Post: #1
Title: عواليق دا لسة عايش؟
Author: تيسير عووضة
Date: 09-05-2013, 11:24 AM
Parent: #0
الحياة من غير إنترنت رائعة 
|
Post: #2
Title: Re: عواليق دا لسة عايش؟
Author: تيسير عووضة
Date: 09-05-2013, 11:26 AM
Parent: #1
عدنا إلى كوكب المرح والمغامرات يا قول ناس سبيس توون ..
|
Post: #3
Title: Re: عواليق دا لسة عايش؟
Author: تيسير عووضة
Date: 09-05-2013, 11:29 AM
Parent: #2
قبل كل شيء:
أحر التعازي في الوفيات والأخبار الحزينة
وأصدق التهاني في النجاحات والمناسبات السعيدة
دمتكم كلكم بخير
تامين ولامين ..
|
Post: #4
Title: Re: عواليق دا لسة عايش؟
Author: الزنجي
Date: 09-05-2013, 11:30 AM
Parent: #2
من طولت الغيبات جاب الغنائم
|
Post: #5
Title: Re: عواليق دا لسة عايش؟
Author: تيسير عووضة
Date: 09-05-2013, 11:34 AM
Parent: #4
مراحب يا الزنجي وسلامات كتار ..
|
Post: #6
Title: Re: عواليق دا لسة عايش؟
Author: تيسير عووضة
Date: 09-05-2013, 11:38 AM
Parent: #5
الفترة الفاتت دي حصلت بلاوي محلية وعالمية بتستحق التعليق عليها ما أظن ألقى أحسن من البوست دا عشان ننضم فيها
ولو زول أدانا بريف عن الحاصل في البورد يكون برضو ما قصر ..
|
Post: #7
Title: Re: عواليق دا لسة عايش؟
Author: تيسير عووضة
Date: 09-05-2013, 11:48 AM
Parent: #6
حكومة الإنقاذ لسة قاعدة؟
عمر البشير لسة رئيس؟
بعد السيول وخساير الأرواح والممتلكات لسة قاعدين؟
|
Post: #8
Title: Re: عواليق دا لسة عايش؟
Author: محمد البشرى الخضر
Date: 09-05-2013, 12:02 PM
Parent: #7
عواليق دا لسّة عايش وبحكم في أمانة الله و اليومين ديل برازي في قادة الأحزاب ويزوزي بيهن كالعادة عايز يكسب زمن اضافي
أما على صعيد البورد ما في شي جديد و الحال في حاله عدا انو جات فترة قرّب يبقى إيجبشيانزاونلاين و الغالط حدو السما :إنقلاب ولاّ ثورة شعبية
المفارقة بقى إنو الكيزان يهتفو يسقط حكم العسكر, و المناضلين (بعضهم للدقة) يقول ليك الديمقراطية ليست قرآن ولا إنجيل!!
|
Post: #12
Title: Re: عواليق دا لسة عايش؟
Author: تيسير عووضة
Date: 09-05-2013, 12:25 PM
Parent: #8
يا أبو حتوت
خلي يزوزي بيهم
سهر الجداد ولا نومو
| Quote: المفارقة بقى إنو الكيزان يهتفو يسقط حكم العسكر, و المناضلين (بعضهم للدقة) يقول ليك الديمقراطية ليست قرآن ولا إنجيل!! |
سجمي! 
هو مش بركة الماقالوا الديمقراطية حرام ..
إنت صحي هو إنقلاب ولا ثورة؟
|
Post: #14
Title: Re: عواليق دا لسة عايش؟
Author: تيسير عووضة
Date: 09-05-2013, 12:30 PM
Parent: #9
يا صبري ..
مواقع التواصل الإجتماعي يعني شنو؟
فتحت اللابتوب مشيت على سودانيزأون لاين لقيت روحي في أرشيف الربع التالت
|
Post: #17
Title: Re: عواليق دا لسة عايش؟
Author: صبري طه
Date: 09-05-2013, 12:47 PM
Parent: #14
مُش الصحيح يا صبرك .. يا حليلك دا مُش غياب وبس .. دي فورمات عديل كدا
| Quote: مواقع التواصل الإجتماعي يعني شنو؟ |
هل لديك حساب في الفيسبوك والتويتر والقوقل+ ؟
| Quote: فتحت اللابتوب مشيت على سودانيزأون لاين لقيت روحي في أرشيف الربع التالت |
من الأرشيف طلع تيسير 
|
Post: #10
Title: Re: عواليق دا لسة عايش؟
Author: تيسير عووضة
Date: 09-05-2013, 12:10 PM
Parent: #7
دعك من هذا
البورد دا عمل ريجيم لؤي شمت ولا شنو؟
ناقص ستة سنتي يمين وستة سنتي شمال !
