Post: #1
Title: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-03-2013, 10:59 AM
Parent: #0
اهداء خاص لكل هيئة أركان حب بسودانيز أون لاين
وكافة الأصدقاء الذين مازال فضلهم يغمرنى بحسن تواصلهم
..
إنتى فى جواى مساحه انتى فى جواى مقام
مافى زول زارك جواى
مافى زول شافك معاى
مافى زول قاس المسافه ..قال وقلل إحترام
*****
تحميل من هنا
.......
إستماع مباشر من هنا
https://soundcloud.com/mollhem-kordofan/kordofan
|
Post: #2
Title: Re: أغانى جديده ..مستحيل تكونوا سمعتوها1- (أمى الحبيبه)
Author: إبراهيم عبد الحليم
Date: 09-03-2013, 02:29 PM
Parent: #1
هلا وغلا
|
Post: #3
Title: Re: أغانى جديده ..مستحيل تكونوا سمعتوها1- (أمى الحبيبه)
Author: خليفة موسى حمدان
Date: 09-03-2013, 07:02 PM
Parent: #2
اصرار عجيب !!..
شنو يعنى حببتى ربى فى الغرام ؟؟!!..
|
Post: #5
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-03-2013, 07:26 PM
Parent: #3
Quote:
اصرار عجيب !!..
شنو يعنى حببتى ربى فى الغرام ؟؟!!.. |
وما العيب فى ان يغرم الإنسان بأمه ...
وماأروع مافى قلبى من غرام لأمى
فقد ذكرها النبى صلى الله عليه وسلم حين قال
أمك ثم أمك ثم أمك
................
اها انا ربنا حببنى فى أمى وغرامى زايد ليها كل يوم
رايك شنو ؟؟؟
مغرم بى امك والا لا.... طيب غرام امك ده مش نوع من الإحساس
طيب الإحساس الحلو ده الجابو جواك منو ..مش الله الواحد ده
الرحمه الرحم الأرحام ...الحب للام مافيهو اتنين بتغالطو
خليك عميق ياخ ده شنو ده
-------------------------------
خليفة موسى حمدان .... قوم لف 
|
Post: #4
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-03-2013, 07:13 PM
Parent: #2
واحد يفترض انو صاحبى .زى ماكنت متوهم ..
جانى زياره وجاب معاهو مجموعه من اصدقاءه واصدقائى
وبعد الترحيب والذى منو ...
واحد صاحبى من شباب لندن قال لى ماتيلا نغنى ...
فتحت الأورج وبديت بى
انتى فى جواى مساحه انتى فى جواى مقام
مافى ول زارك جواى
مافى زول شافك معاى
مافى زول قاس المسافه قال وقلل إحترام
...
اها صاحبى الافتراضى ...كان ماشى كويس ومنشكح آخر انبساطه
أها لمن جريت ليك
كردفاااااااااااااااااااااااااااااااااااااان
بالله التقول كبو فيهو مويه بارده
اتغير وشو ..وبدت ملامح الإمتعاض تلوح فى قسماته
..كل هذا وانا عامل فيها ماشايف ...
عذرتو ...لأنو
الزول ده لو عرف انو الأغنيه عشان خاطر أمى (كردفان)
والتى هى جزء من أمهاتى فى كردفان وكل السودان ماكان حس بالإمتعاض
المهم صاحبى الإفتراضى عاش لحظتو مع باقى الغنا وكان آخر بهجه ومسره..
واليوم عدى على خير 
|
Post: #22
Title: Re: أغانى جديده ..مستحيل تكونوا سمعتوها1- (أمى الحبيبه)
Author: حامد الغبشاوي
Date: 09-08-2013, 12:48 PM
Parent: #4
Quote: انتى فى جواى مساحه انتى فى جواى مقام
مافى ول زارك جواى
مافى زول شافك معاى
مافى زول قاس المسافه قال وقلل إحترام |
التحية ليك يآملهم كردفان
مع خالص التحايا
......
