مفاجأة .. اوباما سوداني

وله ارتباط فكري وسلوكي مع المؤتمر الوظني
جهجهته الاخيرة دي وحليفته بالطلاق الا يضرب امريكا
ويفتش في المخارجة
ذكرتني جماعتنا
واتذكرت اغنية الاغلبية الصامتة الزمان

اوباميا
طبيخنا كله بامية
الشكلة نارها حامية
نضحي بي منو
والناس تقول شنو
او باميا
**
كورتنا زي مريخنا
سياسة زي فسيخنا
زمان كنا بنغني
كمبا كمبا كمبا
هسة بقينا نبكي
اوكامبو يا اوكامبو
ما تركبونا زمبة
اوباميا
***
ندفق المرايس
ندسدس الكدايس
والكسرة يا حليلها
ما لقينا ليها عايس
اوباميا
**
كبيرنا راسه دايش
نسهاها دي المعايش
يفتش المخارج
ونحن زيتنا خارج
اوباميا
**
واصلو صِرفة مافي
خستكوا التراضي
والامة راسو لافي
اوباميا
**
الخوف من العساكر
يجونا تاني باكر
يعلنو الطواري
ويقفلوا الكباري
اوباميا
**
هرتنا دي الضرايب
اتفرتقت زرايب
ضعفن البهايم
ما اصلوا ما في سايم
**
سيبناها دي الزراعة
نستنى للاغاثة
لمن تجي المجاعة
ويقولوا في الاذاعة
دي فجوة في الغذاء
ما تبطلوا الاشاعة
او باميا
**
الموية قاطعة ديمة
النيل شايلاه شيمة
الكهربا الخبيثة
شالوها من نفيسة
أوباميا
**
قالت تولع الرتينة
واللمبة دي الحنينة
ونجدع الفريزا
نجيبو مشلعيب
ونبطل الترطيب
اوباميا
**
حكومة يا حكومة
يا احلى من لكومة
نحن بنريد لياقتك
واللصقة في الحلقوما
اوباميا

أوبــــــــــــــــامــيـــا (اغنية الاغلبية الصامتة)

ما حيضرب سوريا