|
Post: #13
Title: Re: عواليق دا لسة عايش؟
Author: صبري طه
Date: 09-05-2013, 12:27 PM
Parent: #10
Quote: البورد دا عمل ريجيم لؤي شمت ولا شنو؟
ناقص ستة سنتي يمين وستة سنتي شمال ! |
عندما تظهر لكِ هذه المُشكلة .. أغلقي المُتصفّح بشكل كامل .. وأعيدي فتحه من جديد ...
|
Post: #16
Title: Re: عواليق دا لسة عايش؟
Author: تيسير عووضة
Date: 09-05-2013, 12:44 PM
Parent: #13
لسة برضو يا صبري شايف الفرق؟ لكن ما مشكلة ..
تسلم ..
|
Post: #19
Title: Re: عواليق دا لسة عايش؟
Author: صبري طه
Date: 09-05-2013, 01:07 PM
Parent: #16
| Quote: لسة برضو يا صبري شايف الفرق؟ لكن ما مشكلة .. |
في هذه الحالة أعتقد إنّو المُشكلة تكون متعلقة بحفظ الكوكيز لتسجيل الدخول التلقائي للمنبر ...
| Quote: الحياة من غير إنترنت رائعة |
نرجع لموضوع البوست ...
الحياة من غير مُشاركة وتفاعل والاكتفاء فقط بالقراءة والاطّلاع أم غياب تام عن عالم الإنترنت ؟
|
Post: #26
Title: Re: عواليق دا لسة عايش؟
Author: تيسير عووضة
Date: 09-05-2013, 05:08 PM
Parent: #19
| Quote: مُش الصحيح يا صبرك .. يا حليلك دا مُش غياب وبس .. دي فورمات عديل كدا |
لوول
فرمتة الياباك يا صبرك ..
| Quote: هل لديك حساب في الفيسبوك والتويتر والقوقل+ ؟ |
عندي فيسبوك أكاونت ومقفول وإنت عارف
تويتر وقوقل بلس ما عندي ..
| Quote: الحياة من غير مُشاركة وتفاعل والاكتفاء فقط بالقراءة والاطّلاع أم غياب تام عن عالم الإنترنت ؟ |
في الأول كنت مكتفية بالقراية بس الفترة الأخيرة كنت برة الشبكة حرفياً
لكن عندي إضافة على الكلام الفوق إنو مواقع التواصل أفرزت جيل يعاني من الوحدة
الكلام بتاع الدراسة دا قد يكون صحيح في البلدان الغربية لطبيعة الحياة الإجتماعية بتاعتهم
وبرضو على بعض البلدان الشرقية واللي بتكون الحركة والحريات فيها محدودة فبتشكل المواقع متنفس
ومساحة حرية أكبر بكتير من الواقع ..
الوحدة بتجي لمن الزول يخلي حياتو الواقعية ويفضل عليها حياة وناس إفتراضيين
عن نفسي بقول شكراً وشكراً شديد لمواقع التواصل دي لأنو لولاها ما كان حيكون في تواصل شبه أسبوعي بيني وبين أرحامي من الدرجة الأولى
(أخوال وأعمام وأولادهم والأهل عموم وأصدقاء الطفولة والدراسة البعيدين) عدم التواصل مع الأهل والأقارب دا ياهو البجيب الوحدة لأنو الأصدقاء على أهميتهم العظمى في حياتنا لكن وجودهم ما بيلغي مساحة الأقارب ..
الكلام دا كلو بودينا لسؤال مهم مفروض الزول يسألو لي نفسو بشرط الإجابة تكون صادقة
أين تجد نفسك أكثر: في الحياة الواقعية أم الإسفيرية
طبعاً 90% حيقولوا نفضل حياتنا الواقعية في حين إنو معدلات المطالعة والمشاركة بتاعتهم بتقول غير كدا تماماً ..
شكراً صبرك لإتاحة الفرصة
|
Post: #15
Title: Re: عواليق دا لسة عايش؟
Author: Hani Arabi Mohamed
Date: 09-05-2013, 12:40 PM
Parent: #10
تيسير حمد الله على السلامة ولعلك بخير.
