Post: #1 Title: روعة .. شاهدوا صيانة لخط سكة حديدية بالنمسا .. Author: الأمين عبد الرحمن عيسى Date: 09-02-2013, 08:50 AM
Post: #2 Title: Re: روعة .. شاهدوا صيانة لخط سكة حديدية بالنمسا .. Author: الأمين عبد الرحمن عيسى Date: 09-02-2013, 04:18 PM Parent: #1
Quote: شوف العالم دى وصلت وين واحنا لسه فى اخنق فطس وتحت الجزمه
يا راجل هون عليك الزعل دة كان تابعتو بتتعب كتير.. أولا شكرا ليك كتير على التصحيح وتانيا تابع معانا شوف السودان كان كيف وبقى كيف بالذات في السكة حديد.. تحياتي الأخ ناصر
Post: #3 Title: Re: روعة .. شاهدوا صيانة لخط سكة حديدية بالنمسا .. Author: الأمين عبد الرحمن عيسى Date: 09-02-2013, 04:34 PM Parent: #2
رجال أشداء حملوا القضبان الحديدية على أك########م وحفروا الطين ومهدوا لأضخم سكك حديدية في إفريقيا..
يا الأمين سلام. أنا عاوز أشتري سكك حديد السودان ! ممكن تشوف لي الجماعة ديل يجوا يعملوا لينا صيانة لخط نيالا بابنوسة والقضارف بورتسودان؟ شغل نضيف ما شاء الله. تحياتي.
بعد شوية الناس ديل ح يستغنوا عن الانسان ويخلوه بس للترفيه وبالكتير المراقبة
تحياتي
Post: #6 Title: Re: روعة .. شاهدوا صيانة لخط سكة حديدية بالنمسا .. Author: الأمين عبد الرحمن عيسى Date: 09-03-2013, 08:47 AM Parent: #5
Quote: يا الأمين سلام. أنا عاوز أشتري سكك حديد السودان !
تعرف يا أخ الكباشي الإنجليز لما شيدوا خطوط السكك الحديدية في السودان والتي اكتملت عام 1925 بتشييد خط سنار القضارف كسلا بورتسودان جات شركات عديدة أوربية عرضت على الحكومة شراء وتشغيل الخطوط لحسابها.. لكن حكومة السودان ( الإستعمارية آنذاك) رفضت وكانت السكة حديد ومشروع الجزيرة وميناء بورتسودان بيدخلوا للحكومة 82% من ميزانية والحكومة ما كانت محتاجة لفرض ضرائب مباشرة أو غير مباشرة على المواطنين إلا في حدود 18%. شوف كنا كيف وبقينا كيف؟؟ تحياتي وتقديري الكباشي الصافي ودمت. ..
Quote: بعد شوية الناس ديل ح يستغنوا عن الانسان ويخلوه بس للترفيه وبالكتير المراقبة
الأخ أبوطالب القرشي . تحياتي .. هم فعلا إستغنوا عن تكليف الإنسان بالأعمال الشاقة وخلوه فقط يعمل بعقله.. ومؤكد بيتمتع بالكثير من الراحة والترفيه.... .. عملية الصيانة دي زي ما مكتوب في الفيديو كانت لجزء من الخط طوله 3615 متر تمت في مدة خمسة أسابيع، والخط ده بيمر عليه يوميا 115 قطار، بتنقل حمولة قدرها 46 ألف طن .
Post: #7 Title: Re: روعة .. شاهدوا صيانة لخط سكة حديدية بالنمسا .. Author: الأمين عبد الرحمن عيسى Date: 09-03-2013, 08:38 PM Parent: #6
ويعد أن شيد العظماء شبكة للسكك الحديدية تنافس على امتلاكها كبار المستثمرين في أوربا .. وبعد أن كانت السكك الحديدية أكبر مورد للدخل لحكومة السودان.. أتينا نحن فقضينا عليها.. أجهزنا على مؤسسة كان من الممكن أن تتطور فتغطي من السودان كل القارة الإفريقية غربا وجنوبا..
