Post: #1
Title: إنفاذا لتوجيهات خادم الحرمين الشريفين
Author: الشفيع وراق عبد الرحمن
Date: 09-07-2013, 08:53 AM
شركة ألبان سعودية تبدأ في زراعة 40 ألف فدان بالاعلاف بولاية نهر النيل
أعلن الأستاذ خالد أبو ناصر المدير التنفيذي لشركة ألبان الصافي السعودية إحدى شركات مجموعة الفيصلية القابضة المحدودة عزم الشركة الجاد للبدء في زراعة (40 ) ألف فدان خصصتها ولاية نهر النيل للشركة للأعلاف ومن ثم الانتقال للمرحلة الثانية والمتمثلة في عمليات الإنتاج الحيواني .
وأضاف ان هذه الخطط تجيء إنفاذا لتوجيهات خادم الحرمين الشريفين للتوسع في الاستثمارات بالسودان وأشاد بالتعاون والتجاوب الكبير الذي وجدوه من قبل حكومة ولاية نهر النيل .
ومن جانبه جدد الفريق ركن الهادي عبد الله محمد العوض والي ولاية نهر النيل حرص واهتمام حكومته ومواصلة جهودها لجذب مزيد من التدفقات الاستثمارية وتهيئة الأجواء الملائمة للاستثمار في مجالات العمل الزراعي والإنتاج الحيواني لتحقيق الاكتفاء الذاتي والاتجاه نحو الصادر و ذلك لدى لقائه ببيت الضيافة المستثمر السعودي خالد أبو ناصرالمدير التنفيذي لشركة ألبان الصافي السعودية وذلك بحضور ومشاركة وزير المالية والاقتصاد بالولاية وعدد من قيادات دائرة الاستثمار والصناعة بالولاية.
وأكد الوالي أنهم لن يدخروا جهدا في سبيل تمكين الشركة من الانطلاقة الحقيقية في مجالات العمل الزراعي من المساحات الواسعة التي تم تخصيصها للشركة بمحلية ابوحمد بموقع يتميز بالأراضي الزراعية الخصبة فضلا عن قربه من الطرق ووسائل النقل والترحيل .
ودعا الوالي المدير التنفيذي للشركة خالد أبو ناصر لمسارعة الخطى والعمل على نقل التجربة الرائدة للشركة في مجال زراعة الأعلاف وصناعة الألبان خاصة وان الولاية تمضى وفق رؤية منهجية متكاملة لأن تصبح الولاية الرائدة في مجال إنتاج الألبان على مستوى السودان.
سونا
|
Post: #2
Title: Re: إنفاذا لتوجيهات خادم الحرمين الشريفين
Author: HAIDER ALZAIN
Date: 09-07-2013, 09:15 AM
Parent: #1
هههههههه دية " أخوانهم " في مصر ..!
غايتو الكيزان ديل عليهم جنس رخصة ....
دا اسمو نقل كفالة يا الشفيع :)
ــــــــــــــــــــــــــــ..
أهاا وطالبين مزرعة قدر شنو مؤخــر صداق ايران
|
Post: #3
Title: Re: إنفاذا لتوجيهات خادم الحرمين الشريفين
Author: أيمن محمود
Date: 09-07-2013, 09:26 AM
Parent: #1
أخبار المشروع الزراعي لشركة الصافي للألبان بولاية نهر النيل شنو 0
دي بروفه للسؤال الحأسلك ليهو على طريقة الفاتح جبرة - كل ما تجي سيرتك
او لمن تجيب سيرة الاستثمار الاجنبي في السودان يا باشمهندس الشفيع
الاستثمار الاجنبي في السودان بتواجهو عقبة كبيرة جدا يا الشفيع - الا وهي الفساد الاداري وتفشي الرشوة - ودي حقيقة من خلال معرفتي الشخصية بتجربة مستثمر اماراتي في السودان اضطر ينسحب من الاستثمار بسبب الفساد رغم انو المشروع بدأ ينتج عدييل كده !