- الباقي هيّن -
|
Post: #27
Title: Re: عواليق دا لسة عايش؟
Author: تيسير عووضة
Date: 09-05-2013, 05:18 PM
Parent: #15
تسلم وتعيش يا هاني
والباقي بعدين 
|
Post: #11
Title: Re: عواليق دا لسة عايش؟
Author: tmbis
Date: 09-05-2013, 12:12 PM
Parent: #7
ااي قاعدين ..
انت كنتي ووين .. وجايه تسالي لينا من الرئيس والانقاذ .. قاعدين يا زولة والله قاعدين جنس قعدة ..
|
Post: #18
Title: Re: عواليق دا لسة عايش؟
Author: معاوية المدير
Date: 09-05-2013, 12:50 PM
Parent: #11
ألف مرحب تيسير،
ما فاتك شي.
عواليق ياتو فيهم ؟؟؟...
|
Post: #24
Title: Re: عواليق دا لسة عايش؟
Author: زهير عثمان حمد
Date: 09-05-2013, 01:23 PM
Parent: #18
تحياتي
كانوا وين ديل صحي !؟ عايش في حد ذاتا رمزية وكلمة مشفره حمدا لله علي العافية والمعيشه
أنشاء العودة بدون تمرد مسلح ومعارك وضحايا
لك كل الود
|
Post: #31
Title: Re: عواليق دا لسة عايش؟
Author: تيسير عووضة
Date: 09-05-2013, 05:35 PM
Parent: #24
عزيزنا ابو الزهراء ياخي تسلم
وما تخاف عودة خالي سلاح
ولكن .. إن عادوا عدنا
|
Post: #30
Title: Re: عواليق دا لسة عايش؟
Author: تيسير عووضة
Date: 09-05-2013, 05:31 PM
Parent: #18
تسلم يا ود المدير ..
إختار البيعجبك
|
Post: #20
Title: Re: عواليق دا لسة عايش؟
Author: سيف النصر محي الدين
Date: 09-05-2013, 01:11 PM
Parent: #11
كيف حالكم و أحوالكم في هذه المدة الطويلة و اما إذا سألتم عنا فنحن و الحمد لله بخير و الحال في حالو
و بس نقول الحمد لله و لا نفتقد شئ سوى عدم رؤياكم الغالية.
و نخبركم أن الريس بكري قال لازم تشتركوا في دراسة عن سودانيزاونلاين و نخبركم أن ود المشرف حزين
عشان وداد أدوها جايزة أحسن مرة عربية ، و نبلغكم أن ملاسي اكتشف أن البرعي ليس الا شاعر نصف جيد
كما نخبركم أن فرانكلي قايم علي جنوب السودان و مسميها جمهورية الموز، و كمان نعرفكم انو النار مولعة بين
عادل عبد العاطي و ناس تانيين و أن دينق كان في الإمارات و الموصلي كمان ماشي عليها.
سلامنا للجميع بطرفكم و تقبلوا سلام الجميع هني
|
Post: #23
Title: Re: عواليق دا لسة عايش؟
Author: محمد كابيلا
Date: 09-05-2013, 01:20 PM
Parent: #20
Quote: نخبركم أن الريس بكري قال لازم تشتركوا في دراسة عن سودانيزاونلاين و نخبركم أن ود المشرف حزين
عشان وداد أدوها جايزة أحسن مرة عربية ، و نبلغكم أن ملاسي اكتشف أن البرعي ليس الا شاعر نصف جيد
كما نخبركم أن فرانكلي قايم علي جنوب السودان و مسميها جمهورية الموز، و كمان نعرفكم انو النار مولعة بين
عادل عبد العاطي و ناس تانيين و أن دينق كان في الإمارات و الموصلي كمان ماشي عليها. |
-----------------
تيسير حبابكـ !!
|
Post: #34
Title: Re: عواليق دا لسة عايش؟
Author: تيسير عووضة
Date: 09-05-2013, 05:46 PM
Parent: #23
شفت الكلام دا كيف يا كابيلا؟
|
Post: #33
Title: Re: عواليق دا لسة عايش؟
Author: تيسير عووضة
Date: 09-05-2013, 05:42 PM
Parent: #20
Quote: كيف حالكم و أحوالكم في هذه المدة الطويلة و اما إذا سألتم عنا فنحن و الحمد لله بخير و الحال في حالو
و بس نقول الحمد لله و لا نفتقد شئ سوى عدم رؤياكم الغالية.
