Post: #1
Title: خليك مؤدب وأتعلم أخلاق الرجال وأحترم بنات حواء يا جربان #
Author: زهير عثمان حمد
Date: 09-04-2013, 11:21 PM
Parent: #0
أنتو و الله عالم همج
لا نخوة ولا أخلاق
بس سماحة جمل الطين
ولا بتعرفوا الاصوال ولا الدين
قدر ما تكلم معهم بس الواحد صنم
لا مشاعر ولا أحساس
أها عندي ليكم كلام
أسمعوهو:_
لما تركب جنب بنت في المواصلات حاول علي قدر الامكان
ما تخلي رجلك تلمس رجلها حتي لو غصب عليك
والدنيا زحمة معليش ضم رجلك وايدك وجسمك كلو علي قدر ماتقدر
وخت في راسك انها اختك
خاف من الله يا وهم أنت
لمن تكون راكب باص الوالي وتلقي بنت واقفه قوم وقعدها
عشان ما يجي حيوان زيك يحاول يضايقها او يلمسها ..
غير عليها جدا زى ما تكون جكستك ولا زوجتك او اختك راعى مشاعر
لما تشوف حجة كبيره شايلة حاجات و تعبانه شديد من الشيل امشي و قول ليها عنك
يا أمي اوصلك .. بالشيله دي ..
ح تشيل شنو يشيلك الله من الدنيا
فى يوم لما تشوف بنت ) محترمه
( وشباب بحاولو يعاكسوها دافع عنها
و أقيف وقفه راجل ليها لما بنت تحتاج منك حاجه او الظروف تحوجها ليك اديها الحاجه دي بس بنبل
وما تستنى منها و ابتسامه ولا كلمه شكر و حتى نظره امتنان يا سجمان
قدم الخدمه لوجه الله ..
و ما تحاول انك تتثاقل عليها علشان تاخد منها كلمه حلوة ..
هى بتبقى محرجه في وقتها وما عارفه تقول ليك شنو .
بالمناسبة دي حاجات صغيره جدا بس دي أخلاق الرجال يا جربان ..
ربنا بحب العفه فى ادق التصرفات
و خليك عارف انه عمل الخير برجع ليك واتخيل معاي لما تستر عن بنت في الله
في نفس الوقت ربنا بقسم ولد حلال لاختك وأقرب الاقربين ليك ويسترها برضو
ومن الاخر الما بترضي لنفسك كأخ ما ترضي لأخوان البنات ديل برضو زيك احسبها صح
وخليك مؤدب وأتعلم أخلاق الرجال وأحترم بنات حواء يا جربان
عالم همج الاولاد ديل أنشالله يسمعو الكلام
عارف ح تقول أنو لو عملت كدا بقولوا عليك فارة
خليك فارة يا جربان أحسن من تكون بتاع نسوان ########
المهم يا مرض أنا قلت كلامي و ما عايز أسمع رأيك
سلام .
|
Post: #2
Title: Re: خليك مؤدب وأتعلم أخلاق الرجال وأحترم بنات حواء يا جربان #
Author: MOHAMMED ELSHEIKH
Date: 09-05-2013, 04:38 AM
Parent: #1
الليلة مالك يا ابو الزوز قايم علي الجماعة من الصباح
صباحك خير
|
Post: #3
Title: Re: خليك مؤدب وأتعلم أخلاق الرجال وأحترم بنات حواء يا جربان #
Author: ملهم كردفان
Date: 09-05-2013, 05:46 AM
Parent: #2
أسمعوهو:_Quote: أنتو و الله عالم همج
لا نخوة ولا أخلاق
بس سماحة جمل الطين
ولا بتعرفوا الاصوال ولا الدين
قدر ما تكلم معهم بس الواحد صنم
لا مشاعر ولا أحساس
أها عندي ليكم كلام
أسمعوهو:_ |
من بنصح الآخرين لايبتدرهم بالشتم يازهير ...
مكنتو ماحتقسم معاهم
احترامى
|
Post: #4
Title: Re: خليك مؤدب وأتعلم أخلاق الرجال وأحترم بنات حواء يا جربان #
Author: زهير عثمان حمد
Date: 09-05-2013, 02:11 PM
يا مهلم كردفان
تحياتي
أنا معك ما في داعي للشتايمة لكن ديل أنت كان كنت عايش معنا هنا ح تموت غم بس
لك كل الشكر علي المرور والاهتمام
|
|