Post: #1 Title: مرتضى منصور ... طوربيد الإعلام المصري Author: محمد البشرى الخضر Date: 09-01-2013, 07:33 PM
مبالغة ... عندو سي دي أو ملف فضايح لي اي واحد, الناس دي كلّها - ما عدا جماعة السيسي طبعا - شواذ وحرامية وبتاعين بنقو سيب الأخوان, حتى رموز خمسة وعشرين يناير البرادعي, شباب ستة ابريل, وائل غنيم العالم دي كلّها عندو مرتشية وخونة ومشوا اسرائيل الآن صار مرتضى منصور نجم شباك القنوات المصرية والرقم الأعلى طلبا في البرامج الحوارية!! وما عندو كبير ينبح يا عدلي منصور ويا ببلاوي انت نايم ليه و يا فلان ويا علان, بس بجي عند السيسي و وزير الداخلية بفرمل ويتكلم بأدب أو بعمل رايح
الكليب طويل غايتو العندو وقت الله يعينه عليه
Post: #2 Title: Re: مرتضى منصور ... طوربيد الإعلام المصري Author: محمد البشرى الخضر Date: 09-01-2013, 07:39 PM Parent: #1
لقطات سريعة للمستعجلين
عجبني للقرموطي يستاهل هههههههههه
شوف ابتزاز السيد البدوي في بداية الكليب وأخونة وائل غنيم .. طربدة بالطريقة الصاح قاليك :)
Post: #3 Title: Re: مرتضى منصور ... طوربيد الإعلام المصري Author: محمد البشرى الخضر Date: 09-01-2013, 07:48 PM Parent: #2
تفسير شعار رابعة حسب تفكيره, ويقول ليك الإسلاميين مهووسين بالجنس!!
فاصل ردحي طوربيدي :)
Post: #4 Title: Re: مرتضى منصور ... طوربيد الإعلام المصري Author: محمد البشرى الخضر Date: 09-01-2013, 07:54 PM Parent: #3
دي بالتلفون كمان ههههههه
Post: #5 Title: Re: مرتضى منصور ... طوربيد الإعلام المصري Author: الامين محمد علي Date: 09-01-2013, 11:19 PM Parent: #4
الرجل تجسيد حي لفكرة الديماجوجيه،،،،،،،الغريب انه كان اول دفعته في كلية القانون ويقال انه ظاهره في مجال القانون،،،،
Post: #6 Title: Re: مرتضى منصور ... طوربيد الإعلام المصري Author: omer osman Date: 09-02-2013, 05:42 AM Parent: #5
زول قليل ادب ونحس كرهنا الزمالك زاتو من يوم ما رجلو دخلت نادي الزمالك تاني الناي ما كسب خير !!!
Post: #7 Title: Re: مرتضى منصور ... طوربيد الإعلام المصري Author: سامى عبد المطلب Date: 09-02-2013, 05:55 AM Parent: #6
كان كدى طوربيدنا زينه .....!
Post: #8 Title: Re: مرتضى منصور ... طوربيد الإعلام المصري Author: Mirghani Taitawi Date: 09-02-2013, 06:11 AM Parent: #7
Quote: زول قليل ادب ونحس كرهنا الزمالك زاتو من يوم ما رجلو دخلت نادي الزمالك تاني الناي ما كسب خير !!!
فعلاً .. الزول دا ما بيعرف يعيش فى جو هادي .. كلو مشاكل × مشاكل. زنقة وقفتو مع نظام مبارك فى 25 يناير وموقعة الجميل والضيق الدخل فيهو خلاهو يغني للسيسي وجماعتو ويشتم كل من له خلاف مع السيسي أو العسكر. وزيرة الاعلام أصدرت قرار بمنعه من الظهور فى كل القنوات.. يعني مافى راحة لناس بيتو.