و نخبركم أن الريس بكري قال لازم تشتركوا في دراسة عن سودانيزاونلاين و نخبركم أن ود المشرف حزين
عشان وداد أدوها جايزة أحسن مرة عربية ، و نبلغكم أن ملاسي اكتشف أن البرعي ليس الا شاعر نصف جيد
كما نخبركم أن فرانكلي قايم علي جنوب السودان و مسميها جمهورية الموز، و كمان نعرفكم انو النار مولعة بين
عادل عبد العاطي و ناس تانيين و أن دينق كان في الإمارات و الموصلي كمان ماشي عليها.
سلامنا للجميع بطرفكم و تقبلوا سلام الجميع هني |
لوووووووووووووولز @ د. سيف النصر
ياخي نسيت أهم تلاتة حاجتين
رسلوا المصاريف
وغنماية ناس حاجة ست نور ولدت سخيل بي راسين ..
ملحوظة:
على صعيد الأصدقاء كانت ملاقاة دينق وود المشرف من أجمل أحداث 2013 
|
Post: #22
Title: Re: عواليق دا لسة عايش؟
Author: سيف النصر محي الدين
Date: 09-05-2013, 01:19 PM
Parent: #11
|
Post: #28
Title: Re: عواليق دا لسة عايش؟
Author: تيسير عووضة
Date: 09-05-2013, 05:26 PM
Parent: #11
يا تامبا ..
لازم اسأل
معقول أجي وما أطمئن على الريس
يا قول باسم يوسف ما يصحش (وكررها ثلاث)
اقعد يا ود أمي
قعدة في الحرم قول آمين
|
Post: #21
Title: Re: عواليق دا لسة عايش؟
Author: أحمد الشايقي
Date: 09-05-2013, 01:16 PM
Parent: #1
حمداً لله على السلامة يا تايسا,
بركة الشوفة الإنترنتية
أحمد الشايقي
|
Post: #25
Title: Re: عواليق دا لسة عايش؟
Author: Isa
Date: 09-05-2013, 01:45 PM
Parent: #21
رمضان كـريم :)
بالجـد ورينا الكوكب الما فوقو نت دا عشان نرحل ليه، لأنو حتى حلتنا بقى فيها تلفونات (ذكية).. زمااان كنا بنضرب المثل بي أبوقرود للتعبير عن منطقة بعيدة معزولة والداخل إليها مفقود مفقود (حقيقة ومجاز) لكـن خايف أمشي هناك ألقاهـم بتغالطوا: أحسن الأندرويد ولاّ ال apple :)
|
Post: #29
Title: Re: عواليق دا لسة عايش؟
Author: حمد عبد الغفار عمر
Date: 09-05-2013, 05:29 PM
Parent: #25
عودا حميدا
|
Post: #32
Title: Re: عواليق دا لسة عايش؟
Author: خالد عبد الله محمود
Date: 09-05-2013, 05:35 PM
Parent: #29
| Quote: ناقص ستة سنتي يمين وستة سنتي شمال |
الناس شكلها كانت بتبني و بتغالط في المقاولين غلاط شديد
أها وصلت الطابق الكم ؟
|
Post: #39
Title: Re: عواليق دا لسة عايش؟
Author: تيسير عووضة
Date: 09-05-2013, 06:37 PM
Parent: #32
يا خالد عندنا مقاول قريبنا قال المفروض ما ندق طوبة في بيت لو ما كانت ست البيت حاضرة
قال يا ما هدينا حيط وكسرنا أوض
النسوان بلاحظوا لحاجات ما بتخطر للرجال على بال
ولمن تقول ليك الحيطة دي معووجة معناتا معووجة
ستة سنتي مينز ستة سنتي
|
Post: #48
Title: Re: عواليق دا لسة عايش؟
Author: Abdel Aati
Date: 09-06-2013, 10:35 AM
Parent: #39
مرحبتين تيسير حبابا ..
|
Post: #50
Title: Re: عواليق دا لسة عايش؟
Author: تيسير عووضة
Date: 09-10-2013, 08:19 AM
Parent: #48
تسلم وتعيش يا عادل
حباب النيل حباب الغابة ..
