Post: #1
Title: معاً ضد قانون النظام العام الانتقائي ...وقوفك يعني حرصك على حقوقك.
Author: الجنيد حمد
Date: 08-31-2013, 00:16 AM
الاحد القادم الاول من سبتمبر
فلنقف امام محكمة جبل اولياء رفضاً لقانون النظام العام الانتقائي
كل الحركات الشبابية والاحزاب السياسية ومنظمات المجتمع المدني والنشطاء الحقوقين
نرجوا التواجد امام المحكمة تضامناً مع الباشمهندسة اميرة عثمان
حضورك يعني حرصك على حقوقك
حضورك يعني حرصك على وطنك
|
Post: #2
Title: Re: معاً ضد قانون النظام العام الانتقائي ...وقوفك يعني حرصك على حقوقك.
Author: طه جعفر
Date: 08-31-2013, 05:13 AM
Parent: #1
معا من اجل الدفاع عن نساء بلادي
معا من اجل اكرام النساءالسودانيات و حمايتهن
معا من اجل إلغاء القوانين المعيبة و المقيدة للحريات و الحاطة من قدر الانسان السوداني
معا من اجل فضح قداستها الزائفة و توضيح انها قوانين سنت من اجل اذلال السودانيين و النيل من الخصوم السياسيين
شكرا جزيلا استاذ الجنيد حمد
طه جعفر
|
Post: #3
Title: Re: معاً ضد قانون النظام العام الانتقائي ...وقوفك يعني حرصك على حقوقك.
Author: تبارك شيخ الدين جبريل
Date: 08-31-2013, 05:32 AM
Parent: #2
يا اخوي نحن ضد قانون النظام العام ... حتى ولو لم يكن انتقائي ... ويجلد أم البشير لو سقط مقنعها عن رأسها .... برضو بنرفض إهانتها بهذا القانون المهين ...
... المهم ....
|
Post: #4
Title: Re: معاً ضد قانون النظام العام الانتقائي ...وقوفك يعني حرصك على حقوقك.
Author: Nagat Sid Ahmed Elshiekh
Date: 08-31-2013, 05:34 AM
Parent: #2
| Quote: معا من اجل إلغاء القوانين المعيبة و المقيدة للحريات و الحاطة من قدر الانسان السوداني |
معا من اجل إلغاء القوانين المعيبة و المقيدة للحريات و الحاطة من قدر الانسان السوداني
|
Post: #5
Title: Re: معاً ضد قانون النظام العام الانتقائي ...وقوفك يعني حرصك على حقوقك.
Author: عبدالحفيظ ابوسن
Date: 08-31-2013, 06:31 AM
Parent: #4
ضد القوانين الخاصة
ضد الإفلات من العقاب
|
Post: #6
Title: Re: معاً ضد قانون النظام العام الانتقائي ...وقوفك يعني حرصك على حقوقك.
Author: الجنيد حمد
Date: 08-31-2013, 09:32 AM
Parent: #5
تحية طيبة
شكراً
الاستاذ طه جعفر
الاستاذ تبارك شيخ الدين
الاستاذة نجاة سيد احمد
الاستاذ عبدالحفيظ ابوسن
و
معاً من اجل وطن معافى
|
Post: #7
Title: Re: معاً ضد قانون النظام العام الانتقائي ...وقوفك يعني حرصك على حقوقك.
Author: الجنيد حمد
Date: 08-31-2013, 10:42 PM
Parent: #6
فووووق
عشان بكرة يكون افضل
|
Post: #8
Title: Re: معاً ضد قانون النظام العام الانتقائي ...وقوفك يعني حرصك على حقوقك.
Author: Amani Al Ajab
Date: 08-31-2013, 10:59 PM
Parent: #7
(البت الرمت الطرحه)
الحل فى الثوره ..
الحل فى الثوره
الولد الحر والبنت الحره
يطلعو بره
الشعب الجائع للحريه
وشبعان بالحسره
وماسك لسه فى يدو الجمره
فى ناس حره وما لاقيه الكسره
فى ناس حره وغداها المويه الحاره
وحبة بصله
وبتحلى بتمره
وبرضو فى ناس بتفاوض!
آه يا حزبا نصو نظام
ونصو معارض
وسيدى وسيدك
واقفين عارض
تسلم ايادى الساده
شغل (معارض)
سيدى وسيدك
ادو تحيه ورفعوا تمام
وكلام فى كلام
وكل حاجه
تمام .. وميه الميه
ما هميه ..
انفصال، اغتصاب
ارهاب .. اباده جماعيه
وايه يعنى حلائب لما تزول
من الخارطه السودانيه
وطوفان وسيول
ولقيط مجهول
حى أو مكتول
يا شعب أكتوبر والسادس من ابريل
يا أحفاد الشعب الثائر جيل ورا جيل
انسوا الوهم الحلم
(الحمل) الكاذب
الأسمو بديل راجنوا
من زول شبعان، تريان، نديان
ومن يومو عميل
يا ثوار (كاودا) يا (فجر جديد)
يا شمسا شرقت يوم العيد
غير الشارع والف شهيد
مافى سبيل
واصلوا نضالكم واصلوا كفاحكم
مسلح ومدنى
امكن يرجع لينا شليل
ايد فوق ايد
مع شعبا جائع للحريه
تجار الدين داسوه بالجزمه
وخلوهو ذليل
ناس بتموت بالسيل والمطره
وناس غرقانه فى بحر الهجره
وناس حار بيها دليل
وين سودان عشناهو جميل
نادوس خطفوه .. نادوس باعوه
نادوس سرقوه بليل
تجار الدين وكلاب الحاكم
والمأجورين
يا ناس (كاودا) و(فجر جديد)
بالأعلام لازم تهتموا
والكلمه سلاح
تزلزل عرش الطاغية
وما ينوم مرتاح
تعرى الفاسد ليل وصباح
نظام خيبان نظام عريان
من (.....) تحتو
ومربى اللحيه
نظام مشغول بى أميره الرمت الطرحه
وسبت تجار الدين
النهبو بلدنا وماسكين سبحه
بصقت فى وجه السرقوا الفرحه
اميره الحره
فى وش أخوها النائم
كشحت مويه
عشان ما يصحى
يمرق الشارع وأهتف
يسقط يسقط تجار الدين
يسقط يسقط تجار الدين
الضبحو الوطن الغالى بالسكين
الجوعو زارع
قدميه مغروسات جوه الطين
الما ضاق راحه سنين وسنين
الأثقلو كاهلو بالهم والدين
العلو قصورهم من عرق المحتاجين
البارزه بطونهم من قوت المحرومين
الحل فى الثوره .. الحل فى الثوره
..............................
تاج السر حسين – كمبالا
28 أغسطس 2013
|
|