Post: #1 Title: نرجو من الإخوة البرورداب مساعدتي في حل هذه المعضلة البورديّة Author: منتصر عبد الباسط Date: 09-06-2013, 02:52 PM
يا جماعة أنا لسع ما عارف كيف انزل فيديو من اليوتيوب اقصد طبعاَ تنزيل شاشة اليوتيوب قدر ما حاولت ووضعت روابط االيوتيوب في وسط الكودات الموجودة التي أخذتها من صفحة الأكواد كلوا كلوا ما ظبطت كمان في مرة ..كُتر ما حاولت جاتني شاشة سودا ما شغالة لكن قفلت البورد مرة واحدة لغايت ما تدخل الباشمهندس بكري وأطلق صراح البوست .. عشان ما أعافر تاني بلا معرفة أهل المعرفة يورونا مشكورين الداهية بسوها كيف؟
Post: #2 Title: Re: نرجو من الإخوة البرورداب مساعدتي في حل هذه المعضلة البورديّة Author: محمد البشرى الخضر Date: 09-06-2013, 03:15 PM Parent: #1
بسيطة يا منتصر اعمل رايت كليك و الماوس في نص الكليب في اليوتيوب بتجيك قائمة خيارات اضغط على "copy embed code" و تعال البوست اعمل لصق للكودة المنسوخ زي ما هو في صفحة الرد
Post: #9 Title: Re: نرجو من الإخوة البرورداب مساعدتي في حل هذه المعضلة البورديّة Author: منتصر عبد الباسط Date: 09-06-2013, 09:21 PM Parent: #2
الأخ محمد البشرى لك التحية والشكر أها أنا هسع جربت طريقتك وظبطت الله إديك العافية
Post: #3 Title: Re: نرجو من الإخوة البرورداب مساعدتي في حل هذه المعضلة البورديّة Author: عادل الباهي عبدالرازق Date: 09-06-2013, 03:17 PM Parent: #1
منتصر سلام
هاك الرابط دا سوف تجد ضالتك كان قد أفترعه الأخ الامين موسي البشاري ولو صعب عليك الامر قول عوووك بجيك بشرح ليك برواقة
Post: #5 Title: Re: نرجو من الإخوة البرورداب مساعدتي في حل هذه المعضلة البورديّة Author: عادل الباهي عبدالرازق Date: 09-06-2013, 03:20 PM Parent: #3
شكلي كنت بكتب في الرد في نفس توقيت ود البشري ، أمسك في كلام ود البشري ولو الموضوع زبط معاك ماتنسانا من صالح الدعوات هههههه
Post: #10 Title: Re: نرجو من الإخوة البرورداب مساعدتي في حل هذه المعضلة البورديّة Author: منتصر عبد الباسط Date: 09-06-2013, 09:28 PM Parent: #5
الأخ عادل الباهي لك التحية والشكر الجزيل والله يعطيك العافية ...ومشكور على الرابط
Post: #6 Title: Re: نرجو من الإخوة البرورداب مساعدتي في حل هذه المعضلة البورديّة Author: سفيان بشير نابرى Date: 09-06-2013, 03:26 PM Parent: #3
ياًزول اوعك تسمع كلام النفرين دي معضلة ( بوردية) اصلا ما بتتحله باخوي و اخوك و عايزة صبر و طولة بال و قصص كتيييييرة. النفرين ديل عايزين يجهجهوك ساي حصل يوم شفتهم منزلين فديو؟ و احد فيهم شغلتو كلها :- يابكري شيييييييل و التاني:- بعرف كل مطاعم اوربا. انسانا منهم .
Post: #11 Title: Re: نرجو من الإخوة البرورداب مساعدتي في حل هذه المعضلة البورديّة Author: منتصر عبد الباسط Date: 09-06-2013, 09:38 PM Parent: #6
هههههه لك التحية أخي سفيان والله كانت معضلة فعلاَ لكن غايتو واحد منهما حل لي المعضلة وانت شكلك يا سفيان أخوي متأثر بالفنان ابراهيم عوض لمن قال لوردي مشوار الفن دا صعب الله يديك العافية ويرحمهما كما قدما لنا فناَ جميلا
Post: #4 Title: Re: نرجو من الإخوة البرورداب مساعدتي في حل هذه المعضلة البورديّة Author: أيمن محمود Date: 09-06-2013, 03:19 PM Parent: #1
بالتوفيق
Post: #12 Title: Re: نرجو من الإخوة البرورداب مساعدتي في حل هذه المعضلة البورديّة Author: منتصر عبد الباسط Date: 09-06-2013, 09:51 PM Parent: #4
الأخ أيمن محمود لك التحية وجزيل الشكر وها أنا أنزل فيدو بالطريقة التي وضحتها لي والحمد لله كان عندي حساب في قوقل لأن طريقتك تشترط ذلك ... شكراَ كثيراَ لأثراء البوست بتعدد الحلول
Post: #7 Title: Re: نرجو من الإخوة البرورداب مساعدتي في حل هذه المعضلة البورديّة Author: Dr Mahdi Mohammed Kheir Date: 09-06-2013, 03:52 PM Parent: #1
حاول ترفع فيديو فى بوستيك دا , وبالطريقة التحت دى يا أخ منتصر
1/ أعمل رايت كليك فى الفديو وهو شغال أفضل 2/ من الوندو الح يظهر ليك , أختار (copy embed code) 3/أعمل بيست للنك فى البوست 4/ أضف رد
Post: #8 Title: Re: نرجو من الإخوة البرورداب مساعدتي في حل هذه المعضلة البورديّة Author: عادل الباهي عبدالرازق Date: 09-06-2013, 04:10 PM Parent: #7
Quote: ياًزول اوعك تسمع كلام النفرين دي معضلة ( بوردية) اصلا ما بتتحله باخوي و اخوك و عايزة صبر و طولة بال و قصص كتيييييرة. النفرين ديل عايزين يجهجهوك ساي حصل يوم شفتهم منزلين فديو؟ و احد فيهم شغلتو كلها :- يابكري شيييييييل و التاني:- بعرف كل مطاعم اوربا. انسانا منهم .
يأبن عمي والله المطاعم بدخلها بحثا عن سيف كلوش ، الزول دا لو ما أشتغلت معاهو توم آند جيري كان مات من أكل اللحوم والطيبات هههههههه
Post: #13 Title: Re: نرجو من الإخوة البرورداب مساعدتي في حل هذه المعضلة البورديّة Author: منتصر عبد الباسط Date: 09-06-2013, 10:10 PM Parent: #7
شكراَ دكتور محمد المهدي وطريقتك نفس طريقة محمد البشرى وهي أسهل الطريقتين وكلاهما ليس صعباَ واها دا تاني واحد بطريقتكما المثلى
Post: #14 Title: Re: نرجو من الإخوة البرورداب مساعدتي في حل هذه المعضلة البورديّة Author: منتصر عبد الباسط Date: 09-07-2013, 01:37 PM Parent: #13
ليطلع من شكرناه على شكرنا له للمساعدة التي قدموها لنا