Post: #9 Title: Re: مرتضى منصور ... طوربيد الإعلام المصري Author: ahmedona Date: 09-02-2013, 06:16 AM Parent: #8
كنترول قناة الفراعين .. شاهد و إسمع ما لن تتخيله .. عكاشة يخدع الملايين يوميا مع مرتضى منصور
Post: #10 Title: Re: مرتضى منصور ... طوربيد الإعلام المصري Author: Al Sunda Date: 09-02-2013, 08:45 AM Parent: #9
Quote: علم صدى البلد من مصدر قوي داخل اتحاد الإذاعة والتليفزيون أن وزيرة الإعلام درية شرف الدين أصدرت قراراً عصر الأحد بمنع استضافة المستشار مرتضى منصور سواء في البرامج الاذاعية أو التليفزيون سواء باستضافته شخصيا أو عن طريق المكالمات الهاتفية . وكلفت وزيرة الإعلام ،عصام الأمير رئيس اتحاد الاذاعة والتليفزيون بمتابعة تنفيذ هذا القرار بداية من اليوم الأحد أول سبتمبر دون إبداء سبب واضح لهذا القرار .
سيد الخيط ومشاركوه سلام نرتاح من صفاقة هذا المستشار
Post: #11 Title: Re: مرتضى منصور ... طوربيد الإعلام المصري Author: محمد البشرى الخضر Date: 09-02-2013, 08:22 PM Parent: #10
Quote: الغريب انه كان اول دفعته في كلية القانون ويقال انه ظاهره في مجال القانون،،،،
دي يا محمد الأمين زي ما يقول ليك عن طرابيدنا هنا أخو أخوان وأهل واجب ومش عارف إيه, أو تقرأ زي القلم ما بزيل بلم وإن كانت بعيدة شوية, مؤهلات مرتضى منصور و ذكاؤه لم يمنعه هذا الإنحطاط أو يعصمه عن هذا السقوط الفظيع
يا جنابو قصص مرتضى منصور مع الزمالك و الصراعات الخاضها و المازال يفعل تحير الما بتحير, وانت مالك كمان على الزمالك :)
زينة وين يا سمسم ياها نفس المدرسة الواطية
Quote: وزيرة الاعلام أصدرت قرار بمنعه من الظهور فى كل القنوات
اعتقد سلطات الوزيرة حدها التلفزيون المصري الحكومي و الفضائية المصرية فقط, المفروض يمنع بقرار صادر عن محكمة في معرض قضايا ترفع عليه, اسي بقرار الوزيرة يعمل بطل ويملانا فقر أكتر مما يفعل الآن
Quote: عكاشة يخدع الملايين يوميا
داكمان حكاية براها سموه قذافي الإعلام المصري من شدة الترهات و الخزعبلات والمالي بيها الدنيا
وعليكم السلام السندا, برضو اصحاب الحق الشتمهم ديل حقو يقاضوه عشان يتحاسب حساب حقيقي, منعه الظهور وحده لا يكفي
Post: #12 Title: Re: مرتضى منصور ... طوربيد الإعلام المصري Author: محمد البشرى الخضر Date: 09-02-2013, 08:29 PM Parent: #11
هل لمرتضى منصور علاقة بمباحث أمن الدولة أو المخابرات العامة؟؟ زميل مصري كل ما تحي سيرة الموضوع دا يصر أن مرتضى منصور عميل امن دولة, وإلاّ فمن اين لشخص عادي ليست له وظيفة حكومية أن يصل لملفات حساسة بعضها شخصي ويشبه اسلوب مخابرات صلاح نصر في ايقاع خصومهم وتسجيل اسرارهم وابتزازهم بها وحهة نظر برضك, وإن كنت انا لا عوّل عليها واراه مجرّد كذّاب عالي الصوت واسع الحلقوم بلسان فاتية يخيف خصومه بالكذب عليهم و ابتزازهم و يهوّل ما لديه و بعضهم من باب ترك الشارع للكلـــب السعران يتجنبونه, كما ان البعض يستغله في صراعاته ويغدق عليه صفات البطولة الزائفة ما يجعله يصدق نفسه ويزداد انتفاخا على انتفاخه