كردفآآآآآآآآآآآآآآآآآآآن
فووووووووووق
.............................مع خالص تحياتي للجميع
|
Post: #23
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-08-2013, 06:03 PM
Parent: #22
Quote: التحية ليك يآملهم كردفان
مع خالص التحايا
......
كردفآآآآآآآآآآآآآآآآآآآن
فووووووووووق
............................
مع خالص تحياتي للجميع
|
أستاذى الفاضل
حامد الغبشاوى ... الغنا مسئوليه واجاده وتعبير
يفترض انو صادق وسليم إذا ماتم تقديمه بصوره جيده للمتلقى
وانا هنا بحس بأنى مقصر وبحاول أقدم كردفان بصوره أفضل
عشان خاطر كلامك السمح ده ...
ياخى كتر خيرك وكنر خير كردفان الجابتك لينا
احترامى
|
Post: #6
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-03-2013, 07:32 PM
Parent: #2
حبابك ياحبيب
ملهم كردفان
|
Post: #7
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-04-2013, 09:12 AM
Parent: #6
|
Post: #9
Title: Re: أغانى جديده ..مستحيل تكونوا سمعتوها1- (أمى الحبيبه)
Author: عثمان محمد كرار
Date: 09-05-2013, 00:47 AM
Parent: #8
| Quote: حببتى ربى فى الغرام |
انا جادي وصراحه مافهمتها
لو امكن اعرابها لو سمحت ...وتكون مشكور مع التقدير
|
Post: #10
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-05-2013, 04:39 AM
Parent: #9
حببنى
خش هنا حتلقى 39 صفحه فيما يخص كلمة حببنى
https://www.google.com/?hl=ar#hl=arandq=%D8%A...9%86%D9%89andstart=0
شكرا عثمان محمد كرار..شايفك متضامن مع
خليفة موسى حمدان
وكأنك خليفه نفسه وانت تسأل مره أخرى وتغلط نفس الغلطه فى كتابه حببنى
وتقلب النون تاءً
....
كأنى بكما شخص واحد طرح نفس السؤال ..وأرفق كلامه بجديه طلبه فى معرفة المعنى
فى محاوله لجرجره فيما يبدو لن تصب فى مصلحة أى منا ....
يعنى مافى طريقه تضقلوا بى يا حبايب ألعبوا غيرها
.......................
عثمااااااااااااااااااااان
نسيت أقول ليك ياحبيب
قووووووم لف
وجودكم فى البوست حلو ومسلى والله وقدمكم قدم خير ....ومنو حنرفع بيكم البوست
يلا إنداحوووو
|
Post: #11
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ود الباوقة
Date: 09-05-2013, 05:39 AM
Parent: #10
| Quote: حببتى ربى فى الغرام |
ملهم
ما تنزل لينا اغنية
يوم سفروك بالقطر ودوك
شكلك ظريف
اييا
دمك خفيف
اييييا
واكون لك من الشاكرين
|
Post: #12
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-05-2013, 05:55 AM
Parent: #11
داير تجيب لى تهمه ياود الباوقه والناس تقول على مؤتمر ....اطلع من البوست ده اطلع ياباوقاااااااااوى اط لع بره
آى ظريف واخو اخوان ياحبيب بس انت رايك فى شنو فى الناس البتحب تضقل بالناس فى الحوش ده ؟؟؟
تحليه....
هاك السطر ده .....بالجنبه الفيها الحديده
إِنَّ أَحَبَّ عِبَادِي إِلَيَّ ، مَنْ حَبَّبَنِي إِلَى عِبَادِي ، وَأَخْبَرَهُمْ بِسِعَةِ رَحْمَتِي ، وَأَنَّ أَبْغَضَ عِبَادِي إِلَيَّ ، مَنْ قَنَّطَ عِبَادِي وَآيَسَهُمْ مِنْ رَحْمَتِي " .
