صدفين شاهين اننقا .. عنوانك ده جميل مرة ايقظت فينا الكوامن .. ده احساس صادق من القلب هكذا أشعر من خلال حروفك ..
أخي شاهين .. قبل كم يوم في تلفزيون الخرطوم برنامج ( بنات طلسم ) .. البلابل ومعها اختين شبه البلابل .. غنن اغنية بالنوبية هن الخمسة .. صدقني يا شاهين أن دخلت في غيبوبة طربة انعزلت عن العالم نهائي صدقني غنانا سمح وطرب .. شوف الاصالة كيف ناس زي البلابل رغم والدهم وصل درجة وكيل وزارة وآخر عز وترف ورغم كل ذلك متمسكين بهذه النوبية ..
Quote: أخي شاهين .. قبل كم يوم في تلفزيون الخرطوم برنامج ( بنات طلسم ) .. البلابل ومعها اختين شبه البلابل .. غنن اغنية بالنوبية هن الخمسة .. صدقني يا شاهين أن دخلت في غيبوبة طربة انعزلت عن العالم نهائي
مسكاقمي ملييروني ويافيجمنو غايتو لو لقيت خيت ليها ناولونا ليهو حضرتها لقيت نفسي بنخجا براي بالجد كانت حلقة رائعه
Post: #6 Title: Re: عديلة ايها الشعب النوبى , يا اهلى واصلى وفصلى .. احبكم . Author: علي عبدالوهاب عثمان Date: 09-02-2013, 08:50 AM Parent: #5
التحية لصاحب البوست .. حامد اننقا .. صدقني أنا ما عندي أي خبرة في التكنولوجيا ( زول تربال جاي من ضواحي الدنيا ) لكن صدقني يا حامد اننقا .. صوت البلابل معجزة حقيقية .. يصرع الواحد .. الغريبة كل بنات طلسم يجدن النوبية غناء وحديثاً .. ان شاء الله احصل الاغنية دي مرة تانية في قناة الخرطوم .. يا أخي ده ابداع يدخل الواحد في غيبوبة .. تماماً كغنائهم في ( بابور كوسونا )
التحية لصاحب البوست مرة ثانية
الاستاذ عماد شمت .. اذكر اول مرة سمعت فيها اغنية عديلة كانت في مهرجان اعياد الاستقلال في دنقلا بحضور الرئيس السابق جعفر نميري افتكر عام 77 ، وغنت هذه الاغنية بنت صغيرة ( نيست اسمها يمكن هي حبوبة اليوم ) فإنتشرت الاغنية بصورة لم تحدث في تاريخ اي اغنية في المنطقة .. عماد اننقا .. يا اخي نزل لينا الكتاب ده بأي طريقة .. وكلامك يا عماد عن الاغنية ده كلام كبير وتوثيق علمي .. بالله ده كله حاصل والواحد فينا ما يعرف حاجة عنها عماد اننقا هات الجمال ده يا زول .. أصيل يا عماد انت توظف علمك في خدمة تراثك .. معليش شاهين اننقا .. حولنا البوست الى أملاك نوبية ..
Post: #7 Title: Re: عديلة ايها الشعب النوبى , يا اهلى واصلى وفصلى .. احبكم . Author: فيصل محمد خليل Date: 09-02-2013, 09:17 AM Parent: #6
بابور كُسُونا- أغنية نوبية ... البلابل
شاهين مسكاقنا
Post: #8 Title: Re: عديلة ايها الشعب النوبى , يا اهلى واصلى وفصلى .. احبكم . Author: علي عبدالوهاب عثمان Date: 09-02-2013, 09:30 AM Parent: #7
شاهين اننقا .. واصل في البوست وأجعله نفير نوبي للابداع
يا سلام يا فيصل اننقا .. يا فيصل البلابل ديل هبة من الله للنوبة .. خاصة ( وسطانية دي ) تقريباً اسمها هادية ( يمكن اصغر واحدة ) يا اخي دي نوبية بالفطرة فيها ذكاء وموهبة وتقريباً هي التي تقود باقي الاخوات .. هسع يا فيصل لحن زي دا وين في .. حزن وعمق ووفاء وغناء وكلام وصوت ونبرات وعبرات
Post: #9 Title: Re: عديلة ايها الشعب النوبى , يا اهلى واصلى وفصلى .. احبكم . Author: هشام عباس Date: 09-02-2013, 09:31 AM Parent: #7
