مدير جهاز الأمن : بسبب (وردي) تركت الجبهة الديمقراطية ..!!!

مع الجبهة الديمقراطية

انضممت للجبهة الديمقراطية كما قلت لكم سنة 1975م ولمدة عام واحد عبر جمعية الشؤون الاجتماعية كما ذكرت وكنا ننظم مناشط وكان من بين هذه المناشط التي نظمناها حفل خيري نظمناه في منتزه النيل الأزرق باسم الجمعية وكان من المفترض أن يغني فيه الفنانان (محمد وردي وخليل اسماعيل) وهذا كان مضمناً في التذاكر ، وأذكر بعد توزيع التذاكر جمعنا تبرعات كثيرة وكبيرة ولكن للأسف اكتشفنا أن اللجنة المنظمة كانت تعلم أن الفنان (محمد وردي) ما حيجي ولا حيغني وهذه كانت واحدة من الأسباب التي صدمتني في السلوك.

قرب لليسار

انا كنت اقرب لليساريين ومنهم صديقي المرحوم سيد أحمد فريجون وطبيب بيطري هو د.بابكر محمد احمد والمرحوم محمد عوض أمان ، وحاول هؤلاء أن يضموني معاهم لكن انا تأثرت بمايو وكنت مشتركاً في تنظيم طلائع مايو ورواد مايو وارتبطت بيهو شديد ، وأذكر إنو كان في حي السكة وحدة لطلائع مايو وأخرى لرائدات النهضة وقمنا نحن عملنا مجموعة سميناها (القط الأسود) وأذكر قطّعنا صور القط الأسود من مجلات سوبرمان ولصقناها في ملابسنا وبالليل سطونا على ( دار المنظمات الشبابية -كتائب رائدات - طلائع) وعملنا فيها تخريب وكان معي من اصدقائي د.صلاح عوض عبد الحليم وهو الآن اختصاصي مخ وأعصاب في مستشفى الشعب وأستاذ في جامعة الاحفاد ومعي أيضاً كمال عبد اللطيف وهو الآن مغترب في السعودية ومعي ايضا معتصم احمد فتح الرحمن يعمل الآن في القطاع الخاص وكل هذا حدث بروح المشاغبة فقط.

سلامات يا أبو حميد
غايتو الكيزان من شدة ما اتفسحوا في السودان و طبقوا في الشعب المسكين كل النظريات
ما فضل ليهم الا يجوا يحكوا ذكريات الطفولة الت-افهة التي تختلط فيها الحقيقة مع الوهم.
قط اسود و وردي و اختصاصي مخ و أعصاب و مغترب في السعودية ، ربك يعين يا زول.

سلوك جيد من السيد مدير الامن ,, فإن كان يستقيل من حزب لمجرد الكذب في حفلة ,, فماذا فعل الآن والانحراف اكبر من كذبة ?

أحمد موسى.

شايفك شغال اليومين ديل تلميع في الكيزان سااااكت.
وكمان بتحاول بتظهر فيهم الجوانب الإنسانية وعاوز تعمل من القتلة بشر.

قربت تدخل معاهم ولا لسه بتعلي في السعر؟

لعلمك يا دينق وده ما كلام زعل ....ناس المؤتمر الوطني هنا أقل واحد وعياً فيهم افهم منك
واكعب واحد فيهم اخلاقه اعلى منك وده راي شخصي
وهم شكلهم عاملين ليك عقدة ما زي عقدة نقص بتحاول تقلل منهم
هم اقله عندهم فكرة ما و داعمنها مازيك مرة يمين ومرة شمال
وتحاول تكبر بالدخول في معارك مع كبار المنبر زي لولولتك بتاعة بدرالدين احمد موسى
وكلامك عن الحزب الشيوعي داير تحاول تظهر مع الكبار
نصيحتي شوف ليك طبيب نفساني يعالج ليك عقدة الدونية دي , هي بسيطة وعلاجها في يدك

بعدين بجد كدة انت موش قلت داير تنفصل وانفصلت .؟؟؟
ياخ تاني مالك ساكي قضايانا ؟؟؟
خايف تتكلم عن الفساد الفي بلدك ؟؟؟
متخيل حيبقوك وزير لو سكت ؟؟؟
ده بعدك ... ناس الحركة البعرفهم ديل والله انت عسكري نفر مايعنوك
عارفنك خواف وقلبك كبير ... ومتملق وانتهازي ....

تحية اخي احمد
معقولة ياخي تجلينا نحن 2 وتقفز لآخر واحد فينا ترد ليهو ردين
مع اكيد الود

Quote: تحية اخي احمد معقولة ياخي تجلينا نحن 2 وتقفز لآخر واحد فينا ترد ليهو ردين مع اكيد الود

لك العتبى ابوسن زول كوستي التي احبها واحب فسيخها الحآكله بكرة ده :)
لكن صاحبي الاجنبي ده حرق دمي , مع اني كنت داير اكفله لمن يجي هنا (زيارة)

محامي السلم أحمد موسى.