|
Post: #53
Title: Re: عواليق دا لسة عايش؟
Author: عادل البراري
Date: 09-10-2013, 08:47 AM
Parent: #39
سلام هووي
ممكن ندخل راسنا مع رجال البيت
تيسير طبطبي علينا أولادك ما ياكلوا إضنينا
كان المقاول رمى الحيطه ما تجدعونا بدراب الطريق
أن شايل حالي خاتي نفسي في ثوره تصحيحية
عوداً حميد
وسلام مني وسلام عليك
|
Post: #65
Title: Re: عواليق دا لسة عايش؟
Author: تيسير عووضة
Date: 09-12-2013, 09:04 AM
Parent: #53
مراحب يا ود البراري وتسلم كتير
الزمن دا بقت الحيط هي البترمي المقاولين
ما سمعت القدال قال حيطة تتمطى وتفلع في قفا الزول البناها
|
Post: #35
Title: Re: عواليق دا لسة عايش؟
Author: محمد حيدر المشرف
Date: 09-05-2013, 05:48 PM
Parent: #29
| Quote: عواليق دا لسة عايش؟ |
الحمد لله يا تايسا ..
كيفك انت ؟!
والله الواحد حاسي انو ادى رسالتو على اكمل وجه ..
ما فضل في البورد ده رمادي وااااحد الا ويلهج لسانه بحمد الديمقراطية والحمد لله ..
ولا كوز الا ويهتف فينا صباح مساء عن الشرعية والدستور وادانة الانقلابات العسكرية ..
كما لوحظ كمان كثرة استعمال اليوتيوب مكان الجدال ..
تفتحي بوست تقولي فيهو كلمتين يلصقو ليك عشره يوتيوب طوالي في صمة خشمك ..
|
Post: #40
Title: Re: عواليق دا لسة عايش؟
Author: تيسير عووضة
Date: 09-05-2013, 06:51 PM
Parent: #35
Quote: والله الواحد حاسي انو ادى رسالتو على اكمل وجه ..
ما فضل في البورد ده رمادي وااااحد الا ويلهج لسانه بحمد الديمقراطية والحمد لله ..
ولا كوز الا ويهتف فينا صباح مساء عن الشرعية والدستور وادانة الانقلابات العسكرية .. |
الموضوع دا يا مشرف ذو شجون وكلامي فوقو حيطول
الديموقراطية الـ tailormade دي ما بنتنفع
والشرعية العاملة زي قميص عثمان دي برضو ما بتنفع
يوتيوبات الزمن دا كلها مضروبة ما ياكلوك حنك ساي ..
|
Post: #38
Title: Re: عواليق دا لسة عايش؟
Author: تيسير عووضة
Date: 09-05-2013, 06:30 PM
Parent: #29
تسلم وتعيش يا حمد ..
|
Post: #37
Title: Re: عواليق دا لسة عايش؟
Author: تيسير عووضة
Date: 09-05-2013, 06:06 PM
Parent: #25
قبل يومين يا عيسى بنحضر في توم آند جيري أنا وولدي قمت قلت ليهو الحلقة دي أنا ما حضرتها لمن كنت سغيرة أظن ما كان بجيبوها
قال لي ما كنتي تستني التلفزيون بس تكتبي دبيلو دبيلو دبليو دوت توم ... قبل ما يكمل قلت ليهو زمنّا يا ولدي ما كان في إنترنت
الود إتخلع ونطط لي عيونو وسكت ساي
بعد شوية قال لي: طيب زمنكم كان في كهربا؟
زي إندهاشتك دي في إنو هل في مكان بدون إنترنت؟
أيوة في ..
جوة بيتكم
تجدع اللاب توب في راس الدولاب
والإسمارت فون(ز) تبقى ما إسمارت
تقول آلو ومع السلامة فغط ..
|
Post: #36
Title: Re: عواليق دا لسة عايش؟
Author: تيسير عووضة
Date: 09-05-2013, 05:51 PM
Parent: #21
يا مراحب مولانا الشايقي ..
تسلم عزيزنا ..