شكرا شاهين على غذاء الروح مع الصباح دا عديلة اصبحت تعادل عند النوبة مكانة السلام الجمهورى للدول اغنية لا تنسى ولا يمل احد من ترديدها ولها مكانة خاصة جدا عندنا نحن النوبيين حتى من لا يفهمون لغتنا يدندنون بهذه الاغنية ___________ اغنية البلابل المقصودة هى اغنية بابوركسوسنا وهى اغنية حزينة تحكى وجع اغراق حلفا بالسد العالى شكرا استاذ فيصل لتنزيل الاغنية
Post: #10 Title: Re: عديلة ايها الشعب النوبى , يا اهلى واصلى وفصلى .. احبكم . Author: هشام عباس Date: 09-02-2013, 09:39 AM Parent: #9
حبيبنا على تحياتى اولا بالله عليك ..طلب منى حاول اعمل ترجمة للاغنية دى بالمناسبة الاغنية دى فيها كلام عجيب ياخى بالاخص الفقرة اللى بيخاطب فيها الجبل النوبيين
Post: #11 Title: Re: عديلة ايها الشعب النوبى , يا اهلى واصلى وفصلى .. احبكم . Author: هشام عباس Date: 09-02-2013, 09:41 AM Parent: #10
الاغنية دى برضو فيها شجن عجيب التحية لاستاذنا مكى على ادريس ..لعله بخير
Post: #12 Title: Re: عديلة ايها الشعب النوبى , يا اهلى واصلى وفصلى .. احبكم . Author: هشام عباس Date: 09-02-2013, 09:48 AM Parent: #11
Post: #13 Title: Re: عديلة ايها الشعب النوبى , يا اهلى واصلى وفصلى .. احبكم . Author: Salah Ahmed Eisa Date: 09-02-2013, 09:56 AM Parent: #9
اوووووو اننقاكووووووووو ان شاءالله جما قورندل لمدكام
Post: #14 Title: Re: عديلة ايها الشعب النوبى , يا اهلى واصلى وفصلى .. احبكم . Author: ولياب Date: 09-02-2013, 10:09 AM Parent: #13
banjo jeble wegon jeble walhe ion godo koja fekomea kane oka fatabajesga
وقال الجبل وأطلق صرخة مدوية مخاطباً أهلي ، لولا ثباتي في الأرض لكنت بحثت عنكم .
تحية لكم أيها الجمع وحبنا لكم .
Post: #15 Title: Re: عديلة ايها الشعب النوبى , يا اهلى واصلى وفصلى .. احبكم . Author: محمد مجيدو Date: 09-02-2013, 10:29 AM Parent: #14
الاخ شاهين .. والمتداخلون النوبيون الافاضل ..
يااخ .. هيجتو...اشجاننا .. والله يديكم الف عافيه ونسال الله ان يحفظ اهل النوبه الطيبين وان يحفظ تراثهم وعاداتهم وتقاليدهم السمحه من الاندثار
الاخ / فيصل ... شكرا على اختيارك الموفق لاغنية البلابل المعبره .... … تحياتي ,,, محمد عبد المجيد
Post: #16 Title: Re: عديلة ايها الشعب النوبى , يا اهلى واصلى وفصلى .. احبكم . Author: علي عبدالوهاب عثمان Date: 09-02-2013, 10:39 AM Parent: #13
شاهين اننقا .. لقد فتحت لنا كوة من الجمال والذكريات والاصالة صدقني يا شاهين نحن لمن نكون تحت اسم النوبية الواحد يتجرد من كل شيء اقول ليك اليوم واثناء ساعات العمل تركت مهام الوظيفة نهائي واليحصل يحصل جلست اسمع الروائع من هذا البوست .. ابننا هشام .. الترجمعة صعبة جداً .. ولكن ممكن الواحد يعمل قراءة للاغينة وعمقها .. وأول مرة اسمع أغنية على دبشة .. ده موت عديل .. عذاب انتظار .. وكمان مكي اختار اصعب اللحظات التي يكون فيها الانسان في قمة المعاناة الانتظار .. في بعض الاحيان من زهج الانتظار الواحد بنتظر الموت لو كان هو القادم او المخلص شكراً هشام
Post: #17 Title: Re: عديلة ايها الشعب النوبى , يا اهلى واصلى وفصلى .. احبكم . Author: هشام عباس Date: 09-02-2013, 11:23 AM Parent: #16
Quote: banjo jeble wegon jeble walhe ion godo koja fekomea kane oka fatabajesga
وقال الجبل وأطلق صرخة مدوية مخاطباً أهلي ، لولا ثباتي في الأرض لكنت بحثت عنكم .
