودهم مهم في المنبر
اقل شيء الفترة دي يجري حول المضمار
بالترنج الكامل
وصدقني المرة الجاية حا يجيب ليك اسعار الحليب والبيض والباسطة
وجميع انواع المكسرات
شكرا سامي
|
Post: #24
Title: Re: تعالو نطبطب على الفساد
Author: عادل الباهي عبدالرازق
Date: 09-10-2013, 05:42 PM
Parent: #19
حذف لتكرار المداخلة
|
|