|
Post: #41
Title: Re: عواليق دا لسة عايش؟
Author: Isa
Date: 09-05-2013, 08:13 PM
Parent: #36
عارفة تيسير لامـن قلت ليك حلتنا عندهم سمارت فونز، لأنو أنا ــ وآخرين ــ عندنا مشكلة كبيرة مـع تمدْيُن الريف، وسبب المشكلة إنو نحنا طلعنا من الحلة بدري شديد، زمان كانت قرية بحق وبعداك بقينا نمشي مشيات سريعة كالأعياد والإجازات بمتوسط شهر في السنة، ولامـن نجعنا عديل وبقينا نمشي السودان أسبوعين تلاتة كل سنتين تلاتة يا ما قدرنا مشينا البلد كلوكلو يا مشينا يومين تلاتة بالكتير، بعـدين بنمشي لسة بعقلية القرن التاسع عشر الطلعنا بيها، يعني بكـون ماشي مشتهي عصيدة خالاتي وعماتي المدنكلة، يقـوم تلقى بناتن، لو ما حفيداتن، يجيبن ليك الفطـور ـــ فضلة خيرك ـــ فول وبيض وكبدة! ولامـن نحتج ـــ مش زمان قلت ليك أنا ضيف وقـحاح :) ــ يضحكوا ويقول ليك: إنت بالله من زمـن العصيدة... آخـر مرة مشيت، قلت للشباب يلاّ بالعصرية دي ناخد لينا جولة بالقيزان دي كداري كدة، قالوا لي ويييين يا زول: الليلة مباراة برشلونة! وبعد ما جات شركات الإتصالات تمت الناقصة، والآن متأكد في أي (قرية) في السودان في هذه اللحظة بكـون كل الشباب أونلاين وفي آن واحد على واتساب وفايبر وسكايب وفيسبوك وتطبيقات أخرى لا نعلمها نحن .. عشان كدة داير أرحـل ! أنا طريقتك دي الله وااااحد ما بقدر عليها، للأسف حياتنا الحقيقية برضـو بقت ديجيتال..غايتو وعلى نسق نكتة الشوايقة المشهورة: نحنا زاتنا بقى في حاجتين بس في الدنيا بنسمع بيهن وما شفناهن: القيامة، وطريق أم درمان بارا :)
|
Post: #42
Title: Re: عواليق دا لسة عايش؟
Author: nour tawir
Date: 09-05-2013, 08:17 PM
Parent: #41
حمد الله على السلامة يا تيسير..
المنبر نّور..
ولو بعرف أنّزل أغانى...
كنت نزّلت ليك أغنية آخر فخامة..
|
Post: #43
Title: Re: عواليق دا لسة عايش؟
Author: أمين محمد سليمان
Date: 09-05-2013, 09:43 PM
Parent: #42
عادت لي الطمأنينة و عافيتي المفقودة !!
بالله يا ستهم ما تفهميني غلط !!
|
Post: #44
Title: Re: عواليق دا لسة عايش؟
Author: عاطف عمر
Date: 09-06-2013, 00:12 AM
Parent: #43
تيسير يا بت أم تيسير
سيبك من شغل الأوانطة دا
إنت أصلاً أصلن كنتي فين ؟؟
حاكم لو الفي بالي طلع صاح .....
تاني ح أتغاتت عليك جنس غتاتة في الدنيا دي
ثم
سوف أحضر غداً بحول الله
|
Post: #45
Title: Re: لماذا تكتب في سودانيز ?
Author: عبدالحفيظ ابوسن
Date: 09-06-2013, 06:51 AM
Parent: #44
سلام صاحبة البوست وضيوفها
ضحكت مرتين
عنوان البوست من التعابير الشهيره في اسرتنا استنادا علي النكته التي ولدت التعبير
وثانية علي روح المرح المبثوثه داخل البوست والحميميه ,, الحميميه دي زياده ممكن تمسحيها
فشكرا لك لإنتزاع بسمتي صباحا
|
Post: #46
Title: Re: لماذا تكتب في سودانيز ?
Author: عبدالحفيظ ابوسن
Date: 09-06-2013, 06:51 AM
Parent: #44
سلام صاحبة البوست وضيوفها
ضحكت مرتين
عنوان البوست من التعابير الشهيره في اسرتنا استنادا علي النكته التي ولدت التعبير
وثانية علي روح المرح المبثوثه داخل البوست والحميميه ,, الحميميه دي زياده ممكن تمسحيها
فشكرا لك لإنتزاع بسمتي صباحا
|
Post: #47
Title: Re: لماذا تكتب في سودانيز ?
Author: الخير محمد عوض
Date: 09-06-2013, 09:58 AM
Parent: #46
تايسا سلام عليك في العالمين
ماااااااالك يا خية قاطعة موية ونور وفيس وتويتر وتلفون وبوستيك زاتو قاطع نفس ..... مااااااالك
يعني هسي كان استشمرنا واردنا افادتك باخر ما تشمرنا به نعمل شنو يعني ....نجيكم في بلدكم ديك تاني :)
تحياتي لابو السعود وكل من بطرفك
|
Post: #49
Title: Re: لماذا تكتب في سودانيز ?