والمعرفة التانية متعلقة بورطة المستثمر القطري في مشروع توسعة فندق الصداقة في حلة حمد وملايين الدولارات الخسرها بسبب تحايل الحكومة في تعويضات اصحاب الاراضي !
ومستثمر سوداني في صناعة الخرسانة الجاهزة ادخل السجن مقبل احد ضباط الامن بسبب رفضة المشاركة
وغيرها كثير من التجارب المتناقلة بين الناس
العقبة الاساسية في عملية جلب المستثمرين الاجانب والسودانيين هي تفشي الفساد الشديد وعدم الاستقرار السياسي والاقتصادي
في دول كتيرة مليانه فساد ورغم ذلك بتلقى المستثمرين مقبلين عليها - لأنو الفساد ما بصل العضم - فساد على خفيف- او فساد يمنح المستثمرين اكثر مما يستحقوه بس ما فساد بعيقهم من الانتاج !
|
Post: #4
Title: Re: إنفاذا لتوجيهات خادم الحرمين الشريفين
Author: الشفيع وراق عبد الرحمن
Date: 09-07-2013, 09:47 AM
Parent: #3
ود الزين
ات بس قول معانا ربنا يحفظ خادم الحرمين ويطول لينا في عمره
يا ايمن
ياخي اقرأ الخبر كله
ذكرتني البوست الفتحو اخونا عيسى
واتفق معاك
لابد من محاربة الفساد
|
Post: #5
Title: Re: إنفاذا لتوجيهات خادم الحرمين الشريفين
Author: أيمن محمود
Date: 09-07-2013, 10:01 AM
Parent: #4
| Quote: ياخي اقرأ الخبر كله |
والله العظيم قريتو كلو قبل ما أرد عليك !
لو قصدك الموضوع بدأ عديل كده تكون - استعجلت شديد
لسا الموضوع حبر على ورق - أتمنى بالفعل يصبح حقيقة ماثلة
أخبار المشروع الزراعي لشركة الصافي للألبان بولاية نهر النيل شنوو
|
Post: #6
Title: Re: إنفاذا لتوجيهات خادم الحرمين الشريفين
Author: الشفيع وراق عبد الرحمن
Date: 09-07-2013, 10:28 AM
Parent: #5
مصدقك يا هندسة وبدون حليفة
بس سؤالك:أخبار المشروع الزراعي لشركة الصافي للألبان بولاية نهر النيل شنوو
والبوست عن نفس االموضوع
وضح ات قاصد شنو؟
|
Post: #7
Title: Re: إنفاذا لتوجيهات خادم الحرمين الشريفين
Author: د.محمد حسن
Date: 09-07-2013, 10:55 AM
Parent: #6
من لاسهل جدا جلب استثمارات للسودان
ومستحيل جلب استقمارات في نظام زي ما قال ليك ايمن فساده اكل العضم
يا الشفيع انت بتنفخو في قربة مقدودة 25 سنة
علاقات مع الدول العربية قاطبة سيئة
خزينة مفلسة
فساد منتن وانتم كلكم عارفنه
توقف الحياة بشكل كبير في مرافق الدولة
يجوكم يعملو عندكم شنو
تخريمة
في اخبار قناة امدرمان امس
مستثمر اجنبي محرر شيك طاير ب 350 مليون دولار .. اهو ده نوغ المستثمرين البجو السودان ناس ابو القاسم
حرام عليكم والله العظيم في حق الناس المساكين الاكلتو قوتهم ودواهم وحليب اطفالهم 25 سنة
|
Post: #8
Title: Re: إنفاذا لتوجيهات خادم الحرمين الشريفين
Author: علي الكرار هاشم
Date: 09-07-2013, 10:58 AM
Parent: #6
الاخ الشفيع
السلام عليكم وعساك بخير
تحية لخادم الحرمين والمستثمرين السعوديين الجادين
هناك أمثلة حية عن الاستثمار السعودي في السودان
وآخر هذه المشاريع
هو مزارع الراجحي بنهر النيل وعمل ضخم جدا استفاد منه الوطن والمواطن
الحديث عن الفساد له ضرر بالبلد ولا يخدم احد
