Post: #1 Title: أيواااا يا محمود قايلنا بننساك مش؟!! الحنين البينا ليك ح تقدّروا؟؟؟ Author: عمر الفاروق Date: 09-05-2013, 08:16 PM
يعني يا محمود ح تقعد تبشتن فينا كده كتير؟؟ ويعني كل ما نطراك في تفاصيل يومنا تتعبنا كده؟؟ وقدر ما نشتاق ليك ونقعد نفتش فيك في صوتك؟؟ وزي خاتم المنى ..بنلقاك هنا..؟؟ وتتحكر فينا ونبقا فييي البيطلعك مننا ؟؟ معقولة يا محمود إنت طوااالي بتكون غناي كده ؟؟ محمود إنت لييي صوووتك ده ما بيشبه صوت الناس؟؟؟ محمود إنت لييي زاااتك ما بتشبه الناس؟؟؟ إنت قايلنا عويييرين ليك وح ننساك مش؟؟؟ لا بالله شوف غيرا يا حبيييب.. الحنين البيناليك ما ح ننكروا.. و ح نقدددروا.. بس يا الحبيب يا الغالي سؤالك صعب .. العمر من وين بيشتروا؟؟؟ يارييت لو عرفنا يا محمود بيشتروا من وين .. ما تشوفنا كده يا محمود صاح ما قدرنا نعالجك لكن والله كنا ح ندفع لو عرفنا محل بيع المعمر ده .. والله يا محمود زييي ما بقول ليك كده .. بس يلا ما عرفنا محلو ومحل بيعو وشراهو ..
محمود يا عبد العزيز .. يا عزيز .. صوتك ده يوم ح يوقف قلبنا .. ما كمان إنت ما تبالغ وتكون زول غنااااي كده .. كرررهتنا الغنا زاااتو ياخ .. ده شنو الزول الغناااي ده ؟؟ طيب يا بخيل مش كان تخلي لينا حبة من صوتك ده ؟؟ مش كان تكتب في الوصية الممكن يورثو منو ؟؟ محمود يا صاااحب ..ياخ ربنا يرحمك يا زووول يا طيييب.. يعلم الله اشتقنا ليك ..
تخريمة : نحن حافظين لي ودااادك ..
Post: #2 Title: Re: أيواااا يا محمود قايلنا بننساك مش؟!! الحنين البينا ليك ح تقدّروا؟؟؟ Author: حسين عبد المجيد Date: 09-05-2013, 08:23 PM Parent: #1
عمر الفاروق مالك ياخي قلبت علينا المواجع قبل شوية في قناة أنغام شاهدته يغني ما قدرت أواصل كتير رجعت لزكريات كثيرة لزمن سمح.. له الرحمة و المغفرة .
كسرة كده أسسوأ خميس بالنسبة لي لمدة 26 سنة من عمر غربتي
Post: #4 Title: Re: أيواااا يا محمود قايلنا بننساك مش؟!! Author: عمر الفاروق Date: 09-05-2013, 08:36 PM Parent: #3
حسين يا عبد المجيد .. غايتو نحن ما بنقدر وما عندنا حيلة غير ندعي ليهو ربنا يغفر ليهو ..ويديهو بقدر ما أدانا .. لكن عينيينا بكتو والله ..
Post: #5 Title: Re: أيواااا يا محمود قايلنا بننساك مش؟!! Author: عمر الفاروق Date: 09-05-2013, 08:39 PM Parent: #4
أمير يا طمبل.. والله انا أمير محيير في قصة محمود دي .. الغريبة متى ما شاهدت أو سمعت محمود بتسمّر في مكاني وكان ما تميت الاغنية ما بزح .. ما عارف ده شنو ..بستمتع صدق ؟؟ برتاااح رسمي لمن اسمع صوت المخلوق ده .. محمود ده لسة عايش فينا يا مان ..
Post: #6 Title: الله يرحمك يا حوت Author: الصادق البديري Date: 09-06-2013, 05:40 AM Parent: #1