Author: Deng
Date: 09-06-2013, 08:29 PM
Parent: #47
تيسير سلامات.
البوست ده تسخينة للانضمام للدواس مرة اخرى ولا طلة ساكت؟
|
Post: #64
Title: Re: لماذا تكتب في سودانيز ?
Author: تيسير عووضة
Date: 09-12-2013, 08:55 AM
Parent: #49
سلامات يا دينق ..
في الحقيقة طلة ساكت
لكن كان جابت ليها دواس ما بنابا
كلو موجود يا فردة ..
|
Post: #63
Title: Re: لماذا تكتب في سودانيز ?
Author: تيسير عووضة
Date: 09-12-2013, 07:46 AM
Parent: #47
المستشمر الكبير ولدنا الخير ..
إجازة من المدير والإسفير عقبال أمالتك
في حالة الإستشمارات الكبيرة فهنالك خط ساخن لهيك أغراض
ماكلموك؟ ..
|
Post: #62
Title: Re: لماذا تكتب في سودانيز ?
Author: تيسير عووضة
Date: 09-11-2013, 11:53 AM
Parent: #46
أبوسن يا شيخ العرب إنت ضحكت مرتين قامت مداخلتك زاتا جات مرتين
إن شاء الله دايماً ضاحك ومبتسم
وروح المرح والحميمية (نعم الحميمية ما تلاوز) من أكتر الحاجات البترجعنا المكان دا ولو طال السفر
تحياتي يا زول يا جميل ومتابعة كتابتك ..
|
Post: #56
Title: Re: عواليق دا لسة عايش؟
Author: تيسير عووضة
Date: 09-10-2013, 09:26 AM
Parent: #44
يا باشمهندس عاطف حمد الله على السلامة (بتكون وصلتا أظن)
والفي بالك لو ماصاح صاح
إيه رايك؟
|
Post: #55
Title: Re: عواليق دا لسة عايش؟
Author: تيسير عووضة
Date: 09-10-2013, 09:18 AM
Parent: #43
يا سلااااااام ياخ
البروف أمين المفكر والناقد والناشط في حقوق الوهم الهنا ديل
والله ليك ألف وحشة ووحشة
للأسف فهمتك غلط
|
Post: #51
Title: Re: عواليق دا لسة عايش؟
Author: تيسير عووضة
Date: 09-10-2013, 08:25 AM
Parent: #42
نور في نور
المنبر منور بوجودك
والفخامة تليق بيك يا عزيزة
|
Post: #52
Title: Re: عواليق دا لسة عايش؟
Author: Asim Fageary
Date: 09-10-2013, 08:43 AM
Parent: #51
لا حولا ......................
يا تيسير إنتي بقيتي بعاتية ولا شنو ؟
|
Post: #66
Title: Re: عواليق دا لسة عايش؟
Author: تيسير عووضة
Date: 09-12-2013, 09:19 AM
Parent: #52
ترب البنية جاكم يا عاصم ..
سلامات وتحابا ..
|
Post: #54
Title: Re: عواليق دا لسة عايش؟
Author: تيسير عووضة
Date: 09-10-2013, 09:12 AM
Parent: #41
يا عيسى ..
| Quote: قالوا لي ويييين يا زول: الليلة مباراة برشلونة! |
طبعاً زمنكم لمن يقولوا برشلونة كنت بتقول يا ربي برشلوهم يعني شنو
زمان في القرن التازع عشر لمن عمك فرح ود تكتوك قال السفر حيبقى بالأوض والكلام بالحبال كلامو كان زي الألغاز
وفي الستينات لمن عمك مارشال مكلوهان - وبإستشراف مذهل - قال إنو العالم حيبقى قرية صغيرة بفضل التكنولوجيا
ناس كتيرة إفتكرتو بخطرف وأهي الأيام أثبتت صحة النبوءات دي ..