Post: #13 Title: Re: مرتضى منصور ... طوربيد الإعلام المصري Author: أمين محمد سليمان Date: 09-02-2013, 08:38 PM Parent: #12
متعة والله يا البشرى !!!! ل كن البتاع الجابو أحمدونا عن كنترول الفراعين مباااالغة !! البت دي مفروض يدوها جائزة في العليفة ... سواتها دي ما سوات نصاح... دايره تركيز و سرعة بديهة و قدرة تمثيلية هائلة
Post: #14 Title: Re: مرتضى منصور ... طوربيد الإعلام المصري Author: محمد البشرى الخضر Date: 09-02-2013, 08:52 PM Parent: #13
عاين الدرويش ود غباء التاني دا كمان يا بروف, بملّي فيه الكنترول برضو يشيل يكذّب ويبلع في ريقه و يتلفّت, بس بتاعين الكنترول ديل شطار .. وطّوا الصوت ههههههه
________________________
مالك (باند) يا بروف :)
Post: #15 Title: Re: مرتضى منصور ... طوربيد الإعلام المصري Author: أيمن محمود Date: 09-02-2013, 10:20 PM Parent: #14
هلا يا محمد مرات بتم تصميم شخصية معينة بصفات مثيرة لتقوم بدور معين وما بالضرورة تكون دي شخصيتها الحقيقية مثلاً شعبان عبد الرحيم في الغناء واللمبي في التمثيل وممكن نلقى امثلة كثيرة - وده ما بيمنع انو هم في الحقيقة ناس جادين وعارفين بيعملو في شنو ! . . بغض النظر عن طرف سوطك لاحق وين تحياتي
Post: #16 Title: Re: مرتضى منصور ... طوربيد الإعلام المصري Author: محمد البشرى الخضر Date: 09-04-2013, 05:23 PM Parent: #15
هلا ابو يمن (يا هندسة ) يعني القصة تمثيل في تمثيل!! احتمال برضك, لكن يكون جنى على نفسه لأن قلة ادبته جابت ليها عواقب قانونية شوف شتيمته لخالد صلاح و رد خالد عليه
الزول دا ما دام منعوه الظهور على الفضائيات حقو بكري يديه باسويرد هنا :) زيّو وزي أي طوربيد حايم
Post: #17 Title: Re: مرتضى منصور ... طوربيد الإعلام المصري Author: Elawad Date: 09-04-2013, 07:07 PM Parent: #16
سلام يا ود البشرى دا وضع طبيعي في ظل الديكتاتورية وأجمل مافي الموضوع جماعتنا هنا عاجبهم الحال دا. حأشيل بوستك دا وأنقله لبوست تاني ذي صلة.
Post: #18 Title: Re: مرتضى منصور ... طوربيد الإعلام المصري Author: Yasir Elsharif Date: 09-05-2013, 02:25 PM Parent: #17
سلام يا ود البشرى
لا حولااااا. الناس ديل نرجع منهم حلايب وشلاتين كيييييف؟
بالله أتاري مرتضى منصور دا للدرجة دي؟ غايتو باسم يوسف ما خاتي عليهو
and#9658; 19:14and#9658; 19:14 www.youtube.com/watch?v=noojhJqgItE 26.03.2013 - Hochgeladen von merola andro حلقة باسم يوسف الاخيرة مرتضي منصور .... باسم يوسف - البرنامج الحلقه 29 كامله - سنه حلوه يا رئيس [الحلقه الاخيره]باسم يوسف1 ...
Post: #19 Title: Re: مرتضى منصور ... طوربيد الإعلام المصري Author: محمد البشرى الخضر Date: 09-05-2013, 03:51 PM Parent: #18
هلا يا العوض .. اتخيّلت عن اي بوست تتحدّث:) حقيقة الفيديو الجابو عاطف هو القادني لفيدوهات لقاءه ميها مع عزة مصطفى
يا ياسر معركة مرتضى منصور مع باسم يوسف معركة شهيرة تناول فيها سيرة والدة باسم بدون اي مناسبة, فقط اسلوبه الطوربيدي في شتيمة وكسر عين اي من يخالفه