والمستثمر دائما يستطيع حراسة امواله ولا يتركها في العراء
تحية لالبان الصافي
|
Post: #9
Title: Re: إنفاذا لتوجيهات خادم الحرمين الشريفين
Author: الشفيع وراق عبد الرحمن
Date: 09-07-2013, 11:49 AM
Parent: #8
| Quote: أنا في رأيي إن هذا النوع من الإستثمار هو مجرد إستغلال للأراضي والمياه |
سلام وتحية يا جعفر من نواحي الفيسبوك
وتجدني اتفق معك
ونعم يجب دراسة المدى القريب والبعيد والاثار
في المشروع المذكور قيل انه من مرحلتين، تشمل الثانية على الانتاج الحيواني والالبان
يا د،محمد
| Quote: علاقات مع الدول العربية قاطبة سيئة |
ما تسمع كلام الجرايد
اها شوف التوجيهات السامية دي
وهو في زول نصيح بيقبل ياخد شيك "عادي" بي مبلغ قدر ده
تحية لك ولالبان الصافي يا ود الكرار
|
Post: #10
Title: Re: إنفاذا لتوجيهات خادم الحرمين الشريفين
Author: عبد اللطيف السيدح
Date: 09-07-2013, 12:15 PM
Parent: #9
مشاريع الراحجي للاعلاف (البرسيم ) بولاية نهر النيل حدادي مدادي ومنتاجتها اليوم ملأت اسواق العلف السعودية ولديهم باخرة خاصة ترسو قبالة جازان
فمرحباً بجميع الاخوة المستثمرين في ولاية نهر النيل
وشكرا باشمهدنس الشفيع علي اخبارك الحلوة
|
Post: #11
Title: Re: إنفاذا لتوجيهات خادم الحرمين الشريفين
Author: د.محمد حسن
Date: 09-07-2013, 01:03 PM
Parent: #9
يا الشفيع شخصي الضعيف كان عضو في لجنة جذب الاستثمار الزراعي السعودي
وعارف كل الخبايا
والمفروض كان يحصل شنو من عام 2003وليه المستثمرين عزفو
والاتقال كتير والاتسكت عنه كتير
ولو عايز تعرف اكتر تعال لي بوريك
ياخ حجم استثمارات الخليج في لبنان اكثر من 60 مليار
عليكم الله اقعدو مع روحكم واعملوا نقد ذاتي
وسيبكم من التطبيل الاجوف
ده زمن ارقام
ما زمن عواطف
25 سنة وتقول لي مزارع الراجحي ومين ما عارف مشاكل الراجحي مع الحكومة وكيف اتحول للبترول وبعدها اتحول للاسمنت ..
مرة بس حكمو ضميركم وانسوا تلميع الحكومة في وجه المعارضة
المعارضة يا جماعة ما مجموعة الناس البتكتب في سودانيز والا الناس الشايلة السلاح
الامعارضة هي الملايين الفقراة التي انتزعت اراضيها لبناء مساكن فاخرة وتم تعويضهم في مجاري السيول ومن ثم تتبجح الحكومة بانهم بنو في المكن الخطأ
من الذي منحهم الارض
من الذي اصدر لهم امر البناء
ملايين تشردو جوع وفقر وتقولي مزارع الراجخي للاعلاف
حسبي الله ونعم الوكيل
|
Post: #12
Title: Re: إنفاذا لتوجيهات خادم الحرمين الشريفين
Author: الشفيع وراق عبد الرحمن
Date: 09-07-2013, 04:12 PM
Parent: #11
| Quote: ياخ حجم استثمارات الخليج في لبنان اكثر من 60 مليار |
يا دوك
انا وانت نعلم انو الشغلة لا تحتاج الى "جذب" ولا تشجيع
المعادلة من قولة تيت واضحة
نملك الارض والماء والقوة العاملة وهم يملكون المال والمستهلك
بس الشغلة اولا واخيرا "البعد السياسي"
والان جاء التوجيه السامي الملكي
وبحول الله نرى تغير
|
Post: #13
Title: Re: إنفاذا لتوجيهات خادم الحرمين الشريفين
Author: عادل البراري