احترامى
|
Post: #13
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-05-2013, 06:17 AM
Parent: #12
أربعه تماسيح خشو سمعو الصولفيج ..ياربى (باووووقااااااااوى) داير يقلب ويبقى فنان
|
Post: #14
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-05-2013, 10:01 PM
Parent: #13
ترقبوا الأغنيه القادمه ...
تمن الغـربه
منظومه لملهم كردفـان
مع وافر احترامى وتقديرى
|
Post: #15
Title: Re: أغانى جديده ..مستحيل تكونوا سمعتوها1- (أمى الحبيبه)
Author: عثمان محمد كرار
Date: 09-07-2013, 07:46 PM
Parent: #14
قبل ما اقوم الف داير اقول ليك :-
ربنا ماقسم ليك صوت عشان تغني فشوف ليك حاجه تانيه والغنيه كلماتها هايفه مثل رفيقاتها
مع العلم اني صبرت نفسي عشان استمع للغنيه كامله لكن خربت سمعي زاتو
البركه في نسرين سمعت منهاجسمي المنحول فكت لي الضرسه بتاعت صوتك
وماتزعل مني ... دا طبعا راي ...وكل حد علي هواه
ارقد عافيه
|
Post: #16
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-07-2013, 10:01 PM
Parent: #15
خليك وراى منها أجود شغلى ومنها ترفع لى البوست
أهو رايك ده انا حأخادو فى الحسبان اكتر مما تتصور
بس
برضوووو قووووووم لف
|
Post: #17
Title: Re: أغانى جديده ..مستحيل تكونوا سمعتوها1- (أمى الحبيبه)
Author: عثمان محمد كرار
Date: 09-07-2013, 11:37 PM
Parent: #16
Quote: خليك وراى منها أجود شغلى ومنها ترفع لى البوست
أهو رايك ده انا حأخادو فى الحسبان اكتر مما تتصور
بس
برضوووو قووووووم لف |
نا برفع ليك البوست والله يرفع ماخت ...تجود شنو ازول انت كيسك فاضي ماتفكها في نفسك ساي
اسوا ماسمعت من الغناء وانا مابسميه غنا زاتو والشي التاني انصحك بمقابلة اخصائي للجيوب الانفيه اذا انا سمعت الحاجه الاسمها كردفان دي اكتر من عشرين مره واحذفا من ال 91 بتاعتك الجايبها دي عشان مااقول ظلمتك واسمعك بتقول حببتي ربي في الغرام وسمعا غيري كما سمعتها انا وقالو حببتي وانت جاي تقول حببني ربي في الغرام ؟ ولو قلنا اني انا والغيري طرش واخدت روايتك دي لغويا كدا ماظابطه زاتو الا تكون قريت عربي باللاتيني...وبعدين الزول الاول السأل سأل لانو سمعا كدا بدل تقول ليه انا قاصد كدا تقوم تشخط فيه وتتهمو انو عاوز يمرمط بيك واظنو قصدو نبيل زي قصدي لكن يظهر عليك عندك نقص في الشخصيه ودي بنصحك تقابل psychologist
فوق ..
اتمني واحد يسمع الحاجه الاسمها كردفان دي ويصبر لحدي الدقيقه 3:24 ويقول لينا حببني او حببتي بس يصبر 3 دقائق
|
Post: #18
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-07-2013, 11:54 PM
Parent: #17
خشيت بروفايلك لقيتك دكتور صيدلى يعنى بتصرف أدويه تعالج الناس ..
بس مع الأسف هنا انا مازلت مصر على انها حببنى ...
واخوك مانخناخ الا إمكانيات التسجيل تعبانه
والبروفه اتعملت بى مايك وكمبيوتر واورج ..يعنى شى للمشاركه وتثبيت حق
مادخلت ليها أستوديو ولا عملت ليها توزيع حتى ...