يا سلام يا ولياب كلام غاية في التعبير بالاخص مع اللحن الحزين جدا بصوت البلابل
اشكرك
Post: #18 Title: Re: عديلة ايها الشعب النوبى , يا اهلى واصلى وفصلى .. احبكم . Author: أمير محمد ادريس Date: 09-02-2013, 11:50 AM Parent: #17
مسكاقجلو نوبا نتو...
Post: #19 Title: Re: عديلة ايها الشعب النوبى , يا اهلى واصلى وفصلى .. احبكم . Author: Mohammed Ibrahim Othman Date: 09-02-2013, 11:53 AM Parent: #17
Post: #20 Title: Re: عديلة ايها الشعب النوبى , يا اهلى واصلى وفصلى .. احبكم . Author: علي عبدالوهاب عثمان Date: 09-02-2013, 01:13 PM Parent: #19
إبننا هشام .. الترجمة دي انا فوضت وليات .. يا وليات ده شغل تمام .. كلام فيه عمق ايماني .. هذا الخيال الذي انطق الجبل الشاعر ده زول عميق .. أنظر كيف استحضر السيرة النبوية .. كيف عظم لذا الحدث الجلل الذي اصابنا والذي انطق الجبل من هول المصاب .. اخي وليات أهلنا دائماً يتمتعون بفطرة التأمل لأن الطبيعة هادئة وليس فيها ضجيج لا رعد لا مطر لا برق صوت سواقي وخرير مياه وحداء اروتي .. استنطاق الجبل سببه هدوء ففي الهدوء التأمل ... الخ
أشكركم على الاشادة بالترجمة ، ومنكم ومن صاحب البوست دائماً نستفيد ، ولا سيما يا علي عبد الوهاب شخصكم الهميم بالأمر النوبي ثقافياً وتراثياً يثري فكرنا ووجداننا .
دمتم محافظين على أحلى كلام ولكم أحلى سلام .
Post: #22 Title: Re: عديلة ايها الشعب النوبى , يا اهلى واصلى وفصلى .. احبكم . Author: عماد شمت Date: 09-03-2013, 02:08 AM Parent: #21
مسكاقجلو نوبا نتو...
استاذي علي عبدالوهاب الكتاب موجود عند اخي عبدالحكيم نصر وانا انشاء الله بخليه ينزل لينا ...
ما اي واحد فينا بينشر ثقافته للغير في ناس بتخاف وفي ناس بتخجل وفي ناس اصلو ماعندها شغله بيها .رغم اني ضعيف في الرطانة الا اني بحاول وبقدر الامكان اوصل ولو قليل
لكن نحن بنعتز بي تراثنا وتاريخنا وعلي فكرة الاوروبيين بيعرفوا النوبا كويس كتير منهم تتناقش معاهم بقوليك عارف ...
احكي ليكم قصة مرة كانت عندي حفلة في مدينة كبيرة تابعة لمدينة زيورخ فيها عدة مسارح في الشوارع
وكنت احد المشاركيين ..في الفلير كان مكتوب انه غناء سوداني افريقي عربي نوبي ..
وابتديت اغني وفي الاغنيه الرابعة جات سيدة عجوز عمرها يناهز السبعين شايلة الفلير في ايدها وجاتني جنب المسرح وقالت لي اسمع الورق ده مكتوب
فيهو غناء نوبي ..وين الغناء النوبي ؟؟؟ قلت ليها خليك واقفه انا حاغني ليك.. وبعدما انتهيت والناس كانت في غاية الفرح جاتني مرة تانيه قالت لي بعد كده انا
ممكن امشي البيت ..قلت ليها انت كيف عرفتي انا ما غنيت رطانه !!! قالت اصلو انا مشيت من القاهرة لحدي حلفا ودنقلا ورجعت بنفس الطريق .والايقاع هو الاوحي لي بان
الاغنيه النوبيه ما اتغنت !!
الاخ هشام عباس والله عندنا صاحبنا اسمه الطيب عبدالعزيز من محس الدبيبه قال اغنية عديلة دي الناس كلهم بتوحدوا في سويسرا دي وبرقصوا مع بعض كل الوان الطيف
السوداني عشان كده حنخليها السلام الجمهوري بتاع السودانيين في سويسرا ودي حقيقة يا اخوانا والله بطلبوها مني ناس الشرق والغرب والجنوب مش الرطانة عشان يمسكوا بعض ويرقصوا
التحيات الزاكيات لكل الأساتذة الاجلاء على المداخلات الثرة . التحية أ/ عماد شمت على جهد التوثيق للتراث النوبى العظيم , واتمنى منك تنزيل الكتاب حتى نتعلم ونستفيد . عاش شعبنا النوبى الصابر والرائع . مع خالص الود لكم .