Date: 09-07-2013, 04:45 PM
Parent: #12
تحياتي
استاذ وراق
| Quote: نملك الارض والماء والقوة العاملة وهم يملكون المال والمستهلك |
نمتلك الأرض دي نعم
لكن قصة الموية فيها خرخره
أما القوة العاملة من المفترض نقيف حوله مرتين وندور وخد في بالك أنو المشروع زراعي
ناخد معادلة شوية تنبهية
1 جنيه سوداني = 0.8519 ريال سعودي
1 ريال سعودي = 1.1738 جنيه سوداني
هذا سعر رسمي خارج تداولات السوق الموازي مصطلحاً
ربطة العلف حسب الإنتاج المحلي السعودي 0.50 هللة
السؤال المطرح نفسه هل الإستثمار السعودي في السوداني بهدف التسويق المحلي داخل القطر ؟
أم هو مركز من مراكز الإنتاج الخاريجة التي تعمل علي تغذية السوق المحلي السعودي (المركز الأم) ؟
تحياتي
|
Post: #14
Title: Re: إنفاذا لتوجيهات خادم الحرمين الشريفين
Author: جمال خضر
Date: 09-07-2013, 08:21 PM
Parent: #13
Quote:
قررت وزارة العدل السودانية احالة مسؤولين سودانيين كبار فى مؤسسات مهمة الى التحقيق حول تهم فساد تتصل باستيراد وتوزيع تقاوى بذور " عباد الشمس" فى مواسم 2008، 2009، 2010 ، بعد احالة البرلمان السودانى ملف القضية الى وزارة العدل للتحقيق والتقصى.
وسلم وزير العدل محمد بشارة دوسة رئيس البرلمان احمد ابراهيم الطاهر امس نسخة من تقرير لجنة التحقيق القضائية التى تشكلت خصيصا للتقصى حول الملف الذى شغل الراى العام السودانى وتحول لقضية راى عام سيما فى اعقاب اعلان وزير الزراعة السودانى عبد الحليم اسماعيل المتعافى تشكيكه فى الدوافع وراء اثارة القضية قائلا عند استجوابه فى البرلمان ان محركيها ينطلقون من دواعى سياسية.
واوصى تقرير اللجنة المكلفة بالتحقيق باحالة مدير عام البنك الزراعي ومدير الادارة التجارية بجانب مدير الادارة المالية بالبنك الي النيابة العامة لاتخاذ الاجراءات القانونية اللازمة ضدهم لمخالفتهم القانون الجنائي ولائحة الاجراءات المالية، وقضت اللجنة حسب تقريرها باحالة رئيس واعضاء لجنة فرز العطاء الي نيابة الاموال العامه لمخالفتهم القانون الجنائي
واحالت اللجنة شركات اقروتليج واقرونيست و هارفست الزراعية الي نيابة الاموال العامة لمخالفتها القانون الجنائي وقانون المواصفات والمقاييس ولائحة التقاوي.
وشمل التحقيق امام النيابة مدير ادارة التقاوي السابق بوزارة الزراعة لمخالفته قانون التقاوي ولائحة التقاوي، كما احيل مدير الادارة القانونية بالبنك الزراعي للمحاسبة لاهماله صياغة عقودات الشركاات المشتبهة.
واوصت اللجنة مدير جهاز الامن الوطني السودانى بتشكيل لجنة محاسبة لمندوب الامن الاقتصادي لاهماله متابعة أمر التقاوي بجانب توصية لجهة الاختصاص بتشكيل لجنة محاسبة لرئيس لجنة التخليص لاهماله في المتابعة.
وكشف التقرير عن تورط مدير البنك الزراعي في التصديق باجراءات وصرف مبالغ مالية للشركتين اللتين رسى عليهما العطاء دون مبرر قانوني، والتصديق بصرف مبالغ مالية لشركة هارفست واستقدام تقاوي مخالفة للمواصفات ما ادي الي ضياع اكثر من عشرة مليون يورو علي الدولة.