الطريف جداً إنو مارشال كان من أشهر مرضى الأوتزم أو التوحد رغم إنو من أكبر المنظرين في وسائل اإتصال الجماهيري
القرى والحلاّل وصلتها عدوى الحياة الرقمية والتكنولوجيا بوظت وداعتها
غايتو بلدكم الخليتا قبل كم سنة ديك تاني ما بتلقاها إلا في راسك ..
|
Post: #57
Title: Re: عواليق دا لسة عايش؟
Author: عبد اللطيف بكري أحمد
Date: 09-10-2013, 10:14 AM
Parent: #54
أزيك وحبابك ،،
والزول السعيد الليلة جابك ،،
وعشان عواليق داك لسه : هاك النكتة دي :
قال ليك سوداني مغترب لوحاتو حمر ،، خلينا نقول هنا بالرياض ، انتو مغتربين نضاف ماعندكم مخالفات هههههههه
المهم الزول دا حالف مايمشى السودان مهما كانت المجازفة بالبقاء هكذا وبلا أوراق:
يوم المسكين حصل ليه تشنج من الزعل العليه ودخل في غيبوبة أخذ إلى الطواريء ودخل في غيبوبة اشبه بالموت الدماغي ،،
يوم وراء يوم شهر وراء شهر الحال ياهو زاتو
جاء الدكتور في اليوم الحاسم مخاطباً الإستاف:
الزول دا خلاص والله هوبليس ، فكفكو من الأجهزة دي ولملمو عفشو : كلمو أهل وأعملو ليهو ((خروج)) !!
===
خروج؟؟ خروج بتاع مين ياعمك ؟؟؟
إنت جنيت؟؟
خروج لمنو؟؟
وكانت المعجزة أن صحى عمنا من وعكته!!
====
وبرضو عشان عواليق داك لسه عايش ، ياما حنندفن في قبور الرياض الغريقة دي!!! لا حولا والله : عندهم قبر !!!
|
Post: #58
Title: Re: عواليق دا لسة عايش؟
Author: جعفر محي الدين
Date: 09-10-2013, 03:37 PM
Parent: #57
أهلا تيسير
عواليق عايش ويمكن يبقى وزير
أو بالمرة رئيس بالباب عديل
|
Post: #59
Title: Re: عواليق دا لسة عايش؟
Author: عادل البراري
Date: 09-10-2013, 06:18 PM
Parent: #58
كدى نحشر رقبتنا تاني
إحتمال الناس الكبار ديل يردو علينا
ما ينداس طرف كلامنا ساااااكت
هاي ياناس
يا ابوسن تعال نخارج تسير مشغوله مع ضوفا الكتار ديلك
شي من فريق تحتاني وناس من حلة ورا وناس هاي ساااكت
تيسير ودعناك الله النبي فيك يحتحت طرف رجليك ويعمل ليك هشاشة عظام مش مستديمة
وفي ذمتك دي الما عريضه تجينا بهناك في سوق أم دفسو
يله يا ابو سن قبل ما يشوفوا عجاج رجلينا
|
Post: #60
Title: Re: لماذا تكتب في سودانيز ?
Author: عبدالحفيظ ابوسن
Date: 09-10-2013, 07:49 PM
Parent: #59
عادل يا صاحب
الله يجازي محنك ياخي
تيسير دي راكبة ليها يص هكره لسع ما حصلت محطتنا ,, ماشه خطوه خطوه اتنين مستحيل
لكن كلنا اولاد سبعه جلاك جليهو بس واختا بوستاتو
ده نظام مريح وما كبير الا الجمل
تحيه لتيسير وليك وللضيوف
|
Post: #61
Title: Re: لماذا تكتب في سودانيز ?
Author: عبدالحفيظ ابوسن
Date: 09-10-2013, 07:49 PM
Parent: #59
عادل يا صاحب
الله يجازي محنك ياخي
تيسير دي راكبة ليها يص هكره لسع ما حصلت محطتنا ,, ماشه خطوه خطوه اتنين مستحيل
لكن كلنا اولاد سبعه جلاك جليهو بس واختا بوستاتو
ده نظام مريح وما كبير الا الجمل
تحيه لتيسير وليك وللضيوف
|
Post: #68
Title: Re: عواليق دا لسة عايش؟
Author: تيسير عووضة
Date: 09-12-2013, 09:47 AM
Parent: #58
مراحب يا جعفر ..
غايتو لو بقى رئيس عامة الشعب إلا يأجزولن
|
Post: #67
Title: Re: عواليق دا لسة عايش؟
Author: تيسير عووضة
Date: 09-12-2013, 09:33 AM
Parent: #57
هههههههههههههههههههه
عبد اللطيف بكري عندك المحن
قلت لي كلمة خروج كانت البصلة الصحتو من الغمرة
زول يخوفو بي بلدو؟
غايتو نحن شعب مسكين والله
وبعدين تندفن في قبور الرياض الغريقة ليه؟
عينك للقبور أمات زهور وشواهد مرمر
ـــــــ
يا زول بعد خرف تعيش وتربي أولادك وأولاد أولادك قول آمين ..
|
|