أنت مش زعلت وبس، أنت عاوز تطرشق عيل كده. ردي لك أدى غرضه تماما.
أها سعرك وصل كم في السوق الكيزاني؟

والله البتقول عليهم كيزان ديل انا الاحترام البلقى عندهم مفروض اشتغل ليهم خفير وما اكون اديتهم حقهم
بالمقابل بلقى نكرات ومدعيين نضال زيك لو ما سودانيز اونلاين دي ما كان في زول سمع بيهم
ما اظنك فهمت كلامي ده لضحالة تفكيرك وصغر مخك .... قلت لي وقفت وراء قرنق واتضخمت ذاتك ؟؟؟

مدير جهاز الآمن. دا...
من شدة ما نفسه فآتحة..
بقى يفتى فى الفن والفنانين...
والديمقراطية..
والآخلاق..

يا ربى تدّرج فى السلم الوظيفى.
لغاية ما بقى مدير الجهاز...
من شنو؟

مآتوا على يّده كم وآحد؟
ولا جّنت على يده كم وآحدة

ولا حصل شنو بالضبط؟

السلام عليكم أخ أحمد ...

Quote: وأذكر إنو كان في حي السكة وحدة لطلائع مايو وأخرى لرائدات النهضة

رائدات النهضة ديل علاقتهم شنو ب طلائع مايو؟..
ديل تنظيم لفتيات الجبهة الإسلامية ظهر بعد الإنتفاضة..مع تنظيمهم بتاع الشباب ..(شباب البناء)..
الظاهر الزول خلط موية و زيت..

محمد عطا :

Quote: انا كنت اقرب لليساريين ومنهم صديقي المرحوم سيد أحمد فريجون وطبيب بيطري هو د.بابكر محمد احمد والمرحوم محمد عوض أمان ، وحاول هؤلاء أن يضموني معاهم لكن انا تأثرت بمايو وكنت مشتركاً في تنظيم طلائع مايو ورواد مايو وارتبطت بيهو شديد

ثلاثتهم أصدقاء و زملاء دفعة
صديقنا الراحل العزيز سيد أحمد فريجون ( راشد) رحل في العام 1978
وكان فنان في مجال كرة القدم و الغناء وكم أطربنا بأغنية شقيش قولي يا مروح
وهو إبن خالة صديقنا الراحل طارق الأمين ( فريجون ) المخرج التلفزيزني المعروف
وكلاهما من اولاد أمتداد الدرجة الثالثة الخرطوم

وصديقنا الراحل العزيز محمد عوض حاج أمان ، رحل في منتصف التسعينات
كان اميلنا للفلسفة و الشعر ومعجبآ ب أسامة الخواض ، وهو إبن خالة الفنان الراحل
عبدالعظيم حركة ، وكان يسكن في بيوت الأساتذة في ( الكلية المهنية العليا ) التي تحولت
إلى الجناح الجنوبي لكلية الهندسة بجامعة السودان للعلوم والتكنلوجيا

منزل محمد عوض كان يتوسط منزلناناحية الشمال في ديم القنا
ومنزل آل فريجون جنوبآ في الإمتداد ، كان راشد يمر على محمد عوض امان
ليحضرا تمرين فريقنا ، البرنس من فرق الساحة الشعبية في الديم

صديقناالدكتور بابكر محمد أحمد تزاملنا في الإبتدائي ، سكن في المايقوما

ثلاثتهم أعضاء في الجبهة الديمقراطية في مدرسة الخرطوم الجديدة الثانوية

تعرف بهم محمد عطا ، لكن الذي كان أكثر تأثيرآ عليه هو صديقنا عبدالرحمن عباس
المهندس في أبوظبي ، إبن عمك أبوالعباس الفوال الشهير في الخرطوم ، وتوطدت العلاقة
بينه ومحمد عطا بسبب الجوار كذلك

الديمقراطيين في المدرسة كانوا يتوجسون من محمد عطا

Quote: قطّعنا صور القط الأسود من مجلات سوبرمان ولصقناها في ملابسنا وبالليل سطونا على ( دار المنظمات الشبابية -كتائب رائدات - طلائع) وعملنا فيها تخريب

لاحظ لمفرداته
قطعنا
سطونا
عملنا فيها تخريب

محمد محمود محمد :

Quote: رائدات النهضة ديل علاقتهم شنو ب طلائع مايو؟.. ديل تنظيم لفتيات الجبهة الإسلامية ظهر بعد الإنتفاضة..مع تنظيمهم بتاع الشباب ..(شباب البناء).. الظاهر الزول خلط موية و زيت..

ملاحظتك سليمة ، والقصة ليست خلط موية و زيت ، ولكنها الإفصاح عن ميول مبكرة
الشاهد أن حي السكة حديد في محطة الخرطوم المجاور للخرطوم 3
كانت به واحدة من اقوى لجان إتحاد الشباب السوداني في مدينة الخرطوم