بجانب التصديق بالشراء المباشر بالنسبة للتعاقد مع شركة هارفست بالنقد الاجنبي دون الحصول علي تصديق من وزارة المالية، فيما كشف التقرير تورط رئيس واعضاء لجنة فرز العطاء في مساهمة الرئيس في شركتين من الثلاث التي تقدمت ورسي عليها العطاء، ومخالفة اعضاء اللجنة الاجراءات المطلوبة في فرز العطاء بقبولهم عطاءات مخالفة لشروط كراسة العطاء، كما اوضح التقرير تورط مدير ادارة التقاوي سابقاً بوزارة الزراعة في افراجه عن تقاوي موسم 2008 ـ 2009 بالمخالفة للقانون ولائحة التقاوي بجانب اشتراكه في لجنة تخليص تقاوي مواسم 2009 ـ 2010 واهماله في المتابعة بعد الافراج.
واكد التقرير ان جميع اجراءات الاستيراد وسداد المبالغ المالية قام بها البنك الزراعي دون ان يكون للشركات دوراً فيها، واوضح ان العطاءات كانت طريقاً للحصول علي عمولات لشركات واشخاص دون وجه حق، واكدت اللجنة مسؤلية البنك الزراعي عن مديونيات المزارعين وتعسراتهم بعدم اتباع الاجراءات المالية الصحيحة بينها وصول التقاوي خارج القيد الزمني للزراعة وتوزيع تقاوي غير مطابقة للمواصفات، وقررت مساهمة شركة شيكان للتامين والبنك الزراعي في تعويض المزارعين المتضررين
|
أخونا الشفيع
لك التحية
الفساد فى المقتبس أعلاه والذى شغل الإعلام والرأى العام والبرلمان ردحا من الزمن والذى تسبب فى فشل مواسم
مواسم زراعية وخسارة فادحة للمزارعين وإهدار أموال طائلة من العملة الصعبة وضياع كميات كبيرة من المواد
البترولية فى إعداد الأرض والحراثة وطبعا لأن المتورطين فى الفضيحة من ذو الأيدى المتوضئة والأفواه المتمضمضة
الأقوياء الأمناء صحابة القرن العشرين فلن يُحاسب أحد لأن المنظومة كلها فاسدة من الساس للراس والفساد هو الذى يُثبت
النظام ويسنده وأى خلخلة فى مفاصل الفساد ستؤدى بالنظام لأن ما يجمع بين الإنقاذيين هو المصالح .
نخلص مما ذكرناه أن الفساد أعلاه كان السبب فى خروج صافولا بإستثماراتها من السودان لأنها تعمل فى مجال تكرير
الزيوت وعملت على التنسيق مع وزراة الزراعة و البنك الزراعي و أمانة النهضة الزراعية، مجلس الحبوب الزيتية ، هيئة البحوث الزراعية، إتحاد المزارعين فى سبيل توفير بذرة عباد الشمس إبتداء من موسم 2007/2008 بتوفير 65 ألف طن وكان الهدف
الوصول الى 750 ألف طن فى موسم 2012 وطبعا تبخر الحُلم وتلاشت الآمال بفعل كوادر المؤتمر الوطنى التى لا تمتلك ذرة
من الوطنية وكانوا ينظرون الى مصالحهم الشخصية اللحظية وليذهب السودان وإنسانه الى الجحيم وكان نتاج ذلك شح فى بذرة
عباد الشمس مما يعرقل الإنتاج فى مصنعها ويعرضها لخسائر فادحة فكان لا بد لها من إستيراد حوجتها من الخارج فعرضت
على حكومة المؤتمر الوطنى السماح لها بالإستيراد على أن تكون معفاة من الجمارك وقد
إحتج إتحاد مصنعى الزيوت السودانى على طلب صافولا وطالبوا بمعاملتهم بالمثل وبعدها صدر قرار من مجموعة صافولا
بإغلاق مصنعها فى السودان ولا علم لى بعد ذلك هل توصلت الحكومة الى تسوية أم ذهبوا بدون رجعة .
|
Post: #15
Title: Re: إنفاذا لتوجيهات خادم الحرمين الشريفين
Author: سيف النصر محي الدين
Date: 09-08-2013, 00:39 AM
Parent: #14
الناس ديل لو دايرين برسيم يمشوا يزرعوه في واطاتم . خادم الحرمين دي واطة أبوه يوجه بالزراعة فيها
و كان الكيزان ادوهم الليلة بكرة بنمرقهم منها عشان كدي أخير ليهم يبعدوا و ينفذوا توجيهات خادمهم
في حتة تانية.