والصوت ممكن يغنى فى طبقات مختلفه وممكن يتدرب
بس بينى يبينك كده
فى أم بتحبب الله فى الغرام ؟؟؟
النقد الموضوعى هو العلاج يامان
تحليه ...
أبو اللمين الإنت بتحبو وانا بحبو فى بداياتو طردوهو وقالوا ليهو مابتعرف تغنى
....
نحنا كبار وخلينا كبار بعقولنا قبل أعمارنا يادكتوووور
أشكرك ...
|
Post: #19
Title: Re: أغانى جديده ..مستحيل تكونوا سمعتوها1- (أمى الحبيبه)
Author: عثمان محمد كرار
Date: 09-08-2013, 00:04 AM
Parent: #18
ايواااا كدا كلامك سمح والله وربنا يعليك ويبقيك احسن من ود الامين لكن ياخي ماتظن في الناس الظن السيء ساي انا والله كان قصدي شريف معاك بس زعلني هجومك علي الزول الاول وبعدين هجومك علي انا مع انو ماوقعت لي لو كان جاوبت انو التسجيل كدا ماواضح او انا قاصد كدا وبس بدون تجريح ماكان حصل شي واسي ماحصل شي واعفا مني وعافي منك لله والرسول
تخريمه :
غايتو انت حريف بتعرف تمتص الغضب بي سهوله تنفع في اي مفاوضات سلام ..كدا اتكيفت منك
|
Post: #20
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-08-2013, 00:20 AM
Parent: #19
يبقى خلاص مادام ماوضحت النوايا...
خالص إعتذارى ليك يادكتور
وللأخ خليفه موسى حمدان ...
الذى طرح السؤال بطريقه إستفزازيه فى نظرى
حتى من غير مايرمى سلام أوحتى أدلى إستفسار رايق ...طوالى خش لى
(إصرار غريب ...شنو يعنى حببتى ربى فى الغرام )
غايتو انا اتعلمت لمن اخش لى زول فى بوست بعاملو كأنى خاشى بيتو
وبتعامل معاهو بى صوره تليق بيهو
ومن كتر ما اتهجم علينا ناس فى الأسافير دى بقينا بنتحسس فيما وراء كل كلمه
...طريقة حمدان بدل مايفتش العمل الفنى كلو وينتقد بى طريقه بناءه طق هبش حته
انا موقن إنى ماقلتها غلط
وشرحت ليهو برضو وبالرغم من كده هاكم الحته الجابت الهوا أسمعوها تانى بالله
مقرونه بإحترامى وحأراجع طبيبى النفسى أكيد عشان أمشى لى قدام يادكتور...
....
https://soundcloud.com/mollhem-kordofan/zg6bvdhrcujq
|
Post: #21
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-08-2013, 00:31 AM
Parent: #19
ماتاكنى حنك ساى ياعثمان ...
أحسن من أبو اللمين لا ...
ابو اللمين قمه جباره من قمم الفن السودانى ونحنا مابنحى اثر تراب فى رجلو
شفت كيف
وحصل خير تب وانا الحمد لله مافى قلبى حاجه وياخى أدينى يدك اشد عليها واقول ليك تسلم
...
الحتت البتضرس حاحاول اتعامل معاها بى جديه فى البروفات وقبل الماستر
وحاشيل الحاجات الماحلوه وحادقق فى إخراج الحروف بطريقه واضحه
مازى حسن عطيه عليه رحمة الله
تحليه ...
النقد البناء والقاسى لمجمل العمل يدفع بى الى الأمام بلاشك
ادينى النجيضه فى الحاجات الجايه ياعثمان
احترامى
|
Post: #24
Title: Re: أغانى جديده ..مستحيل تكونوا سمعتوها1- (أمى الحبيبه)
Author: ملهم كردفان
Date: 09-10-2013, 06:34 PM
Parent: #21
الى اللقاء فى المنظومه القادمه (هل من مزيد) ....
|
|