هناك اهتمام من جهات عالمية مهتمة بالغذاء و التنمية الزراعية في بلدان العالم الثالث الفقيرة بالآثار
السالبة لاستيلاء دول غنية على الأراضي و الموارد المائية في تلك البلدان تحت غطاء الاستثمار.
و هناك دراسات جادة منشورة و موجودة على الإنترنت حول هذا الموضوع.
|
Post: #16
Title: Re: إنفاذا لتوجيهات خادم الحرمين الشريفين
Author: الشفيع وراق عبد الرحمن
Date: 09-08-2013, 02:33 AM
Parent: #15
مرحب اخونا جمال
ولا نختلف ان الفساد هو اكبر آفة ومهدد للبلد
واظنك تتفق معي ان مناقشة هذا الموضوع في البرلمان وتداوله في الصحف بكل شفافية وقرارات وزير العدل الذكرتها
كلها "مبشرات"
وانا متأكد انو لو تعلونت المعارضة مع الحكومة سنتمكن من اجتثاث الفساد
بخصوصصافولا ععلى ما اظن ما تزال تعمل واظنها بدأت في انشاء مصنع للسكر
يا د.سيف
انا ملاحظ انو نبرتك اتغيرت بعد مغادرتك لارض الحرمين وتمتعك بكل خياراتها ردحا من الزمن
البوست يرد على من يقول انو البلد طاردة وغير مشجعة للاستثمارات
واتفهم تحفظك على موضوع الموارد والاراضي، لكن اظن عندنا ما يكفينا وغيرنا
|
Post: #17
Title: Re: إنفاذا لتوجيهات خادم الحرمين الشريفين
Author: سيف النصر محي الدين
Date: 09-08-2013, 10:14 AM
Parent: #16
يا الشفيع نهر النيل دي أرضنا و نحن الأهل بنتكاتل فوقها و بنمشي المتحكم تجوا توزعوها للإعراب يسووها برسيم لبهايمن
نحن بنستفيد شنو ؟
ولا شي.
ارض مستهلكة و حديد خردة و آبار ناضبة هذا كل ما سيتركه لنا الأعراب .. و ده رأيي في الموضوع من زمن
كنت متسجم قاعد معاهم و كان دايراقتباسات اطلب.
|
Post: #18
Title: Re: إنفاذا لتوجيهات خادم الحرمين الشريفين
Author: Hafiz Bashir
Date: 09-08-2013, 01:50 PM
Parent: #17
الشفيع وراق
سلام و مشتاقين ياخي
مبادرة الملك عبد الله للاستثمار الزراعي في الخارج دي من سنة 2008 و السودان واحدة من الدول العليها العين بالنسبة للمبادرة
السنة الفاتت شركة هادكو (المراعي) وقفت مشروع زراعة الأعلاف في السودان لأن تكلفة إستيراد العلف من الأرجنتين او البرازيل اقل بكثير من زراعته في السودان بسبب عدم توفر الطاقة
غايتو لو ناس شركة الصافي شاوروا ناس المراعي الضحك شرطك في البوست دا يالشفيع
|
Post: #19
Title: Re: إنفاذا لتوجيهات خادم الحرمين الشريفين
Author: Faisal Al Zubeir
Date: 09-08-2013, 05:43 PM
Parent: #18
| Quote: خصصتها ولاية نهر النيل للشركة للأعلاف ومن ثم الانتقال للمرحلة الثانية والمتمثلة في عمليات الإنتاج الحيواني . |
المرحاة الثانية الاهم والمفيدة اقتصاديا للبلد.
|
Post: #20
Title: Re: إنفاذا لتوجيهات خادم الحرمين الشريفين
Author: الشفيع وراق عبد الرحمن
Date: 09-09-2013, 03:30 AM
Parent: #19
ده كلام شنو يا دوك، ذكرتني حبوبتي
هلا وغلا حبيبنا حافظ وليك وحشة والله
امس والليلة ووبكرة
المحرك هو البعد السياسي
لو ما اتحررنا تمام من الدوائر اياها، ما ح نتقدم
يا حبيب، علي الحلال لو مدو سلك طاقة من الرياض لي مروي يكون ارخص من الارجنتين
| Quote: المرحاة الثانية الاهم والمفيدة اقتصاديا للبلد. |
كلام سليم يا فيصل ونقول بحول الله
|
Post: #21
Title: Re: إنفاذا لتوجيهات خادم الحرمين الشريفين
Author: احمد التجانى احمد
Date: 09-09-2013, 05:50 AM
Parent: #20
| Quote: نملك الارض والماء والقوة العاملة وهم يملكون المال والمستهلك |
غايتو البلد عدمت اسم الزول البيخجل
هل دة بيعتبر استثمار ان ياتى احدهم بجلابيته ليس الا , ويمنح الاراضى الشاسعة ليقيم عليها مشاريع زراعة البرسيم والمضحك ان المشروع يديره موظفوه من السودانيون الذين يعملون معه فى بلده وكذلك العمالة محلية بحتة , فماذا منحنا اياه هذا المستثمر , ما هى التكنلوجيا التى ادخلها لنا ونحن لا نعرفها قبله واى عملة صعبة ادخلها لنا غير شوية اليات مستعملة وطلمبات رى و ناقلات لم يدفع فيها جمركا, لى معرفة لصيقة بمشروع استثمار اجنبى لانتاج الدواجن يتجلى فيه الغباء السودانى يقابله الذكاء الاجنبى , يستغل فيها اراضينا وكوادرنا واسواقنا ومواردنا المائية واخيرا يقوم باخراج ملايين دولاراته لدولته خارج النظام المصرفى وكلمة السر لكل ذلك هى الفساد فى العلالى , المستثمر النضيف لن يغامر بالدخول للسودان فى ظل الظروف الحالية التى تسرق فيها مواد اغاثة متضررى السيول والامطار
|
Post: #22
Title: Re: إنفاذا لتوجيهات خادم الحرمين الشريفين
Author: Asim Fageary
Date: 09-09-2013, 06:34 AM
Parent: #21
Quote:
الحديث عن الفساد له ضرر بالبلد ولا يخدم احد
والمستثمر دائما يستطيع حراسة امواله ولا يتركها في العراء
تحية لالبان الصافي |
يا علي الكرار هاشم
بعد التحية
يعني الناس تدفن راسها في الرمال !
الفســاد دا باين لكل الناس و واضح وضوح الشمس في منتصف النهار
__
يا ايمن محمود موضوع الإماراتي اللي سحب إستثماراته أعرفها من الإماراتي نفسه
ولقد إتصل علي في الجوال من السودان وحكى لي كل الفساد والرشاوي التي سببت لهم مضايقات
ونصحته بأن لا حل إلا بالهروب من هذه البيئة
التصحيح = محاولة لتصحيح إسم السودان
|
Post: #23
Title: Re: إنفاذا لتوجيهات خادم الحرمين الشريفين
Author: الشفيع وراق عبد الرحمن
Date: 09-09-2013, 09:20 AM
Parent: #22
احمد التجاني سلام
علي بالحلال كلامك ده كلام زول مغيوظ ساكت
زعلان من تدفق الاستثمارات للسودان
وبيحب يرى السودان معذول ومحاصر
البوست لمن هم مثلك تحديداً
يا فقيري سلام يغشاك
صدقني ما اديتو النصيحة الصاح
هو زاااتو غلطان البسمع نصيحة سوداني ما بيعرف يكتب السودان صاح
|
|